Connect with us

Maqedonia e Veriut

Xhaferi: Ligji për prokurorinë publike është miratuar në mënyrë përkatëse

Published

on

Kryetari i Kuvendit Talat Xhaferi sot deklaroi se Ligji për prokurorinë publike është miratuar në procedurë përkatëse dhe se për shkak reagimit të deputetëve se nuk u është regjistruar votimi, e ka anuluar dhe ka mundësuar përsëritje të votimit.

“E para dhe themelore është që Ligji për prokurorinë publike është miratuar në mënyrë përkatëse dhe nëse aty për aty konfirmohet se deputetët janë brenda dhe reagojnë se nuk e kanë realizuar të drejtën e tyre të prononcohen, obligimi im është ta anulojë procedurën, të mundësojë reagim që për shkak gabimit teknik nuk kanë mundur ta shpreh vullnetin e vet. Për këtë arsye unë e anulova votimin dhe mundësova përsëritje të votimit që të munden deputetët që kanë reaguar, ndërsa ishin brenda ta shprehin vullnet. Në këtë kontekst nuk ka asnjë problem në pikëpamje të procedurës”, tha Xhaferi duke u përgjigjur në pyetjet e gazetarëve, a është i gatshëm për përgjegjësi nëse Gjykata Kushtetuese e anulon votimin.

Për ndryshimet dhe plotësimet Ligjit për këshillin e prokurorëve publik tha se ai ka bërë gabim dhe se në skenarin zyrtar i cili është arkivuar qëndron se ligji miratohet vetëm me shumicë të thjeshtë.

“Po unë gabova”, tha kryetari i Kuvendit në konferencën e fundit për media, sot, pas shpërndarjes së Parlamentit dhe shpalljes së zgjedhjeve dhe shtoi se është bazuar “në seancat paraprake sepse dy zgjidhje ligjore janë votuar me Badenter”.

“Duke u bazuar në këto unë thashë të përgatiten për të votuar me Badenter. Kur e pashë skenarin zyrtar, atëherë e kuptova se kisha gabuar dhe mendoj se është normale që një person në një atmosferë të tillë, në kushte të tilla, të bëjë gabim. Dhe ky është gabimi im, dhe nuk është diçka që ka ndodhur, dhe ka pasur pasoja nga ajo që thashë sepse pjesa zyrtare e skenarit që është arkivuar është ajo se ligji u miratua pa shumicë të Badenterit, pasi kështu është i rregulluar edhe në Kushtetutë. Mbi të gjitha, këto ishin ndryshime dhe plotësime në ligj, ndryshimet dhe plotësimet në ligj miratohen në të njëjtën procedurë dhe si Ligji themelor. Ligji themelor është miratuar pa Badenter, ashtu miratohen edhe plotësimet dhe ndryshimet. Kjo mund të konfirmohet si nga skenari ashtu edhe nga regjistrimet që tashmë janë publikuar”, tha Xhaferi.

Për punën e tij dhe punën e përbërjes së fundit kuvendore në Kabinetin e Xhaferit po përgatitet raport, i cili do të publikohet ueb faqen e Parlamentit.

Kësaj përbërje kuvendore pa miratuar i kanë ngelur rreth 150 pika në rend dite nga seancat e shtyra, mes të cilave ligje në lexim të parë dhe të dytë, interpretime autentike, sqarime për raporte dhe të ngjashme.

Continue Reading

Lajme

Të premten do të arrijnë në Shkup 45 viktimat e aksidentit tragjik në Bullgari

Published

on

By

Ministria e Punëve të Jashtme të Maqedonisë së Veriut për “Alsat” konfirmojnë se 45 trupat e pajetë të tragjedisë që ndodhi javën e kaluar në Bullgari, pritet të vijnë të premten më 3 dhjetor në mëngjes në Aeroportin e Shkupit.

Po këtë ditë, 45 trupat e viktimave do t’u dorëzohen familjarëve dhe pritet të bëhen edhe ceremonitë mortore.

Ndërsa analizat e ADN-së, kanë përfunduar sot dhe të 45 trupat janë identifikuar.

Nga Instituti i Mjekësisë Ligjore, gjithashtu konfirmojnë se në Sofje janë kryer të gjitha metodat krahasimore gjenetike të marra nga strishot e familjarëve dhe si rrjedhojë të gjithë trupat e pajetë tanimë kanë emra dhe dihet se cilës familje i përkasin.

Continue Reading

Lajme

A do të ketë vaksinim të detyrueshëm? – Flet Filipçe

Published

on

By

A do të ketë vaksinim të detyrueshëm? – Flet Filipçe

Masa për vaksinim të detyrueshëm për momentin nuk do të zbatohet, tha ministri i Shëndetësisë, Venko Filipçe, shkruan Alsat.

“Ne kemi arritur në përfundimin se kjo ngre pyetje shumë serioze në lidhje me atë se si dikush që nuk do të pranonte të vaksinohej do të ndëshkohej përfundimisht. Nga ana tjetër është një barrë e madhe financiare. Do të shohim se çfarë do të jetë shtrirja e vaksinimit me këtë rekomandim nëpërmjet mjekëve të familjes. “Ne jemi të gatshëm të japim rekomandime të tjera”, tha Filipçe./ Alsat.mk

Continue Reading

Lajme

Nga dita e sotme ndalohet përdorimi i qeseve plastike!

Published

on

By

Nga dita e sotme ndalohet përdorimi i qeseve plastike!

Shkup, 1 dhjetor – Që nga dita e sotme, me ligj ndalohet përdorimi i qeseve të plastikës. Do të shiten vetëm qese plastike të biodegradueshme me çmim prej 15 denarëve.

Sipas Ministrisë së Mjedisit Jetësor dhe Planifikimit Hapësinorë, mjetet financiare që do të mblidhen, do të shkojnë në fondin me të cilin do të investohet në mjedisin jetësorë.

Prej sot gjithashtu objektet e hotelerisë e kanë të ndaluar të përdorin plastikë në zonat e mbrojtura si në Pelister, Mavrovë, Mali Sharr, etj.

Continue Reading

Aktuale