Connect with us

Kosovë

Kurti për “Blick”: Qeveria jonë është një çlirim

Published

on

“Ky njeri ka një plan ambicioz. Albin Kurti ia doli”. Me këto fjalë fillon teksti hyrës i prestigjozes zvicerane BLICK, rreth intervistës që kryeministri i ri i Kosovës e ka dhënë së fundmi, përcjell in7.

Albin Kurti shpjegon se si Zvicra paraqet një model shembulli për Kosovën dhe çfarë pret ai nga shqiptarët anembanë.

Albin Kurti ia doli. Pasi Lëvizja Vetëvendosje e tij fitoi zgjedhjet në Tetor, pasoi një periudhë e gjatë bisedimesh për koalicion me të djathtët e Lidhjes Demokratike të Kosovës. Qeveria e re e Kosovës është në detyrë që prej 3 Shkurtit. “Blick” takoi të Dielën kryeministrin e ri të Kosovës në zyrën e tij në Prishtinë. Por edhe pse e Diel, Kurti për “Blick”-un zviceran theksoi se për të dhe qeverinë që ai drejton nuk do të ketë pushim derisa t’ia arrijnë qëllimit.

“Sapo kemi filluar punën tonë si qeveri e re e Kosovës. Qëllimet tona janë shumë ambicioze. Ekipi im dhe unë nuk kemi asnjë ditë për të humbur derisa gjërat të marrin drejtimin e duhur”, përcjell in7.

Më tej Kurti sqaron prioritetet e qeverisë së tij, me reforma rrënjësore të paralajmëruara në ekonomi, drejtësi, arsim, shëndetësi dhe siguri.

“Zgjedhjet e Tetorit të kaluar treguan se Republika e Kosovës ka kapacitet të madh për demokraci. Shumë më tepër se në vendet tjera rreth Ballkanit, ku është e pamundur që opozita të fitojë. Qytetarët e Kosovës patën guximin të votojnë për ndryshimin”, shtoi Kurti.

Natyrisht, pjesë e rëndësishme e intervistës ka qënë edhe Sërbia dhe marrëdhëniet e Kosovës me shtetin sërb.

“Konflikti i shekullit nuk ekziston mes shqiptarëve dhe sërbëve. Ishte një konflikt mes shtetit të Sërbisë dhe popullit shqiptar…Në njërën anë, kemi ankesat e Sërbisë sepse ka humbur territorin e Kosovës. Territor të cilin e donin pa popullin shqiptar. Në anën tjetër, kemi vuajtjet dhe dhimbjet e popullit shqiptar, jo vetëm nga lufta e fundit…Më e pakta që Sërbia mund të bëjë është ta pranojë shtetin e Kosovës. Konkretisht, duhet të arrihen dy marrëveshje për të krijuar paqe afatgjate dhe reale në rajon. E para, na duhet një marrëveshje që përfshin vlerat tona të përbashkëta si siguria, demokracia, të drejtat e njeriut, stabiliteti, zhvillimi. Kjo marrëveshje do ta ndikojë të ardhmen. Dhe një marrëveshje e pastër duhet të bëhet rreth asaj se çka ndodhi gjatë asaj lufte. Kjo marrëveshje do të sillte paqen e plotë”, ka thënë mes tjerash Albin Kurti, përcjell in7.

Kryeministri i Kosovës ka folur edhe për nevojën e rimëkëmbjes së ekonomisë, duke përfshirë këtu ndihmën e madhe që mund ta japin investitorët shqiptarë të Kosovës, të cilët jetojnë në Zvicër, Gjermani e vendet tjera të botës. Qeveria e tij, sipas Kurtit do të angazhohet maksimalisht për të sjellë në Kosovë sa më shumë investime, duke krijuar kushte që mërgimtarët të vijnë e të investojnë në Kosovë./in7.tv/

Burimi: BLICK.ch

Continue Reading

Kosovë

Vrasja e trefishtë në Gllogjan – nesër varrosen dy nxënësit

Published

on

By

Vrasja e trefishtë në Gllogjan – nesër varrosen dy nxënësit

Dy nxënësit që mbetën të vdekur mbrëmë në Gllogjan të Decanit do të varrosen nesër.

Kështu ka njoftuar kryetari i kësja komune, Bashkim Ramosaj, i cili ka treguar se ceremonia e varrimit do të fillojë në 13:30.

“Ju njoftoj se, nesër më dt.28.11.2021, në ora 13:30, do të filloj ceremonia e varrimit të Gentës dhe Ledianit, afër “Kompleksit Memorial të Dëshmorëve”, ndërsa varrimi do të bëhet në ora 14:00, në varrezat e fshatit Gllogjan!”, ka shkruar Ramosaj.

Mbrëmë kanë mbetur të vdekur tre persona pas sulmit me kallashnikov që i është bërë një autobusi që po bartte nxënës.

Të vdekur kanë mbetur shoferi i autobusit dhe dy nxënës.

Sipas të dhënave zyrtare ende nuk dihen motivet që kanë çuar në kryerjen e këtij akti, ndërsa po hetohen dy-tri pista.

Sipas njoftimit të institucioneve të sigurisë, për këtë rast mund të jenë të përfshirë disa persona.

Po ashtu, sipas njoftimeve të fundit të Policisë së Kosovës ende nuk është arrestuar askush ndonëse janë kryer disa bastisje që në orët e para të mëngjesit.

Continue Reading

Kosovë

Vendosi reklamën mbi muralin e Nexhmije Pagarushës, gjobitet biznesi në Prishtinë

Published

on

By

Një biznes në Prishtinë vendosi reklamën e tij mbi muralin e bilbilit të muzikës, Nexhmije Pagarushës, që u ‘rijetësua’ para tri javësh nga artistët e ‘Mural Fest Kosova’.

Menjëherë pas kësaj, gjatë ditës së sotme kanë ndërhyrë Inspektorati i Komunës së Prishtinës dhe Policia, për ta larguar reklamën.

Drejtori i Inspekcionit në Prishtinë, Adonis Tahiri, ka njoftuar se pas heqjes së reklamës pala është dënuar me një gjobë prej 400 eurosh.

“Reklama u hoq dhe pala u dënua! Uroj që të ngritët vetëdija e secilit, e të mos përsëriten më raste të tilla!”, ka shkruar Tahiri në një postim në Facebook.

Kujtojmë që murali i Nexhmije Pagarushës u vendos në fillimi të nëntorit, në një objekt në rrugën “Qazim Hoxha”, në Prishtinë. /abcnews.al

Continue Reading

Kosovë

Sveçla: Vrasësit i jap ultimatum të dorëzohet, po koordinohemi edhe me AKI për rastin e Gllogjanit

Published

on

By

Sveçla: Vrasësit i jap ultimatum të dorëzohet, po koordinohemi edhe me AKI për rastin e Gllogjanit

Ministri i Punëve të Brendshme të Kosovës, Xhelal Sveçla i ka dhënë ultimatum vrasësit të tre personave në Gllogjan të Deçanit që të dorëzohet sa më shpejtë në Polici.

Sveçla në një konferencë për media tha se kanë vënë në dispozicion të gjitha kapacitetet që të zbulojnë këtë rast, transmeton Telegrafi.

“Me të marrë lajmin jam kthyer në Kosovë dhe jam nisur drejt Deçanit për të takuar gjithë strukturat policore, por edhe prokurorët e rastit dhe për të shprehur gatishmërinë tonë që të vëmë në funksion gjithë kapacitetet e shtetit në zbulimin e këtij rasti, dhe lehtësimin e dhimbjeve për familjarët. Dua të bëjë ftesë të gjithë qytetarëve që për çfardo informacioni t’i drejtohen Policisë dhe rasti të zgjidhet sa më parë”, deklaroi ai, përcjell Telegrafi.

Ministri tha se Policia është duke u dakorduar edhe me Agjencinë Kosovare të Inteligjencës.

“Tashmë kemi informacione të ndryshme, të cilat policia nën direktivat e prokurorisë është duke i trajtuar. Janë dukë u trajtuar disa pista. Po ashtu, i bëj ultimatum vrasësit të dorëzohet, për shkak se për çdo ditë ai rëndon të tjerët, kushdo që ndihmon vrasësit implikohet me vepër penale. Sa më parë që dorëzohet aq më mirë për rrethin e tij. Unë mund të garantoj se jemi të vendosur që kapacitetet tona shtetërorë janë në dispozicion të zbulimit të rastit. Policia po koordinohet edhe me AKI”, u shpreh ai.

Ndryshe, mbrëmë rreth orës 19:00 është sulmuar me armë zjarri një autobus në Gllogjan të Deçanit, ku të vrarë kanë mbetur tre persona, shoferi dhe dy nxënës.

Autori i krimit ka qenë i maskuar, ndërkohë Policia është në kërkim të tij.

Policia përmes raportit 24 orësh, ka njoftuar se autobusi është sulmuar me armë zjarri që është AK-47. /Telegrafi/

Continue Reading

Aktuale