Connect with us

Maqedonia e Veriut

Zaev: Samiti i NATO-s në Londër zhvillohet me 30-të shtete anëtare

Published

on

Kryeministri Zoran Zaev, para fillimi të takimit të liderëve të kryetarëve të shteteve anëtare të NATO-s, deklaroi se kjo për të paraqet moment historik, kur për herë të parë Maqedonia e Veriut, do të ulet në vendin e saj, si shtet anëtar i Aleancës.

“Për mua kjo është moment historik, pasi që më në fund 70-të vjetori i NATO-s, po mbahet me shtetin e 30-të anëtar”, tha Zaev.

Protokolli aderues tashmë është nënshkruar nga të gjitha shtetet anëtare, përveç Spanjës, e cila për shkaqe teknike, si rezultat i zgjedhjeve të parakohshme parlamentare ende nuk e ka miratuar Protokollin në Parlamentin e saj. Ajo pritet që vendimin ta finalizojë gjatë dy muajve të ardhshëm. Mirëpo, flamuri i Maqedonisë së Veriut, në Samitin e NATO-s, në Londër, valëvitej përskaj 29-të shteteve tjera anëtare të Aleancës. Po ashtu edhe kryeministri Zoran Zaev, do të qëndroj krah për krah me liderët tjerë të NATO-s, në takimin i cili pritet të mbahet sot.

“Ne do të jemi prezent në takimet kryesore me të gjithë liderët. Unë do të kem fjalim tim, ashtu siç do të kenë edhe liderët tjerë. Kjo është një moment historik. Pres që populli ynë në Republikën e Maqedonisë së Veriut, të jetë i gëzuar për këtë moment historik. E arritëm njërën prej përcaktimeve strategjike të shtetit tonë, që nënkupton paqe të vazhdueshme, liri, demokraci, si dhe siguri dhe menjëherë pas kësaj investime dhe rroga më të larta, gjegjësisht më shumë shpresë që të rinjtë të qëndrojnë në shtet”, tha Zoran Zaev.

NATO, në Samitin e Londrës, sot e shënon 70-të vjetorin e ekzistimit të saj. Ndryshe, edhe pse ky Samit duhej të ishte ceremonial, tensionet mes SHBA-së, Francës dhe Turqisë, rreth raporteve drejt Rusisë, kontributi buxhetor për Aleancën, çështjet e grupeve kurde në Irak dhe Siri, dhe lufta kundër terrorizmit, padyshim do të zënë hapësirë të madhe në diskutimet e sotshme.

Deklarata e presidentit të Francës, Emanuel Makron, e dhënë për javoren britanike “Ekonomist”, shkaktoi një sërë reagimesh negative në Evropën Lindore dhe në Gjermani, kryesisht rreth aluzioneve për afrim drejt Rusisë, si dhe vlerësimi për “vdekje klinike”, të Aleancës.

Makron, mbrëmë u takua me presidentin e SHBA-së, Donald Tramp, dhe pas këtij takimi ai nuk reteroi. Ndërkohë, presidenti amerikan Tramp, pas takimit disaorësh porositi se deklaratat e Makronit janë “të pahijshme”. Reagime të ashpra erdhën edhe nga presidenti i Turqisë, Rexhep Taip Erdogan, i cili ditë më parë i rekomandoi Makronit, ta “kontrollojë vdekjen e vet klinike”, deklaratë kjo e cila nga Trampi u vlerësua si “interesante”.

Vërejtja kryesore e Makronit, ndaj Ankarasë dhe Uashingtonit, është që ata nuk janë konsultuar me shtetet tjera aleate gjatë sulmit në veri të Sirisë, duke shprehur shqetësim për forcat kurde në Irak dhe Siri, të cilat perëndimi i vlerëson si aleat të saj. Nga ana tjetër, Erdogani vlerëson se bëhet fjalë për “grupe terroriste” dhe e kushtëzoi Aleancën, se mbështetja e tij për aktivitet e NATO-s, në Baltik kundër Rusisë, do të kushtëzohet me pranimin nga perëndimi se kurdët janë terroristë.

Tutje, presidenti i SHBA-së, Donald Tramp, edhe më tej është plotësisht i fokusuar në nevojën që të gjitha shtetet aleate t’i rrisin të hyrat e tyre buxhetore drejt NATO-s, me dy për qind nga Bruto Prodhimi Vendor, sa është e mundur më shpejtë, gjegjësisht më së voni deri në vitin 2024, ashtu siç janë dakorduar në Samitin e vitit 2014-të.

Kryeministri Zoran Zaev, mbrëmë në Konferencën “NATO angazhohet”, në margjinat e këtij Samiti, u angazhua për arritjen e shkallës prej dy për qind deri në vitin 2024. Ai përkujtoi se shteti ynë gati e ka dyfishuar shkallën e saj gjatë tre viteve të fundit, nga 0,9 për qind në vitin 2017, deri në 1,4 për qind që pritet të ndodhë në vitin 2020.

Continue Reading

Lajme

Nesër ditë jopune për qytetarët e besimit ortodoks

Published

on

Sipas Ligjit për festat e Republikës së Maqedonisë të Veriut (“Gazeta zyrtare e RMV” nr. 21/98 dhe 18/07), 19 janar i viti 2022 (e mërkurë), Epifania ( Uji i Bekuar), është ditë jopune për qytetarët e besimit ortodoks në Republikën e Maqedonisë së Veriut, kumtoi Ministria e Punës dhe Politikës Sociale.

Nga MPPS-ja uron qytetarët e besimit ortodoks për festën e Epifanisë (Dita e Ujit të Bekuar).

Continue Reading

Lajme

UNICEF: Shtyrja e gjysmëvjetorit të dytë të jetë e përkohshme, mbyllja e shkollave duhet të jetë zgjidhja e fundit

Published

on

Meqenëse vendi po kalon një valë tjetër të infektimeve me KOVID-19, gjithnjë e më shpesh të shkaktuar nga lloji omikron, interesi më i mirë i fëmijës duhet të jetë në qendër të çdo vendimi nëse shkollat ​​do të jenë të hapura. Vendimi i Qeverisë për shtyrjen e fillimit të vitit shkollor pas pushimit dimëror duhet të jetë masë e përkohshme dhe të bëhen të gjitha përpjekjet për kthimin e fëmijëve në klasa, kumtojnë nga Zyra e UNICEF-it në vendin tonë.

Përfaqësuesja e UNICEF-it, Patricia DiXhovani, konsideron se masat parandaluese në shkollat janë efektive dhe se prania fizike në shkollë nuk duket të jetë shtytësi kryesor i përhapjes së infeksionit.

“Për muajin e fundit të mësimdhënies në vitin 2021, të dhënat tregojnë shkallë shumë të ulët të infeksionit me vetëm 0,01 për qind raste të reja në ditë te nxënësit dhe 0,03 për qind te mësuesit. Për krahasim, në dy javët kur shkollat ​​u mbyllën për pushim dimëror, numri i rasteve të reja të infektuara në të gjitha grupmoshat u katërfishua, nga afërsisht 2.600 në 11.000 raste pozitive të konfirmuara. Ne duhet ta përdorim këtë njohuri për të bërë gjithçka që mundemi për t’i mbajtur shkollat ​​të hapura dhe që fëmijët të ndjekin mësimet në mënyrë të sigurt”, thotë DiXhovani.

Në vend ndodhte që fillimi i vitit shkollor të shtyhej për shkak të kushteve të këqija atmosferike, tregon ajo, por tani situata ka ndryshuar. Vonesat e mëparshme në fillim të vitit shkollor ishin të rralla dhe koha e humbur e mësimit ishte kompensuar. Situata aktuale është përkeqësuar nga periudhat e gjata të mbylljes së shkollave për shkak të pandemisë.

Është e qartë se është në interesin më të mirë të fëmijëve, thekson DiXhovani, të jenë në klasa dhe rihapja e shkollave duhet të jetë prioritet për të gjithë vendin. Rreziqet me të cilat përballen fëmijët kur janë jashtë shkollës mbeten më të mëdha se rreziqet në shkollë.

Continue Reading

Lajme

Mariçiq: Shfrytëzimi i emrit të shkurtuar është gjest i vullnetit të mirë nga të dy anët

Published

on

Me hapa të përbashkëta, nga të dy anët, është zgjidhur një nga çështjet e hapura, që ka paraqitur problem në një pjesë të organizatave ndërkombëtare, thotë zëvendës-kryeministri për Integrime europiane, Bojan Mariçiq, lidhur me vendimin e Bullgarisë që ta përdorë emrin e shkurtuar të shtetit tonë – Maqedonia e Veriut.

Kjo, sipas Mariçiqit, është gjest i vullnetit të mirë nga të dy anët për përfitimin e besimit të mëtejshëm.

“Me këtë hap i cili është një nga çështjet e hapura, do të zgjidhet një problem – do të mbyllim një çështje dhe do të heqim një nga bllokadat. Me këtë mbyllet një problem. Bullgaria praktikisht e ndryshon pozitën e saj dhe fillon ta përdorë emrin e shkurtuar. Edhe kryeministri Petkov, sot disa herë e ka përdorur emrin e shkurtuar – Maqedonia e Veriut. Është zgjidhur një çështje e hapur e cila neve na shkaktonte problem në pjesën e organizatave ndërkombëtare. Kjo është temë e cila pothuaj dy vite është e hapur dhe me të kontestohej e drejta jonë që të quhemi me emrin e shkurtuar”, tha Mariçiq në intervistën për televizionin Tellma.

Continue Reading

Aktuale