Connect with us

Kosovë

Prokuroria Speciale ende pa një vendim për rastin “Dehari”

Published

on

Janë bërë pothuajse një muaj që kur Kryeprokurori i Shtetit, Aleksandër Lumezi, ka marrë vendim që rasti i Astrit Deharit të kalojë nga Prokuroria Themelore në Prizren në juridiksion të Prokurorisë Speciale të Republikës së Kosovës.

Por që nga atëherë, Prokuroria Speciale ende nuk ka nxjerrë një aktvendim se deri ku ka shkuar procesi i hetimeve, transmeton Klan Kosova.

Avokati i familjes së Astrit Deharit, Tomë Gashi, thotë për Ekonomia Online, se kjo prokurori nuk e ka luksin që ta stërgjatë këtë proces dhe që javën tjetër në bazë të kompetencave të tij do të ndërmarrë veprime të caktuara juridike.

“Edhe pse tani është bërë 1 muaj, Prokuroria Speciale ende nuk ka nxjerrë një aktvendim për zhvillimin e hetimeve me të cilin faktikisht do të fillonin hetime për identifikimin e vrasësve të Astrit Deharit, për identifikimin e shtytësve në vrasje dhe posaçërisht për ata që kanë fshehur vrasjen për më tepër se tri vjet. Deri më tani kemi dërguar tri kërkesa dhe të gjitha kërkesat që janë dërguar për të gjitha në formë të shkruar është njoftuar edhe kryeprokurori Aleksandër Lumezi dhe ne faktikisht nuk kemi çka të presim më tepër. Qysh javën e ardhshme do të ndërmarrim veprime të tjera të caktuara ligjore që prokuroria të vihet në funksion të ligjit në funksion të vetvetes dhe të mos e mbajë lëndën që ka marrë prej Prokurorisë në Prizren. Nuk ka kurrfarë arsye ta mbajë lëndën të tillë pa nxjerrë një aktvendim për zhvillimin e hetimeve në drejtim të identifikimit të vrasësve të Astrit Deharit”, theksoi Gashi.

Ai thotë se tani më Prokuroria nuk ka se çka të hulumtojë me teorinë e mëhershme, pasi tri vjet kanë mjaftuar që të dihet e vërteta që është ditur nga dita e parë se Astrit Dehari është vrarë.

“Duket se është një neglizhencë, nuk mund të themi ende e qëllimshme, por duket që atyre ju është nevojitur një kohë e caktuar që thjesht të vijnë në rrugë ligjore që të nxjerrin vendim për zhvillimin e hetimeve dhe të angazhojë njësitë përkatëse të Policisë së Kosovës, hetuesit më të mirë të Kosovës, që të identifikojnë vrasësit e Astrit Deharit. Mendoj se ky është obligim ligjor për prokurorët. Nëse nuk veprojnë në mënyrë të tillë, atëherë vetvetiu në bazë të ligjit, familja e Astrit Deharit mund të kërkojë përmes meje që ata të largohen krejtësisht nga kjo çështje kaq e rëndë penale”, shtoi Gashi.

Gashi më tej tha se edhe kryeprokurori Aleksandër Lumezi do të duhej të kërkonte llogari nga prokurori i rastit, e për të cilin ende nuk e dinë se kujt i është caktuar.

“Besoj që edhe Aleksndër Lumezi do duhej të kërkonte llogari nga Prokurori i rastit, për të cilin ne ende nuk e dimë se kujt i është ndarë, tani për tani ne faktikisht në mënyrë juridike jemi duke bashkëpunuar jemi duke i drejtuar shkresat e caktuara kryeprokurorit të përkohshëm të Prokurorisë Speciale të Kosovës dhe përveç një shkrese që ata janë përgjigjur se janë në sistemimin e lëndës dhe do të më ftojnë mua si avokat i familjes Dehari por edhe prindërit e Astrit Deharit që të koordinojmë punën kjo deri më tani nuk ka ndodhur”, u shpreh ai

Më tej, Gashi thotë se prokurori i çështjes por edhe prokurori i Shtetit e dinë që me rastin e nxjerrjes së vendimit për zhvillimin e hetimeve në drejtim të identifikimit të vrasësve të Astrit Deharit ata që kanë fshehur rastin do duhej të arrestoheshin

“Besoj që prokurori i çështjes por edhe prokurori i shtetit e dinë që me rastin e nxjerrës së vendimit për zhvillim të hetimeve në drejtim të identifikimit të vrasësve të Astrit Deharit një pjesë do të thotë një numër i pacaktuar që ne nuk e dimë sa do të jetë ndoshta zyrtarëve të lartë shtetërorë. Pra atyre që kanë fshehur rastin do duhej të arrestoheshin dhe besoj që janë kalkulime të tjera juridike nuk po them politike që kanë shtyrë Prokurorinë Speciale dhe Prokurorin e Shtetit që deri më ditën e sotme të mos ndërmarrin veprime të caktuara apo ndoshta kanë ndërmarrë për të cilat neve nuk na kanë njoftuar deri më sot”, ka përfunduar Gashi.

Prokuroria Themelore në Prizren, më 24 tetor ka publikuar konkluzionet e ekspertizës së Institutit të Mjekësisë Ligjore në Lozanë të Zvicrës, për rastin e Astrit Deharit.

Astriti ka vdekur më 5 nëntor 2016,derisa po mbahej në Qendrën e Paraburgimit në Prizren, si i dyshuar për sulmin ndaj ndërtesës së Kuvendit, në gusht të vitit 2016.

Continue Reading

Kosovë

Kosovë: Konfirmohen 3,206 raste me coronavirus në 24 orë

Published

on

By

Kosovë: Konfirmohen 3,206 raste me coronavirus në 24 orë

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se nga 11.883 testime, 3,206 qytetarë kanë rezultuar pozitiv me virusin COVID-19.

Gjatë 24 orëve të fundit, nuk është shënuar asnjë rast i vdekjes.

Sot janë shëruar 357 qytetarë, derisa numri i përgjithshëm i të shëruarve është 160.247.

Në total numri i rasteve aktive është 15.247.

MSH njofton se në 24 orët e fundit janë dhënë 4.620 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.742.039 doza të vaksinës.

Deri më sot 800.754 qytetarë janë vaksinuar me dozën e dytë.

Deri më sot janë dhënë 44.143 doza përforcuese dhe 7.866 doza të treta të vaksinës kundër COVID-19.

Continue Reading

Kosovë

Rrëfimi i Hamëz Jasharit pas sulmit të 22 janarit 1998: Edhe Europa t’i hap dyert për ne, ne nuk do ta lëshojmë

Published

on

By

Rrëfimi i Hamëz Jasharit pas sulmit të 22 janarit 1998: Edhe Europa t’i hap dyert për ne, ne nuk do ta lëshojmë

Sot janë bërë 24 vjet nga sulmi i dytë i forcave serbe ndaj Familjes Jashari në Prekaz të Skenderajt.

E në lidhje me këtë, disa ditë pas sulmit, Hamëz Jashari asokohe kishte bërë një rrëfim në dy mediume, njërin shqiptar dhe tjetrin gjerman në bashkëpunim me një tjetër kroat.

”…ata [serbët] filluan të qëllonin në drejtim tonin, kështu që edhe ne filluam të gjuanim mbi ta”, tha ai.

”Serbia nuk do paqe. Ata çdo ditë rrahin, vrasin dhe rrisin dhunën ndaj shqiptarëve”.

”Ata hynë nëpër shtëpitë tona dhe na poshtërojnë. Dekani i Universitetit Shqiptar poshtërohet nga një polic i thjeshtë serb”, ishte shprehur atëbotë, Hamëz Jashari.

Ndërkaq në rrëfimin e dytë të tij në muajin shkurt të 1998-ës, Hamzë Jashari qe i prerë se nuk do të largoheshin nga Kosova me asnjë kusht, edhe nëse Europa u hap dyert, përcjell Klankosova.tv.

”S’kemi ku me shku na, këtu do ta bëjmë vdekjen, këtu ku të parët tanë kanë jetuar me shekuj, prej ilirëve e pëllazgëve, këtu edhe ne do ta bëjmë vdekjen, kurrë nuk do ta lëshojmë këtu. Do t’i përgjigjemi me aq sa kemi mundësi. S’kemi ku shkojmë, i shihni sa fëmijët i kemi këtu. Edhe Europa t’i hap dyert për ne, ne nuk do ta lëshojmë”, ishte shprehur Hamëz Jashari.

Continue Reading

Kosovë

Videoja e Jahjagës me Dafinën bëhet virale

Published

on

By

Videoja e Jahjagës me Dafinën bëhet virale

Një video e ish-presidentes, Atifete Jahjaga, ku shihet bashke më këngëtaren Dafina Zeqiri, është bërë virale në rrjete sociale.

Në këtë video, dyshja Jahjaga-Zeqiri shihen duke ekzekutuar një “koreografi” me lëvizja karakteristike të duarve, teksa në prapavi shkon kënga e Dafina Zeqirit në bashkëpunim me Lumi B e titulluar “Nona”.

Video duket të jetë gjiruar më herët, meqë tashmë ish-presidentja ka ndryshuar edhe ngjyrën e flokëve.

Continue Reading

Aktuale