Connect with us

Lajmet kryesore

ASH takim me qytetarët në Komunën e Likovës (FOTO)

Published

on

Aleanca për Shqiptarët ka filluar të realizojë takime me qytetarët për të dëgjuar brengat por edhe sugjerimet e tyre,me synimin që nga afër të njihet me ta.

Karvani i Aleancës ka filluar këto takime nga fshatrat e komunës së Likovës, si Nikushtaku, Hotla, Vishtica dhe Ropalca.

Sela ka folur për aktualitetin politik, duke ftuar banorët e këtyre anëve për ta përkrahur subjektin që ai drejton, pasi sipas tij, ata janë garancë që mund ta sjellë ndryshimin në vend.

“Opozita e vërtetë nuk është Aleanca, por çdo qytetar që nuk është pjesë e pushtetit. Ne kemi për synim që të bëjmë fitues çdo shqiptar. Nuk e kërkojmë pushtetin sepse flasim bukur, por sepse duam të udhëheqim me përgjegjësi dhe të japim llogari për veprat tona. Jemi të gatshëm të marrim përgjegjësi. Jemi të gatshëm dhe po bëjmë përpjekje që fitoren ta garantojmë bashkë edhe me subjekte tjera”, u shpreh mes tjerash lideri ZiadinSela.

Ai i shoqëruar nga sekretari gjeneral Arben Taravari,nënkryetari ElmiAziri dhe kryetari i Akademisë politike HalilSnopçe në këto takime kanë diskutuar dhe debatuar me banorët të shoqëruar edhe nga kryetari i sapo zgjedhur i Forumit Rinor, OmerAjdini, i cili vjen nga fshati Nikushtak.

Ajdini ka bërë thirrje tek të gjithë të rinjtë, që t’i bashkohen Aleancës për Shqiptarët dhe bashkë me të rinjtë e të rejat e FRASH-it, ta sjellin ndryshimin, sipas tij të domosdoshëm për ta ndaluar zbrazjen e shtëpive dhe shkollave.

Continue Reading

Lajmet kryesore

ASH: Transparency International konfirmoi, Maqedonia e Veriut ndër vendet më të korruptuara

Published

on

Ndaj raporti të Transparency International ka reaguar Aleanca për Shqiptarët.

Thonë se ky raport konfirmoi se Maqedonia e Veriut është ndër vendet më të korruptuara.

Reagimi i plotë:

Sot, Transparency International ka konfirmuar edhe zyrtarisht atë që Aleanca për Shqiptarët ka paralajmëruar në vazhdimësi. Regjimi aktual është një nga më të korruptuarit në botë dhe në vlerësimin e këtij viti radhitet në grupin e vendeve si Tanzania, Suriname, Maroko, Guyana, Etiopia, Kolumbia dhe të tjera. Për të qenë ironia edhe më e madhe, vende të cilat deri dje janë llogaritur si më të korruptuara, sot janë në pozicione shumë më të mira se vendi jonë, ndërsa larg Maqedonisë së Veriut janë edhe vendet diktatoriale si Kuba.
Kjo situatë ka vetëm një fajtor, regjimin hibrid që ka kapur gjyqësorin dhe prokurorinë dhe ka instaluar korrupsionin në çdo sferë dhe institucion. Këtij rangimi, kujtojmë se i kanë kontribuar pasaportat për kriminelët botërorë, lirimi i kriminelëve vendor dhe mbajtja në burgje e qytetarëve të pafajshëm që nuk kanë para të blejnë lirinë edhe pse e njëjta u takon.

Continue Reading

Lajme

Lufta kundër korrupsionit, Maqedonia njëjtë si Tanzania, Vietnami e disa vende afrikane

Published

on

By

Lufta kundër korrupsionit, Maqedonia njëjtë si Tanzania, Vietnami e disa vende afrikane

Në Raportin e fundit të Transparency International rreth indeksit të korrupsionit dhe luftës kundër korrupsionit, Maqedonia e Veriut radhitet ende bashkë me vendet afrikane. Sipas këtij raporti, Maqedonia radhitet në vendin e 39 si vend më i korruptuar, bashkë me Tanzaninë Vietnamin, Surinamen, Guajanën, Marokon, Etiopinë, Kolumbinë dhe Kosovën, përcjell in7.tv

Lufta kundër korrupsionit vazhdon të jetë një nga shqetësimet kryesore të vendit. Korrupsioni i lartë ka ngulur rrënjët thellë në sistemin shtetëror në Maqedoni dhe assesi se mund të shqepet./in7

Continue Reading

Lajme

Artan Grubi jep lajmin: Arritëm marrëveshje me Bullgarinë, do të luajmë futboll mes veti

Published

on

By

Artan Grubi jep lajmin: Arritëm marrëveshje me Bullgarinë, do të luajmë futboll mes veti

Artan Grubi në faecbook:

Një nga grupet e punës në suaza të bashkëpunimit ndërqeveritar me Republikën e Bullgarisë që sot nisi me punë është edhe grupi i punës për arsim, kulturë, shkencë dhe të rinj, seancën e së cilës pata nderin ta bashkëkryesoj me kolegun tim bullgar.
Përcaktuam prioritetet e përbashkëta në këto sfera për të cilat do të punojmë në periudhën në vazhdim, në mesin e të cilave:
– shpalljen e konkursit për logo dhe sllogan të mbledhjeve të përbashkëta qeveritare
– përpilimi i një kalendari të përbashkët kulturor;
– nxitjen e bashkëpunimit mes universiteteve të vendeve tona për programe më atraktive studimore, shkëmbim të përvojave dhe mundësi për punë praktike;
– organizimin e një ndeshje futbolli mes dy kabineteve qeveritare;
– organizimi i konferencave të përbashkëta shkencore;
– intensifikim i bashkëpunimit mes Agjencisë për Rini dhe Sport të vendit tonë dhe Ministrisë për Rini dhe Sport të Republikës së Bullgarisë;
– promovimi i ndërsjelltë i destinacioneve atraktive turistike dhe thellimi i bashkëpunimit në sferën e turizmit si predispozitë e fuqishme e zhvillimit ekonomik dhe të tjera.

Continue Reading

Aktuale