Connect with us

Lajme

Zaev: Gjyqësori po lëviz

Published

on

Zaev: Gjyqësori po lëviz

Me miratimin e Ligjit për Prokurorinë Publike, Kuvendi i Republikës së Maqedonisë së Veriut, hapi kapitull të ri në reformat në gjyqësor. Këtë e deklaroi sonte kryetari i LSDM-së, Zoran Zaev në fjalimin e tij para qytetarëve të pranishëm në marshin “Hapërojmë për drejtësi”, të mbajtur para kompleksit të gjykatave në Shkup. Ai tha se gjatë sundimit të tyre Parlamenti i miratoi Ligjet për Këshillin Gjyqësor, për Gjykatat , Ligjin për Prokurorët Publikë, Ligjin për PP-në dhe synojnë një varg ligjesh nga gjyqësori.

“Shumica e madhe e deputetëve qëndronin pas Ligjit për PP-në i cili është themel i ndërtimit të shtetit juridik të fuqishëm dhe të pavarur efikas. Pas tij qëndronin 80 deputetë, pas tij qëndronin edhe qytetarët dhe ekspertët, pas tij qëndronin miqtë tanë të BE-së dhe SHBA-së. Me këtë ligj u garantua zgjidhje gjyqësore e të gjitha proceseve të filluara gjyqësore në bazë të veprimeve korrekte dhe transparente. Të akuzuarit do të gjykohen në bazë të dëshmive të cilat ishin siguruar përgjatë veprimeve të gjata për çka indikacionet themelore ishin bisedat e përgjuara gjegjësisht bombat”, tha ish kryeministri Zoran Zaev.

Ai theksoi se nuk ka amnisti të fshehur për askënd, as për raste të vjetra, e as për këto raste. Secili që e ka shkelur ligjin, sipas Zaevit do të përballet me përgjegjësinë, gjegjësisht secili që do ta shkelë ligjin do të përballet me përgjegjësinë.

“Populli ynë është i etur për drejtësi, për drejtësi efikase, për drejtësi të shpejtë. Ajo që gjithashtu është me rëndësi është se me këtë ligj garantohet se politikanët nuk do të mund të zgjedhin prokurorë, e as të vendosin për të ardhmen e lëndëve. Ju siguroj se më nuk ka defterë, ndërsa ata që janë fajtorë për defterët e vjetër do të përgjigjen”, deklaroi Zaevi.

Sundimi i deritanishëm i LSDM-së, siç potencoi Zaevi, u dëshmua si i suksesshëm në ndërtimin e institucioneve të fuqishme dhe të pavarura.

“Me këtë jo vetëm që hapërojmë drejtë drejtësisë, hapërojmë shpejtë edhe drejtë integrimeve në BE dhe për këtë sot në mënyrë shtesë gëzohemi. Japim argument plus para aleatëve tanë në Union për sigurimin e fillimit të shumëpritur të negociatave. Tregojmë se dimë se mund të bëjmë reforma të rëndësishme për qytetarët, të rëndësishme për shtetin, të rëndësishme për të ardhmen tonë evropiane”, theksoi Zaevi.

Pas përmbushjes së reformave gjyqësore dhe miratimin e ligjit të shumëpritur, kryetari i LSDM-së, Zoran Zaev, tha se tani e ka radhën BE-ja dhe vendet e saj anëtare që t’i përmbushin premtimet e tyre dhe përfundimisht t’i hapin kapitujt e parë. Ai në fjalimin e tij nuk harroi ta përmendë edhe vitin 2017 kur LSDM-ja e mori në duar pushtetin, kur në vepër u ballafaqua me shtetin e robëruar, veçanërisht në sektorin juridik në shoqërinë tonë.

“Mbetjet e gjyqësorit svarovski në vend se drejtësisë së zbatuar ishin frenuesit e saj. Ato mbetje me vetëdije lenin që procedurat të zvarriteshin, veprat të vjetërsoheshin dhe të shmangej zgjidhja gjithkund ku mundej. Rruga deri te drejtësia është e ngadaltë dhe e rëndë, por gjyqësori svarovski në çdo mënyrë tentonte që në mënyrë shtesë ta rëndonte atë rrugë”, tha Zaevi.

LSDM-ja sonte në Shkup organizoi Marsh nën moton “Hapërojmë për drejtësi” me synimin për ndërtimin e gjyqësorit dhe prokurorisë së fuqishme, të pavarur dhe profesionale.

Marshi qytetar filloi para Kuvendit të Republikës së Maqedonisë së Veriut, ndërsa mbaroi para kompleksit të gjykatave në Shkup. Lideri i LSDM-së në marsh ishte i shoqëruar nga udhëheqësia partiake, ndërsa në të morën pjesë edhe simpatizantë dhe mbështetës të partisë.

“U bëj thirrje të gjithë ithtarëve të drejtësisë që para Kuvendit të Republikës së Maqedonisë së Veriut, të hapërojmë në emër të drejtësisë. Ju ftoj të bashkoheni në Marshin ‘Hapërojmë për drejtësi’. Le të lëvizim së bashku nga vendi ku është miratuar Ligji për Prokurorinë Publike – nga Kuvendi në vendin ku duhet të shohim mjetet përfundimtare juridike – gjykatat! ”, ka shkruar Zaev dje në profilin e tij në Fejsbuk në thirrjen për qytetarët.

Zaevi, shtoi se të vetmit kundër miratimit të Ligjit për PP-në, ishin ekzekutori Mickoski  dhe shefi i tij Gruevski dhe e gjithë udhëheqësia e VMRO-DPMNE-së.

Continue Reading

Bota

Aeroplanit i shpërthen goma gjatë aterrimit, pasagjerët në Nepal detyrohen ta shtyjnë (Video)

Published

on

Pasagjerët që po udhëtonin me një aeroplan të vogël të aviokompanisë nga Nepali, Tara Air, janë detyruar të shtyjnë aeroplanin nga pista, pasi që derisa po zbriste në pistë i kishte shpërthyer njëra gomë.

Pasagjerët e aeroplanit me 19 ulëse janë filmuar duke e shtyrë fluturaken që kishte “ngecur” në aeroportin Bajura në Kolit të Nepalit.

Personeli i aeroportit kanë vrapuar menjëherë që t’i ndihmojnë në “pilotimin” e fluturakes deri në pistë, derisa aeroplanët tjerë po qëndronin prapa tij – duke pritur që kaosi i krijuar të zhduket.

Ky aeroport nuk ka makineri për situata të tilla, kështu janë detyruar të mbështeten në pasagjerët zemërgjerë që u dolën në ndihmë.

Continue Reading

Lajme

ASH mban Kuvendin e degës në Manastir, falemenderohen dhe dëgjohen sugjerimet e strukturave

Published

on

Dega e Aleancës për Shqiptarët në Manastir ka mbajtur sonte Kuvendin e degës në të cilin është raportuar për zgjedhjet e fundit lokale dhe aktivitetet që planifikohen në vijim, përcjell in7

Pas mbledhjes së Kuvendit të degës së Aleancës për Shqiptarët në Manastir, nënkryetari Remzi Mehmedi dhe deputeti Syrija Rashidi realizuan një bashkëbisedim me strukturat lokale.
Përfaqësuesit e Kresisë Qendrore falemenderuan strukturat dhe aktivistët nga Manastiri për angazhimin në procesin e fundit zgjedhor dhe aktivitetet e përgjithshme partiake, ndërsa dëgjuan edhe sugjerimet dhe propozimet e ndërsjella për veprimtarinë e mëtejme.
Falemenderim për çdo anëtarë dhe aktivist që ka kontribuar në proceset e deritanishme dhe gadishmërinë për avancimin e betejave politike, thuhet në njoftimin e Aleancës për Shqiptarët./in7.tv/

Continue Reading

Lajme

Mariçiq demanton Alternativën: BE-ja nuk ka mekanizma për hetim të rasteve gjyqësore në Maqedoni

Published

on

Në marrëveshjen të cilën e nënshkruan lideri i LSDM-së Zoran Zaev dhe kryetari i Alternativës, Afrim Gashi qëndron se do të ketë hetim ndërkombëtarë të disa rasteve gjyqësore si “Lagjja e Trimave”, “Monstra”, “Alfa” dhe “Almiri i vogël”.

Sonte ministri i Drejtësisë, Bojan Mariçiq në ClickPlus në TV21 shpjegoi se çfarë do të thotë kjo:

“Me sa di unë, këto janë rastet që janë diskutuar dhe që janë përfshirë në marrëveshjen e liderëve të dy partive. Është e logjikshme që shkaktuan një numër të madh reagimesh dhe kur të hyjmë në thelbin e çështjes do të shohim se me këtë marrëveshje nuk mund të ndikojnë në ato raste. Publiku nuk ka hapësirë për shqetësim se faktori politik, se pushteti do të përzihet në rrjedhën apo në vendime. Ne kemi pasur edhe më herët kur partitë politike kanë kërkuar monitorim, kemi pasur situata dhe me kërkesë të VMRO-DPMNE-së, kur është negociuar Ligji për Prokurorinë Publike, qeveria ka kërkuar monitorim për rastet e korrupsionit të lartë”, tha Mariçiq.

Mariçiq bëri të ditur se tashmë kanë kërkuar nga BE-ja që të kryejë ndonjë lloj hetimi, ndërsa u janë përgjigjur se nuk kanë mekanizma për të kryer hetime, por vetëm për të formuar ekip që do të monitorojë rastet. Ndërsa i njëjti monitorim sipas Mariçiq ka filluar në korrik ndërsa janë monitoruar 20 raste të tilla.

Të tjera: Mariçiq: Ata që janë të pakënaqur me vendimet gjyqësore për disa raste, t’i drejtohen Këshillit Gjyqësor.

Continue Reading

Aktuale