Connect with us

Bota

Kina publikon studimin më të madh për koronavirusin e ri

Published

on

Zyrtarët shëndetësorë në Kinë kanë publikuar detajet e para të më shumë se 70,000 rasteve të infektuara me koronavirusin e ri, Covid-19.

Ky është studimi më i madh që prej fillimit të epidemisë.

Të dhënat nga Qendra Kineze për Kontrollin dhe Parandalimin e Sëmundjeve (CCDC) zbuluan se më shumë se 80 për qind e rasteve kanë qenë me simptoma të lehta, duke theksuar se më të rrezikuarit nga virusi janë të moshuarit.

Studimi tregon gjithashtu për një rrezik të lartë për personelin mjekësor.

Publikimi i studimit vjen pasi një drejtori i spitali në Vuhan, të martën, vdiq nga infeksioni me virus.

Liu Zhiming, 51-vjeç, ishte drejtori i Spitalit Wuchang në Vuhan – një nga spitalet kryesore në qytetin ku është epiqendra e virusit.

Ai është një nga zyrtarët më të vjetër shëndetësorë që vdiq deri më tani.

Provinca Hubei ku gjendet qyteti Vuhan, është provinca më e prekur nga virusi.

Raporti nga CCDC tregoi se niveli i vdekjeve në provincë është 2.9 për qind krahasuar me vetëm 0.4 për qind në pjesën tjetër të vendit.

Gjetjet e studimit treguan gjithashtu se niveli i përgjithshëm i vdekjeve nga virusi Covid-19 është 2.3 për qind e të infektuarve.

Të dhënat e fundit zyrtare të Kinës të publikuara të martën bëjnë të ditur se numri i përgjithshëm i vdekjeve është 1,868 dhe 72,436 infeksione.

Zyrtarët thanë se kishte 98 vdekje të reja dhe 1.886 raste të reja me infeksion, 93 prej këtyre vdekjeve dhe 1.807 nga infeksionet ishin në provincën Hubei – epiqendra e shpërthimit.

Më shumë se 12,000 njerëz janë shëruar, sipas autoriteteve kineze.

Çfarë thuhet më shumë në studim?

Hulumtimi zbuloi se epidemia arriti kulmin rreth datave 23-26 janar para se të binte më 11 shkurt.

Studimi sugjeron që tendenca e rënies së përgjithshme të epidemisë mund të nënkuptojë se “izolimi i qyteteve të tëra, transmetimi i informacionit siç është, promovimi i larjes së duarve, veshja e maskave dhe kujdesi përmes kanaleve të shumta të informimit, dhe mobilizimi shumë-sektorialë për reagimin e shpejtë po ndihmojnë në frenimin e epidemisë”.

Por, autorët thonë gjithashtu se “vendi duhet të përgatitet për rikthimin e mundshëm të epidemisë”, për arsye se shumë njerëz pritet të kthehen nga një pushim i gjatë, shkruan REL.

Pas shpërthimit të virusit, Kina bllokoi qytetin e Vuhanit dhe pjesën tjetër të provincën, si dhe zbatoi kufizime të rënda të udhëtimit për lëvizjet në të gjithë vendin.

Çfarë po ndodh me anijet e lundrimit?

Virusi është përhapur përtej territorit të Kinës në vende të ndryshme të botës dhe dy anije tani konfirmohen se mbajnë udhëtarë të prekur me virus .

Një anije në portin e Japonisë u vu në karantinë, më 3 shkurt, pasi një burrë nga Hong Kongu u testua si pozitiv.

Që atëherë më shumë se 450 nga 3,700 personat në bord janë infektuar që atëherë.

Shtetet e Bashkuara kanë filluar të evakuojnë shtetasit e saj nga anija.

Të martën edhe Koreja e Jugut iu bashkua vendeve që planifikojnë të tërheqin shtetasit e tyre nga anija. Të njëjtën masë e kanë paralajmëruar edhe Kanadaja, Australia, Izraeli dhe Hong Kongu.

Një anije e dytë, MS Westerdam ishte përzënë nga porte të shumta përreth Azisë për shkak të frikës se mund të mbante virusin.

Më në fund ajo u lejua të ndalet në Kamboxhia, pasi asnjë rast me infeksion nuk u gjet në bord.

Pasagjerët u mirëpritën personalisht nga kryeministri Hun Sen. Askush nuk u vendos në karantinë.

Megjithatë ditë më vonë, një grua që kishte qenë në anije u testua pozitive pasi mbërriti në Malajzi.

Tani po bëhen përpjekje të mëdha për të gjetur udhëtarët, të cilët janë zhvendosur në shumë vende të ndryshme, përfshirë Malajzinë dhe Tajlandën, por edhe më tej në SHBA dhe Kanada.

Disa vende kanë thënë se nuk do të pranojnë vizitorë të huaj që ishin në anije.

Koronavirusi shkakton infeksion të rëndë akut të frymëmarrjes dhe simptomat zakonisht fillojnë me ethe dhe kollë të thatë.

Dhjetëra vende të tjera të botës, përfshirë disa në Evropë, kanë raportuar raste me koronavirus.

Aktualisht nuk ka vaksinë për të.

Continue Reading

Bota

Çdo 5 minuta një fëmijë humb jetën nga SIDA

Published

on

By

UNICEF: Covid solli ndërprerjen e shërbimeve për testimin dhe trajtimin e HIV

Të dhënat globale tregojnë se situata e HIV është përkeqësuar në dy vitet e fundit, kjo edhe për shkak sepse e gjithë vëmendja është fokusuar te pandemia e Covid-19. Në raportin e UNICEF për Ditën Botërore për Luftën kundër HIV/AIDS-it ngrihet si shqetësim se “epidemia e HIV hyn në dekadën e saj të pestë, por për shkak të të Covid-19, shumë vende kanë përjetuar ndërprerje të konsiderueshme në shërbimet e HIV, duke bërë që të rritet rreziku i infektimit për fëmijët dhe gratë”.

120,000 fëmjë kanë humbur jetën nga shkaqe të lidhura me SIDA-n gjatë 2020, ose një në çdo pesë minuta.Të paktën 310 mijë fëmijë në mbarë botën u infektuan me HIV. Rreth 88% e vdekjeve të fëmijëve të lidhura me HIV/AIDS -in kanë ndodhur në Afrikën Sub-Sahariane, ndërkohë që pandemia Covid-19 po e përkeqëson edhe më shumë situatën.

Transmetimi nga nëna te fëmija, është një kontribues i rëndësishëm në përhapjen e HIV-it, rreth 9% e infeksioneve të reja globalisht shkaktohet me transmetim vertikal. Gjatë këtyre dy viteve të fundit ky tregues është rritur edhe më shumë. Sipas raportit të UNICEF testimi i HIV-it për foshnjat në vendet me prevalencë të lartë ra me 50% në 70%, ndërsa trajtimet e reja të nisura tek fëmijët nën 14 vjeç ranë nga 25% në 50%. Globalisht, aksesi në terapinë antiretrovirale është shumë i kufizuar për fëmijët. Vetëm pak më shumë se gjysma e fëmijëve me HIV kanë qasje në trajtime antiretrovirale.

Ky lloj trajtimi kontrollon shumimin e virusit brenda trupit të një personi dhe i mundëson sistemit imunitar të individit të fuqizojë kapacitetin për të luftuar infeksionet. Mjekimi me ARV zgjat jetën e të sëmurëve dhe rrit cilësinë e saj, duke e shndërruar AIDS-in në një sëmundje kronike.

Klan News

Continue Reading

Bota

Kriza me lirën shihet si mundësi për të sfiduar Erdoganin

Published

on

By

Kriza e valutës turke, lira, ka zvogëluar mbështetjen për presidentin turk, Recep Tayyip Erdogan, duke i dhënë opozitës mundësi të artë për të sfiduar liderin e shtetit – nëse fraksionet rivale mund të bashkohen, kanë thënë analistët.

Zgjedhjet e ardhshme pritet të mbahen në qershor të vitit 2023, mirëpo opozita është duke bërë thirrje për zgjedhje të parakohshme vitin e ardhshëm.

Duke qenë udhëheqës për 18 vjet, Erdogan është përballur me tentime të dështuara për puç më 2016, mirëpo tani përballet me sfida të mëdha ekonomike, meqë rritja e shkallës së inflacionit është duke prekur jetët e njerëzve.

Lira turke ka humbur më shumë se 40 për qind të vlerës kundrejt dollarit amerikan prej fillimit të këtij viti, teksa Erdogan vazhdon të mbrojë qëndrimet e tij se normat e ulëta të interesit rregullojnë inflacionin e lartë.

“Rritja e çmimeve dhe zhvlerësimi i lirës turke, bashkë me zhgënjimin publik dhe korrupsionin e përhapur, janë duke dëmtuar Qeverinë”, ka thënë Adeline Van Houtte, analiste evropiane për inteligjencë në grupin Economist.

“Disa parti janë duke garuar me ngulm kundër Erdoganit për votat konservatore dhe ato të qendrës së djathtë”.

Një burrë mban mallra në shpinë në një zonë tregtare në Stamboll, Turqi, të martën, 2 nëntor 2021. Shumë konsumatorë turq po përballen me vështirësi në rritje pasi çmimet e ushqimeve dhe mallrave të tjera janë ngritur në vitet e fundit.

Rënia e vlerës së valutës turke ka nxitur protesta javën e kaluar në Stamboll dhe kryeqytetin turk, Ankara, dhe turmat janë dëgjuar duke u ankuar për rritje të çmimeve.

“Secilën ditë ne pyesim veten si do të paguajmë qiranë, si do t’ia dalim deri në fund të muajit, çfarë çmime do të ketë në nesërmen nëpër dyqane”, ka thënë Ajshe Demirel nga Ankaraja.

Kemal Kilicdaroglu, lider i partisë kryesore opozitare, CHP, ka thënë se do të nisë organizimin e marsheve publike për të kërkuar zgjedhje të parakohshme.

“Sa më shumë vlerë që humb lira, aq më i kënaqur është Erdogan, sepse kjo situatë është në të mirë të atyre që kanë dollarë”, ka thënë Kilicdaroglu javën e kaluar.

“Ne kemi obligim që të nxjerrim qytetarët tanë nga zjarri. I them Qeverisë së Erdoganit se ka humbur aftësinë për të udhëhequr. Mos u frikësoni dhe dilni në zgjedhje”.

Mirëpo Erdogan nuk ka ndryshuar qëndrim.

“A jeni mjaftueshëm të fuqishëm për të thirrur zgjedhje të parakohshme në këtë shtet? Jo, nuk jeni!” ka thënë ai në disa komente të publikuara të hënën.

“Rritja e besimit”

Disa sondazhe kanë treguar se mbështetja për Erdoganin ka rënë.

Një prej tyre, i realizuar nga Metropoll, ka treguar se 41 për qind e turqve kanë përkrahur qasjen e tij në muajin shtator, në krahasim 48 për qind sa ka qenë në kohën e zgjedhjeve dhe gati 59 për qind më 2015.

Një tjetër sondazh i realizuar në muajin tetor ka treguar se 64 për qind e respodentëve nuk mendojnë se Qeveria e Erdoganit mund të zgjidhë problemet e shtetit.

Mirëpo i njëjti sondazh ka treguar se 55 për qind e tyre nuk mendojnë se opozita do të mund të kishte rezultat më të mirë nëse do të ishte në pushtet.

“Ende ka mungesë besimi në aftësinë e opozitës për të qeverisur, sidomos në aftësinë e saj për të menaxhuar krizën ekonomike”, ka thënë Seda Demiralp, profesoreshë e shkencave politike në Universitetin Isik.

Sipas saj, votuesit e partisë së Erdoganit, Partia për Drejtësi dhe Zhvillim (AKP), hezitojnë apo vendosin të mos votojnë për ndonjë parti tjetër” sepse nuk pëlqejnë opozitën, sidomos agjendën sekulare të partisë opozitare, CHP.

“Kriza ekonomike e ka bërë më të vështirë se kurrë që AKP të fitojë sërish, mirëpo opozita duhet të vazhdojë punën për fitim të besimit te votuesit e lëkundur të AKP-së”, ka thënë ajo për agjencinë e lajmeve AFP.

Opozitës i mungon një tjetër element kyç: një kandidat favorit për të garuar kundër Erdoganit.

“Ekonomia, gjithmonë çështje kyçe”

Partitë opozitare kanë më shumë se një të tretën e 600 ulëseve të parlamentit, derisa partia në pushtet AKP dhe partia partnere MHP kanë shumicën.

Shenjat e konsolidimit brenda opozitës – që deri më tani ka dështuar që të sfidojë seriozisht Erdoganin – mund të ndryshojnë situatën, kanë thënë analistët.

E ashtuquajtura Partia e Mirë, që i takon krahut të djathtë, është bërë bashkë me partinë CHP.

Dy grupe tjera që janë larguar nga radhët e partisë së Erdoganit, Partia e së Ardhmes dhe Partia për Demokraci dhe Progres, kanë kritikuar politikat qeveritare.

Ali Babacan, ish-ministër i Ekonomisë, ka thënë javën e kaluar në Twitter: Erdogan, ndaluni. Mjaft është mjaft… jemi duke u përmbytur”.

Seren Selvin Korkmaz, drejtore ekzekutive e Institutit IstanPol, me bazë në Stamboll, ka thënë se ekonomia gjithmonë ka ndryshuar lojën në historinë politike të Turqisë.

“Opozita ka më shumë përparësi në zgjedhjet e ardhshme, nëse partitë arrijnë të jenë bashkë dhe propozojnë agjendë të bindshme ekonomike dhe demokratike”, ka thënë ajo.

Mirëpo Houtte ka thënë se shtypja e protestave dhe ndryshimi potencial i ligjit për zgjedhjet, me qëllim të rritjes së gjasave për partinë AKP, po ashtu nënkupton se “nëse mbahen zgjedhjet e parakohshme më 2022, mundësitë e opozitës për të fituar këto zgjedhje janë secilën herë më të paqarta”.

Përgatiti: Krenare Cubolli/REL

Continue Reading

Bota

Konfirmohen pozitiv me variantin Omicron 4 persona të vaksinuar në Gjermani

Published

on

By

Konfirmohen pozitiv me variantin Omicron 4 persona të vaksinuar në Gjermani

Katër persona në Gjermaninë jugore rezultuan pozitiv për variantin e koronavirusit Omicron, pavarësisht se ishin plotësisht të vaksinuar kundër Covid-19. Kështu thanë autoritetet shëndetësore të shtetit Baden-Württemberg.

Tre nga pacientët ishin kthyer nga një udhëtim pune nga Afrika e Jugut më 26 dhe 27 nëntor, ndërsa i katërti është i afërm i njërit prej të infektuarve nga Afrika e Jugut, raporton oranews.

“Të katër janë plotësisht të vaksinuar. Analiza e bërë nga shërbimi shëndetësor shtetëror konfirmoi se të gjithë janë infektuar nga lloji i ri i virusit”, theksuan autoritetet shëndetësore, duke shtuar se të katër po shfaqin simptoma të lehta të koronavirusit dhe janë vendosur në karantinë.

Continue Reading

Aktuale