Connect with us

Kosovë

Bisedimet LDK – VV nuk janë kryer / Takohen Bahtiri dhe Veliu

Published

on

Kryetari i Mitrovicës dhe anëtari i Lëvizjes Vetëvendosje, Agim Bahtiri, është shprehur i bindur se javën që po hyjmë do të arrihet marrëveshja e koalicionit mes VV-së dhe LDK-së për qeverisjen e përbashkët në mandatin katër vjeçar.

Kjo sipas tij do të ndodhë posa Albin Kurti të kthehet nga Berlini në Kosovë.

Bahtiri ka thënë se ka biseduar me nënkryetarin e LDK-së, Agim Veliu për të zhbllokuar ngërçin mes dy subjekteve politike.
“Dje jam takuar me Agim Veliun dhe kemi biseduar për këtë çështje dhe marrëveshja do të arrihet”, ka thënë ai për Express.

Ai tutje ka deklaruar se Ministria e Punëve të Brendshme do t’i takojë Vetëvendosjes.

Gazeta Insajderi ka raportuar dje se tashmë ministritë janë ndarë dhe se MPB do t’i takojë LDK-së.

Takimi i ditës së hënë mes Albin Kurtit dhe Isa Mustafës nuk arriti të prodhojë rezultatin e pritshëm për një koalicion mes dy partive.

Dy liderët nuk u pajtuan për postin e Presidentit të cilin po e kërkon LDK-ja.

Kurti dhe Mustafa në parim janë pajtuar që kabineti qeveritar të përbëhet nga 12 ministri./Insajderi.com

Continue Reading

Kosovë

Ndërron jetë ish-ushtarja e UÇK-së, Vjosa Qerimaj

Published

on

Ka ndërruar jetë sot Vjosa Qerimaj, ish-ushtare e UÇK-së dhe infermiere aso kohe.
Lajmin për vdekjes e infermieres së luftës e kanë bërë të ditur familjarë të saj.

“Motra jone Vjosa na la sot. Ajo ka sherbyer si ushtare e Ushtrise Çlirimtare te Kosoves si infermiere ne kohet me te veshtira per ushtaret e plagosur, dhe me nevoje mjekesore. Kontributi i saj nuk do te harrohet kurre, dhe do te na mbaje krenar gjithe jeten.”, shkruhet në njoftimin e tyre.

Continue Reading

Kosovë

Të pakënaqur, banorët e një fshati në Podujevë nuk e lejojnë imamin e ri të hyjë në xhami

Published

on

Banorët e fshatit Halabak të Podujevës janë të pakënaqur me imamin e ri, të përzgjedhur nga Bashkësia Islame e Kosovës.

Janë rreshtuar para xhamisë së fshatit, raporton T7.

Para se të falin namazin e së premtes, ata po sigurohen që të parandalojnë ardhjen e imamit të ri në fshatin Halabak të Podujevës.

Të vendosur se nuk e duan të përzgjedhurin e Bashkësisë Islame, ka dy të premte që ka pasur përleshje verbale kur ka ardhur imami, të cilin s’e kanë lejuar brenda xhamisë.

Prandaj, edhe këtë ditë Policia e Kosovës po e vëzhgon situatën.

Madje për këtë, banorët kanë nënshkruar një peticion dhe një sërë kërkesash për Bashkësinë Islame e po ashtu edhe për Avokatin e Popullit.

Por ankesat nuk mbarojnë.

Banorët thonë se për ta është dëshpëruese që nuk u morën parasysh nga Bashkësia Islame.

Pak kohë më pas, filloi edhe namazi i së premtës në xhami.

E atë e drejtoi imami i përzgjedhur nga banorët e fshatit.

Continue Reading

Kosovë

Drecun i përgjigjet Escobarit: Serbia nuk pranon Asociacion…

Published

on

Kryetari i Komisionit për Kosovën në Parlamentin e Serbisë, Milovan Drecun, ka thënë se për Serbinë është i papranueshëm çdo model i Asociacionit të Komunave me shumicë serbe pa kompetenca ekzekutive.

Reagimi i Drecunit, që është deputet në Parlamentin e Serbisë nga partia e Aleksandar Vuçiqit, vjen si përgjigje një deklarate të dërguarit të Posaçëm amerikan për Ballkanin Perëndimor, Gabriel Escobar, se Kosovës do t’i ofrohen disa modele të formimit të Asociacionit të komunave me shumicë serbe, pa kompetenca ekzekutive.

Drecun, siç raportojnë mediat serbe, tha se sipas Marrëveshjes së Brukselit është definuar që Asociacioni të ketë kompetenca ekzekutive duke thënë se ky organ nuk formon asnjë nivel tjetër të qeverisjes dhe se ky nuk ka qenë qëllimi i Beogradit dhe as i popullit serb.

“Escobar ka folur për atë se ndoshta duhet të mendohet që Asociacioni të jetë pa kompetenca ekzekutive, dhe se nuk duhet të ketë një nivel tjetër qeverisjeje dhe se mund të ketë një marrëdhënie tjetër bashkëpunimi mes pushteteve lokale. Ky ndoshta është një vizion i tij kornizë se si ndoshta problemi mund të zgjidhet, respektivisht që Prishtina nuk dëshiron të formojë Asociacionin”, tha Drecun.

Ai thekson se kjo është e papranueshme për Serbinë dhe rithekson se Asociacionin është i definuar me kompetenca ekzekutive që nuk nënkuptojnë asnjë nivel tjetër të qeverisjes.

Çështja e Asociacionit të Komunave me shumicë serbe do të jetë një nga temat, të cilat priten të diskutohen gjatë vizitës së të dërguarit të Posaçëm amerikan për Ballkanin Perëndimor, Gabriel Escobar, dhe nga përfaqësuesi i Posaçëm i BE-së për dialogun Kosovë-Serbi, Mirosllav Lajçak, javën e ardhshme gjatw vizitws nw Kosovw dhe Serbi.

Para vizitws nw Kosovw Escobar ka deklaruar se ShBA nxisin qeverinë e Kosovës të shqyrtojë modelet e shumta për Asociacionin.

“Ka shumë modele që funksionojnë, duke përfshirë modele të shumta që do të lejonin bashkërenditje më të mirë lokale pa një nivel tjetër të qeverisë ose pushtetit ekzekutiv. E nxisim qeverinë e Kosovës që t’i shqyrtojë me kujdes këto modele”, deklaroi Escobar.

Continue Reading

Aktuale