Connect with us

Lajme

Eksperti konstaton: Pajisje për manipulim shpejtësie tek tre autobusë të Durmo Tursit

Published

on

Eksperti për “Llaskarcën”: Në tre autobusë të Durmo Tursit ka pasur të vendosur pajisje për manipulim të shpejtësisë

Në Gjykatën Penale të Shkupit në seancën e sotme për rastin “Llaskarca”, personi ekspert, Josif Qosev ka konfirmuar se në autobusin e Durmo Tursit ku më 13 shkurt të këtij viti ndodhi rasti tragjik ku jetën humbën 16 persona, ka pasur të vendosur pajisje për manipulim me shpejtësinë.

Prokuroria ka kërkuar nga Durmo Turs që Qosevit për ekspertizë t’i jepen takografët edhe të dy autobusëve të cilët kanë qarkulluar në linjën Shkup- Gostivar dhe ai në të ka gjetur pajisje për manipulim me shpejtësinë.

Qosev ka shpjeguar se me pajisjet shpejtësia ka qenë e regjistruar për rreth 15 për qind më e vogël nga ajo reale. Zaten, pajisjet për manipulim, pas fatkeqësisë, janë nxjerrë nga dy autobusët tjerë.

Në takografin gjatë kohës së fatkeqësisë është regjistruar shpejtësi për rreth 85 kilometra në orë që do të thotë, siç sqaroi eksperti, “automjeti ka lëvizur me rreth 100 kilometra në orë”.

Procesin gjyqësor e udhëheq gjykatësja Diana Gruevska-Ilievska, ndërsa, përfaqësues i aktakuzës është prokurori Darko Jakimovski, nga Prokuroria e Shkupit.

Për aksidentin akuzohen gjashtë persona. Pronari i kompanisë “Durmo Turs”, Durmish Beluli, përgjegjësi i transportit Remzi Miftari dhe shoferi i autobusit Manoill Trifunovski akuzohen për veprën penale “vepra të rënda kundër sigurisë së njerëzve dhe pronës në komunikacion”. Nga ana tjetër të akuzuarit e mbetur Igor Gjorgjievski, Goran Dukovski dhe Jane Bovarski, të punësuar në Stacionin për kontroll teknik, ngarkohen për veprën penale “bashkëveprim në të njëjtin akt”. 

Continue Reading

Lajme

Andreeva: Rritja e pagës minimale nuk rrit produktivitetin e punëtorëve

Published

on

Rritja ligjore e pagës minimale nuk e rrit produktivitetin e punës, ka thënë në emisionin “Magazina Ekonomike” në Alsat, nënkryetarja e Lidhjes së Odave Ekonomike, Aleksandra Andreeva.

Duke folur për këtë temë, ajo është shprehur:

“Të gjitha organizatat ndërkombëtare në Maqedoni në punimet e tyre bëjnë të ditur se produktiviteti ynë i punës është jashtëzakonisht i ulët. Ne jemi për përmirësimin e standardit të qytetarëve, por duhet të kemi parasysh të gjithë parametrat. Kjo rritje duhet të bazohet në një mekanizëm tregu – duke rritur produktivitetin, në mënyrë që të mos ulet motivimi i atyre punonjësve më produktivë,” ka thënë Andreeva./ Alsat.mk/

Continue Reading

Bota

Merkel refuzon ofertën për punë në OKB

Published

on

Ish-kancelarja gjermane Angela Merkel, e cila u largua nga detyra në fillim të dhjetorit, refuzoi ofertën për punë nga sekretari i Përgjithshëm i OKB-së Antonio Guterres, njoftoi sot zyra e saj.

Angela Merkel “thirri sekretarin e Përgjithshëm të OKB-së javën e kaluar, e falënderoi për ofertën dhe tha se nuk do ta pranonte atë”, tha zyra e saj në një deklaratë për AFP, duke konfirmuar informacionin që u shfaq në media.

Në deklaratë nuk thuhej se çfarë lloj angazhimi i ofroi Guterres ish-kancelares gjermane, por mediat raportuan më parë se ai po kryesonte komitetin këshillues të OKB-së për të mirat publike globale, që është një nga projektet e tij kryesore reformuese.

Merkel, e cila ka njoftuar prej kohësh tërheqjen e saj pas zgjedhjeve parlamentare gjermane në shtator 2021, përsëriti në disa raste se nuk dëshiron të merr asnjë funksion të ri pas skadimit të mandatit të saj.

Që kur u largua përfundimisht nga skena politike më 8 dhjetor, ajo i është përkushtuar shkrimit të kujtimeve politike me ish-këshilltaren dhe bashkëpunëtoren e saj të ngushtë Beate Bauman.

Qëllimi i saj është të shpjegojë vendimet kryesore politike që ka marrë gjatë 16 vjetëve të saj në pushtet, tha këshilltarja e saj.

Continue Reading

Kosovë

Bislimi: Kosova i ka plotësuar të gjitha kriteret për heqjen e vizave

Published

on

Zëvendëskryeministri i parë, Besnik Bislimi, ka prezantuar agjendën e Qeverisë së Kosovës në Agjendën Evropiane për vitin 2022.

Ai, me anë të një postimi në rrjetin social Facebook, ka thënë se prioritetet e tyre do të jenë “zbatimi i MSA-së dhe agjenda e reformave evropiane (ERA-II), sundimi i Ligjit, luftimi i krimit të organizuar dhe korrupsionit, qeverisja e mirë dhe demokratizimi, rimëkëmbja ekonomike, reforma e administratës publike, marrëdhëniet e mira fqinjësore, përfshirë dialogun me Serbinë, përafrimi i legjislacionit me Acquis të BE-së dhe programimin dhe absorbimin më të madh të fondeve të paraanëtarësimit (IPA III) dhe Fondit Investiv për Ballkanin Perëndimor (WBIF)”.

Bislimi, tutje, ka theksuar se sot shënohet 10-vjetori i fillimit të dialogut të liberalizimit të vizave mes BE-së dhe Kosovës.

“Prandaj, shfrytëzova rastin t’ua rikujtoj vendeve anëtare të BE-së që Kosova ka plotësuar të gjitha kriteret e nevojshme dhe qytetarët e Kosovës janë në pritje të një vendimi për heqjen e vizave, të cilën e meritojnë”, ka thënë Bislimi.

Continue Reading

Aktuale