Connect with us

Maqedonia e Veriut

Ka 536 zjarrfikës më pak se sa që nevojiten me ligj

Published

on

Në shtet mungojnë 356 zjarrfikës që të arrihet minimumi i caktuar me ligj, ndërkaq mosha mesatare e automjeteve zjarrfikëse është 28 vite, tregon hulumtimi të cilin e përpunoi Qendra për komunikime qytetare.

Më së shumti zjarrfikës, mbi 200, i mungojnë Shkupit, pas çka pasojnë Tetova, ku mungojnë 65 zjarrfikës dhe Gostivari me 52 zjarrfikës më pak se të paraprit me ligj. Në Kumanovë mungojnë 49 zjarrfikës, në Manastir 32 dhe në Prilep 26 zjarrfikës.

Mes komunave me më shumë zjarrfikës se sa minimumi i paraparë me ligj janë Ohri dhe Resnja, të cilat kanë vetëm nga dy zjarrfikës më shumë se numri i caktuar minimal, si dhe Demir Hisari dhe Krusheva – me nga një zjarrfikës mbi minimumin.

Gjashtë komunat me numër të njejtë të zjarrfikësve sa minimumi ligjor janë Shtipi, Radovishi, Dellçeva, Makedonski Brodi, Probishtipi dhe Kratova.

Në pajtim me Ligjin për zjarrfikje, numri minimal i zjarrfikësve profesionistë në njësitë zjarrfikëse duhet të jetë nëntë zjarrfikës në komunat me deri 10 mijë banorë, 13 zjarrfikës në komunat prej 10 deri 15 mijë banorë dhe 17 zjarrfikës në komunat të cilat kanë nga 15 deri 24 mijë banorë. Në komunat të cilat kanë mbi 24 mijë banorë, në pajtim me ligjin, duhet të ketë një zjarrfikës profesionist në 1.500 banorë.

Lidhur me automjetet që i posedojnë njësitë zjarrfikëse në vend, hulumtimi tregon se njësitë zjarrfikëse disponojnë me gjithsej 241 automjete me moshë mesatare prej 28 viteve.

“Kjo do të thotë se automjetet që janë marrë ndërkohë nuk kanë qenë të reja dhe nuk e kanë “rinuar” auto parkun zjarrfikës në vend. Përkundrazi, gjatë vitit 2019 njësitë zjarrfikëse në vend e kanë rritur numrin e automjeteve për 26, por mosha e tyre mesatare paraqet madje 18 vite. Gjatë vitit të njejtë, janë prishur 5 automjete të vjetra. Ndërkohë nga hulumtimi i vitit të kaluar i cili tregoi gjendje shqetësuese të automjeteve zjarrfikëse në vend, me automjete “të reja” janë pajisur vetëm njësitë zjarrfikëse në Prilep (dy automjete të reja prej vitit 2019) dhe në Demir Hisar (një automjet prej vitit 2017)”, thonë nga Qendra për komunikime qytetare.

Automjete më të vjetra kanë Kratova dhe Dellçeva, ndërsa më të reja Velesi dhe Demir Hisari.

Automjete më të vjetra, mesatarisht 35 vite, ka njësia zjarrfikëse në Kratovë, e cila prej vitit të kaluar e ka zgjeruar auto parkun vozitës, por me automjete të vjetra. Me moshë të njejtë mesatare të automjeteve prej 35 viteve është edhe njësia zjarrfikëse nga Dellçeva, ndërkaq menjëherë pas tyre në vendin e tretë sipas moshës mesatare të automjeteve është Strumica, me 33 automjete. Me moshë mesatare të automjeteve zjarrfikëse prej 32 viteve janë Ohri dhe Kriva Pallanka, ndërsa mesatarisht nga 31 vite të vjetra janë automjetet zjarrfikëse të Kumanovës dhe Manastirit. Automjete më të vjetra zjarrfikëse, prej vitit 1966 kanë Vallandova dhe Strumica.

Në kundërshtim me këtë, auto park më të ri, mesatarisht nga 20 vite, kanë njësitë zjarrfikëse në Veles dhe Demir Hisar. Mes më të mirëve janë edhe Berova me 21 dhe Prilepi me 22 moshë mesatare të automjeteve zjarrfikëse.

Komuna me më pak automjete zjarrfikëse janë Makedonski Brodi, ku ka vetëm dy automjete, si dhe Demir Hisari, Berova dhe Delleçeva ku ka nga tre automjete zjarrfikëse.

Continue Reading

Lajme

Të premten do të arrijnë në Shkup 45 viktimat e aksidentit tragjik në Bullgari

Published

on

By

Ministria e Punëve të Jashtme të Maqedonisë së Veriut për “Alsat” konfirmojnë se 45 trupat e pajetë të tragjedisë që ndodhi javën e kaluar në Bullgari, pritet të vijnë të premten më 3 dhjetor në mëngjes në Aeroportin e Shkupit.

Po këtë ditë, 45 trupat e viktimave do t’u dorëzohen familjarëve dhe pritet të bëhen edhe ceremonitë mortore.

Ndërsa analizat e ADN-së, kanë përfunduar sot dhe të 45 trupat janë identifikuar.

Nga Instituti i Mjekësisë Ligjore, gjithashtu konfirmojnë se në Sofje janë kryer të gjitha metodat krahasimore gjenetike të marra nga strishot e familjarëve dhe si rrjedhojë të gjithë trupat e pajetë tanimë kanë emra dhe dihet se cilës familje i përkasin.

Continue Reading

Lajme

A do të ketë vaksinim të detyrueshëm? – Flet Filipçe

Published

on

By

A do të ketë vaksinim të detyrueshëm? – Flet Filipçe

Masa për vaksinim të detyrueshëm për momentin nuk do të zbatohet, tha ministri i Shëndetësisë, Venko Filipçe, shkruan Alsat.

“Ne kemi arritur në përfundimin se kjo ngre pyetje shumë serioze në lidhje me atë se si dikush që nuk do të pranonte të vaksinohej do të ndëshkohej përfundimisht. Nga ana tjetër është një barrë e madhe financiare. Do të shohim se çfarë do të jetë shtrirja e vaksinimit me këtë rekomandim nëpërmjet mjekëve të familjes. “Ne jemi të gatshëm të japim rekomandime të tjera”, tha Filipçe./ Alsat.mk

Continue Reading

Lajme

Nga dita e sotme ndalohet përdorimi i qeseve plastike!

Published

on

By

Nga dita e sotme ndalohet përdorimi i qeseve plastike!

Shkup, 1 dhjetor – Që nga dita e sotme, me ligj ndalohet përdorimi i qeseve të plastikës. Do të shiten vetëm qese plastike të biodegradueshme me çmim prej 15 denarëve.

Sipas Ministrisë së Mjedisit Jetësor dhe Planifikimit Hapësinorë, mjetet financiare që do të mblidhen, do të shkojnë në fondin me të cilin do të investohet në mjedisin jetësorë.

Prej sot gjithashtu objektet e hotelerisë e kanë të ndaluar të përdorin plastikë në zonat e mbrojtura si në Pelister, Mavrovë, Mali Sharr, etj.

Continue Reading

Aktuale