Connect with us

Maqedonia e Veriut

Deri në zgjedhje mbetet një pozitë e zbrazët ministrore në Ministrinë e Punës dhe Politikës Sociale

Published

on

Deri në zgjedhje pozita ministrore e Punës dhe Politikës Sociale në Qeverinë teknike do të mbetet e zbrazët pasi VMRO-DPMNE deri në shpërndarjen e djeshme të Kuvendit nuk dha propozim të ri për këtë pozitë pas shkarkimit të ministres teknike, Rashella Mizrahi.

Lideri i VMRO-DPMNE, Hristian Mickovski në konferencën për shtyp në selinë e partisë kumtoi se nuk do të propozojnë emër të ri pasi, siç tha, nuk dëshirojnë të marrin pjesë në lojërat e Zoran Zaevit dhe Oliver Spasovskit.

“Kjo ishte një procedurë në të cilën shërbëtori i Zaevit, Oliver Spasovski, në mënyrën në të cilën i shkeli të gjitha ligjet dhe marrëveshjet politike, tentoi ta fshehë momentin kur opinioni, ndërsa edhe deputetët dëgjonin se si gjegjësisht Zoran Zaev e kishte këshilluar Bojan Jovanovskin, si shpjegon se ka ditur për aktivitetin e Aleancës ndërkombëtare dhe se e ka ndihmuar punën e televizionit. Të gjithë këtë tentoi ta mbulojë me ndërrimin e ministres më të mirë në Qeveri, Rashella Mizrahi. Ne këtë akt nuk e pranojmë dhe nuk e kemi ndërmend të jemi pjesë e kësaj loje në të cilën skenaristi kryesor është Zoran Zaev, ndërsa përmbarues Spasovski”, tha Mickovski, duke iu përgjigjur pyetjes së gazetarëve.

Pas shkarkimit të Mizrahit nga Kuvendi, kryeministri treknik, Oliver Spasovski i dërgoi kërkesë VMRO-DPMNE-së për të emëruar ministër të ri të Punës dhe Politikës Sociale, por deri në shpërndarjen e Kuvendit një propozim i tillë nuk erdhi nga partia opozitare.

Në situatë të tillë, me këtë resor deri në zgjedhje duhet të udhëheqë zëvendësministrja plotësuese Sanella Shkrelj, e cila vjen si propozim i LSDM-së, ndërsa pas zgjedhjeve e deri në zgjedhjen e Qeverisë së re, udhëheqjen me këtë resor duhet ta ndërmarrë zëvendësministri i rregullt në këtë Ministri, Gjonul Bajraktar.

Ministrja teknike, Rashela Mizrahi u shkarkua me propozimin e kryeministrit teknik, Oliver Spasovski për shkak të mosrespektimit të emrit kushtetues në paraqitjet publike, gjegjësisht për shkak të tabelës me emrin “Republika e Maqedonisë” para së cilës mbajti konferenca shtypi. Qeveria kumtoi se Mizrahi ka sjellë vendime për ndryshime në personel dhe autorizime edhe më 14 shkurt, ditën kur në Kuvend u ngrit procedurë për shkarkimin e saj nga funksioni ministër teknik i Punës dhe Politikës Sociale. Këto vendime u shfuqizuan në seancën e fundit të Qeverisë.

Continue Reading

Lajme

Propozimi francez, grup i qytetarëve proteston para Qeverisë

Published

on

Pasditen e sotme para godinës së Qeverisë një grup i qytetarëve po proteston kundër propozimit të ri francez.

Protestuesit me flamuj qëndrojnë para Qeverisë, ndërkaq kërkojnë dorëheqjen e ekzekutivit, ndërsa thonë se i njëjti është i dëmshëm për interesat shtetërorë.

Përndryshe, edhe VMRO-DPMNE-ja opozitare ka paralajmëruar protesta kundër këtij propozimi me arsyetimin se qeveria pronon bullgarizimin e vendit. /Telegrafi/

Continue Reading

Lajme

Rama: Maqedonia e Veriut duhet pa rezervë ta pranojë propozimin e ri francez

Published

on

Kryeministri i Shqipërisë, Edi Rama sot ka deklaruar se Maqedonia e Veriut duhet pa rezervë të pranojë propozimin e ri francez që sipas tij është poashtu përfundimtari, ndërsa hap rrugën e negociatave për Shqipërinë dhe Maqedoninë e Veriut.

Në takimin me gazetarë, pas samitit të NATO-s që mbahet në Madrid, Rama ka shprehur përpjekjet në arritjen e marrëveshjes me të cilën hapet rruga për mbylljen zyrtare të hapjes së negociatave.

Tërë kohën, shtoi ai, kam qenë në kontakt me presidentin francez Emanuel Makron që sipas tij meriton mirënjohje të madhe pasi ai personalisht ka ndjekur këtë proces 48 orë deri në mesnatë, bile ka shkëmbyer porosi me Ramën.

“Sipas mendimit tim, propozimi i ri që është përfundimtari, patjetër ta kuptojnë mirë në Maqedoninë e Veriut është propozim plotësisht i pranueshëm dhe qeveria, shumica, parlamenti duhet ta pranojnë pa rezervë. Shoqëria në Maqedoninë e Veriut duhet të ndjehet plotësisht e lirë pasi udhëkryqi është tejkaluar dhe eliminuar me disa nuanca që e kanë bërë të papranueshëm propozimin e kaluar”, tha Rama.

Kryeministri shqiptar ka thënë se ka zhvilluar bisedë konstruktive me presidentin bullgar, Rumen Radev.

“Është shumë e qartë për të gjithë. Ne nuk kemi asnjë problem me Bullgarinë, nuk ka asnjë shqetësim të ndonjë natyre tjetër përveç shqetësimit të krijuar nga qasja e Bullgarisë ndaj Maqedonisë së Veriut dhe ngërçi i Maqedonisë së Veriut dhe Shqipërisë në një proces që mund të ishte më shumë civil dhe evropian nga Bullgaria. Por ky është uji që ka kaluar nën urë dhe me mbylljen e procesit të shqyrtimit të Maqedonisë së Veriut për propozimin francez, nuk ka asgjë për të shtuar kur bëhet fjalë për Bullgarinë. Uroj që në të ardhmen të mos kalojmë rrugë “Bullgaria”, në forma të tjera, si shprehje e deformimit të frymës së zgjerimit”, ka thënë Rama.

Kryeministri i Shqipërisë dje në rrjetet sociale njoftoi se i jepet mundësia Maqedonisë së Veriut për qasje të pa kusht dhe i hap rrugën fillimit zyrtar të negociatave për anëtarësim të dy vendeve në Bashkimin Evropian.

Ai në postimin shtoi: Vëllezërve maqedonas dhe shqiptarë në Maqedoninë e Veriut u them: Pranojeni!”, ka shkruar Rama.

Continue Reading

Lajme

Në vend të protokollit në kornizë negociuese do të ketë raporte vjetore

Published

on

Mungesa e Protokollit dypalësh në kornizën negociuese është ndryshimi më i madh në propozimin zyrtar francez, ndryshe nga draft versioni që u paraqit më herët në opinion. Në vend të Protokollit me Bullgarinë, tani në kornizë përfshihen raporte vjetore të zbatimit të Marrëveshjes së Fqinjësisë së Mirë. Sipas autoriteteve në vend, fakti që Protokolli dypalësh nuk është në kuadër të negociatave do të thotë se çështjet historike nuk do të rëndojnë procesin e negociatave.

“Sigurisht, çdo shtet anëtar i BE-së, në çdo moment të procesit nëse vendos, mund të bllokojë. Kjo është parë me shumë vendeve të tjera më herët, por ne kemi garanci, kemi shkruar në letër, të gjitha hapat e ardhshëm dhe të gjitha formatet dhe mekanizmat për zgjidhjen e mosmarrëveshjeve. Kjo është garancia jonë që asnjë vend në kokë të vet, në këtë rast edhe Bullgaria, nuk do të jetë në gjendje të thirret në veto nëse ne përmbushim obligimet tona dhe negociojmë siç përcaktohet në kornizën negociuese”, tha Bojan Mariçiq – Zëvendëskryeministër për Çështje Evropiane.

Sipas shefit të diplomacisë, Bujar Osmani, ky Protokoll në të cilin kanë punuar dy Ministritë e Punëve të Jashtme, mund të nënshkruhet nëse miratohet edhe korniza negociuese.

“Nëse Qeveria merr vendim pas procesit të konsultimit që e miraton pakon, atëherë unë mund të organizoj menjëherë një mbledhje të komisionit ndërqeveritar me Republikën e Bullgarisë dhe ta nënshkruajmë protokollin. Mendoj se kjo do të përkojë në kohë me të njëjtën ditë kur Këshilli i BE-së do të miratojë kornizën negociuese dhe gjithë këtë propozim francez”, theksoi Bujar Osmani – Ministër i Punëve të Jashtme.

Sa i përket çështjes së gjuhës, Osmani tha se për gjuhën maqedonase ka një formulim të qartë, pa sqarime shtesë. Pala bullgare mund të shprehë qëndrimin e saj për gjuhën, por ajo deklaratë e njëanshme e Sofjes do të jetë në procesverbalin e takimit në Bruksel, por jo edhe në kornizën negociuese.

Në lidhje me ndikimin e ndryshimeve kushtetuese për futjen e bullgarëve ndaj procesit të bisedimeve, Osmani tha se menjëherë mund të thirret një Konferencë Ndërqeveritare dhe të fillojë skriningu, ndërsa Konferenca e Dytë Ndërqeveritare, e cila do të shënojë fillimin e hapjes së negociatave, do të zhvillohet sapo Shkupi të njoftojë se ka përfunduar procesin e ndryshimeve kushtetuese.

Continue Reading

Aktuale