Connect with us

Maqedonia e Veriut

Zaev nga Londra: Bllokimi i negociatave me BE-në ishte i padrejtë

Published

on

Kryeministri Zoran Zaev i pyetur për bllokimin e presidentit francez, Emanuel Makron, në tetor, për negociatat e BE-së me Maqedoninë e Veriut përsëriti se ky vendim ka shkaktuar zhgënjim të madh për qytetarët e Maqedonisë së Veriut.

Zaevi këtë e deklaroi në suaza të Konferencës “NATO po angazhohet”, në margjinat e Samitit të liderëve të NATO-s i cili po mbahet nesër në Londër.

“Kjo ishte padrejtësi e madhe për ne, ne jemi kandidatë për në BE pesëmbëdhjetë vjet, të gjitha 28 vendet-anëtare konfirmuan në Këshillin e BE-së se i kemi përmbushur reformat, gjetëm zgjidhje me Greqinë dhe Bullgarinë, e ndryshuam emrin tonë kushtetues dhe vendimi se BE-së i nevojitet më shumë kohë është shumë destabilizues për ne, shumë ishin të zhgënjyer, por ne vazhdojmë me reformat dhe se shpresoj se ky gabim do të korrigjohet shumë shpejt”, deklaroi Zoran Zaevi.

Ai i shprehu falënderim Polonisë dhe vendeve të tjera nga Grupi i Vishegradit për mbështetjen e tyre në rrufën e reformave drejt BE-së dhe NATO-s.

“Polonia është njëra ndër vendet e cila më shumë na ka mbështetur t’i zgjedhim jo vetëm kontestet dypalëshe, por edhe të gjejmë zgjidhje me Bullgarinë dhe Greqinë, një politikë e tillë nga të gjitha vendet e Grupit të Vishegradit është një shembull i mirë për ne, ata e ndanë përvojën e tyre me ne”, deklaroi kryeministri në Londër.

Kryeministri Zaev me ministrat Shekerinska dhe Dimitrov dhe zëvendëskryeministrin Osmani merr pjesë në Samitin e liderëve të vendeve-anëtare të NATO-s i cili formalisht mbahet nesër. Në margjinat sot mbahen takime dypalëshe si dhe konferenca “NATO po angazhohet”.

Aleanca Veriatlantike sivjet e shënon shtatëmbëdhjetë vjetorin e ekzistimit të saj në kontekst të mospajtimeve të thella midis Turqisë, Francës dhe SHBA-së.

Continue Reading

Lajme

Andreeva: Rritja e pagës minimale nuk rrit produktivitetin e punëtorëve

Published

on

Rritja ligjore e pagës minimale nuk e rrit produktivitetin e punës, ka thënë në emisionin “Magazina Ekonomike” në Alsat, nënkryetarja e Lidhjes së Odave Ekonomike, Aleksandra Andreeva.

Duke folur për këtë temë, ajo është shprehur:

“Të gjitha organizatat ndërkombëtare në Maqedoni në punimet e tyre bëjnë të ditur se produktiviteti ynë i punës është jashtëzakonisht i ulët. Ne jemi për përmirësimin e standardit të qytetarëve, por duhet të kemi parasysh të gjithë parametrat. Kjo rritje duhet të bazohet në një mekanizëm tregu – duke rritur produktivitetin, në mënyrë që të mos ulet motivimi i atyre punonjësve më produktivë,” ka thënë Andreeva./ Alsat.mk/

Continue Reading

Lajme

Petliçkovski: S’është momenti të hiqen maskat

Published

on

Drejtori i Institutit për Imunologji dhe Gjenetikë Humane, Aleksandar Petluçkovski në TV Sitel foli për rritjen e rasteve të reja në Maqedoni.

Ai theksoi se qytetarët duhet të jenë të kujdesshëm duke potencuar se jemi rreth pikut të llojit Omicron të coronavirusit.

“Lloji Omicron është virus më i lehtë, por nuk jemi të sigurt nëse do të jetë kështu përherë. Nuk e dimë nëse ky lloj i virusit do të ndryshojë dhe do të shndërrohet në virus më i rrezikshëm. Mendoj se nuk është momenti të hiqen maskat për arsye se pandemia ende nuk ka përfunduar”, tha Petliçkovski.

Kujtojmë se deri tani në Maqedoni me COVID-19 janë diagnostifikuar gjithsej 249.704 raste, ndërsa prej tyre 223.053 janë shëruar dhe 8.153 persona kanë humbur jetën. Numri i rasteve aktive është 18.498.

Continue Reading

Lajme

Media bullgare: Familjarët e viktimave në autobusin në “Struma” kërkojnë hetim paralel

Published

on

Siç raporton BNT, familjarë të afërt të viktimave janë deklaruar për televizionin se presin më shumë infromacione për arin dhe akcesorët me vlerë që viktimat e kanë mbajtur me vete.

Pas tragjedisë, të mbijetuarit dhe familjarët e viktimave kërkuan nga Gjykata e Rrethit në Pernik në mënyrë paralele t’i hetojë arsyet e aksidentit dhe presin më shumë infromacione për arin dhe akcesorët me vlerë që udhëtarët e kanë mbajtur me vete.

Edhe pse kanë kaluar dy muaj nga tragjedia e madhe, një pjesë e të mbijetuarve kthehen në Bullgari, ndërsa familjarët i presin sendet e ruajtura të familjarëve të tyre.

“Kam dëshmi se kunata ime ka akcersorë në vlerë prej 7.000 eurove gjatë udhëtimit. Ari nuk digjet”, shprehet Qamuran Pajazitovski.

Edhe të mbijetuarit edhe familjarët e viktimave kërkojnë hetim paralel për tragjedinë.

Kujtojmë se në aksidentin në Bullgari që ndodhi më 23 nëntor, humbën jetën 45 persona prej të cilëve 12 fëmijë dhe 7 mbijetuan.

Continue Reading

Aktuale