Connect with us

Lajme

Xhaferi ofroi takim liderësh për t’u konfirmuar zgjedhjet më 12 prill

Published

on

Seanca parlamentare e Ligjit për Prokurori publike është shtyrë për nesër në ora 11. Kryetari i Kuvendit Talat Xhaferi ka thënë se seancën e ka anuluar për shkak të numrit të paraqitur prej më shumë se 30 deputetë për diskutim dhe për shkak të ankesave të deputetëve që ka pranuar gjatë tërë ditës dhe se janë të lodhur.

Lidhur me porositë që disa deputetë ia kanë dërguar përmes Fejsbukut, Xhaferi ka thënë se ai nuk ka profil të tillë dhe ka theksuar se nëse përmes porosive të tilla thirrin se ka pasur mundësi të krijohet shumicë e re, i fton nesër në takim liderësh.

“Derisa pranoj porosi se ka mundësi të krijohet shumicë tjetër se do të jetë më e suksesshme, publikisht i ftoj liderët partiak nëse seriozisht mendojnë se kanë nevojë të krijojnë shumicë tjetër, publikisht do të organizojë përmes ftesës sime gjatë ditës së nesërme të kemi takim liderësh konform Marrëveshjes së Përzhinës, konform marrëveshjes për zgjedhje të parakohshme të 12 prillit dhe të konfirmojmë se ekziston dëshirë të mbahen zgjedhjet më 12 prill”, ka thënë Xhaferi.

Në fillm të seancës, deputeti i VMRO-DPMNE-së Nikolla Micevski është ankuar se deputetet tërë ditën janë në Kuvend, ndërsa fillojnë me punë në ora 22.

“Pritëm nga ora 9 në mëngjes për të filluar seanca në ora 22, pse, pasi duan të trafikojnë me votat e deputetëve dhe të dakordojnë punë joparimore”, ka thënë Micevski.

Koordinatori i LSDM-së Jovan Mitrevski ka thënë se veçmë dhjetë ditë tentojnë të caktojnë Komisione që janë me rëndësi për qytetarët dhe se të njëjtat nga ana tjetër caktohen dhe anulohen që në fund të kërkohet shpërbërje e Kuvendit.

Dy ligjet dje kanë kaluar në Komisionin për çështje evropiane dhe në Komisionin amë Ligjvënës- juridik.

Dy të terat e shumicës nevojiten për ligjin e PP-së, i cili nuk është kusht zyrtar për marrjen e datës për fillim të negociatave me BE-në, por nga përfaqësues të lartë evropian përmendet si sinjal pozitiv që do të mund të lëvizte procesin.

Continue Reading

Lajme

Taravari: Lëvizja BESA ka treguar dinjitet, as nuk u ulën me Zaevin dhe Ahmetin

Published

on

Sekretari gjeneral i Aleancës për Shqiptarët, Arben Taravari në emisionin Click Plus ka folur për koalicionet e ardhshme të Aleancës.
Sipas Taravarit Lëvizja Besa, ka dalë një parti serioze dhe me shumë kredibilitet, ai tha se Besa e mbajti besën dhe doli nga Qeveria dhe asnjëherë nuk pranoi të ulet me Zaevin për të biseduar, njofton Monitor.mk

Sekretari gjeneral i ASH-së, Arben Taravari ka shtuar se largimi i Besës dhe dorëheqja e Hoxhës nga pozita e ministrit e ka befasuar në aspekt pozitiv./Monitor.mk/

Continue Reading

Kosovë

Bislimi: Odaloviq ka ardhur në Bruksel, por ka ndenjur në korridore

Published

on

Zëvendëskryeministri për Integrim Evropian, Zhvillim dhe Dialog, Besnik Bislimi, ka thënë se anëtari i ekipit negociator të Serbisë në dialog, Velko Odaloviq, nuk po merr pjesë në takimet mes dy delegacioneve në kryeqytetin evropian.

Më 15 qershor të këtij viti, kryeministri i Kosovës, Albin Kurti, kishte kërkuar nga Serbia që ta heqë Odaloviqin nga ekipi negociator.

Sipas Bislimit, për të kaluarën e Odaloviqit Bashkimi Evropian nuk ka pasur informacione.

“Odaloviq nuk është pjesë e asnjë takimi ku jemi ne. Ne nuk kemi thënë që kemi probleme me përfaqësuesin e Serbisë, kemi probleme me personin Odaloviq, për të kaluarën e tij”, tha zëvendëskryeministri Besnik Bislimi në “Kallxo Përnime”.

Bislimi tha se Odaloviq ishte në listën e zezë të BE-së.

“Si duket në BE ka pasur një vakuum të madh informativ mbi të kaluarën e z. Odaloviq. Përfaqësuesit dhe negociuesit e Bashkimit Evropian as nuk kanë qenë të informuar që në vitin 2000 vetë Bashkimi Evropian e ka vendosur z. Odaloviq në listën e kuqe të personave apo të zezë, të personave që nuk mund të udhëtojnë drejt vendeve të BE-së”, deklaroi ai.

Ai ka përmendur edhe disa pretendime të tjera që, sipas tij, Odaloviqin e bëjnë jokredibil për të qenë pjesë e delegacionit në dialogun Kosovë-Serbi.

“Nuk kanë qenë të informuar mbi funksionet që ka qenë z. Odaloviq në vitet 1997-1999, nuk kanë qenë të informuar për faktin se z. Odaloviq ka qenë në listën e hetimeve nga administrata ndërkombëtare në Kosovë pas përfundimit të luftës dhe arsyet që kanë çu në pushimin e hetimeve ndaj tij. Nuk kanë qenë të informuar edhe me manipulimet e tokave që Odaloviq i ka bërë”, vlerësoi Besnik Bislimi.

Sipas Bislimit, i njëjti nuk ka hyrë asnjëherë në takimet mes dy shteteve në Bruksel.

“Bashkimi Evropian nuk i fton individët, i fton palët. BE e fton vetëm Petkoviqin, ai e cakton ekipin e tij. Odaloviq ka ardhur në Bruksel, por ka ndenjur në korridore”, deklaroi ai.

Continue Reading

Bota

SHBA-ja planifikon bojkot diplomatik të Lojërave Olimpike Dimërore në Pekin

Published

on

SHBA-ja ka njoftuar për një bojkot diplomatik të Lojërave Olimpike Dimërore në Pekin vitin e ardhshëm, raporton BBC.

Shtëpia e Bardhë ka thënë se asnjë delegacion zyrtar nuk do të dërgohet në Lojërat Olimpike për shkak të shqetësimeve për shkeljet e të drejtave të njeriut në Kinë.

Por, sportistët amerikanë do të marrin pjesë dhe do të kenë përkrahjen e plotë të qeverisë.

Kina më herët ka thënë se do të marrë kundërmasa në rast të një bojkoti.

Presidenti i SHBA-së, Joe Biden, muajin e kaluar ka thënë se po shqyrton mundësinë e bojkotit diplomatik të kësaj ngjarje.

Sekretarja për media e Shtëpisë së bardhë, Jen Psaki, ka konfirmuar bojkotin të hënën, duke thënë se derisa sportistët amerikanë do të kenë përkrahjen e plotë.

Continue Reading

Aktuale