Connect with us

Kulturë

“Vikings” është rikthyer me sezonin e 6 dhe të fundit (VIDEO)

Published

on

“Vikings” seriali super hit është i vendosur të rikthehet me sezonin e tij të gjashtë. Ky do të jetë sezoni i fundit për këtë dramë historike, dhe shfaqja do të shfaqet premierë në 4 dhjetor 2019. Shfaqja do të transmetohet në History TV në Kanada.

Vikingët përqendrohen kryesisht në jetën e mbretit Bjorn dhe rrugëtimin e tij në fron. Shfaqja do të ketë 10 episode, secila ka 2 pjesë, që e bën atë me 20 episoda. Gjysma e dytë, megjithatë, do të dalë premierë në fillim të vitit 2020, që do të thotë se shikuesit mund të duhet të presin për një kohë të shkurtër.

Kasti kryesor i Vikings përfshin Katheryn Winnick (Lagertha), Alexander Ludwing (Bjorn Ironside), Peter Franzen (mbreti Harald Finehair), Alex Hogh (Ivar the Boneless), Marco Ilso (Hvitserk), Jordan Patrick Smith (Ubbe) dhe gjithashtu Danila Kozlovsky (Princi Oleg).

Fansat u emocionuan shumë kur panë trailerin e shfaqjes dhe se tani kan publikuar edhe një trailer pak dit para premierës me më shumë detaje e duke ditur që ky do të jetë sezoni i fundit për shfaqjen. Episodet e ardhshme pritet të jenë mjaft emocionuese pasi ky udhëtim i bukur i këtyre personazheve do të marrë fund pas këtij sezoni.

Continue Reading

Kulturë

Nesër nis votimi për nominimet e filmave në Oscars, “Zgjoi” ka nevojë për mbështetje

Published

on

Aktorja kryesore e filmit të suksesshëm kosovar “Zgjoi”, Yllka Gashi, ka njoftuar se nesër fillon votimi i anëtarëve të Akadamisë Amerikane për të nominuar filmat për Oscars 2022.

Përmes një postimi në rrjete sociale, ajo ftoi të gjithë ta shpërndajnë fotografinë e filmit.

Postimi i plotë:

Të dashur miq,

Nesër fillon votimi i anëtarëve të Akademisë Amerikane për të nominuar filmat për Oscars 2022.

Kosova për herë parë është në listën e ngushtë me gjasa reale për të siguruar një nominim.

Duke ju falenderuar për përkrahjen e jashtëzakonshme që na e keni bërë gjatë krejt kësaj kohe, ju lus që ta shpërndani sa më shumë fotografinë e filmit tonë në rrjete sociale.

Bashkë për Kosovën drejtë Oscars 2022!!!

Continue Reading

Kolumna

Një teatër profesional për aktorët shqiptarë

Published

on

By

Letër nga Kumanova

NJË TEATËR PROFESIONAL PËR AKTORËT SHQIPTARË

Zona e Kumanovës gjithnjë është vlerësuar si “djep” i aktorëve shqiptarë nga Maqedonia e Veriut, prej nga kanë dalë artistë të përkryer. Dashuria për skenat teatrale është kultivuar ndër breza dhe sot kemi një numër aktorësh nga kjo zonë, të cilët lirisht mund të përbëjnë një trupë teatrale shumë solide. Aktualisht, aktorët shqiptarë nga rrethi i Kumanovës talentin dhe punën e tyre këmbëngulëse prej aktori e shprehin përmes “Njësisë organizative teatrale shqiptare në kuadër të Shtëpisë për Kulturë të Kumanovës”! Pra, jo sektor, aq më pak institucion më vete, por një shprehje “unikate në botë” sa për t’u tallur me artistët shqiptarë! Njësi organizative teatrale!

Ky emërtim i përçudshëm tashmë është “institucionalizuar”, i përkrahur nga partitë tona dhe i subvencionuar me dy-tri premierë në vit nga Ministria e Kulturës! Dhe kështu është absorbuar çdo pakënaqësi dhe kërkesë e artdashësve, është neutralizuar çdo përpjekje kombëtare për një institucion nacional të mirëfilltë, është paralizuar çdo “kërkesë nacionaliste” që do ta brengoste “pronarin”- komunitetin maqedonas të kulturës (një shqetësim më pak për ”pronarin e kulturës” nga “nacionalizmi shqiptar”)!

Duhet të nënvizohet se angazhimet e para për një teatër shqiptar në Kumanovë kanë qenë shumë serioze, me një elaborat që ka zbërthyer të gjitha nevojat profesionale dhe kulturore të shqiptarëve të kësaj ane! Partitë politike shqiptare, me qëllim që mos ta mbështesin për muri partnerin qeveritar maqedonas (sepse mund të hidhërohet elektorati i tyre), kanë parapëlqyer më tepër që të “hidhërohen” me artistët shqiptarë, t’i ofendojnë ata me një “institucion fiktiv”, ku mund ta shprehin gjithë talentin e tyre.

A mbrohet në këtë mënyrë identiteti kulturor kombëtar?! Pse aktorëve të mrekullueshëm kumanovarë t’u ofrohet një “njësi teatrale” dhe jo një institucion nacional: Teatri Shqiptar në Kumanovë! Në këtë qytet funksionojnë dy institucione nacionale maqedonase: Qendra për Kulturë “Trajko Prokopiev” dhe Institucioni Nacional “Muzeu”! Pse mos të themelohet dhe të funksionojë edhe një institucion nacional, Teatri Shqiptar i Kumanovës, me emër, për shembull, “Sefedin Nuredini”?

Potenciali kadrovik ekziston dhe është ndër më të fuqishmit në vend, potenciali financiar ekziston, sepse shqiptarët e këtij qyteti paguajnë taksa të majme, nevoja komunitare ekziston, sepse shqiptarët, publiku artdashës dëshiron që të ketë një institucion që do t’i nderojë dhe që do t’ua respektojë tërë atë angazhim që shqiptarët e këtushëm e kanë bërë për teatrin shqiptar në Maqedoninë e Veriut! Mundi, angazhimi dhe dëshira e shqiptarëve të Maqedonisë është përtej një “njësie teatrale” si seksion në kuadër të një shtëpie të kulturës! Mbase, partitë tona edhe ia kanë dalë që në këtë njësi organizative të ketë të punësuar profesionalë me rroga aktori! Por, aktorit shqiptar nuk i intereson as punësimi e as rroga, por ekzistimi i një Institucioni Nacional Shqiptar!

Janë miratuar e hedhur mbi 500 milionë dollarë, janë miratuar edhe me pëlqimi e partnerëve shqiptarë të koalicioneve qeveritare! Këto para janë shpenzuar për anije idiotike, për luana e dema, për shelgje në lumë e për ura me skulptura nga kultura dhe religjioni ortodoks maqedonas! Pse mos të arrihet edhe një konsensus qeveritar për një buxhet prej 5-6 mlionë dollarë (aq sa kanë kushtuar dy-tri përmendore të cubave maqedonas) për ta ndërtuar një objekt të denjë teatral për aktorët dhe teatër-dashësit shqiptarë të Kumanovës! Apo, këta “të shkretë” akoma nuk janë bërë për teatër, sepse edhe më tej nuk e kanë të rregulluar sistemin e kanalizimit, ujësjellësit, rrugët, ndriçimin publik… Jemi në rrugë e sipër, na duhet vetëm të na mandatoni edhe një herë, edhe një herë, edhe një herë… – do të thoshin “politikanët” tanë! Një shfaqje kjo tragjiko-komike si shumë e gjatë (gati e amshueshme!) ndër shqiptarët e Maqedonisë së Veriut!/HEJZA/

Continue Reading

Kulturë

​106-vjetori i vrasjes, ja çfarë shkruante gazeta “The Press” për Isa Boletinin më 23 nëntor 1921

Published

on

Ambasadori i Kosovës në Bruksel Agron Bajrami ka sjellë fragmente të përkthyera nga gazeta “The Press” e Zelandës së Re, datë 23 nëntor 1912, për heroin e popullit Isa Boletini, në 106-vjetorin e vrasjes së tij.

Ai në një postim në Facebook shkruan se fjala e mirë e një njeriu të vendosur arrin të dëgjohet me admirim edhe në skaj të botës.

“Pastaj, z. Isa arriti madhështinë. (Sulltani) Abdul Hamidi, meqë e zbuloi se forca nuk kryen punë, u përpoq me metodat e tija të zakonta – ryshfetin.

Ai e ftoi Isën në Jildiz (Pallati dhe rezidenca e Sulltanit në Stamboll), e quajti duke i bërë lajka “Monsieur”, dhe i ofroi atij 2800 funte në vit dhe një harem për të jetuar si një mysliman i mirë në Stamboll. Isa refuzoi 2800 funtet, e madje edhe haremin. ‘Ngufatem në qytete’, tha ai…”, shkruante asokohe “The Press”.

Continue Reading

Aktuale