Connect with us

Lajme

Arrestohen 12 persona në Haraçinë dhe Gërçec (FOTO)

Published

on

Gjatë një aksioni policor në 34 lokacione në territorin e Shkupit, janë arrestuar së paku 10 persona nën dyshimet për shkaktim të rrezikut të përgjithshëm, rrezikim të personit zyrtar, trafikim të paligjshëm të lëndëve narkotike, si dhe mbajtje dhe prodhimi i paligjshëm i armëve.  Sipas MPB-së disa nga të arrestuarit dyshohen edhe për përfshirje në të shtënat e disa ditëve më parë në “ Aleksandar Palace”. Megjithatë policia dështoi të kap grupin që hapi zjarr. 3 pjesëtarët e ndaluar për këtë rast nuk janë të lidhur drejtpërdrejt me të shtënat në Aleksandar Pallas. Edhe pse policia kishte ngritur gjithë makinerinë e rëndë të saj, autorët e të shtënave vazhdojnë të jenë të lirë pasi gjatë bastisjes nëpër shtëpitë e tyre ata nuk kanë qenë aty.

“Para dhe gjatë aksionit, për dyshime për përfshirje në vepra penale janë arrestuar fillimisht 10 persona. Gjithashtu gjatë ndërmarrjes së masave plotësuese para aksionit, gjatë natës së kaluar rreth orës 21:20 në rrugën “Jadranska” nga liria është privuar personi me inicialet I.S. 27 vjeçar nga fshati Krushopek i cili kërkohej me flet-arrest për vuajtjen e dënimit me burg. Po ashtu mbrëmë nga nëpunës policor është kapur dhe arrestuar edhe personi I.S. 27 nga Shkupi tek i cili paraprakisht në shtëpinë e tij në rrugën “Rilindja maqedonase” janë gjetur 1.5 kilogram marihuanë– deklaroi Suzana Pranjiq -Talevska, MPB.

Në mesin e të arrestuarve në aksionin e gjerë policor janë personat me inicialet QL, ML dhe FL, ndërsa bastisje është kryer në shtëpitë e personave me inicialet ZL, AL, SHM, SL, VL dhe BL. Aksionet e policisë u zhvilluan në  Gërçec, Qendër, Haraçinë, Gjorçe Petrov, Butel, Studeniçan, ndërsa janë sekuestruar motoçikleta, jelekë antiplumb, pistoleta, pushkë, plumba të kalibrave të ndryshëm, pajisje për vëzhgim, drogë dhe sende të tjera.

Evi Shkopi  

 

Continue Reading

Lajme

Andreeva: Rritja e pagës minimale nuk rrit produktivitetin e punëtorëve

Published

on

Rritja ligjore e pagës minimale nuk e rrit produktivitetin e punës, ka thënë në emisionin “Magazina Ekonomike” në Alsat, nënkryetarja e Lidhjes së Odave Ekonomike, Aleksandra Andreeva.

Duke folur për këtë temë, ajo është shprehur:

“Të gjitha organizatat ndërkombëtare në Maqedoni në punimet e tyre bëjnë të ditur se produktiviteti ynë i punës është jashtëzakonisht i ulët. Ne jemi për përmirësimin e standardit të qytetarëve, por duhet të kemi parasysh të gjithë parametrat. Kjo rritje duhet të bazohet në një mekanizëm tregu – duke rritur produktivitetin, në mënyrë që të mos ulet motivimi i atyre punonjësve më produktivë,” ka thënë Andreeva./ Alsat.mk/

Continue Reading

Bota

Merkel refuzon ofertën për punë në OKB

Published

on

Ish-kancelarja gjermane Angela Merkel, e cila u largua nga detyra në fillim të dhjetorit, refuzoi ofertën për punë nga sekretari i Përgjithshëm i OKB-së Antonio Guterres, njoftoi sot zyra e saj.

Angela Merkel “thirri sekretarin e Përgjithshëm të OKB-së javën e kaluar, e falënderoi për ofertën dhe tha se nuk do ta pranonte atë”, tha zyra e saj në një deklaratë për AFP, duke konfirmuar informacionin që u shfaq në media.

Në deklaratë nuk thuhej se çfarë lloj angazhimi i ofroi Guterres ish-kancelares gjermane, por mediat raportuan më parë se ai po kryesonte komitetin këshillues të OKB-së për të mirat publike globale, që është një nga projektet e tij kryesore reformuese.

Merkel, e cila ka njoftuar prej kohësh tërheqjen e saj pas zgjedhjeve parlamentare gjermane në shtator 2021, përsëriti në disa raste se nuk dëshiron të merr asnjë funksion të ri pas skadimit të mandatit të saj.

Që kur u largua përfundimisht nga skena politike më 8 dhjetor, ajo i është përkushtuar shkrimit të kujtimeve politike me ish-këshilltaren dhe bashkëpunëtoren e saj të ngushtë Beate Bauman.

Qëllimi i saj është të shpjegojë vendimet kryesore politike që ka marrë gjatë 16 vjetëve të saj në pushtet, tha këshilltarja e saj.

Continue Reading

Kosovë

Bislimi: Kosova i ka plotësuar të gjitha kriteret për heqjen e vizave

Published

on

Zëvendëskryeministri i parë, Besnik Bislimi, ka prezantuar agjendën e Qeverisë së Kosovës në Agjendën Evropiane për vitin 2022.

Ai, me anë të një postimi në rrjetin social Facebook, ka thënë se prioritetet e tyre do të jenë “zbatimi i MSA-së dhe agjenda e reformave evropiane (ERA-II), sundimi i Ligjit, luftimi i krimit të organizuar dhe korrupsionit, qeverisja e mirë dhe demokratizimi, rimëkëmbja ekonomike, reforma e administratës publike, marrëdhëniet e mira fqinjësore, përfshirë dialogun me Serbinë, përafrimi i legjislacionit me Acquis të BE-së dhe programimin dhe absorbimin më të madh të fondeve të paraanëtarësimit (IPA III) dhe Fondit Investiv për Ballkanin Perëndimor (WBIF)”.

Bislimi, tutje, ka theksuar se sot shënohet 10-vjetori i fillimit të dialogut të liberalizimit të vizave mes BE-së dhe Kosovës.

“Prandaj, shfrytëzova rastin t’ua rikujtoj vendeve anëtare të BE-së që Kosova ka plotësuar të gjitha kriteret e nevojshme dhe qytetarët e Kosovës janë në pritje të një vendimi për heqjen e vizave, të cilën e meritojnë”, ka thënë Bislimi.

Continue Reading

Aktuale