Connect with us

Kosovë

Rreth 22 mijë euro janë paguar vetëm për taksë rrugore nga Kosova drejt Durrësit

Published

on

Rreth 22 mijë euro u ka kushtuar kosovarëve “taksa” për ndihmat drejt Shqipërisë

Rreth 3 mijë automjete nga Kosova kanë shkuar gjatë ditës së djeshme në Shqipëri, të cilët kanë kaluar nëpër tri pika kufitare. Krejt ky udhëtim u ka kushtuar diku 21,770 euro në një drejtim.

Sipas statistikave të Policisë së Kosovë, dhënë për Gazetën Insajderi, thuhet se në pikat kufitare Vërmicë, Qafë e Prushit dhe Qafë e Morinës, në total 2960 automjete kanë kaluar nëpër këto pika.

Vetura 2443, kamionë 333 dhe autobusë 184, shkruan Gazeta Insajderi.

2443 vetura të cilat paguan 5 euro për të shkuar u ka kushtuar diku 12,215 euro.

333 kamionëve, ku një drejtim është 22.5 euro u ka kushtuar 7,492.5 euro.

Ndërsa 184 autobusëve, ku një drejtim për ta është 11.2 euro u kanë kushtuar rreth 2,060.8 euro, shkruan Gazeta Insajderi.

Totali i këtij rrugëtimi për pagesën e taksës së rrugës së kombit kosovarëve u ka kushtuar diku 21,770.

Të gjitha këto vetura kanë paguar taksën e vendosur nga Shteti i Shqipërisë. Ndonëse shumica prej automjeteve kanë dërguar ndihma humanitare për të prekurit e tërmetit.

Pagesa e kësaj takse ka ngjallur reagim dje nga qytetarët si nga Shqipëria ashtu edhe nga Kosova, duke bërë presion për ta larguar.

Mirëpo kryeministri i Shqipërisë, Edi Rama në një lidhje direket gjatë ditës së sotme ka dal kundër heqjes së taksës, duke thënë se për ata që dëshirojnë të kontribuojnë nuk janë asgjë pesë euro.

“Ajo shumë nuk është asgjë për ata që vijnë me zemër për të ndihmuar, nuk i bëjnë të mëdha. Është kontribut për të gjithë si për shtetin si për popullin”, ka thënë Rama.

Tarifa e kalimit në rrugën Durrës-Kukës u vendos për herë të parë gjatë vitit të kaluar në masën 5 euro për një kalim ose 10 euro vajtje-ardhje.

Kurse sot, kompania që menaxhon me rrugën e kombit e cila u ka marrë taksë çdo automjeti që ka shkuar nga Kosova me ndihma për Shqipërinë e prekur nga tërmetet në 24 orët e fundit, ka njoftuar se e ka hequr këtë takës.

“Ju informojmë se shoqëria koncensionare e autostradës Milot-Morinë (rruga e Kombit), duke filluar që nga dita e djeshme datë 26.11.2019 ka lejuar kalimin pa pagesë të të gjithë makinave (individ, shoqata, institucione të Kosovës, Shqipërisë etj), të cilët janë solidarizuar apo që kanë sjellë ndihma për të prekurit nga tërmeti. Këto grupe personash do të lejohen të kalojnë pa pagesë deri në përfundim të situatës emergjente”, thuhet ën njoftimin e Albanian Highway Concession.

Aktualisht, në Shqipëri janë duke qëndruar njësiti i kërkim-shpëtimit të Forcës së Sigurisë së Kosovës (FSK) ku janë duke punuar në gjetjen e trupave të pajetë, kurse në mëngjesin e sotëm janë nisur edhe 100 policë nga Kosova.

Shqipëria në mëngjesin e djeshëm është goditur nga një tërmet i fuqishëm me magnitutën prej 6.4 shkallë, i cili la pasoja të mëdha dhe viktima në njerëz. /Insajderi.com

Continue Reading

Kosovë

Kapet duke kaluar ilegalisht kufirin Kosovë-Maqedoni, i gjinden në trup rreth dy kilogram drogë

Published

on

Policia e Kosovës njofton se pasditen e sotme në vendkalimin kufitar mes Kosovës dhe Maqedonisë së Veriut është kapur një person i cili ka tentuar të kalojë ilegalisht kufirin. Gjatë kontrolleve tek i njëjti person, policia ka gjetur substanca të cilat dyshohet se kanë përmbajtje narkotike.

“Me datë 25.01.2022 rreth orës 18:45, Policia Kufitare e Kosovës, drejtoria rajonale-Lindje, konkretisht Njësia patrulluese (Stacioni Policor për Mbikëqyrje të Kufirit-SPMK) Hani Elezit, gjatë realizimit të detyrave dhe vëzhgimit për menaxhim dhe kontroll efikas kufitar, në rrugën Ekzodi99 në Han të Elezit në zonën kufitare në mes të Maqedonisë Veriore dhe Republikës së Kosovës kanë ndaluar një person duke tentuar ta kaloj ilegalisht kufirin nga RKS në R. e Maqedonisë së Veriut”, thuhet në njoftimin e Policisë së Kosovës.

“Gjate legjitimimit dhe kontrollit trupor të personit në pallto iu janë gjet edhe katër (4) paketime të mbështjella me rreth dy (2) kilogram substancë të dyshuar narkotike (që sipas të dyshuarit është drogë e llojit Heroinë)”, thuhet në njoftim.

Continue Reading

Kosovë

Qytetari: O bre ja honksha zemrën Albinit, se pak e ka shtrenjtu rrymën sa është dashtë, shumë bre e du (Video)

Published

on

Vendimi i Qeverisë për rritje të rrymës duket se ka gjetur mirëkuptim tek disa prej qytetarëve. Një person ka thënë se rryma ka është dashur të shtrenjtohet më shumë dhe ka shtuar se e do shumë kryeministrin e Kosovës, Albin Kurtin.

Një qytetar ka thënë se është bërë shumë mirë kur është pyetur për vendimin për shtrenjtim të rrymës.

“Pak e ka shterju duhet ma shumë. Po kqyrin mu nxjerr. Ska aty. Shumë e respektoj dhe e du Kurtin shumë që i ka shti në burg. E arsyeshme, e paarsyeshme. Pak ka shti në burg se kanë vjedh që 20 vjet. Edhe me mi qit këto fjalë. Cili televizion jeni. Me mi qit edhe me thonë shumë mirë se e dua shumë dhe e respektoj shumë. O ja hongsha zemrën”, ka thënë ai për Gazetën Blic.

Kjo është deklarata e plotë e tij:

Continue Reading

Kosovë

Vjosa Osmani: Hap pas hapi, drejt çrrënjosjes së korrupsionit

Published

on

Presidentja Vjosa Osmani ka mirëpritur sot publikimin e Indeksit të Perceptimit të Korrupsionit për vitin 2021 të Transparency International, sipas së cilës Kosova ka shënuar ngritje prej 17 pozitave.

Osmani në një postim në Facebook ka shkruar se kjo paraqet ngritjen më të lartë vjetore për Kosovën në historinë e publikimit të Indeksit.

“Para një viti premtuam që luftimi i korrupsionit do të ishte një prej prioriteteve kryesore të institucioneve të reja. Sot, ky premtim po sheh rezultatet e para jashtëzakonisht premtuese. Gjatë vitit që lamë pas, Republika e Kosovës shënoi rritje prej 17 pozitave në publikimin e Indeksit të Perceptimit të Korrupsionit për vitin 2021 të Transparency International – ngritja më e lartë vjetore për Kosovën në historinë e publikimit të Indeksit. Hap pas hapi, drejt çrrënjosjes së korrupsionit”, shkruan Osmani.

Continue Reading

Aktuale