Connect with us

Bota

Studimi i Yale dhe Oxford: Ushtrimet ju bëjnë më të lumtur sesa paratë

Published

on

Është e qartë për këdo që ushtrimet si vrapi, palestra apo dhe aktivitet të tjera sportive kanë përfitime shëndetësore si fizike ashtu dhe mendore.

Po sikur t’ju themi se aktiviteti fizik është më i rëndësishëm sesa statusi juaj ekonomik? Sipas një studimi nga studiuesit në Yale dhe Oxford, rezulton se ushtrimet ju sjellin më tepër lumturi sesa paratë.

Në këtë studim, të botuar në “The Lancet”, shkencëtarët mblodhën të dhëna në lidhje me sjelljen fizike dhe gjendjen shpirtërore të mbi 1.2 milion amerikanëve. Pjesëmarrësve iu kërkua të përgjigjen për pyetjen e mëposhtme: “Sa herë jeni ndjerë keq në 30 ditët e fundit, për shembull, për shkak të stresit, depresionit ose problemeve emocionale?”

Pjesëmarrësit u pyetën për të ardhurat dhe për aktivitetet fizike. Ata ishin në gjendje të zgjidhnin të bënin 75 lloje aktivitetesh fizike, që nga kositja e lëndinës, kujdesi për fëmijët dhe bërja e punëve shtëpiake deri tek ngritja e peshave, çiklizmi dhe vrapimi.

Njerëzit që janë gjatë gjithë kohës aktiv, priren te jenë më të lumtur sesa ata që bëjnë jetë sedentare. Shkencëtarët zbuluan se ata që bënin ushtrime rregullisht, kishin tendencën për tu ndjerë keq vetëm 35 ditë në vit, ndërsa ata që nuk ushtronin shpesh aktivitete fizike, mesatarisht ndiheshin keq 18 ditë më shumë sesa norma bazë. Për më tepër, studiuesit zbuluan se njerëzit aktivë fizikisht ndihen po aq mirë sa ata që nuk bëjnë sporte por që fitojnë rreth 25,000 dollarë më shumë në vit. Në thelb, ju do të duhet të fitoni shumë më tepër para për të marrë të njëjtin efekt nxitës të lumturisë që ka sporti. Por kjo nuk do të thotë se sa më shumë sport të bësh, aq më i lumtur do jesh.

Ushtrimi i tepërt mund të jetë i dëmshëm për shëndetin tuaj mendor

Ushtrimet fizike janë shumë të mira për shëndetin, por pyetja është sa aktivitet duhet të ushtrojmë? “Marrëdhënia mes kohëzgjatjes së sportit dhe ngarkesës mendorë ka formën e një U-je”, tha autori i studimit, Adam Chekroud nga Universiteti Yale, në një intervistë me Die Welt. Studimi zbuloi si aktiviteti fizik kontribuon për mirëqenien mendorë por vetëm nëse kryhet brenda optimales, pa e tepruar.

Sipas studimit 3 deri në 5 seanca trajnimi në javë, ku secila zgjat nga 30 deri në 60 minuta janë ideale. Shëndeti mendor i personave që kryejnë më tepër se tre orë aktivitet në ditë është më i rënduar sesa i atyre që nuk kryejnë farë aktivitet.

Shkencëtarët gjithashtu vunë re se disa sporte që kryhen në grup kanë efekte më pozitive sesa ata që ushtrohen vetëm. Por duke përjashtuar këtu çiklizmin, aerobinë të cilat mund të behën vetëm dhe kanë efekte pozitive të konsiderueshme në shëndetin tuaj mendor.

Continue Reading

Bota

Përmbytje në Kinë, 16 të vdekur dhe 36 të zhdukur

Published

on

By

Përmbytje në Kinë, 16 të vdekur dhe 36 të zhdukur

Si pasojë e reshjeve të papritura, të cilat shkaktuan rrëshqitjen e dheut dhe ndryshimin e rrjedhës së një lumi, 16 njerëz kanë vdekur dhe dhjetëra të tjerë janë zhdukur nga përmbytjet në veriperëndim të Kinës.

Përmbytjet ndodhën në një rajon malor të qarkut Datong në provincën Qinghai, kanë prekur më shumë se 6.200 njerëz nga gjashtë fshatra, raportoi transmetuesi shtetëror CCTV.

“Që nga mesdita e datës 18 gusht, 16 persona janë vrarë dhe 36 janë të zhdukur”, shtoi CCTV.

Puna e shpëtimit është duke vazhduar.

Këto përmbytje vijnë gjatë një vere shumë të nxehtë në Kinë, ku qytete të shumta regjistrojnë temperaturat e tyre më të larta.

Sipas transmetuesit shtetëror, tashmë është ngritur edhe shtabi i emergjencës.

Reshjet e mëdha dhe të papritura të së mërkurës mbrëma kishin shkaktuar përmbytjet, thuhet në raportimin e CCTV.

Përmbytjet e mëdha në Kinën jugore në qershor zhvendosën më shumë se gjysmë milioni njerëz dhe shkaktuan rreth 250 milionë dollarë dëme.

Ndërkohë, miliona njerëz në Kinën jugperëndimore po përballen me ndërprerje të vazhdueshme të rrymës, pasi një valë dërrmuese e të nxehtit çoi në një krizë të furnizimit me energji elektrike që i ka detyruar fabrikat të ndalojnë punën.

Administrata Meteorologjike e Kinës tha se vendi po kalonte periudhën e tij më të gjatë të temperaturave të larta, që nga viti 1961./REL

Continue Reading

Bota

Nga shpërthimi në një xhami në Kabul mbesin të vdekur 21 persona

Published

on

By

Nga shpërthimi në një xhami në Kabul mbesin të vdekur 21 persona

Nga shpërthimi që ka ndodhur në një xhami në kryeqytetin afgan, Kabul përgjatë lutjeve në mbrëmje më 17 gusht, kanë mbetur të vdekur 21 persona.

Zëdhënësi i policisë, Khalid Zadran, tha më 18 gusht se 33 persona të tjerë janë plagosur në shpërthim.

Zabihullah Mujahid, zëdhënësi i qeverisë talibane, konfirmoi se kishte të vdekur dhe të plagosur në shpërthim, por nuk specifikoi numrin e saktë.

“Vrasësit e civilëve dhe autorët… së shpejti do të dënohen për krimet e tyre”, tha ai në Twitter.

Organizata joqeveritare italiane – Emergency, e cila operon një spital në Kabul, tha se “shumica e pacientëve që erdhën pas shpërthimit vuajnë nga plagët e shkaktuara prej predhave dhe djegieve”.

Askush nuk e ka marrë përgjegjësinë për sulmin, por dega lokale e Shtetit Islamik ka shtuar sulmet që kur talibanët u kthyen në pushtet në gusht të vitit të kaluar, pas tërheqjes së forcave të udhëhequra nga SHBA-ja.

Continue Reading

Bota

Gjenden 100 tonë peshq të ngordhur në një lumë në Poloni, mbetet mister shkaku

Published

on

By

Gjenden 100 tonë peshq të ngordhur në një lumë në Poloni, mbetet mister shkaku

Pothuajse 100 tonë peshq të ngordhur janë mbledhur deri më tani nga brigjet e lumit Oder, i cili rrjedh nëpër Gjermani dhe Poloni.

“Asnjëherë më parë nuk kemi organizuar një operacion të kësaj shkalle në një lumë”, tha Monika Noëakoëska-Drida, zëdhënësja e Zyrës së Shtypit të shërbimit zjarrfikës. Zëdhënësja konfirmoi se nga e premtja e deri më sot peshqit e ngordhur arrijnë në 100 tonë.

Shkaku i vdekjes së peshkut është i paqartë, por autoritetet dyshojnë se është për shkak të ndotjes kimike të lumit.

“Sasi të mëdha mbetjesh kimike ndoshta janë hedhur në lumë, me njohuri të plotë të rrezikut dhe pasojave”, tha kryeministri Mateusz Morawiecki javën e kaluar.

Ministrja e Mjedisit Anna Moskva sqaroi sot se në asnjë nga mostrat e marra deri më tani nuk janë gjetur substanca toksike. Qeveria, shtoi ai, po shikon edhe shkaqe të tjera të ndryshme të mundshme, si përqendrimi i tepërt i ndotësve dhe kripës për shkak të nivelit të ulët të ujit të lumenjve ose temperaturës së lartë. Një mundësi tjetër është shkarkimi, nga industritë, i ujit që përmbante një sasi të lartë klori.

Mostrat e ujit testohen në Poloni dhe Gjermani. Varshava gjithashtu ka dërguar mostra në laboratorë në Republikën Çeke, Holandë dhe Britani.

Vitet e fundit Oder konsiderohej një lumë relativisht i pastër, shtëpia e rreth 40 llojeve të peshqve. Më shumë se 500 zjarrfikës janë përfshirë në operacionin për pastrimin e lumit, tha Novakoëska-Drida.

Continue Reading

Aktuale