Connect with us

Maqedonia e Veriut

Dendias: Vendimi për negociata për RMV dhe Shqipërinë s’duhet të ngadalësohet për shkak të metodologjisë

Published

on

Diskutimi për metodologjinë e procesit integrues nuk duhet t’i ngadalësojë sjelljet e vendimeve për fillimin e negociatave aderuese me Maqedoninë e Veriut dhe Shqipërinë, thotë ministri grek i Punëve të Jashtme, Nikos Dendias në intervistën “To vima” lidhur me pozitat franceze për të cilat shton se Greqia i mbështet.

Shefi i diplomacisë greke sqaron se edhe në interes të Greqisë është që vendet e rajonit të bëhen pjesë e familjes evropiane, ndërsa lidhur me sigurinë e zgjedhjeve tek ne nëse fiton VMRO-DPMNE-ja, thekson se Athina nuk përzihet në brendësinë e vendeve tjera, por pret kushdo që është në pushtet, Marrëveshja e Prespës, të implementohet tërësisht.

“E mbështesim pozitën e Francës për nevojën për shqyrtim të sërishëm dhe optimizim të metodologjisë së procesit integrues. Por, diskutimi adekuat nuk duhet t’i ngadalësojë sjelljet e vendimeve për fillimin e negociatave aderuese me Maqedoninë e Veriut dhe Shqipërinë. Lidhur me mundësinë që VMRO-DPMNE-ja të fitojë në zgjedhjet, përsëris se vendi ynë nuk përzihet në punët e brendshme të vendeve tjera. Presim nga fqinji dhe së shpejti aleat në NATO, Republika e Maqedonisë së Veriut, pavarësisht qeverive, tërësisht dhe saktë ta implementojë Marrëveshjen e Prespës”, thotë Dendias.

Lidhur me mundësinë për ndarjen e rrugës evropiane të Maqedonisë së Veriut dhe Shqipërisë, shefi i diplomacisë greke sqaron se Greqia dëshiron të dyja vendet së bashku të shkojnë përpara.

Duke folur për vizitën e javës së kaluar në Shkup, Dendias thotë se qëllimi ishte që të thellohet bashkëpunimi bilateral dhe të shprehet mbështetje për perspektivën evropiane.

“Vizita në Shkup, si parametra bazë i kishte përforcimin dhe thellimin e marrëdhënieve bilaterale në një spektër më të gjerë në sfera dhe promovim të zbatimit të plotë dhe të vazhdueshëm të Marrëveshjes së Prespës që është një parakusht i nevojshëm për bashkëpunim të dy shteteve në të gjitha sferat. Njëkohësisht, kishte për qëllim ta konfirmojë mbështetjen aktive, me iniciativa konkrete të Greqisë të perspektivën evropiane të Maqedonisë së Veriut, natyrisht me respektimin e kushteve aktuale, por edhe në bazë të vetë arritjeve”, thotë ministri i Punëve të Jashtme i Greqisë në intervistën për “To Vima”.

Për dy komisionet që rrjedhin nga Marrëveshja e Prespës, njëri për librat, ndërsa tjetri për shënimet tregtare, Dendias sqaron se në periudhën në vijim do të mbajnë takime të reja.

Continue Reading

Lajme

Nikollovski: Maqedonia me korrupsion është në të njëjtin nivel si Kolumbia dhe Etiopia

Published

on

Nënkryetari i VMRO-DPMNE-së, Aleksandar Nikollovski u shpreh se sipas raportit të sotshëm për korrupsion, Maqedonia për nga korrupsioni është pas Kosovës, Kolumbisë, Etiopisë, Surinamit, Vietnamit dhe Markut.

“Me nivel të tillë të korrupsionit, cili person normal do t’u japë fillim të bisedimeve me BE-në, ku vendet anëtare janë në 30 vendet e para”, tha Nikollovski.

Sipas tij, problemi me mosnisjen e bisedimeve është pikërisht se shteti nuk është i rregulluar.

“nukka sistem funksional të sundimit të së drejtës, nuk ka luftim kundër korrupsionit, ekonomikisht nuk rritemi dhe nuk ka investime të huaja dhe as që stimulohen kompanitë vendore”, tha Nikollovski.

Ai theksoi se nëse vendet anëtare të BE-së janë të bindura se Maqedonia meriton të jetë pjesë e BE-së, menjëherë do të ndikojnë ndaj Sofjes, por për shkak të korrupsioni një gjë e tillë, sipas Nikollovskit, nuk ndodh.

Continue Reading

Lajme

Prokuroria e Maqedonisë zbulon: Tre persona kanë bërë tregti me një vajzë të mitur duke e shfrytëzuar seksualisht

Published

on

Pas hetimeve të Prokurorit publik Prokuroria themelore publike për krim të organiyuar sot deri te Gjykata penale në Shkup paditi tre persona. Sipas deklaratës përshkruese i akuzuari i parë ka bërë dy vepra penale në mënyrë të vazhdueshme – tregti me fëmijë, e akuzaura e dytë ka vazhduar me procedurën për tregëtinë me fëmijë ndërsa i akuzuari i tretë ka vazhduar me tregtinë dhe më fëmijë dhe e ka dhunuar.

Në periudhë kohore prej katër vitesh, i pandehuri i parë, duke shfrytëzuar të njëjtat të njëjtat mundësi, ka kryer marrëdhënie seksuale të përditshme me vajzën e tij të mitur në shtëpi. Gjatë muajit mars 2018, duke shpërdoruar pozitën e tij si baba, në internet ka gjetur një burrë nga Kosova dhe e ka shitur vajzën për martesë të detyruar.

Në dhjetor të vitit 2018, vajza së bashku me njërin nga vëllezërit e saj dhe të pandehurin e dytë – nënën e tyre, janë arratisur nga shtëpia familjare dhe janë drejtuar për në shtëpinë e të dyshuarit të tretë.

E pandehura e dytë në periudhën tre vjeçare ka shfrytëzuar të njëjtën marrëdhënie të qëndrueshme dhe të njëjtat mundësi dhe duke shpërdoruar pozitën e saj si nëna e vajzës, e ka joshur atë me dhunë për të kryer akte seksuale për dëmshpërblim monetar me të pandehurin e tretë.

Pasi e ka prezantuar të pandehurin e tretë me vajzën e saj të mitur, ajo ka përdorur forcë fizike për ta dërguar në shtëpinë e tij dhe për kompensim në të holla prej 2.000 denarë, e nganjëherë edhe prej 500 i ka mundësuar kryerjen e akteve seksuale me vajzën e saj.

I pandehuri i tretë, duke shfrytëzuar të njëjtat mundësi, ka shfrytëzuar shërbimet seksuale të një fëmije nën 14 vjeç në shtëpinë e tij për kompensim monetar për një periudhë 3-vjeçare. Gjatë muajit dhjetor 2018, duke përdorur forcë dhe duke e kërcënuar se do të sulmonte drejtpërdrejt jetën, ka kryer një tjetër akt seksual ndaj vëllait të mitur të vajzës.

Për krimet për të cilat akuzohen kërcënohen dënime të larta burgimi prej të paktën dhjetë apo 12 vjetësh.

Continue Reading

Lajme

Kovaçevski: Zgjidhja mes Maqedonisë së Veriut dhe Bullgarisë duhet të jetë e bazuar në vlerat evropiane

Published

on

Çështjet e hapura duhet të zgjidhen në tërësi, që duhet të përfaqësojë kornizë të caktuar, e cila do të jetë e lidhur me heqjen e vetos nga pala bullgare dhe mbajtjen e konferencës së parë ndërqeveritare të Maqedonisë së Veriut me BE-në, njoftoi sot kryeministri Dimitar Kovaçevski për gazetarët e Maqedonisë së Veriut pas përfundimit të mbledhjes së parë ndërqeveritare të të dyja shteteve, e cila u mbajt në Sofje.

Siç njoftoi raportuesi i MIA-s nga Sofja, në lidhje me mundësinë për ndarjen e çështjeve nga tani pakoja 4 plus 1 pasi emri i shkurtë Maqedonia e Veriut ishte zgjidhur gjatë vizitës së Petkovit në Shkup, Kovaçevski theksoi se çështjet do të shkojnë në një pako, por, se secila nga ato ka dinamikën e saj të zgjidhjes.

Siç njoftoi kryeministri, gjatë zgjidhjes së çështjeve politike me Sofjen duhet të respektojmë Rezolutën e cila është miratuar në Kuvendin e Republikës së Maqedonisë së Veriut dhe është mbështetur nga të gjitha partitë politike, duke theksuar se nuk duhet të shihen si të rënda dhe të lehta nëse ekziston gatishmëri për arritjen e kompromisit.

Kovaçevski, brifingun, e mbajti pas takimit me presidentin bullgar Rumen Radev, i cili në bisedime, siç theksoi kryeministri, e ka riafirmuar qëndrimin sa i përket çështjeve politike të palës bullgare. Por, ka theksuar edhe se e ka mbështetur impulsin e ri të dialogut të cilin e japin të dy kryeministrat e rinj.

Sa i përket përshtypjes së tij nga takimet të cilat i kishte sot dhe dje në Sofje, për atë nëse ka afrim mes të dyja palëve sa i përket pakos së çështjeve politike, Kovaçevski njoftoi se në bisedimet në mbledhjen e përbashkët aspak nuk është biseduar për ato çështje. Kjo, tha, është punë e ministrive të Punëve të Jashtme të cilat e kanë kapacitetin e plotë dhe do të angazhohen në afrimin e pozicioneve mes të dyja shteteve.

Kryeministri Kovaçevski njoftoi se zgjidhja mes të dyja vendeve para së gjithash duhet të jetë e bazuar në vlerat evropiane, në interes të qytetarëve të Maqedonisë së Veriut dhe të Bullgarisë, të jetë institutionalisht e mbështetur nga të dyja palët dhe të sjellë mbajtjen e konferencës së parë ndërqeveritare.

Për atë nëse zgjidhja e arritur do të futej në Marrëveshjen për Fqinjësi të Mirë ose do të miratohej marrëveshje e re eventuale, si dhe për atë nëse do të dërgohej për miratim në Kuvend, Kovaçevski theksoi se ai është legalist dhe se të gjitha vendimet do të merren sipas ligjeve. Theksoi se ka vendime të cilat i sjellë Qeveria, ka vendime të cilat i sjellë Kuvendi, dhe ka vendime të cilat i nënshkruan presidenti.

Në këtë moment nuk deshi të precizojë më shumë hollësi, duke theksuar se tani është më e rëndësishme që të aktivizohet puna e grupeve të punës, të vazhdohet rruga e afrimit të të dyja palëve përmes ndërmarrjes së hapave praktikë dhe realizimit të projekteve konkrete, sepse siç tha, mes vendeve që nuk ekziston komunikim është rëndë të arrihet çfarëdo lloj zgjidhje.

Sa i përket përfshirjes së bullgarëve në Kushtetutë, Kovaçevski theksoi se ai është proces që duhet t’i kalojë të gjitha fazat të cilat parashohin ndryshim të Kushtetutës dhe theksoi se ai ndryshim do të ketë lidhje me procesin e integrimeve evropiane në vend.

Sa i përket mbrojtjes së pakicave, theksoi se situata në vendin tonë është e qartë, se të drejtat individuale realizohen në mënyrë kolektive, por se ka shtete në të cilat ky nuk është rast siç është Bullgaria. Për atë nëse në takime është folur edhe për pakicën maqedonase, Kovaçevski njoftoi se në rastin me Bullgarinë ekzistojnë edhe mekanizma të tjerë për mbrojtje të të drejtave të dikujt sa i përket vetëvendosjes të tyre, institucione të ndryshme ndërkombëtare, siç është Këshilli i Evropës.

Continue Reading

Aktuale