Connect with us

Lajmet kryesore

Familja Abazi në Kosovë që humbi djemtë në Durrës, ka një tjetër histori tragjike. Dy vëllezërit lënë pas 6 fëmijë jetimë

Published

on

Ishin nisur dje në mëngjes për në Durrës. Aty do të shkonin për disa ditë me qëllimin që t’i kryenin disa punë. Por, dy vëllezërit nga fshati Livoç i komunës së Gjilanit patën fatin e keq mbetën nën gërmadhat e hotelit në Durrës ku po qëndronin pas tërmetit të tmerrshëm i cili e goditi mbrëmë Shqipërinë duke gjetur kështu edhe vdekjen. Familja Abazi për vite u përcoll nga histori tragjike. Asaj vite më parë iu shua edhe një djalë.

“Express” iu sjellë rrëfimin e dhimbshëm nga Livoçi i Gjilanit. Mbijetesën po e siguronin nga punët që kohë pas kohe po i kryenin si mekanikë në Shqipëri. Me këto punë, dy vëllezërit tashmë të ndjerë Shemsedin e Isa Abazi, njëri 32 e tjetri 29 vjeçar po merreshin një kohë të gjatë. Por e hëna doli të jetë fatale për këta dy vëllezër. Ata ahstu si mijëra shqiptarë të tjerë u goditën mbrëmë rreth orës 04:00 pas mesnate nga një tërmet me magnitudë prej 6.4 shkallë të rihterit duke mbetur kështu nën gërmadhat e hotelit ku po qëndronin.

Për fatin e tyre nuk u ditë asgjë për më shumë se 15 orë. I pari pa shenja jete u gjet Isai, 29-vjeçar. Më pas, i vdekur u gjet edhe vëllai i tij, Shemsedini 32-vjeçar. Gazeta Express, sot ka qëndruar në shtëpinë e këtyre dy vëllezërve në fshatin Livoç të Gjilanit. Ata janë të shokuar nga e gjithë kjo ngjarje e rëndë.

“Nuk po duam të besojmë se ata janë djemtë tanë. Kjo nuk është e mundur. Thjeshtë nuk mund që të jenë ata”, flasin nën lot familjarët e dy vëllëzërve tashmë të ndjerë.

Ata tregojnë se Shemsedini e Isai, kishin shkuar për punë në Durrës. Këta të dy kanë lënë pas edhe fëmijë, njëri katër tjetri dy.

Familjet e të ndjerëve jetonin në kushte të rënda sociale. Por kjo familje para shtatë viteve është përballur me një tragjedi tjetër. Djali i tyre ishte therë me thikë në një pishinë ku nga plagët kishte ndërruar jetë. Tash në familjen Abazi ka mbetur vetëm një djalë i cili do të përkujdeset për të gjithë anëtarët e tjerë.

Por çka dihet deri më tani për tërmetin vdekjeprurës që e goditi mbrëmë Shqipërinë. Deri më tani të paktën 20 persona kanë humbur jetën dhe mbi 600 janë lënduar nga disa tërmete të fuqishme që kanë goditur Shqipërinë. Sipas emergjencave civile, si pasojë e tërmetit kanë humbur jetën 20 persona nga shembja e pallateve, ndër ta edhe dy të mitura. Po ashtu, bëhet e ditur se rreth 40 persona janë shpëtuar deri më tani nga rrënojat në Durrës dhe Thumanë.

Tërmeti i parë i fuqishëm i magnitudës 6.3 goditi Shqipërinë rreth orës 03:50 të ditës së martë dhe kishte epiqendrën në Detin Adriatik, 40 km larg kryeqytetit, Tiranës dhe 10 km në veri të Durrësit. Lëkundje të tjera më të lehta janë ndjerë pas tij. Një tjetër tërmet i fuqishëm është regjistruar në orën 7:10 me magnitudë 5.4.

Ndërkohë, ekipe të shpëtimit nga të gjitha vendet e rajonit janë nisur për në Shqipëri për t’i dalë në ndihmë vendit. Njësitë e Forcës së Sigurisë së Kosovës dhe të Policisë së Kosovës u janë bashkuar autoriteteve në Shqipëri në operacionet e kërkim shpëtimit.

Gjithashtu, misionet e huaja të emergjencave civile nga Gjermania, Italia, Franca, Zvicra dhe Greqia kanë filluar të arrijnë në Shqipëri për të ofruar ndihmën e tyre.

Continue Reading

Lajmet kryesore

Sela kujton me dhimbje bashkëatdhetarin dhe aktivistin kombëtar nga SHBA

Published

on

Kreu i Aleancës për Shqiptarët Ziadin Sela ka kujtuar me dhimbje bashkëatdhetarin dhe aktivistin kombëtar nga SHBA, Raman Pushkule, përcjell in7

Postimi i plotë i Selës në facebook:

Me zemër të thyer jemi sot jo vetëm ne struganët, por të gjithë shqiptarët, për ikjen nga kjo botë të bashkëqytetarit, vëllaut, shokut dhe bashkëkombasit tonë të dashur Raman Pushkule që jetoi dhe veproi në Çikago të SHBA-ve.

Ishte punëtor i palodhshëm, aktivist i devotshëm, idealist që bashkoi shqiptarët atje dhe mbështeti në shumë raste edhe proceset në vendlindje.
Prehu në faqe, do të mbetesh në zemrat tona përjetësisht.
Ngushllime familjes dhe miqve për humbjen e njeriut më të dashur, ka përfunduar postimin e tij kryetari i ASH-së, Ziadin Sela./in7.tv/

Continue Reading

Lajme

Partitë shqiptare të unifikuara për zbardhjen e rastit “Alfa”

Published

on

By

Partitë shqiptare të unifikuara për zbardhjen e rastit “Alfa”

Gazetar: Adrian Kerimi/ALSAT

Partitë shqiptare të unifikuara për zbardhjen e rastit “Alfa”. Aleanca për Shqiptarët vlerëson se rasti “Alfa” është fytyra e vërtetë e gjyqësorit, ndërsa pushteti nguron për ta zbardhur, pasi sipas tyre kanë çështje tjera primare, si furnizimi me pasaporta i kriminelëve dhe lirimi i tyre përmes miliona eurove, shkruan Alsat.

“Një rast për të cilin edhe ekspertiza e pavarur ka dëshmuar pafajësinë e të akuzuarve, nuk po rishqyrtohet vetëm e vetëm për t’i ikur kësaj të vërtete të madhe për të cilën ne flasim vazhdimësi. Regjimi hibrid i mbështetet edhe nga disa parti dhe deputet shqiptarë të kapur peng, liron dhe amniston kriminel të dëshmuar, jep pasaporta për kriminel botëror, ndërsa mban padrejtësisht në burgje qytetarë të pafajshëm”, njoftojnë nga Aleanca për Shqiptarët.

Lëvizja Besa vlerëson se deri tani mjaft indikacione janë shpalosur që rasti të zbardhet dhe njerëzit e pafajshëm të lirohen nga dënimet me burg.

“Gjitha indikacionet e publikuara tregojnë se rasti “Alfa” është një rast i montuar dhe se persona të pafajshëm janë burgosur. E rëndësishme është që ky rast të zbardhet dhe drejtësia të vendoset në vend. Tentimi për të politizuar apo përfituar nga ky rast tregon fytyrën e vërtetë të atyre që mbi një dekadë nuk i zgjidhin problemet dhe mundohen me raste të caktuara të përfitojnë pikë politike, gjë që shumë shpejtë do t’u kthehet bumerang”, thonë nga Lëvizja Besa.

Alternativa e cila në programin për bashkëqeverisje me LSDM-në ka edhe zbardhjen e rasteve të montuara thotë se me rastin në fjalë do të merren pas konsolidimit të kabinetit qeveritar. Nga Partia e Afrim Gashit thonë se do ta mbajnë fjalën për të kërkuar ekspertizë ndërkombëtare për rastet e montuara gjyqësore.

“Ky rast bie në listën e rasteve për të cilat ka dyshime se ka pasur ndikime politike. Sapo të konsolidohemi në kabinetin qeveritar, ne do ta bëjmë punën tonë, për të cilën jemi zotuar, të kërkojmë ekspertizë ndërkombëtare për të proceseve gjyqësore për të cilat ka dyshime për ndikime politike. Urojmë që e vërteta të dalë në shesh dhe njerëzit të fitojnë lirinë”, thonë nga Alternativa.

Ditë më parë kreu i BDI-së, Ali Ahmeti tha se rasti “Alfa” ka pritur mjaft dhe se organet duhet të veprojnë në kohë për zbardhjen e tij. /Alsat.mk

Continue Reading

Lajme

Vazhdon eksodi masiv i të rinjve drejt shteteve evropiane

Published

on

By

Vazhdon eksodi masiv i të rinjve drejt shteteve evropiane

Gazetar: Melihate Rustemi/ALSAT

Përqafime, lot dhe shtrëngim duarsh. Kështu dukej sot stacioni i autobusëve në Shkup ku qindra banorë të Maqedonisë së Veriut lëshuan vendlindjen e tyre për një jetë më të mirë drejt shteteve të Bashkimit Evropian, shkruan Alsat.

Shume prej tyre ishin të moshës mbi 20 vjet ndërsa udhëtimi i sotëm ishte i pari për disa prej tyre që po largohen nga vendlindsa më shpresë për një të ardhme më të mire.

“Për ku je nis? Për në Gjermani. A ke ndonjë dokumentacin, apo? Jo, vetëm jemi nis, pa asgjë, për një të ardhme më të mirë. Besoj që më mirë se këtu 100 herë do të jetë. Gjuhën a e ke mësu? Do e mësoj shpejt. Nisesh vet ose me shoqëri? Vet.

“Për në Hamburg të Gjermanisë. Gjendja shumë e keqe dhe patjetër me ik. A keni siguru ndonjë punë? Po, punën e kem të sigurt. Jemi tre vëllezër edhe djalin tim e kam. Vet i katërti jam. A mendoni të bëni bashkim familjar për një kohë më të shkurtër? Shpresojmë, do e shohim. Nëse do të bëhet mirë gjendja kthehemi por tash është papunësi e madhe, patjetër me ik”.

“Për në Itali shkojmë. Edhe këtu mirë është por atje edhe më mirë. Për atë që punon edhe këtu ka punë edhe atje, ama këtu pak më dobët është”.

Pavarësisht dhimbjes që ndjenin, prindërit dhe familjarë të tjerë mbështesnin të afërmit e tyre për vendimin që kishin marrë.

“Kam ardhur për ti përcjell. Shumë rëndë ama çka me bë, këtu punë nuk ka e patjetër në shtetet e jashtme”.

“Nisen se gjendja e vështirë, çka të bën rinia, katastrofë. Me 15 mijë denarë a jetohet, ato harxhimet e veta nuk mund ti mbulojnë, çfarë pret prej atyre, do të ikin të gjithë”.

“Më mirë të gjithë me ik prej këtu, nuk ka kurrfarë pune e bukë”.

“Ndoshta nuk i kanë vendet e punës të sigurta por për arsye që është krizë në Maqedoni dhe Kosovë duhet me i lëshua vendlindjet dhe me ik. Rinia këtu, edhe nëse e kryn shkollën nuk ka ku të punësohet”.

Largimin gjithnjë e më të madh të të rinjve nga Maqedonia e Veriut e dëshmon edhe Sebajdin Xheladini që tashmë 18 vjet punon shofer autobusi. Ai tha për Alsat se të mërkurave dhe të shtunave janë me dhjetëra autobusë të mbushur me shtetas të Maqedonisë që nisen drejt vendeve të Evropës.

“Sa autobusë nisen benda nji dite, kur ka turra më të mëdha. Brenda ditës, flas vetëm prej Gostivari, ditët e shtuna ke më së paku 6 ose 7 linja që nisen për në Evropë, Itali, Gjermani, Zvicër”, tha Sebajdin Xheldini, shofer autobusi./Alsat.mk

Continue Reading

Aktuale