Connect with us

Maqedonia e Veriut

Carovska: Pensioni mesatar në vitin 2020 do të jetë 15.500 denarë

Published

on

Prej muajit të ardhshëm të gjitha pensionet në shtet i rrisim për 700 denarë të cilat do të hyjnë në bazën e pensionit, ndërkaq me këtë rritje, në vitin 2020 pensioni mesatar do të jetë rreth 15.500 denarë, deklaroi ministrja e Punës dhe Politikës Sociale, Milla Carovska, e cila sot realizoi takim me pensionistët në Manastir.

Në takim me pensionistët e Manastirit u bisedua për planet në vitin e ardhshëm, por edhe për zhvillim të shërbimeve sociale në nivel lokal, siç është kujdesi për persona të moshuar në kushte shtëpiake.

“Prej muajit të ardhshëm të gjitha pensionet në shtet i rrisim për 700 denarë të cilat do të hyjnë në bazën e pensionit. Deri në fund të vitit pensionet do të harmonizohen edhe për 160 deri 200 denarë, që do të thotë se në vitin 2020 pensionet do të rriten për rreth 900 denarë. Me këtë rritje në vitin 2020 pensioni mesatar do të jetë rreth 15.500 denarë, apo për tre vite pensioni mesatar do të rritet për gjithsej 1.746 denarë”, theksoi ministrja Carovska.

Në takim me pnesionistët e Manastirit, Carovska theksoi se rritja e tretë shtesë bëhet në mënyrë ligjore dhe me plan, me përllogaritje të qëndrueshme dhe në kushte kur memi stabilizim të sistemit pensional, por edhe në kushte kur kemi rritje të ekonomisë dhe rritje të rrogës minimale për 15 për qind dhe për 5 për qind të rrogës mesatare.

Sipas Ilia Ivanovski, zëvendës drejtor i Fondit për sigurim pensional dhe invalidor, me reformën pensionale vetëm për një vit është bërë kursim në Fondin për sigurim pensional dhe invalidor prej 3 miliardë denarëve, ndërsa të ardhurat e Fondit për SPI janë rritur për 10 për qind.

“Pensionet rriten në kohë kur 11 muaj me radhë pensionet paguhen pa hua dhe kur zbatimi i reformës pensionale dha rezultate të shkëlqyeshme”, theksoi Ivanovski.

Vizitën në Manastir Carovska e shfrytëzoi edhe për takim me shfrytëzuesit e Qendrës rajonale të resurseve për persona me pengesa dhe Shtëpinë për persona të moshuar Sju Rajder në atë qytet.

 

Continue Reading

Lajme

Nesër ditë jopune për qytetarët e besimit ortodoks

Published

on

Sipas Ligjit për festat e Republikës së Maqedonisë të Veriut (“Gazeta zyrtare e RMV” nr. 21/98 dhe 18/07), 19 janar i viti 2022 (e mërkurë), Epifania ( Uji i Bekuar), është ditë jopune për qytetarët e besimit ortodoks në Republikën e Maqedonisë së Veriut, kumtoi Ministria e Punës dhe Politikës Sociale.

Nga MPPS-ja uron qytetarët e besimit ortodoks për festën e Epifanisë (Dita e Ujit të Bekuar).

Continue Reading

Lajme

UNICEF: Shtyrja e gjysmëvjetorit të dytë të jetë e përkohshme, mbyllja e shkollave duhet të jetë zgjidhja e fundit

Published

on

Meqenëse vendi po kalon një valë tjetër të infektimeve me KOVID-19, gjithnjë e më shpesh të shkaktuar nga lloji omikron, interesi më i mirë i fëmijës duhet të jetë në qendër të çdo vendimi nëse shkollat ​​do të jenë të hapura. Vendimi i Qeverisë për shtyrjen e fillimit të vitit shkollor pas pushimit dimëror duhet të jetë masë e përkohshme dhe të bëhen të gjitha përpjekjet për kthimin e fëmijëve në klasa, kumtojnë nga Zyra e UNICEF-it në vendin tonë.

Përfaqësuesja e UNICEF-it, Patricia DiXhovani, konsideron se masat parandaluese në shkollat janë efektive dhe se prania fizike në shkollë nuk duket të jetë shtytësi kryesor i përhapjes së infeksionit.

“Për muajin e fundit të mësimdhënies në vitin 2021, të dhënat tregojnë shkallë shumë të ulët të infeksionit me vetëm 0,01 për qind raste të reja në ditë te nxënësit dhe 0,03 për qind te mësuesit. Për krahasim, në dy javët kur shkollat ​​u mbyllën për pushim dimëror, numri i rasteve të reja të infektuara në të gjitha grupmoshat u katërfishua, nga afërsisht 2.600 në 11.000 raste pozitive të konfirmuara. Ne duhet ta përdorim këtë njohuri për të bërë gjithçka që mundemi për t’i mbajtur shkollat ​​të hapura dhe që fëmijët të ndjekin mësimet në mënyrë të sigurt”, thotë DiXhovani.

Në vend ndodhte që fillimi i vitit shkollor të shtyhej për shkak të kushteve të këqija atmosferike, tregon ajo, por tani situata ka ndryshuar. Vonesat e mëparshme në fillim të vitit shkollor ishin të rralla dhe koha e humbur e mësimit ishte kompensuar. Situata aktuale është përkeqësuar nga periudhat e gjata të mbylljes së shkollave për shkak të pandemisë.

Është e qartë se është në interesin më të mirë të fëmijëve, thekson DiXhovani, të jenë në klasa dhe rihapja e shkollave duhet të jetë prioritet për të gjithë vendin. Rreziqet me të cilat përballen fëmijët kur janë jashtë shkollës mbeten më të mëdha se rreziqet në shkollë.

Continue Reading

Lajme

Mariçiq: Shfrytëzimi i emrit të shkurtuar është gjest i vullnetit të mirë nga të dy anët

Published

on

Me hapa të përbashkëta, nga të dy anët, është zgjidhur një nga çështjet e hapura, që ka paraqitur problem në një pjesë të organizatave ndërkombëtare, thotë zëvendës-kryeministri për Integrime europiane, Bojan Mariçiq, lidhur me vendimin e Bullgarisë që ta përdorë emrin e shkurtuar të shtetit tonë – Maqedonia e Veriut.

Kjo, sipas Mariçiqit, është gjest i vullnetit të mirë nga të dy anët për përfitimin e besimit të mëtejshëm.

“Me këtë hap i cili është një nga çështjet e hapura, do të zgjidhet një problem – do të mbyllim një çështje dhe do të heqim një nga bllokadat. Me këtë mbyllet një problem. Bullgaria praktikisht e ndryshon pozitën e saj dhe fillon ta përdorë emrin e shkurtuar. Edhe kryeministri Petkov, sot disa herë e ka përdorur emrin e shkurtuar – Maqedonia e Veriut. Është zgjidhur një çështje e hapur e cila neve na shkaktonte problem në pjesën e organizatave ndërkombëtare. Kjo është temë e cila pothuaj dy vite është e hapur dhe me të kontestohej e drejta jonë që të quhemi me emrin e shkurtuar”, tha Mariçiq në intervistën për televizionin Tellma.

Continue Reading

Aktuale