Connect with us

Lajme

Edhe Qyteti i Shkupit mobilizohet për Durrësin

Published

on

Zjarrfikës nga Qyteti i Shkupit dhe një njësit special me dronë dhe fluturake pa pilot janë dërguar në Durrës

Një ekip i përbërë nga katër zjarrfikës me një automjet në mesin e të cilëve edhe komandanti i Brigadës Territoriale Zjarrfikëse të Qytetit të Shkupit Vladimir Simonovski, si dhe dy persona të cilët do të bëjnë incizimin me dron termal dhe kamera termale me qëllim që të mund të zbulohen persona të mbijetuar në gërmadhat, dërgoi Qyteti i Shkupit si ndihmë për të pësuarit në tërmetin katastrofal në Shqipëri.

Krahas kësaj, Qyteti dërgoi edhe fluturake pa pilot e cila do të bëjë shtrije 3D të terrenit që t’iu ndihmojë shërbimeve të shpëtimit të cilët janë në terren në qytetin më të prekur të Durrësit.

“Sot në orët e hershme të mëngjesit kontaktova me kryetarin e qytetit të binjakëzuar të Tiranës me të cilën jemi miq të mirë me qëllim që ta ofroj ndihmën  nga Qyteti i Shkupit. Ekipet janë të gatshme që të shkojnë. Pres që sot në orët e hershme të mbrëmjes të arrijnë në vendin e prekur dhe të vendosen në dispozicion të shërbimeve në Durrës”, deklaroi kryetari i Qytetit të Shkupit Petre Shilegov.

Në përgjigjen e pyetjes theksoi se për nesër është caktuar seancë e Këshillit në të cilin do të sillet vendim për dërgimin e ndihmës shtesë.

“Për nesër kishim caktuar seancë të rregullt të Këshillit të Qytetit të Shkupit. Sot në mëngjes komunikova me koordinatorët e grupeve  këshilluese në Qytet dhe do të kemi pikë të jashtëzakonshme në seancën e Këshillit për ndarjen e ndihmës në të holla ose ndihmë materiale. Varësisht nga ajo se çka do të kërkohet nga ne, vendim të tillë nesër do të sjellë Këshilli pas çka do të fillojmë me dërgimin e ndihmës për të pësuarit në tërmetin në Shqipëri”, tha Shilegovi para fillimit të prezantimit të dytë të Studimit të shqyrtuar për valorizim të Vodnos në sallën e Këshillit të Qytetit.

Ai theksoi se ekipet tjera të Qytetit janë të gatshme për, siç tha, situata të cilat askush nga ne nuk i dëshiron, dhe dashtë Zoti asnjëherë të mos paraqitet nevoja për aktivizimin e tyre. 

Continue Reading

Lajme

Andreeva: Rritja e pagës minimale nuk rrit produktivitetin e punëtorëve

Published

on

Rritja ligjore e pagës minimale nuk e rrit produktivitetin e punës, ka thënë në emisionin “Magazina Ekonomike” në Alsat, nënkryetarja e Lidhjes së Odave Ekonomike, Aleksandra Andreeva.

Duke folur për këtë temë, ajo është shprehur:

“Të gjitha organizatat ndërkombëtare në Maqedoni në punimet e tyre bëjnë të ditur se produktiviteti ynë i punës është jashtëzakonisht i ulët. Ne jemi për përmirësimin e standardit të qytetarëve, por duhet të kemi parasysh të gjithë parametrat. Kjo rritje duhet të bazohet në një mekanizëm tregu – duke rritur produktivitetin, në mënyrë që të mos ulet motivimi i atyre punonjësve më produktivë,” ka thënë Andreeva./ Alsat.mk/

Continue Reading

Bota

Merkel refuzon ofertën për punë në OKB

Published

on

Ish-kancelarja gjermane Angela Merkel, e cila u largua nga detyra në fillim të dhjetorit, refuzoi ofertën për punë nga sekretari i Përgjithshëm i OKB-së Antonio Guterres, njoftoi sot zyra e saj.

Angela Merkel “thirri sekretarin e Përgjithshëm të OKB-së javën e kaluar, e falënderoi për ofertën dhe tha se nuk do ta pranonte atë”, tha zyra e saj në një deklaratë për AFP, duke konfirmuar informacionin që u shfaq në media.

Në deklaratë nuk thuhej se çfarë lloj angazhimi i ofroi Guterres ish-kancelares gjermane, por mediat raportuan më parë se ai po kryesonte komitetin këshillues të OKB-së për të mirat publike globale, që është një nga projektet e tij kryesore reformuese.

Merkel, e cila ka njoftuar prej kohësh tërheqjen e saj pas zgjedhjeve parlamentare gjermane në shtator 2021, përsëriti në disa raste se nuk dëshiron të merr asnjë funksion të ri pas skadimit të mandatit të saj.

Që kur u largua përfundimisht nga skena politike më 8 dhjetor, ajo i është përkushtuar shkrimit të kujtimeve politike me ish-këshilltaren dhe bashkëpunëtoren e saj të ngushtë Beate Bauman.

Qëllimi i saj është të shpjegojë vendimet kryesore politike që ka marrë gjatë 16 vjetëve të saj në pushtet, tha këshilltarja e saj.

Continue Reading

Kosovë

Bislimi: Kosova i ka plotësuar të gjitha kriteret për heqjen e vizave

Published

on

Zëvendëskryeministri i parë, Besnik Bislimi, ka prezantuar agjendën e Qeverisë së Kosovës në Agjendën Evropiane për vitin 2022.

Ai, me anë të një postimi në rrjetin social Facebook, ka thënë se prioritetet e tyre do të jenë “zbatimi i MSA-së dhe agjenda e reformave evropiane (ERA-II), sundimi i Ligjit, luftimi i krimit të organizuar dhe korrupsionit, qeverisja e mirë dhe demokratizimi, rimëkëmbja ekonomike, reforma e administratës publike, marrëdhëniet e mira fqinjësore, përfshirë dialogun me Serbinë, përafrimi i legjislacionit me Acquis të BE-së dhe programimin dhe absorbimin më të madh të fondeve të paraanëtarësimit (IPA III) dhe Fondit Investiv për Ballkanin Perëndimor (WBIF)”.

Bislimi, tutje, ka theksuar se sot shënohet 10-vjetori i fillimit të dialogut të liberalizimit të vizave mes BE-së dhe Kosovës.

“Prandaj, shfrytëzova rastin t’ua rikujtoj vendeve anëtare të BE-së që Kosova ka plotësuar të gjitha kriteret e nevojshme dhe qytetarët e Kosovës janë në pritje të një vendimi për heqjen e vizave, të cilën e meritojnë”, ka thënë Bislimi.

Continue Reading

Aktuale