Connect with us

Lajmet kryesore

Kreu i Gjorce Petrovit mund të dënohet deri në 3 vjet, ja pse

Published

on

Kreu i Komunës së Gjorçe Petrovit, Aleksandar Naumovski mund të dënohet me tre vite burg, pasi me videon që kishte postuar mbrëmë, në bazë të nenit 152 të Kodit Penal, ka shkelur të drejtat dhe liritë e njeriut, gjegjësisht të Gjyshes Persa, kështu ka shkuar një aktivis i shoqërisë civile në rrjetin social Twitter, përcjell in 7.

Po çfarë thonë ligjet?

Sipas rregulloreve pozitive në Republikën e Maqedonisë regjistrimi i paautorizuar, përgjimi dhe regjistrimi audio është rreptësisht i ndaluar dhe është vepër penale e parashikuar në Kodin Penal.

Përgjimi dhe regjistrimi i bisedave telefonike dhe komunikimeve të tjera elektronike, përgjimi dhe regjistrimi në shtëpi, hapësirë të mbyllur ose hapësirë të rrethua që i përket një shtëpie apo zyre të caktuar si pronë private ose në një automjet apo hyrje në ato ambiente mund të përcaktohet nga gjykata vetëm si masë e veçantë hetimore.

Sipas Kodit Penal të Republikës së Maqedonisë së Veriut si vepër penale kundër të drejtave personale është edhe regjistrim i paautorizuar, i përcaktuar në nenin 152.

Sipas këtij neni, çdo person që bën fotografiose video të paautorizuara të një personi tjetër të ambienteve të tij personale pa pëlqimin e tij, apo të saj, duke shkelur privatësinë e tij ose të saj, apo duke transmetuar drejtpërdrejt pamjet e tilla tek një palë e tretë do të dënohet me gjobë në para ose deri në një vit burg.

Nëse regjistrimi i paautorizuar është bërë nga një zyrtar, atëherë parashikohet burgim nga tre muaj deri në tre vjet.

Videoja e zbulimit të vendndodhjes së shtëpisë së gjyshes Persa që kreu i Komunës së Gjorçe Petrovit, Aleksandar Naumovski bëri me ndihmën e një bashkëpunëtori e ka shpërndarë nëpër mediat e vendit dhe në rrjetet sociale, kjo sipas Kodit Penal të Maqedonisë së Veriut është e ndëshkueshme.

 

A.Sh.-in7.tv

Continue Reading

Komente

Ziadin Sela: “Rexhail Qerimi, na dogji zemrat të gjithëve me ikjen e tij të parakohshme nga kjo botë”

Published

on

By

Ziadin Sela në facebook:

Edhe një tragjedi e madhe që vjen si pasojë e padrejtësisë dhe diskriminimit të këtij sistemi të kapur nga krimi dhe korrupsioni.

Rexhail Qerimi, na dogji zemrat të gjithëve me ikjen e tij të parakohshme nga kjo botë.

Nuk iu lejua të shijojë lirinë dhe drejtësinë, të cilën gjithë opinioni e pa se ai e meritoi më shumë se çdo kush tjetër.

Si çdo shqiptar në këtë shtet, ndjehem i neveritur dhe thellësisht i revoltuar nga lajmi për vdekjen e Rexhail Qerimit, i cili mbahej në burgun e Idrizovës për më tepër se një dekadë, i dënuar padrejtësisht në rastin “Alfa”.

Rasti “Alfa” do të ngelet një ndër rastet më eklatante të montuara politike kundër shqiptarëve, në të cilin tre të pafajshëm, pa asnjë provë materiale, u dënuan me burg të përjetshëm pas ekzekutimit nga një grup ende i panjohur, të një polici shqiptar të njësitit “Alfa” në parkingun e fakultetit matematiko-natyror në vitin 2008.

Për vite me radhë, politika dhe drejtësia ia hudhën fajin njëra-tjetrës për mbajtjen e këtyre qytetarëve të pafajshëm, duke injoruar dëshmitë materiale dhe konkluzionet e ekspertizës ndërkombëtare të video materialit nga kamerat e sigurisë që dëshmojnë pafajësinë e Rexhailit dhe të dënuarve të tjerë. Për pasojë, rasti nuk gjeti epilogun e drejtë dhe shqiptarët sot kanë një martir të ri të drejtësisë së verbër dhe selektive, të instaluar për vite më radhë nga shteti i kapur që ka shndërruar shqiptarin në fajtorin kujdestar për çdo krim të pasqaruar e të montuar.

Vdekja e Rexhailit na rikujton edhe njëherë falimentimin e shtetit të së drejtës dhe nevojën urgjente për të siguruar një gjyqësor të pavarur, efikas dhe të drejtë. Kjo mund të arrihet vetëm përmes vetingut në gjyqësor për të eliminuar ndërhyrjet politike, sjelljet bllokuese, joetike dhe shpeshherë korruptive të gjyqtarëve dhe prokurorëve.

Përballë këtij falimentimi, vazhdojmë të besojmë se zgjidhja e vetme për rastet e montuara politike dhe të korrupsionit të nivelit të lartë ngelet krijimi i një misioni evropian për shtetin e së drejtës, që do të ketë për mision kryesor rishikimin e procedurave gjyqësore në lidhje me këto raste.

Familjes së Rexhailit i shprehim ngushëllimet tona më të sinqerta. Bashkëndjejmë dhimbjen e tyre dhe u kërkojmë falje që nuk kemi mundur të bëjmë më tepër për lirimin e tij dhe të gjithë shqiptarëve të pafajshëm.

Drejtësia ka dështuar për Rexhailin dhe ajo do të vonojë për të pafajshmit e tjerë që po mbahen padrejtësisht në burgjet tona, por Aleanca për Shqiptarët zotohet se drejtësia nuk do të harrojë.

Continue Reading

Lajme

“Avokat i Popullit ku je?” – Shpëtim Pollozhani reagon pas vdekjes tragjike të Rexhail Qerimit në burg

Published

on

By

“Avokat i Popullit ku je?” – Shpëtim Pollozhani reagon pas vdekjes tragjike të Rexhail Qerimit në burg

Shpëtim Pollozhani në facebook:

AVOKATI I ,,POPULLIT” KU JE?

EDHE NJË I BURGOSUR POLITIK VDIQ NË BURGUN E IDRIZOVËS DUKE PRITUR DREJTËSI MBI 14 VJETË!

Continue Reading

Lajme

“Unë nuk kam 11 milionë euro për me dal prej burgu” – Ja çka thoshte Rexhail Qerimi disa ditë më parë

Published

on

By

“Unë nuk kam 11 milionë euro për me dal prej burgu” – Ja çka thoshte Rexhail Qerimi disa ditë më parë

Rexhail Opaja i dënuar me burgim të përjetshëm mesazh politikanve:

“Unë si kam 11 milion euro për me dale prej burgu, por kam pafajsinë dhe gjithë ato dëshmi që s’po merren për bazë e vuj 14 vite i pafajshëm n’burg”

Continue Reading

Aktuale