Connect with us

Lajmet kryesore

“Ëndërr e ndërprerë në mes”, kush është studetja që u nxorr e pajetë në Thumanë

Published

on

Kristi Reçi, vajza brune e qeshur, që i pëlqente udhëtimet dhe lexonte “Princin e vogël” është një prej viktimave të identifikuara të Tërmetit në Thumanë.

Jeta dhe ëndrrat e vajzës 25-vjeçare u ndërprenë në mes duke lënë shumë dhimbje pas. Trupi i saj u gjet i pajetë mes rrënojave.

Me humbjen e Kristit kemi humbur një mjeke të ardhshme, pasi ajo ishte studente në fakultetin e Mjekësisë në Tiranë, ku studionte për Dermatologji. Kemi humbur një aktiviste civile dhe një shpirt të bukur.

Në profilin e saj në facebook fotove e udhëtimeve dhe të konferencave mjekësore u bashkohet dhe shprehja e bukur nga libri “Princi i vogël”: “Është fare e thjeshtë: vetëm zemra sheh mirë. Thelbi për sytë është i padukshëm” .

Lajmi për ikjen e hershme nga jeta ka tronditur miq e të afërm të saj, të cilët i kanë kushtuar lutjet e tyre dhe dedikime prekëse Kristit të ndjerë.

“Fatkeqësisht midis viktimave, ishte dhe mjekja dermatologe e ardhshme Kristi Reçi”, shkruhet në dedikimin e Urdhrit të Mjekëve të Shqipërisë, transmeton Mapo.

Doktoresha Monika Fida, një mike e afërt me Kristin me të cilën ishte aktive dhe në fushata sensibilizuese për publikun për mirëmbajtjen e dhëmbëve shkruan; “M’a copëtove shpirtin Kristi Reçi! Ëndërr e ndërprerë në mes … Dermatologja e ardhshme … RIP”. Statusi i saj ka me qindra komente ngushëlluese të studentëve e miqve të Kristit që i ka vrarë në shpirt ky lajm.

Po ashtu profesori Arben Gjata shkruan se; “Mes viktimave të termetit edhe studentja jonë, e ndjera Kristi Reçi. Për të dhe për të gjithë viktimat e kësaj dite të kobshme ju qoftë përherë e gjelbër lëndina, u prehshi në paqe dhe ngushëllime familjeve”.

Aktivistja Elona Caslli e veçon Kristin në një dedikim të sajin; “Mes shumë dhimbjesh, lotëve dhe trupave nën rrënoja që u nxorrën pa frymë, ishte edhe trupi i një mjekeje të ardhshme si Kristi Reçi. Thonë se toka merr më të mirët. Thonë se më të mirët ikin gjithmonë më shpejt. Gjithçka thuhet apo thonë, një gjë mund të thuhet me siguri- Ishte e parakohshme ikja jote!”

Continue Reading

Lajmet kryesore

ASH: Transparency International konfirmoi, Maqedonia e Veriut ndër vendet më të korruptuara

Published

on

Ndaj raporti të Transparency International ka reaguar Aleanca për Shqiptarët.

Thonë se ky raport konfirmoi se Maqedonia e Veriut është ndër vendet më të korruptuara.

Reagimi i plotë:

Sot, Transparency International ka konfirmuar edhe zyrtarisht atë që Aleanca për Shqiptarët ka paralajmëruar në vazhdimësi. Regjimi aktual është një nga më të korruptuarit në botë dhe në vlerësimin e këtij viti radhitet në grupin e vendeve si Tanzania, Suriname, Maroko, Guyana, Etiopia, Kolumbia dhe të tjera. Për të qenë ironia edhe më e madhe, vende të cilat deri dje janë llogaritur si më të korruptuara, sot janë në pozicione shumë më të mira se vendi jonë, ndërsa larg Maqedonisë së Veriut janë edhe vendet diktatoriale si Kuba.
Kjo situatë ka vetëm një fajtor, regjimin hibrid që ka kapur gjyqësorin dhe prokurorinë dhe ka instaluar korrupsionin në çdo sferë dhe institucion. Këtij rangimi, kujtojmë se i kanë kontribuar pasaportat për kriminelët botërorë, lirimi i kriminelëve vendor dhe mbajtja në burgje e qytetarëve të pafajshëm që nuk kanë para të blejnë lirinë edhe pse e njëjta u takon.

Continue Reading

Lajme

Lufta kundër korrupsionit, Maqedonia njëjtë si Tanzania, Vietnami e disa vende afrikane

Published

on

By

Lufta kundër korrupsionit, Maqedonia njëjtë si Tanzania, Vietnami e disa vende afrikane

Në Raportin e fundit të Transparency International rreth indeksit të korrupsionit dhe luftës kundër korrupsionit, Maqedonia e Veriut radhitet ende bashkë me vendet afrikane. Sipas këtij raporti, Maqedonia radhitet në vendin e 39 si vend më i korruptuar, bashkë me Tanzaninë Vietnamin, Surinamen, Guajanën, Marokon, Etiopinë, Kolumbinë dhe Kosovën, përcjell in7.tv

Lufta kundër korrupsionit vazhdon të jetë një nga shqetësimet kryesore të vendit. Korrupsioni i lartë ka ngulur rrënjët thellë në sistemin shtetëror në Maqedoni dhe assesi se mund të shqepet./in7

Continue Reading

Lajme

Artan Grubi jep lajmin: Arritëm marrëveshje me Bullgarinë, do të luajmë futboll mes veti

Published

on

By

Artan Grubi jep lajmin: Arritëm marrëveshje me Bullgarinë, do të luajmë futboll mes veti

Artan Grubi në faecbook:

Një nga grupet e punës në suaza të bashkëpunimit ndërqeveritar me Republikën e Bullgarisë që sot nisi me punë është edhe grupi i punës për arsim, kulturë, shkencë dhe të rinj, seancën e së cilës pata nderin ta bashkëkryesoj me kolegun tim bullgar.
Përcaktuam prioritetet e përbashkëta në këto sfera për të cilat do të punojmë në periudhën në vazhdim, në mesin e të cilave:
– shpalljen e konkursit për logo dhe sllogan të mbledhjeve të përbashkëta qeveritare
– përpilimi i një kalendari të përbashkët kulturor;
– nxitjen e bashkëpunimit mes universiteteve të vendeve tona për programe më atraktive studimore, shkëmbim të përvojave dhe mundësi për punë praktike;
– organizimin e një ndeshje futbolli mes dy kabineteve qeveritare;
– organizimi i konferencave të përbashkëta shkencore;
– intensifikim i bashkëpunimit mes Agjencisë për Rini dhe Sport të vendit tonë dhe Ministrisë për Rini dhe Sport të Republikës së Bullgarisë;
– promovimi i ndërsjelltë i destinacioneve atraktive turistike dhe thellimi i bashkëpunimit në sferën e turizmit si predispozitë e fuqishme e zhvillimit ekonomik dhe të tjera.

Continue Reading

Aktuale