Connect with us

Lajme

Aleanca për Shqiptarët: BDI pranon pafuqinë e saj politike për të realizuar rrugën Shkup-Bllacë

Published

on

Ka reaguar Aleanca për Shqiptarët në lidhje me deklarimin e Bujar Osmanit për autostradën Shkup – Bllacë. Në pyetjen e in7.tv, për vonesat në realizimin e kësaj rruge, Osmani u përgjigj se nevoja dhe presioni për ndërtimin e saj janë paraqitur në një apo dy vitet e fundit, pasi sipas tij duhej të kryheshin 60 kilomtrat në anën e Kosovës. Sipas tij, anulimi i tenderit të parë ishte bërë për shkak se nuk ka pasur oferta serioze, përcjell in7.

Por kështu nuk mendon Aleanca për Shqiptarët të cilët akuzojnë se BDI ka qënë e pafuqishme për ta kryer këtë projekt, të cilin e premton që prej vitit 2008.

Reagimin e Aleancës po e përcjellim në vazhdim.

Pas një dekade BDI pranon pafuqinë e saj politike për të realizuar rrugën Shkup-Bllacë

 

Pas më shumë se 10 vite premtime, BDI ende nuk ka arritur t’i jep një formë reale projektit për autostradën Shkup-Bllacë!

Prolongimet e vazhdueshme që kjo parti i ka bërë me qëllim të vetëm shfrytëzimin e kësaj pike si premtim parazgjedhor po vazhdojnë ende. Edhe pse Aleanca për Shqiptarët disa herë ka kërkuar sqarim për prolongimet e vazhdueshme, kjo parti vazhdimisht ka neglizhuar mbi këtë çështje me arsyetimet e njëjta çdo herë.

Sot, kur edhe ka mbaruar tenderi i dytë për ndërtimin e kësaj autostrade Bujar Osmani vazhdon të manipulojë me zbrazëtirat juridike që ata vetë i lejojnë.

Sipas logjikës së tij, për premtime që vetë i japin duhet të kenë shtypje dhe kërkesë të vazhdueshme nga qytetarët, përndryshe nuk kanë pse i realizojnë! Prandaj prolongimin e më shumë se 10 viteve e arsyeton me faktin se nuk ka pasur nevojë për ndërtimin e këtyre 10 kilometrave derisa nuk është paraqitur nevoja nga qytetarët!

Aleanca për Shqiptarët kërkon transparencë maksimale mbi këtë çështje! Nuk duhet lejuar asnjë manipulim tjetër, dhe për këtë shkak ne kërkojmë që organet kompetente ofertat e tenderit t’i bëjnë publike.

Gjithashtu, në suaza të transparencës dhe informimit publik kërkojmë që këto oferta të shqyrtohen në afat sa më të shkurtër kohor, në mënyrë që mos të shfrytëzohet premtimi zgjedhor i 2008-tës sërish në programin zgjedhor të BDI-së në 2020-tën!

 

 

Continue Reading

Lajme

Sindikata në Maqedoni kërkon që gjysmëvjetori i dytë të nis ‘online’

Published

on

By

Sindikata në Maqedoni kërkon që gjysmëvjetori i dytë të nis ‘online’

Qeveria në Maqedoninë e Veriut me rekomandim të Komisionit për Sëmundje Infektive, ka vendosur që më 1 shkurt të vazhdojë mësimi në arsimin fillor dhe të mesëm me prezencë fizike të nxënësve.

Megjithatë Sindikata e Pavarur për Arsim, Shkencë dhe Kulturë (SASHK) dje ka kërkuar rishikim të këtij vendimi.

Në të njëjtën kohë, ambientet spitalore në vend po zgjerohen dhe riorganizohen për trajtimin e pacientëve të shtruar në spital për shkak të rritjes së infektimeve, gjatë ditë të fundit.

Kryetari i SASHK-ut, Jakim Nedelkov dje në një prononcim për MIA-në tha se në kohën kur përqindja e të infektuarve me koronavirus në vend po rritet, nëse mësimi fillon me prezencë fizike, ekziston mundësia reale që virusi të përhapet shumë më shpejt.

Ai propozon që mësimi të fillojë online dhe më pas të shihet situata dhe nëse gjendja epidemiologjike ka rënie, atëherë të bëhet një vlerësim nëse ka kushte për prezencë fizike në mësim.

“Kërkojmë anulimin e vendimit, sepse besojmë se përqindja e pacientëve të rinj është në rritje çdo ditë dhe nëse nxënësit shkojnë me prezencë fizike ka mundësi reale që shkollat ​​të kthehen në grupime dhe virusi të përhapet më shpejt. Për këtë arsye, ne besojmë se një periudhë e caktuar, p.sh. dy javë, mësimi duhet të jetë online, në mënyrë që të shihen kushtet nga përhapja e virusit dhe nëse është në rënie, të bëhet një vlerësim dhe të shihet nëse ka kushte për prezencë fizike”, theksoi Nedelkov.(INA)

Continue Reading

Lajme

Sot do të varroset Rexhail Qerimi

Published

on

By

Sot do të varroset Rexhail Qerimi

Disa minuta pas mesnate, në rrethana të mistershme, ka ndërruar jetë Rexhail Qerimi, i dënuar për rastin “Alfa”, me burg të përjetshëm. Pas kësaj ishin njoftuar familjarët e të ndjerit, të cilët e kanë kërkuar trupin e pajetë të Qerimit dhe nuk kanë lejuar që atij ti bëhet autopsi.

Po ashtu, ata thonë se gjatë periudhës së vuajtjes së denimit, personi në fjalë nuk ka pasur sëmundje kronike dhe çdoherë kur ka kërkuar ndihmë mjekësore, ajo i është ofruar edhe nga mjeku i institucionit edhe nga specialistët e spitalit shtetëror.

Nga Prokuroria Publike theksojnë se në trupin e të ndjerit Rexhail Qerimi nuk janë hasur shenja dhune. Po ashtu thonë se është konstatuar se personi në fjalë ka pasur histori të sëmundjeve.

Varrimi i Qerimit do të bëhet sot pas namazit të xhumas.

Më 26 nëntor të vitit 2008 në afërsi të Fakultetit të shkencave matematiko-natyrore në Shkup u vra polici i njësitit “Alfa”, Afrim Arifi, ndërsa mbetën rëndë të plagosur edhe dy policë të tjerë. Rasti në fjalë bëri bujë në opinion sepse dy vite më vonë, më 30 prill të vitit 2010 për këtë vrasje u dënuan me burgim të përjetshëm ish-pjesëtarët e UÇK-së: Rexhail Qerimi nga fshati Opajë I Kumanovës dhe Agim Islami nga fshati Rashçe i Shkupit. Gjithashtu, me gjashtë vite burg u dënua ish ushtari i UÇK-së, Ramadan Shaqiri. Rasti është bazuar në dëshminë e “dëshmitarëve të mbrojtur”. Qerimi deri tani kishte vuajtur burg 13 vjet e gjysmë.

Rasti “Alfa” pritet që të rinisë nga e para, pasi familjarët kanë bërë ekspertizë shtesë nga ekspertë serb të videos së gjetur në vend-ngjarje.

Continue Reading

Lajme

Ndalohet i dyshuari për sulm seksual ndaj motrës së tij të mitur

Published

on

By

Ndalohet i dyshuari për sulm seksual ndaj motrës së tij të mitur

Prokuroria Themelore Publike në Kavadar ka lëshuar urdhëresë për kryerjen e hetimit ndaj një 19-vjeçari, banues në fshatin Drenovë, i dyshuar për kryerjen e veprës penale – Sulm seksual ndaj fëmijës nën moshën 14 vjeçare.

I dyshuari ka shfrytëzuar një moment teksa ka qenë vetëm në shtëpi me motrën e tij 11-vjeçare, ndaj ka kryer akte të tjera seksuale ndaj saj.

Prokurori publik i ka dorëzuar gjyqtarit të procedurës paraprake në Gjykatën Themelore në Kavadar propozim për caktimin e masës së paraburgimit ndaj të dyshuarit. Gjyqtari e ka pranuar propozimin dhe me vendim të dyshuarit i ka caktuar masën e paraburgimit prej 30 ditësh.

Continue Reading

Aktuale