Connect with us

Lajmet kryesore

Dëmi në MNT/ Zaev: Dëmi shpirtëror nuk kompenzohet, Ahmeti: Tifozët nuk kanë shkuar për vandalizëm

Published

on

Në seance e sotme në Kuvend me pyetjet e deputetëve, Kryeministri Zoran Zaev ka shprehur qëndrimin e tij në lidhje me manifestimin e tifozëve të klubit të futbollit “Shkupit”, në teatrin popullor maqedonas (MNT), ku “Shvercerat”, sipas vlerësimeve të para kanë shkaktuar një dëm material prej rreth 4 mijë euro.

Ai ka thënë se dëmi do të kompensohet, por sipas tij dëmi shpirtëror është shumë më i madh se ai material.

“Dëmi i përgjithshëm vlerësohet në 3965 euro. Pasi të konstatohet përgjegjësia, atëherë dëmi material do të kompensohet, por më i madh se dëmi material është ai shpirtëror. Teatri Kombëtar është i hapur për të gjithë dhe të gjithë duhet ta shfrytëzojnë, por dihet se nën çfarë kriteresh. Nga kjo duhet të nxirret edhe përgjegjësia, por do të publikohet pasi të përcaktohet dëmi i shkaktuar” , ka thënë kryeministri, Zoran Zaev.

Poashtu në lidhje me këtë rast është prononcuar edhe kryetari i BDI-së, Ali Ahmeti, i cili ka arsyetuar manifestimin e tifozëve “Shvercerat” në teatrin popullor pasi sipas tij jubile të tillë në gjithë botën kremtohen në teatro.

Ai ka shtuar se tifozët nuk kanë shkuar aty që të shkaktojnë dëme dhe të cilat nëse janë bërë do të vlerësohen nga Ministria e Kulturës.

“Në qoftë se ka dëme materiale, është një çështje tjetër që do të vlerësohet nga ministria e kulturës, por unë nuk mendoj që njerëzit aty kanë shkuar që të shkaktojnë dëme, që të shkaktojnë vandalizëm”, ka thënë lideri I BDI-së, Ali Ahmeti.

Kuvendi i Republikës së Maqedonisë së Veriut sot mban seancë për parashtrim të pyetjeve të deputetëve, përcjell in7.

Kryeministri dhe ministrat çdo të enjte të fundit të muajit përgjigjen në pyetje të deputetëve. Sipas praktikës, të parët parashtrojnë pyetje deputetët e opozitës, pastaj edhe ata të pushtetit.

 

BURIMI: Alsat-M

Continue Reading

Lajme

Akuza për diskriminim ndaj shqiptarëve në mbrojtje dhe ushtri

Published

on

By

Akuza për diskriminim ndaj shqiptarëve në mbrojtje dhe ushtri

Reformat në administratën shtetërore të Maqedonisë së Veriut duhet të bëhen duke ndjekur parimet e Marrëveshjes së Ohrit të cilat janë ndjekur në hartimin e ligjeve të vendit. Megjithatë ende ka paqartësi kur është fjala për zbatimin e plotë në praktikë. Së fundmi, disa punonjës të Ministrisë së Mbrojtjes njoftuan Zërin e Amerikës lidhur me ankesat e tyre për diskriminimi mbi baza etnike. Korrespondenti ynë Isak Ramadani bisedoi me njërin nga ta dhe me një zyrtar të lartë të Ministrisë, i cili i kundërshton këto akuza.

Muhaedin Bela, kolonel në ushtrinë e Maqedonisë së Veriut dhe punonjës i administratës në Ministrinë e Mbrojtjes, thotë në një intervistë për Zërin e Amerikës se shqiptarët nuk janë të përfaqësuar sa duhet në strukturat udhëheqëse ushtarake dhe ato të Ministrisë së Mbrojtjes në përputhje me ligjet që dalin nga Marrëveshja e Ohrit.

Ai thekson se shqiptarët në këtë ministri por dhe në ushtri përballen me pengesa për sa i përket përparimit në karrierë. Ndërkohë, ka ngritur padi në gjykatë ndaj tashmë sh-ministres së Mbrojtjes dhe dy zyrtarëve të tjerë për diskriminim.

“Në Ministrinë e Mbrojtjes nga 15 Këshilltarë Shtetërorë, vetëm 1 është shqiptar. Nga 18 udhëheqës të sektorëve, asnjë nuk është shqiptar. Nga 77 seksione, vetëm një është shqiptar. Nga 20 batalione, ose 13 batalione dhe 7 Qendra, vetëm 3 komandantë janë shqiptrarë. Përqindja në njësitë speciale është shumë e vogël; më duket tani është bërë rreth 4 për qind. Unë jam autor i Planit për përfaqësim të drejtë dhe të përshtatshëm të hartuar në periudhën 2012-2015 që parashikonte deri në v.2015 të përfundojë gjithçka”.

Zoti Bela thotë po ashtu se në armatë, nga nëntë seksionet apo ndarjet specifike të Shtabit të Përgjithshëm si J-1 deri në J-9, siç njihen në terminologjinë ushtarake, vetëm një është shqiptar.

Por, Zëvendësministri i Mbrojtjes, Bashkim Hasani, në një bisedë me Zërin e Amerikës, thotë se pretendimet e zotit Bela janë të nxitura politikisht.

“Numri i Këshilltarëve (shtetërorë) nuk është 15 por është 5 në Ministrinë e Mbrojtjes dhe nga këta pesë, njëri është i njejti person, i cili na akuzon për gjoja diskriminim. Nga 16 udhëheqës të sektorëve 15 janë të plotësuar, të autorizuar dhe katër prej tyre janë shqiptarë”.

Megjithatë, duket se ka paqartësi rreth numrit të drejtuesve të sektorëve në MM. Në faqen e internetit të Ministrisë nga 18 emra që figurojnë, dy duket të jenë shqiptarë, teksa shumica e tyre në këto poste janë të autorizuar, që nënkupton ushtrimin e përkohshëm të detyrës. Zoti Bela thotë se është vepër penale emërimi i personave të autorizuar në krye të sektorit përderisa ka drejtues të pezulluar nga këto poste.

Zëvendës-ministri Hasani thotë se plotësimi i këtyre vendeve nuk varet vetëm nga vullneti politik, i cili ekziston, por edhe nga respektimi i rregullave dhe ligjeve; se Rregullativa ligore nuk lejon diskriminimin në baza etnike, ngaqë gjatë hapjes së konkursit, një mekanizëm për balancimin mbi baza etnike përcakton se sa prej konkurruesve shqiptarë duhet pranuar në punë dhe sa nga komunitetet tjera.

“Në konkursin e fundit për administratorë këtu në Ministrinë e Mbrojtjes, nga pesë të pranuar në punë, dy janë shqiptarë, dhe jo vetëm që janë shqiptarë, por janë edhe të përgatitur”, thotë ai.

Zoti Hasani shton se integrimi i suksesshëm i Maqedonisë së Veriut në strukturat ushtarake të NATO-s flet për përkushtimin e vendit, sepse parimet e Aleancës, sipas tij, nuk lejojnë diskriminimin e çfarëdo lloji.

Ndërkohë, zoti Bela thotë se Ministria po bën pengimin e avancimit të personelit dhe ngritjet e gradave ushtarake të oficerëve. Ai i referohet Planit të miratuar në Parlament, i cili buron nga Marrëveshja e Ohrit e që parashikon ngritjen në 35% të përfaqësuesve të komuniteteve joshumicë, përkatësisht në 25% të shqiptarëve në Mbrojtje (MM) dhe ushtri:

“Sipas Kushtetutës, Ligjit të Mbrojtjes, Ligjit për Shërbim në Armatë, Strategjisë për Mbrojtje, parashihet që lëvizja, avancimi i etnive joshumicë të bëhet jo vetëm në mënyrë horizontale dhe kuantitative, por edhe në mënyrë vertikale dhe kualitative. Dhe ne kemi kuadër, ndoshta jo të mjaftueshëm, por shtrohet pyetja pse kjo nuk është bërë deri tani?”

Por, Zëvendës-ministri Hasani thotë se në bazë të strukturës dhe organizimit të Armatës shqiptarët në hierarkinë ushtarake përfaqësohen me 50 përqind dhe veç kësaj janë të përgatitur dhe të përgjegjshëm:

“Gradën gjeneral nuk ta jep as Ministri i Mbrojtjes, as dikush tjetër në Ministri, por e jep Kryetari i shtetit. Në hierarkinë ushtarake janë të radhitura katër komanda dhe atë: Baza e Logjistikës, e cila udhëhiqet nga një shqiptar (Muharrem Muharremi), Komanda e Operacioneve, një nga Top-1 në kierarkinë ushtarake udhëhiqet nga gjeneral Besnik Emini dhe janë dy njësi dhe komanda të tjera të cilat udhëhiqen nga ushtarakë të tjerë”.

Zoti Bela ka ndjekur në rrugë institucionale ankesat e tij, ndërsa ka njoftuar një sërë institucionesh të vendit dhe zyra ndërkombëtare për atë që ai i konsideron padrejtësi dhe diskriminim. Edhe punonjës të tjerë duke folur në kushte anonimiteti me Zërin e Amerikës, ankohen për parregullsi, diskriminim; për mosvlerësimin e kontributit të tyre në Ministrinë e Mbrojtjes, teksa kanë ngritur ankesa në Komisionin për Mbrojtje nga Diskriminimi.

Koloneli Bela ka hedhur në gjyq tashmë ish-ministren e Mbrojtjes, Radmilla Sheqerinska dhe dy përfaqësues të tjerë të Ministrisë. Padia është ngritur gati dy vjet më parë, por gjykatat nuk e kanë proceduar lëndën. Zyra e Avokatit të Popullit e cila është interesuar për rastin, ka marrë përgjigjen nga Gjykata Themelore se “zvarritja e procedimit të lëndëve që kanë të bëjnë me të drejtat në vendet e punës po bëhet për shkak të mungesës së gjykatësve”.

“Për dy vjet më janë caktuar katër seanca përgatitore (në gjykatë); asnjëra nuk është mbajtur, e nga ana tjetër më janë ndërruar pesë gjykatës”.

Zëri i Amerikës i kërkoi zonjës Sheqerinska që të prononcohej deri sa ajo ishte në detyrë, por nuk mori përgjigje nga zyra e saj.

Megjithatë, gjendja në armatë dhe në mbrojtje nuk mund të krahasohet me atë të një dekade më parë, kur shqiptarët vështirë arrinin deri tek gradat e larta në ushtri.

Ka pasur dy mininistra të Mbrojtjes në vitet 2011 – 2014, të cilët kanë qenë shqiptarë.

Zbatimi në praktikë i Marrëveshjes së Ohrit ka marrë kohë dhe jo gjithkund respektohet. Por nga ana tjetër, ka ngritur dukshëm shkallën e përfaqësimit të komuniteteve në institucionet shtetërore dhe publike, ndonëse nuk përjashtohen raste të padrejtësive./VOA

Continue Reading

Lajme

Regjistrohen 1.913 raste të reja me Covid-19

Published

on

By

Regjistrohen 1.913 raste të reja me Covid-19

Ministria e Shëndetësisë njofton se gjatë 24 orëve të fundit në mbarë vendin nga 7.219 teste të kryera janë regjistruar 1.913 raste të reja me virusin korona, përcjell TV21. 888 raste janë regjistruar vetëm në Shkup.

Autoritetet shëndetësore njoftojnë se janë regjistruar edhe 1.353 pacientë të shëruar.

Si pasojë e komplikimeve nga Covid-19, brenda 24 orëve janë regjistruar 16 viktima. Ndërkaq, nga MSh njoftojnë se 5 pacientë të tjerë që kanë ndërruar jetë në periudhën prej 6.01.2022 deri 19.01.2022 janë regjistruar në raportin e sotëm për Covid-19.

Që nga fillimi i pandemisë, në vendin tonë janë regjistruar gjithsej 2254.857 raste, prej të cilëve 226.409 janë shëruar, kurse 8.198 kanë ndërruar jetë. Vendi aktualisht numëron 20.250 raste aktive me koronavirus.

Continue Reading

Lajme

16 vjeçarit që i rrezikohet jeta për katër mijë euro (VIDEO)

Published

on

By

16 vjeçarit që i rrezikohet jeta për katër mijë euro (VIDEO)

FONDI SIGURON PARATË FAMILJA NUK KA MUNDËSI TË UDHËTOJË PËR NË TURQI

16 vjeçari Arlind Jashari vuan nga një sëmundja e quajtur spina bifida, e cila ia ka deformuar shtyllën kurrizore dhe këmbët. Një i fëmijë i hareshëm që kapi mikrofonin për të bërë ai pyetje. Por dhimbjet shtohet për çdo ditë pasi jeta e tij është në rrezik.

Arlindi duhet t’i bëjë 4 operacione në Turqi që kushtojnë rreth 40 mijë euro. Këto të holla i ka siguruar Fondi për Sigurim. Por prindërit e tij nuk kanë mjete për të paguar rrugën dhe qëndrimin në Turqi.

TEREZA JASHARI

“Ne jetojmë me qera kam dy fëmijë të sëmurë. Çfarë sëmundje? Ky është djali i madh e ka sëmundjen spina bifida, djali tjetër ka epilepsi. Si trajtohen këto sëmundje a keni të holla? Ndonjëherë kemi, ndonjëherë mbesim ashtu. Si gjindeni? Disa herë burri ka punuar, disa herë jo, menzi. Tash duhet të shkoni deri në Turqi për operacionin si do t’ja bëni? Kush ka mundësi me na ndihmu pak mirë kush s’ka, s’ka”. (5-52)

Ndërsa fëmiju më i vogël Jasin Jashari vuan nga epilepsia dhe ka nevojë për terapi.

JASIN JASHARI

Sa vjet i ke?

6.

A shkon në shkollë?

Po.

Nëna e tyre Tereza Jashari thotë që është sfidë ne vete kur janë bashkë dy gjërat më të rënda skamja dhe varfërija.

TEREZA JASHARI

“Po është shumë e vështirë. Me fëmijë të sëmurë është shumë e vështirë. Nëna gjithkund duhet të gjindet. Jetë e vështirë për të gjithë”.

Paratë për 4 operacionet e Arlindit janë të siguruar, mbetet që njerëzit zemërgjërë tu ndihmojnë për të paguar rrugën dhe qëndrimin në Turqi që do tu kushtojë rreth 4 mijë euro. Familja jeton në një banesë me qera në Gostivar. Numër kontakti: 077825681./KlanMacedonia/

Continue Reading

Aktuale