Connect with us

Lajme

20 vite CIVIL / Lajmet e rreme dhe gjuha e urrejtjes, sfidë kryesore

Published

on

CIVIL i mbushi 20 vite punë aktive.

Duke ngritur ndërgjegjësimin e opinionit për çështjet reale dhe problemet që nuk janë gjithmonë të dukshme në frontin politik, sektori civil u ndihmon qytetarëve që të formojnë shoqërinë dhe në këtë mënyrë të kontribuojnë drejtpërdrejtë në përpjekjet tona për ta shndërruar atë në shtet përparimtar dhe me prosperitet.

Këtë e theksoi presidenti i shtetit Stevo Pendarovski në fjalimin e tij në konferencën “Midis aspiratave dhe realitetit” me rastin e 20 vjetorit të themelimit dhe punës aktive të CIVIL, që u mbajt në Muzeun e Qytetit të Shkupit.

“Pres që në periudhën e ardhshme të vazhdojmë të ndërtojmë shtet demokratik, në të cilin suksesi i njërit nuk do të jetë në kurriz të suksesit të tjetrit dhe në të cilin ligjet do të zbatohen për të gjithë në mënyrë të barabartë, në të cilën mbrohen të drejtat dhe liritë, në vend se privilegjet, dhe të mbetet dinjiteti i njeriut dhe qytetarit në zemër të përpjekjes sonë të përbashkët për një shoqëri të lirë dhe të drejtë”, porositi presidenti Pendarovski.

“Karta është një thirrje për aktivizimin qytetar që të zë vendin e saj të duhur në kontrollin joformal, por të domosdoshëm mbi ne politikanët dhe zyrtarët për të punuar për të mirën e përbashkët,” u shpreh mes tjerash kreu i shtetit.

Pendarovski foli edhe për angazhimin e CIVIL për lirinë e mediumeve në kushtet e viteve të errësirës në media, kur nënvizoi, e filloi projektin “Objektivi Qytetar” që kishte për qëllim çlirimin dhe dekontaminimi e hapësirës mediatike. Media të lira, theksoi Presidenti Pendarovski, janë një nga parakushtet për demokracinë e vërtetë.

Përmendi se nga viti 2008-të, CIVIL ka qenë duke kryer monitorim me zgjedhje të metodologjive të reja efektive për tejkalimin dhe edukimin qytetar për të drejtën civile. Si projekt më i ri për mbrojtjen e mjedisit jetësor, i përmendën “Të gjelbrit po vijnë”.

Duke folur për arritjet, sfidat dhe perspektivat e CIVIL-it, Xhabir Deralla, iu referua asaj që, siç tha ai, ishte rrëzimi i një regjimi, si zgjim historik i shoqërisë.

“Të gjitha kritikat, lufta për të drejtat e punëtorëve, bërja e ligjeve, lufta për të drejtat dhe liritë e njeriut, liria e shprehjes, vlerat evropiane dhe të gjelbërta, të gjitha këto që kanë rëndësi që njerëzit të kenë jetë më dinjitoze dhe fëmijëri, si dhe rini më të lumtur të brezave që do ta çojnë këtë vend në të ardhmen evropiane”, u shpreh Deralla.

Të njohura janë edhe sfidat, nënvizoi, sepse shoqëria civile nuk është imune ndaj politizimit, deri në depërtimin e strukturave të prapambetura, destruktive, nacionaliste dhe kriminale në vend. Ne kemi nevojë për më shumë sinqeritet dhe autokritikë për t’u marrë me sfidat në këtë moment vendimtar për Republikën e Maqedonisë së Veriut, konsideron Deralla.

“Një sfidë tjetër e madhe është para nesh, siç janë lajmet e rreme dhe gjuha e urrejtjes. Ato janë arma kryesore e qendrave të pushtetit, të cilët nuk dëshirojnë të shohin të ardhmen e Maqedonisë së Veriut në Evropë dhe në botën e zhvilluar demokratike”, theksoi Xhabir Deralla.

Ai përmendi se perspektiva për vendin tonë është evropiane, gjithçka tjetër, potencon, do të nënkuptojë ndarje, dhunë dhe shkelje, ndërsa para shoqërisë qytetare është sfida që të kthehet Maqedonia e Veriut nga e kaluara e errët e gënjeshtrave, dhunës  dhe ndarjeve dhe të orientohet drejt së ardhmes evropiane. 

Continue Reading

Bota

Ishulli “në fund të botës” shkon në izolim për shkak të koronavirusit

Published

on

By

Ishulli “në fund të botës” shkon në izolim për shkak të koronavirusit

Ishulli i largët në Paqësor, Kiribati, u fut në izolim kombëtar për herë të parë që prej nisjes së pandemisë, pasi disa udhëtarë në avionin e parë që mbërrinte në vend pas 10 muajsh, dolën pozitiv me Covid-19.

Sipas masave të reja të sigurisë, njerëzit duhet të qëndrojnë nëpër shtëpi, ndërsa grupimet masive janë të ndaluara.

Në avionin që mbërriti nga Fiji 36 persona, nga 54 që ishin në bord, dolën pozitiv me Covid-19. Prej tyre, u infektuan edhe 4 të tjerë. Deri javën e kaluar, Kiribati kishte regjistruar vetëm 2 raste me Covid-19 që nga nisja e pandemisë.

Kiribati është një prej ishujve më të izoluar në botë, rreth 5000 kilometra larg kontinentit më të afërt, Amerikës së Veriut. Qeveria tha se të gjithë udhëtarët pozitiv me Covid-19 ishin të vaksinuar, por po mbahen në monitorim. Në total, ishulli ka 120 mijë banorë, por nuk dihet sa prej tyre janë të vaksinuar.

Continue Reading

Bota

Ukraina akuzon Gjermaninë për ‘inkurajimin e Putinit’ duke refuzuar dërgimin e armëve në Kiev

Published

on

By

Ukraina akuzon Gjermaninë për ‘inkurajimin e Putinit’ duke refuzuar dërgimin e armëve në Kiev

Ministri i Jashtëm i Ukrainës ka akuzuar Gjermaninë për minimin e unitetit midis aleatëve të vendit dhe për “inkurajimin” e Vladimir Putinit duke refuzuar të dorëzojë armë në Kiev.

Sipas medieve të huaja, përcjell Telegrafi, më herët të shtunën, ministry gjerman i mbrojtjes tha se Berlini do të ngrejë një spital fushor në Ukrainë në mes të krizës së sigurisë mes Perëndimit dhe Rusisë. Por Christine Lambrecht tha se dërgimi i ndihmës ushtarake tani nuk do të ndihmonte në “zbutjen e krizës”.

“Sot, uniteti i Perëndimit me Rusinë është më i rëndësishëm se kurrë. Për ta arritur atë dhe për të penguar Federatën Ruse, ne të gjithë po punojmë së bashku”, u përgjigj përmes Twitter-it ministri i Jashtëm ukrainas, Dmytro Kuleba.

“Partnerët gjermanë duhet të ndalojnë fjalë dhe veprime të tilla për të minuar unitetin dhe për të inkurajuar Vladimir Putinin për një sulm të ri ndaj Ukrainës”.

Ministri i Jashtëm ukrainas, shtoi se Kievi është i ishte mirënjohës Gjermanisë për mbështetjen dhe përpjekjet e saj diplomatike në vitet e fundit. “Por deklaratat aktuale të Gjermanisë janë zhgënjyese dhe bien ndesh me këtë mbështetje dhe përpjekje”, shtoi ai.

Continue Reading

Lajme

Publikohen pamjet nga momenti kur u qëlluan dy shqiptarë në Greqi

Published

on

By

Publikohen pamjet nga momenti kur u qëlluan dy shqiptarë në Greqi

Mediat greke kanë publikuar pamjet e momentit të sherrit në një furrë buke në Voula të Athinës ku u qëlluan me armë zjarri dy shqiptarë, të cilat ndodhen në spital.

Gjithashtu nga ngjarja mbeti i plagosur edhe një irakian. Në pamjet e kamerave të sigurisë së biznesit duket momenti kur personat e përfshirë largohen me vrap pas sherrit dhe të shtënave me armë zjarri.

Por si ndodhi ngjarja?

Po sipas mediave greke, dy persona raportohet se po pinin kafe në furrën e bukës kur papritur u shfaq një xhip me katër persona, të cilët ishin shqiptarë. Dy persona zbritën dhe iu afruan tavolinës ku të dy burrat po pinin kafen. Papritur mes tyre ka shpërthyer një debat, ku njëri nga dy personat ka goditur tjetrin me karrige.

Personi që priste jashtë, nxitoi brenda për të ndihmuar shokët e tij dhe më pas nxorën armët. Kur tentuan të largoheshin, ata hapën zjarr.

Gjithsej tre persona kanë mbetur të plagosur, dy prej të cilëve shqiptarë.

Ngjarja e përgjakshme ka ndodhur përpara syve të fëmijëve të moshës 12-13 vjeç. Nga frika, fëmijët u fshehën. Autorët iu drejtuan duke u thënë “mos u shqetësoni, nuk do t’ju bëjmë keq”.

Pas ngjarjes ata u larguan me shpejtësi, ndërsa policia është vendosur në kërkim të tyre. Paraprakisht, mediat greke thonë se bëhet fjalë për një larje hesapesh. /abcnews.al/

Continue Reading

Aktuale