Connect with us

Maqedonia e Veriut

Hyn në fuqi Ligji i ri për efikasitet energjetik

Published

on

Ligji i ri për efikasitet energjetik, sot hyri në fuqi pasi u miratua javën e kaluar në Kuvendin e Maqedonisë së Veriut dhe u publikua në “Gazetën Zyrtare”.

Në këtë ligj, siç informojnë nga Ministria e Ekonomisë, në tërësi janë implementuar rregullat për efikasitet energjetik të Bashkimit Evropian dhe ai do të mundësojë realizimin e investimeve të nevojshme dhe masave në këtë sferë.

“Kontrollet energjetike dhe shoqëritë e lincencuara për kryerjen e kontrolleve energjetike përfundimisht do të mund të fillojnë me punë dhe me këtë në mënyrë aktive të marrin pjesë në përmirësimin e efikasitetit energjetik në shtetin tonë. Ligji i ri, krahas tjerash, në mënyrë të thuktë i rregullon kontrollet energjetike tek tregtarët e mëdhenj dhe kontrollet energjetike të ndërtesave. Konkretisht, në të ardhmen kontrollet energjetike do të bëhen prej kontrolluesve të trajnuar dhe të autorizuar për çdo sferë në veçanti – kontrollet energjetike të tregtarëve të mëdhenj nga njëra anë dhe kontrollet energjetike të ndërtesave nga ana tjetër”, sqarojnë nga Ministria e Ekonomisë.

Ligji rregullon detyrime për rikonstruimin e ndërtesave në sektorin publik në afat të mesëm dhe të gjatë, më pas obligimet për ndjekjen e konsumit dhe kursimet e energjisë nga komunat dhe personat e tjerë të sektorit publik, si dhe detyrimet lidhur me efikasitetin energjetik gjatë transmetimit, shpërndarjes dhe furnizimit me energji.

Risia është se çdo qytetar i kyçur në sistemin e energjisë solare do të ketë mundësi të shkyçet nga sistemi i ngrohjes vetëm në raste kur sistemi i ri në të cilin planifikon të kyçet siguron performanca më të mira energjetike. Më pas, qytetari duhet të sigurojë pëlqim me shkrim për shkyçje nga sistemi për ngrohje qendrore nga shumica e numrit të përgjithshëm të pronarëve të ndërtesës.

Ligji vendos risi edhe lidhur me rolin e Agjencisë për energjetikë në pjesën e mbështetjes së zhvillimit të shërbimeve energjetike përmes sigurimit të informacioneve, publikimit të model-marrëveshjeve si dhe mbështetje teknike për sektorin publik lidhur me shërbimet energjetike.

Risi ka edhe lidhur me kërkesat për theksimin e informacioneve dhe etiketës me të cilën shënohet klasa e efikasitetit energjetik dhe eko-dizajni i produkteve që përdorin energji dhe të cilat ofrohen në tregjet e shtetit.

Parashihet edhe formimi i Fondit për efikasitet energjetik si person juridik i pavarur. Mjetet e Fondit do të përdoren për financimin e projektit dhe masave për efikasitet energjetik, ndërsa kushtet detyjuese dhe mënyra e punës së Fondit do të rregullohen me ligj të veçantë.

Continue Reading

Lajme

A do të ketë vaksinim të detyrueshëm? – Flet Filipçe

Published

on

By

A do të ketë vaksinim të detyrueshëm? – Flet Filipçe

Masa për vaksinim të detyrueshëm për momentin nuk do të zbatohet, tha ministri i Shëndetësisë, Venko Filipçe, shkruan Alsat.

“Ne kemi arritur në përfundimin se kjo ngre pyetje shumë serioze në lidhje me atë se si dikush që nuk do të pranonte të vaksinohej do të ndëshkohej përfundimisht. Nga ana tjetër është një barrë e madhe financiare. Do të shohim se çfarë do të jetë shtrirja e vaksinimit me këtë rekomandim nëpërmjet mjekëve të familjes. “Ne jemi të gatshëm të japim rekomandime të tjera”, tha Filipçe./ Alsat.mk

Continue Reading

Lajme

Nga dita e sotme ndalohet përdorimi i qeseve plastike!

Published

on

By

Nga dita e sotme ndalohet përdorimi i qeseve plastike!

Shkup, 1 dhjetor – Që nga dita e sotme, me ligj ndalohet përdorimi i qeseve të plastikës. Do të shiten vetëm qese plastike të biodegradueshme me çmim prej 15 denarëve.

Sipas Ministrisë së Mjedisit Jetësor dhe Planifikimit Hapësinorë, mjetet financiare që do të mblidhen, do të shkojnë në fondin me të cilin do të investohet në mjedisin jetësorë.

Prej sot gjithashtu objektet e hotelerisë e kanë të ndaluar të përdorin plastikë në zonat e mbrojtura si në Pelister, Mavrovë, Mali Sharr, etj.

Continue Reading

Lajme

Grubi provokon Alternativën: Ne kemi marrëveshje me LSDM-në

Published

on

By

Zëvendëskryeministri Artan Grubi duke folur për të ardhmen e qeverisë potencoi se ata si parti kanë një marrëveshje me aleatin e tyre, përkatësisht me LSDM-në, për të qeverisur vendin për 4 vjet.

Zgjedhjet lokale nuk mund të kenë pasoja për qeverisjen qendrore, mazhoranca është stabile, tha Grubi.

Ai tha se me Zaevin janë arritur shumë marrëveshje dhe shumë hapa për ta çuar vendin përpara, ku Zaevi ka qenë figura kryesore për të çuar integrimin e vendit përpara. Këto komente Grubi i bëri në Tv Alsat.

Continue Reading

Aktuale