Connect with us

Lajme

Kthehen në shtëpi ekipet nga Maqedonia që shkuan të ndihmojnë në Shqipëri

Published

on

Më shumë se 72 orë sakrificë dhe humanitet në vepër

Ekipet për shpëtim të cilët u dërguan të ndihmojnë në Shqipëri pas tërmetit katastrofal prej 6.4 shkallë janë kthyer në vend. Më shumë se 72 orë kanë punuar në detyra komplekse që të ndihmojnë autoritetet lokale në shpëtimin e të mbijetuarve nga tërmeti dhe pastrimi i terrenit. Për humanitetin e dëshmuar, sakrificën dhe profesionalizimin ata janë dekoruar nga ana e Qeverisë tonë.

Si vend fqinj, Maqedonia e Veriut ka dërguar ekip i koordinuar me Drejtorinë për Mbrojtje dhe Shpëtim (DMSH) të përbërë nga 35 pjesëtarë të forcave republikane për mbrojtje dhe shpëtim, dy pjesëtarë të Ministrisë për Punë të Brendshme bashkë me qenin kërkues Klea dhe katër pjesëtarë të Kryqit të Kuq si mbështetje logjistike. Nga qyteti i Shkupit, si qytet i solidaritetit është dërguar ekip i përbërë nga zjarrfikës dhe dy ekspertë të pajisur me dronë dhe kamera termale.

Drejt Shqipërisë janë dërguar 12 automjete mes të cilëve edhe automjete ambulante dhe kamionë me ndihmë humanitare. Ekipi i DMSH-së ka qenë i pajisur me pajisje të specializuar për detektim dhe nxjerrjen e njerëzve të ngujuar, siç janë më shumë lloje të sharrave, sëpata, pajisje alpinizmi, litarë për shpëtim, pajisje mjekësore…

Ekipet kanë qenë të locuar në Durrës ku kanë punuar në rrethana të jashtëzakonshme me qëllim të ndihmojnë të pësuarit, por për fat të keq nuk kanë mundur të nxjerrin të mbijetuar nën rrënoja.  Ekipi i DMSH-së ka gjetur një person mashkull të vdekur në ndërtesën e rrëzuar, ndërsa ekipi i Qytetit të Shkupit nuk ka arritur të tërheq të gjallë dy binjakë të moshës prej dy vjetësh, një vajzë, grua dhe një person më të moshuar invalid nga rrënojat e një shtëpie.

“Menjëherë pas arritjes së tyre, ekipi e ka marrë detyrën e parë- kërkim të personave në ndërtesën e rrëzuar. Pas vlerësimit të bërë dhe locimit nën rrënoja është nxjerrë një trup i një mashkulli veçmë të vdekur. Trupi u është dhënë autoriteteve lokale”, ka thënë për MIA, drejtori i DMSH-së, Adnan Xhaferovski.

Ai është i kënaqur me profesionalizimin që në terren kanë treguar forcat republikane për mbrojtje dhe shpëtim dhe shpreson se edhe shteti është krenar në profesionalizimin dhe sakrificën që ka treguar ekipi.

Kërkimet dhe operacionet shpëtimtare pas të mbijetuarve nga tërmeti që goditi Shqipërinë zyrtarisht kanë përfunduar më 30 nëntor.

Falënderim për ndihmën dhe sakrificën ka dërguar personalisht edhe kryeministri shqiptar Edi Rama.

“Nuk mund të gjejë fjalë për të shprehur se sa domethënës ka qenë ajo mbështetje…Ka qenë brilante se si ka reaguar Vuçiqi dhe Zaevi…të mos i përmend vëllezërit tanë nga Kosova. Brilante”, ka thënë Rama i cili është falënderuar edhe për porositë dhe mbështetjen e Hungarisë dhe Rumanisë, duke shtuar se ekipi rumun për shpëtim në Shqipëri ka ardhur me vetiniciativë.

Në tërmetin në Shqipëri, sipas të dhënave të fundit kanë humbur jetën 51 persona, ndërsa më shumë se 900 persona janë lënduar. Numrat e fundit që disponon Qeveria shqiptare janë se 5.497 janë dëmtuar rëndë, ndërsa 3.135 qytetarë janë evakuuar. Janë dëmtuar edhe 12 Qendra shëndetësore dhe hapësira për raste të njëjta në Krujë, Durrës, Laç dhe Tiranë.

Mëngjesin e hershëm të 26 nëntorit në ora 3:55, Shqipërinë e goditi tërmet me intensitet prej 6.4 shkallë sipas shkallës së Rihterit. Prej atëherë janë regjistruar mbi 1.300 tërmete më të vogla.

Por tërmeti në Shqipëri është vetëm një nga shembujt se katastrofat natyrore i bashkojnë njerëzit. Atëherë nuk është me rëndësi kush je dhe çka je, me rëndësi është të shpëtohet jetë njeriu.

 

Continue Reading

Bota

E donin djalë, çifti braktis vajzën e porsalindur

Published

on

By

E donin djalë, çifti braktis vajzën e porsalindur

Një vajzë e porsalindur është gjetur e braktisur në një kosh mbeturinash në jug të Kinës. Dyshohet se prindërit e saj e kishin lënë aty, pasi dëshironin djalë.

Sipas raportimeve të Daily Mail, foshnja ishte braktisur nga babai i saj vetëm pak orë pasi kishte ardhur në jetë, sepse familja tanimë i kishte dy vajza.

Vajza u vu re nga një pastrues rruge, i cili sapo e pa telefonoi menjëherë policinë.

Prindërit e të miturës janë arrestuar menjëherë nga policia dhe mbi to rëndon akuza e braktisjes.

Në polici, nëna e fëmijës, e identifikuar si një 21-vjeçare e quajtur Li, tregoi se ajo dhe familja e burrit ishin zhgënjyer së tepërmi kur zbuluan se kishte lindur vajzë, transmeton lajmi.net.

Ndërsa babai i quajtur Zhang, rrëfeu para hetuesve se “ëndrra e tij për të pasur një djalë u copëtua” kur lindi vajza e tretë.

Continue Reading

Lajme

Petkov: Bullgaria dhe Maqedonia e Veriut do ta festojnë bashkërisht 150 vjetorin e lindjes së Goce Dellçevit

Published

on

By

Sofje, 28 janar 2022 (MIA) – Më 4 shkurt, Bullgaria dhe Maqedonia e Veriut po përgatisin festën e përbashkët të Goce Dellçevit me rastin e 150 vjetorit të lindjes së tij, paralajmëroi kryeministri bullgar Kiril Petkov në Kuvendin popullor, njoftoi korrespondenti i MIA-s nga Sofja.

Petkov shtoi se kryeministri i Maqedonisë së Veriut Dimitar Kovaçevski është kryeministër që një javë dhe nga këto tetë ditë, katër ditë i ka kaluar me Qeverinë bullgare dhe ka shprehur dëshirën që të ketë rezultate për çështjen me Bullgarinë.

Petkov sot me kërkesë të partisë GERB u përgjigjet pyetjeve rreth takimeve me kryeministrin Kovaçevski.

Petkov tha se ministrat e Maqedonisë që kanë qëndruar në Bullgari janë në numër të madh dhe kanë bërë përparim të madh në shumicën e temave nga bisedimet me homologët e tyre bullgarë.

Në takimin e përbashkët u nënshkruan tre memorandume, në shumë fusha kyçe, përfshirë Korridorin 8, i cili sipas kryeministrit bullgar Kiril Petkov është hequr nga lista e projekteve evropiane dhe nëse të dy vendet duan ta rikthejnë atë në agjendën e BE-së, kjo do të ndodhë me punë të përbashkët, tha Petkov.

Ai tha se gjatë bisedimeve për ekonominë dhe infrastrukturën, të dyja palët kanë biseduar edhe për temat që janë të rëndësishme për Bullgarinë – të drejtat e bullgarëve në Republikën e Maqedonisë së Veriut dhe qëndrimin kornizë.

Kiril Petkov në Kuvendin Popullor të Bullgarisë tha se Kovaçevski deklaroi se nuk sheh problem me përfshirjen e bullgarëve në Kushtetutën e Maqedonisë së Veriut, pa thënë afate. Ai sqaroi se nuk po flasim më për pesë plus një, por për katër plus një kërkesë dhe kjo në vetvete është përparim.

“Një takim organizohet çdo shtatë ditë”, tha Kiril Petkov, dhe shtohet se gëzohet që edhe komisioni i përbashkët historik do të ketë tri takime në muajt e ardhshëm.

Petkov paralajmëroi se Bullgaria nuk ka ndërmend të ndryshojë asnjë anëtar të pjesës bullgare të komisionit historik. Ai tha gjithashtu se mendonte se qeveria bullgare kishte bërë një punë të mirë në ato dy javë.

Continue Reading

Lajme

Sindikata në Maqedoni kërkon që gjysmëvjetori i dytë të nis ‘online’

Published

on

By

Sindikata në Maqedoni kërkon që gjysmëvjetori i dytë të nis ‘online’

Qeveria në Maqedoninë e Veriut me rekomandim të Komisionit për Sëmundje Infektive, ka vendosur që më 1 shkurt të vazhdojë mësimi në arsimin fillor dhe të mesëm me prezencë fizike të nxënësve.

Megjithatë Sindikata e Pavarur për Arsim, Shkencë dhe Kulturë (SASHK) dje ka kërkuar rishikim të këtij vendimi.

Në të njëjtën kohë, ambientet spitalore në vend po zgjerohen dhe riorganizohen për trajtimin e pacientëve të shtruar në spital për shkak të rritjes së infektimeve, gjatë ditë të fundit.

Kryetari i SASHK-ut, Jakim Nedelkov dje në një prononcim për MIA-në tha se në kohën kur përqindja e të infektuarve me koronavirus në vend po rritet, nëse mësimi fillon me prezencë fizike, ekziston mundësia reale që virusi të përhapet shumë më shpejt.

Ai propozon që mësimi të fillojë online dhe më pas të shihet situata dhe nëse gjendja epidemiologjike ka rënie, atëherë të bëhet një vlerësim nëse ka kushte për prezencë fizike në mësim.

“Kërkojmë anulimin e vendimit, sepse besojmë se përqindja e pacientëve të rinj është në rritje çdo ditë dhe nëse nxënësit shkojnë me prezencë fizike ka mundësi reale që shkollat ​​të kthehen në grupime dhe virusi të përhapet më shpejt. Për këtë arsye, ne besojmë se një periudhë e caktuar, p.sh. dy javë, mësimi duhet të jetë online, në mënyrë që të shihen kushtet nga përhapja e virusit dhe nëse është në rënie, të bëhet një vlerësim dhe të shihet nëse ka kushte për prezencë fizike”, theksoi Nedelkov.(INA)

Continue Reading

Aktuale