Connect with us

Maqedonia e Veriut

Mariçiq: Datën e merituam, tani përgjegjësia është e BE-së

Published

on

Nëse e miratojmë Ligjin për Prokurorinë publike, do të dërgojmë një lajm të shkëlqyeshëm dhe një sinjal të shkëlqyeshëm se Republika e Maqedonisë së Veriut mund edhe në këtë periudhë parazgjedhore të marrë vendime të vështira nëse bëhet fjalë për të ardhmen e shtetit në BE, thotë Bojan Mariçiq, koordinator kombëtar për Çështje Evropiane në Qeveri.

Ai në intervistën e të dielës për Radion Evropa e Lirë (REL) tha se vendi i ka përmbushur kushtet për negociata. “Tani mbetet në përgjegjësinë e BE-së për të marrë vendim. Ne duhet të jemi të kujdesshëm dhe nuk duhet të japim kurrfarë parashikime konkrete lidhur me datat”, vlerëson Mariçiq, sepse, siç thotë ai, në të kaluarën kjo nuk ka funksionuar.

“Ne jemi të gatshëm për negociata, i kemi përmbushur të gjitha kushtet dhe besojmë se e kemi merituar që në tetor të marrim vendim për fillimin e negociatave. Për këtë arsye është e rëndësishme ai vendim për fillimin e negociatave qytetarët ta marrin sa më shpejt të jetë e mundur, në mënyrë që ata të mund të marrin një sinjal të vërtetë nga BE që të gjitha vendimet e vështira në të kaluarën dhe të gjitha reformat e vështira me të vërtetë ia vlejtën. Ai do të ishte një mesazh i qartë për qytetarët, jo ndaj ndonjë opsioni politik, pasi mendojmë se për qytetarët është e rëndësishme sa më herët kjo të miratohet dhe a do të jetë në mars, kjo asnjë rast, nuk varet nga ne si shtet. Përndryshe sa na takon neve, unë kam thënë tashmë se që në tetor do ta merrnim atë. Sa më herët të ndodhë kjo, do të jetë pozitive për ne. Mundësia e vetme e Samitit në maj është Këshilli në mjars, kështu që varet prej tyre dhe përgjegjësia është e tyre për të sjellin vendim”, tha Mariçiq.

Në pyetjen nëse metodologjia e re do ta komplikojë apo lehtësojë procesin e negociatave të BE-së, Mariçiq me përgjigje se është e vështirë paraprakisht të thuhet se cili do të jetë roli i saj i fundit apo qëllimi përfundimtar.

“Qëllimi kryesor i kësaj metodologjie është ta lehtësojë, përshpejtojë procesin e zgjerimit dhe ta bëjë atë më thelbësor dhe më politik. Kjo do të thotë që burokracia do të ketë një rol, por faktorët politikë në institucionet evropiane, veçanërisht vendet anëtare, duhet të luajnë një rol më të madh nga se kanë pasur deri më tani. Gjithashtu, grupimi i politikave, gjegjësisht kapitujve në disa klasterë, nënkupton grupimin e temave që do të diskutohen, por edhe lidhjen e tyre të ndërsjellë. Unë pres që ky proces ta zhbllokojë situatën aktuale, e cila është e papërmbajtshme për të gjitha vendet kandidate dhe për shtetet anëtare dhe për institucionet evropiane, ndërsa se si do të rrjedhë kjo metodologji në praktikë dhe çfarë jete do i jepet kësaj metodologjie do të varet nga aktorët, si dhe për gjitha ciklet e deritanishme të negociatave të anëtarësimit”, thekson Mariçiq.

Sipas tij, Ligji për Prokurorinë publike asnjëherë nuk është vendosur si kusht për fillimin e negociatave me BE-në, në asnjë plan reformash, por çdo hap që vendi e ndërmerr për forcimin e shtetit juridik dhe sundimit të ligjit i ndihmon.

“Është përmendur disa herë nga disa shtete mike, shtetet anëtare të Unionit në kuptimin e vazhdimit të luftës kundër korrupsionit dhe krimit të organizuar dhe vazhdimit të rasteve të PSP-së para Gjykatës. Ishte i rëndësishëm dhe në këtë kuptim kanë qenë pritjet. Nuk besoj se vendimi varet nga ky ligj, por do të jetë një lajm i shkëlqyeshëm dhe një sinjal i shkëlqyeshëm që Republika e Maqedonisë së Veriut të mund edhe në këtë periudhë parazgjedhore të marrë vendime të vështira nëse bëhet fjalë për të ardhmen e shtetit në BE”, potencon Mariçiq.

Continue Reading

Lajme

ASH mban Kuvendin e degës në Manastir, falemenderohen dhe dëgjohen sugjerimet e strukturave

Published

on

Dega e Aleancës për Shqiptarët në Manastir ka mbajtur sonte Kuvendin e degës në të cilin është raportuar për zgjedhjet e fundit lokale dhe aktivitetet që planifikohen në vijim, përcjell in7

Pas mbledhjes së Kuvendit të degës së Aleancës për Shqiptarët në Manastir, nënkryetari Remzi Mehmedi dhe deputeti Syrija Rashidi realizuan një bashkëbisedim me strukturat lokale.
Përfaqësuesit e Kresisë Qendrore falemenderuan strukturat dhe aktivistët nga Manastiri për angazhimin në procesin e fundit zgjedhor dhe aktivitetet e përgjithshme partiake, ndërsa dëgjuan edhe sugjerimet dhe propozimet e ndërsjella për veprimtarinë e mëtejme.
Falemenderim për çdo anëtarë dhe aktivist që ka kontribuar në proceset e deritanishme dhe gadishmërinë për avancimin e betejave politike, thuhet në njoftimin e Aleancës për Shqiptarët./in7.tv/

Continue Reading

Lajme

Mariçiq demanton Alternativën: BE-ja nuk ka mekanizma për hetim të rasteve gjyqësore në Maqedoni

Published

on

Në marrëveshjen të cilën e nënshkruan lideri i LSDM-së Zoran Zaev dhe kryetari i Alternativës, Afrim Gashi qëndron se do të ketë hetim ndërkombëtarë të disa rasteve gjyqësore si “Lagjja e Trimave”, “Monstra”, “Alfa” dhe “Almiri i vogël”.

Sonte ministri i Drejtësisë, Bojan Mariçiq në ClickPlus në TV21 shpjegoi se çfarë do të thotë kjo:

“Me sa di unë, këto janë rastet që janë diskutuar dhe që janë përfshirë në marrëveshjen e liderëve të dy partive. Është e logjikshme që shkaktuan një numër të madh reagimesh dhe kur të hyjmë në thelbin e çështjes do të shohim se me këtë marrëveshje nuk mund të ndikojnë në ato raste. Publiku nuk ka hapësirë për shqetësim se faktori politik, se pushteti do të përzihet në rrjedhën apo në vendime. Ne kemi pasur edhe më herët kur partitë politike kanë kërkuar monitorim, kemi pasur situata dhe me kërkesë të VMRO-DPMNE-së, kur është negociuar Ligji për Prokurorinë Publike, qeveria ka kërkuar monitorim për rastet e korrupsionit të lartë”, tha Mariçiq.

Mariçiq bëri të ditur se tashmë kanë kërkuar nga BE-ja që të kryejë ndonjë lloj hetimi, ndërsa u janë përgjigjur se nuk kanë mekanizma për të kryer hetime, por vetëm për të formuar ekip që do të monitorojë rastet. Ndërsa i njëjti monitorim sipas Mariçiq ka filluar në korrik ndërsa janë monitoruar 20 raste të tilla.

Të tjera: Mariçiq: Ata që janë të pakënaqur me vendimet gjyqësore për disa raste, t’i drejtohen Këshillit Gjyqësor.

Continue Reading

Lajme

Një familje nga Maqedonia e Veriut dëbohet nga Gjermania

Published

on

Në kuadër të masave të intensifikuara të kontrollit dhe kërkimit në zonën kufitare me Francën, efektivët e policisë federale gjermane kanë kontrolluar dje në mesditë një familje nga Maqedonia në një parking në BAB 5, afër Achernit.

Rezultoi se autoritetet përgjegjëse të imigracionit kishin lëshuar një urdhërarrest dëbimi ndaj të gjithë personave, pasi ata nuk kishin përmbushur ende kërkesën për t’u larguar nga Gjermania, informon portali Shtegu. Meqenëse kishin pasaporta të vlefshme, ata u deportuan në vendin e tyre me një fluturim nëpërmjet aeroportit Karlsruhe/Baden-Baden mbrëmjen e djeshme pas përfundimit të masave policore./Shtegu/

Continue Reading

Aktuale