Connect with us

Maqedonia e Veriut

Spasovski-Sasolli: Reformat e suksesshme dhe metodologjia e re hapa të rëndësishëm ndaj fillimit të negociatave

Published

on

Kryeministri Oliver Spasovski sot në Bruksel pati takim me kryetarin e Parlamentit Evropian (PE) David Maria Sasolli, i cili dha mbështetje të plotë në të gjitha hapat reformuese të cilat Qeveria, Kuvendi dhe qytetarët i miratuan në periudhën e kaluar, bëri të ditur pres shërbimi qeveritar.

Në takimin, ku mori pjesë edhe zëvendëskryeministri i angazhuar për Çështje Evropiane Bujar Osmani, është theksuar se Marrëveshja e Prespës dhe Marrëveshja me Bullgarinë janë shembuj në rajon dhe shtyllë e të ardhmes evropiane të Republikës së Maqedonisë së Veriut dhe se vendi mbetet konsekuente në obligimet për zbatimin e marrëveshjeve të cilat paraqesin shembull për zgjidhjen e kontesteve dypalëshe.

“Sasolli dhe Spasovski janë dakorduar se reformat e suksesshme dhe metodologjia e re janë hapa të rëndësishëm drejt fillimit të shpejtë të negociatave për anëtarësim. Ky qëllim është i përbashkët i të gjitha institucioneve evropiane dhe pjesa më e madhe e shteteve anëtare të BE-së, ishte konstatuar në takimin”, theksohet në kumtesë.

Kryetari i PE-së ka theksuar se edhe Ballkani Perëndimor është rajon strategjik për BE-në dhe se ai gjatë vizitës në vendin tonë është bindur se qytetarët fuqimisht besojnë në BE dhe në të ardhmen evropiane. Në këtë drejtim, ka thënë Sasolli, Parlamenti Evropian do të japë kontribut të vetin për mbështetjen e Ballkanit Perëndimor në Samitin në Zagreb.

Continue Reading

Lajme

ASH mban Kuvendin e degës në Manastir, falemenderohen dhe dëgjohen sugjerimet e strukturave

Published

on

Dega e Aleancës për Shqiptarët në Manastir ka mbajtur sonte Kuvendin e degës në të cilin është raportuar për zgjedhjet e fundit lokale dhe aktivitetet që planifikohen në vijim, përcjell in7

Pas mbledhjes së Kuvendit të degës së Aleancës për Shqiptarët në Manastir, nënkryetari Remzi Mehmedi dhe deputeti Syrija Rashidi realizuan një bashkëbisedim me strukturat lokale.
Përfaqësuesit e Kresisë Qendrore falemenderuan strukturat dhe aktivistët nga Manastiri për angazhimin në procesin e fundit zgjedhor dhe aktivitetet e përgjithshme partiake, ndërsa dëgjuan edhe sugjerimet dhe propozimet e ndërsjella për veprimtarinë e mëtejme.
Falemenderim për çdo anëtarë dhe aktivist që ka kontribuar në proceset e deritanishme dhe gadishmërinë për avancimin e betejave politike, thuhet në njoftimin e Aleancës për Shqiptarët./in7.tv/

Continue Reading

Lajme

Mariçiq demanton Alternativën: BE-ja nuk ka mekanizma për hetim të rasteve gjyqësore në Maqedoni

Published

on

Në marrëveshjen të cilën e nënshkruan lideri i LSDM-së Zoran Zaev dhe kryetari i Alternativës, Afrim Gashi qëndron se do të ketë hetim ndërkombëtarë të disa rasteve gjyqësore si “Lagjja e Trimave”, “Monstra”, “Alfa” dhe “Almiri i vogël”.

Sonte ministri i Drejtësisë, Bojan Mariçiq në ClickPlus në TV21 shpjegoi se çfarë do të thotë kjo:

“Me sa di unë, këto janë rastet që janë diskutuar dhe që janë përfshirë në marrëveshjen e liderëve të dy partive. Është e logjikshme që shkaktuan një numër të madh reagimesh dhe kur të hyjmë në thelbin e çështjes do të shohim se me këtë marrëveshje nuk mund të ndikojnë në ato raste. Publiku nuk ka hapësirë për shqetësim se faktori politik, se pushteti do të përzihet në rrjedhën apo në vendime. Ne kemi pasur edhe më herët kur partitë politike kanë kërkuar monitorim, kemi pasur situata dhe me kërkesë të VMRO-DPMNE-së, kur është negociuar Ligji për Prokurorinë Publike, qeveria ka kërkuar monitorim për rastet e korrupsionit të lartë”, tha Mariçiq.

Mariçiq bëri të ditur se tashmë kanë kërkuar nga BE-ja që të kryejë ndonjë lloj hetimi, ndërsa u janë përgjigjur se nuk kanë mekanizma për të kryer hetime, por vetëm për të formuar ekip që do të monitorojë rastet. Ndërsa i njëjti monitorim sipas Mariçiq ka filluar në korrik ndërsa janë monitoruar 20 raste të tilla.

Të tjera: Mariçiq: Ata që janë të pakënaqur me vendimet gjyqësore për disa raste, t’i drejtohen Këshillit Gjyqësor.

Continue Reading

Lajme

Një familje nga Maqedonia e Veriut dëbohet nga Gjermania

Published

on

Në kuadër të masave të intensifikuara të kontrollit dhe kërkimit në zonën kufitare me Francën, efektivët e policisë federale gjermane kanë kontrolluar dje në mesditë një familje nga Maqedonia në një parking në BAB 5, afër Achernit.

Rezultoi se autoritetet përgjegjëse të imigracionit kishin lëshuar një urdhërarrest dëbimi ndaj të gjithë personave, pasi ata nuk kishin përmbushur ende kërkesën për t’u larguar nga Gjermania, informon portali Shtegu. Meqenëse kishin pasaporta të vlefshme, ata u deportuan në vendin e tyre me një fluturim nëpërmjet aeroportit Karlsruhe/Baden-Baden mbrëmjen e djeshme pas përfundimit të masave policore./Shtegu/

Continue Reading

Aktuale