Connect with us

Maqedonia e Veriut

Komuna e Vrapçishtit në dispozicion me gjithë potencialin e saj për të prekurit nga tërmeti

Published

on

Në vazhdën e solidarizimit me të prekurit nga tërmeti që ndodhi ditën e martë në Shqipëri, ku si pasojë nën gërmadha humbën jetën shumë qytetarë dhe qindra u lënduan, përcjell in7.

Për in7, nga Komuna e Vrapcishtit me në krye Isen Shabanin, thanë se tashmë kanë nisur një kontigjent me ndihma për në Durrës, ndërsa theksuan se aksioni vazhdon edhe në ditët në vijim. Përveç ndihmës së siguruar nga institucionet komunale, në ndihmë të tyre janë vënë edhe bizneset lokale dhe qytetarët nga gjithë territori i komunës.

“Komuna e Vrapçishtit në këto ditë të vështira të shtetit Shqiptar po solidarizohet duke ju ofruar ndihmë me aq sa ka mundësi. Janë nisur pako ne ndihma të ndryshme për ne Shqipëri dhe urojmë që populli i Shqipërisë i goditur nga tërmeti të mos përjetojë përsëri situata të ngjajshme.”, thonë nga kjo komunë.

Gjithashtu nga Komua e Vrapçishtit njoftojnë qytetarët se për shkak të tragjedisë së ndodhur nga tërmeti në Shqipëri kanë shpallur ditë zie dhe kanë anuluar të gjitha manifestimet në lidhje me festat e nëntorit.

“Komuna e Vrapçishtit njofton të gjithë banorët se për shkak të tragjedisë që ndodhi në Shqipëri dhe situatës së palakmueshme dhe jo të sigurtë, është vendosur që të anulohet çdo organizim i cili ka të bëjë me Festat e Nëntorit. Me këtë, ne si komunë solidarizohemi me Shqipërinë, duke patur gjithmonë në vëmendje situatën e atjeshme”, thonë nga atje.

Ditë zie është shpallur në të gjitha komunat shqiptare në Maqedoni, ndërkaq me ndihma financiare, ushqime, zjarrfikësa, ekipe mjekësore kanë dërguar komunat më të mëdha si Gostivari e Tetova.

A.Sh.-in7.tv

Continue Reading

Lajme

Andreeva: Rritja e pagës minimale nuk rrit produktivitetin e punëtorëve

Published

on

Rritja ligjore e pagës minimale nuk e rrit produktivitetin e punës, ka thënë në emisionin “Magazina Ekonomike” në Alsat, nënkryetarja e Lidhjes së Odave Ekonomike, Aleksandra Andreeva.

Duke folur për këtë temë, ajo është shprehur:

“Të gjitha organizatat ndërkombëtare në Maqedoni në punimet e tyre bëjnë të ditur se produktiviteti ynë i punës është jashtëzakonisht i ulët. Ne jemi për përmirësimin e standardit të qytetarëve, por duhet të kemi parasysh të gjithë parametrat. Kjo rritje duhet të bazohet në një mekanizëm tregu – duke rritur produktivitetin, në mënyrë që të mos ulet motivimi i atyre punonjësve më produktivë,” ka thënë Andreeva./ Alsat.mk/

Continue Reading

Lajme

Petliçkovski: S’është momenti të hiqen maskat

Published

on

Drejtori i Institutit për Imunologji dhe Gjenetikë Humane, Aleksandar Petluçkovski në TV Sitel foli për rritjen e rasteve të reja në Maqedoni.

Ai theksoi se qytetarët duhet të jenë të kujdesshëm duke potencuar se jemi rreth pikut të llojit Omicron të coronavirusit.

“Lloji Omicron është virus më i lehtë, por nuk jemi të sigurt nëse do të jetë kështu përherë. Nuk e dimë nëse ky lloj i virusit do të ndryshojë dhe do të shndërrohet në virus më i rrezikshëm. Mendoj se nuk është momenti të hiqen maskat për arsye se pandemia ende nuk ka përfunduar”, tha Petliçkovski.

Kujtojmë se deri tani në Maqedoni me COVID-19 janë diagnostifikuar gjithsej 249.704 raste, ndërsa prej tyre 223.053 janë shëruar dhe 8.153 persona kanë humbur jetën. Numri i rasteve aktive është 18.498.

Continue Reading

Lajme

Media bullgare: Familjarët e viktimave në autobusin në “Struma” kërkojnë hetim paralel

Published

on

Siç raporton BNT, familjarë të afërt të viktimave janë deklaruar për televizionin se presin më shumë infromacione për arin dhe akcesorët me vlerë që viktimat e kanë mbajtur me vete.

Pas tragjedisë, të mbijetuarit dhe familjarët e viktimave kërkuan nga Gjykata e Rrethit në Pernik në mënyrë paralele t’i hetojë arsyet e aksidentit dhe presin më shumë infromacione për arin dhe akcesorët me vlerë që udhëtarët e kanë mbajtur me vete.

Edhe pse kanë kaluar dy muaj nga tragjedia e madhe, një pjesë e të mbijetuarve kthehen në Bullgari, ndërsa familjarët i presin sendet e ruajtura të familjarëve të tyre.

“Kam dëshmi se kunata ime ka akcersorë në vlerë prej 7.000 eurove gjatë udhëtimit. Ari nuk digjet”, shprehet Qamuran Pajazitovski.

Edhe të mbijetuarit edhe familjarët e viktimave kërkojnë hetim paralel për tragjedinë.

Kujtojmë se në aksidentin në Bullgari që ndodhi më 23 nëntor, humbën jetën 45 persona prej të cilëve 12 fëmijë dhe 7 mbijetuan.

Continue Reading

Aktuale