Connect with us

Kosovë

Votat e Diasporës në Kosovë dhe pesha e tyre politike

Published

on

Votat e diasporës po e mbajnë pezull shpalljen dhe certifikimin e rezultatit final të zgjedhjeve parlamentare të 6 tetorit, pas procesit të rinumërimit. Janë 392 pako me vota nga diaspora, të cilat mbeten të rëndësishme si për partinë fituese të zgjedhjeve, Lëvizjen Vetëvendosje ashtu edhe për koalicionin Nisma Socialdemokrate, Aleanca Kosova e Re dhe Partia e Drejtësisë.

Përderisa për Vetëvendosjen, këto vota mund të nënkuptojnë 2 apo 3 deputetë më shumë, për koalicionin Nisma, AKR dhe PD, votat e diasporës, sipas vëzhguesve, kanë efektin e kundërt, pasi që besohet se me përfshirjen e tyre në rezultatin final mund të ndikohet në çështjen e kalimit të pragut zgjedhor për këtë koalicion që aktualisht thotë se i ka fituar gjashtë mandate në përbërjen e ardhshme të Kuvendit të Kosovës.

Të dielën, përfundoi rinumërimi i votave nga 1407 vendvotime, por shpallja e rezultatit dhe certifikimii tij, ka mbetur i varur nga ankesat e subjekteve politike.

Kështu, një ankesë e Lëvizjes Vetëvendosje në adresë në Gjykatën Supreme, ka bërë që Komisioni Qendror i Zgjedhjeve të detyrohet të presë vendimin e kësaj Gjykate, para se të bëjë certifikimin e rezultatit përfundimtar.

Gjykata Supreme ka afat 72 orë për marrjen e vendimit, ndonëse ky vendim mund të shpallet edhe më herët.

Lëvizja Vetëvendosje ka kërkuar nga Gjykata Supreme vlerësimin dhe marrjen e vendimit për rinumërimin e 392 pakove me fletëvotime të ardhura nga diaspora. Këto fletëvotime në Komisionin Qendror të Zgjedhjeve kanë ardhur më 12 nëntor.

Kështu, një ankesë e Lëvizjes Vetëvendosje në adresë në Gjykatën Supreme, ka bërë që Komisioni Qendror i Zgjedhjeve të detyrohet të presë vendimin e kësaj Gjykate, para se të bëjë certifikimin e rezultatit përfundimtar.

Gjykata Supreme ka afat 72 orë për marrjen e vendimit, ndonëse ky vendim mund të shpallet edhe më herët.

Lëvizja Vetëvendosje ka kërkuar nga Gjykata Supreme vlerësimin dhe marrjen e vendimit për rinumërimin e 392 pakove me fletëvotime të ardhura nga diaspora. Këto fletëvotime në Komisionin Qendror të Zgjedhjeve kanë ardhur më 12 nëntor.

Edhe më herët, Lëvizja Vetëvendosje i ishte adresuar Gjykatës Supreme kërkesën për vlerësimin e votave të ardhura nga diaspora pas afatit të paraparë ligjor, pasi PZAP fillimisht e kishte hedhur poshtë kërkesën e këtij subjekti politik. Supremja, në fund të muajit tetor, e kishte miratuar kërkesën e Vetëvendosjes dhe e kishte urdhëruar KQZ-në që të numërojë dhe të fus në rezultatin zgjedhor rreth 5 mijë vota të ardhura jashtë afatit ligjor (5 tetor, 2019) nga jashtë.

Në Komisionin Qendror të Zgjedhjeve thonë se pas konfirmimit nga Gjykata Supreme se i është parashtruar ankesë ndaj vendimit të PZAP-së, rezultatet përfundimtare nuk mund të publikohen në këtë fazë.

“Rezultatet nuk mund të publikohen pa ndonjë konfirmim në këtë rast nga PZAP dhe Gjykata Supreme se nuk kanë ndonjë çështje në shqyrtim”, tha zëdhënësi i KQZ-së, Valmir Elezi.

Çështje tjetër që mund ta mbajë pezull këtë proces ka të bëjë me kërkesën e Koalicionit Nisma Socialdemokrate, Aleanca Kosova e Re dhe Partia e Drejtësisë. Ky koalicion e ka dërguar në Gjykatën Kushtetuese një ankesë, ku konteston vendimin e Gjykatës Supreme të 30 tetorit, ku u urdhërua Komisioni Qendror i Zgjedhjeve që të numërojë dhe të përfshijë në rezultatin përfundimtar zgjedhor rreth 5 mijë vota të diasporës, që kishin ardhur në Kosovë jashtë afatit ligjor.

Në ankesën e koalicionit Nisma-AKR-PD, kërkohet nga Gjykata Kushtetuese që të vlerësojë kushtetutshmërinë e këtij vendimi të Supremes.

Koalicioni Nisma-AKR-PD po ashtu kërkon që Kushtetuesja të vendosë pro masës së përkohshme pasi sipas këtij koalicioni, mosvënia e një mase të tillë “mund të shkaktojë dëm të pariparueshëm dhe është në interes të publikut”.

Përfaqësues të shoqërisë civile që kanë monitoruar procesin zgjedhor në Kosovë, konsiderojnë se procesi i numërimit dhe rinumërimit është zgjatur, por në kuadër të hapësirave ligjore.

Florent Spahija nga Instituti Demokratik i Kosovës, tha  se subjektet politike janë munduar që të shfrytëzojnë të gjitha hapësirat ligjore për të arritur një rezultat sa më të mirë.

“Nëse shikohet në aspektin kohor është zgjatur dhe Kosova ka mundur të procedojë edhe më shpejtë, në kuptimin që KQZ dhe Qendra e Numërimit dhe Rezultateve ta rrisin stafin dhe numrin e punëtorëve dhe të përfundojë procesi më herët se sa që është tash”, tha Spahija.

Zgjedhjet e parakohshme parlamentare janë mbajtur më 6 tetor. Sipas vëzhguesve vendorë dhe ndërkombëtarë, zgjedhjet kaluan të qeta dhe ishin në harmoni me standardet demokratike.

Lëvizja Vetëvendosje ka fituar më së shumti vota, pasuar nga Lidhja Demokratike e Kosovës. Këto dy parti po mëtojnë që ta formojnë Qeverinë e re të Kosovës. Përfaqësuesit e këtyre dy partive kanë thënë se pas certifikimit të rezultatit zgjedhor do të finalizojnë marrëveshjen për koalicionin e ardhshëm qeverisës.

Zgjedhjet e parakohshme parlamentare pasuan dorëheqjen e Ramush Haradinajt nga posti i kryeministrit, pas ftesës që mori nga Gjykata Speciale në Hagë. /REL

 

Continue Reading

Kosovë

Gjykata Speciale publikon aktvendimin e fundit për ish-presidentin Hashim Thaçi

Published

on

Shefja e Informimit dhe Komunikimit Publik në Dhomat e Specializuara të Kosovës (DhSK), Angela Griep ka bërë të ditur se kjo gjykatë ia ka vazhduar masën e paraburgimit ish-presidentit të Republikës së Kosovës, Hashim Thaçit.

Në konferencën për medie të mbajtur të enjten, Griep ka dhënë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë, raporton “Betimi për Drejtësi“.

Ajo ka bërë të ditur se në rastin Thaçi dhe të tjerët, të martën, me 25 janar, një version i redaktuar publik i vendimit i gjykatësit të procedurës paraprake u dorëzua, me të cilin urdhërohej mbajtja e mëtejme në paraburgim e Hashim Thaçit.
“Gjykatësi i procedurës paraprake konstatoi që rreziku se i akuzuari të pengoj procedurat ose të kryej krime të tjera mund të zbutet mjaftueshëm përmes kornizës për monitorimin e komunikimit të objekteve të paraburgimit të Dhomave të Specializuara”, ka thënë Griep.

Tutje, ajo bëri të ditur se të premten, më 21 janar, trupi gjykues 1 urdhëroi mbajtjen e mëtejshme në paraburgim të Salih Mustafës .

Sipas saj, gjykatësit konstatuan se rreziku i pengimit të ecurisë së procedurës vazhdon të ekzistojë, përfshirë rrezikun e ndërhyrjes në viktima dhe dëshmitarë.

“Më 25 janar 2022 dëshmitari i dytë i fundit i thirrur nga prokuroria dëshmoi në rastin Salih Mustafa për zingjirin komandues, modalitetet e komunikimit dhe lëvizjet e UCK-së në rajonin e Gollakut. Përveç kësaj dëshmitari dëshmoi për njësitin BIA të UCK-së dhe rolin e funksionin e tij në prill 1999. Ai më tej dëshmoi për ofensivën e forcave serbe në zonën e Zllashit gjatë gjysmës së dytë të prillit 1999”, ka thënë ajo.

Griep tha se dëshmitari ka dëshmuar pa masa mbrojtëse. Ndërkaq, shtoi se javën e ardhshme, më 1 shkurt 2022, dëshmitari i fundit i thirrur nga prokuroria pritet ta fillojë dëshminë në këtë rast.
“Prokuroria pritet të mbyll çështjen me 4 shkurt. Me 11 shkurt mbrojtja dhe avokati i viktimave do t’i paraqesin listat e tyre përkatëse të dëshmitarëve dhe të provave”, ka thënë ajo.

Ajo ka thënë se më 17 dhe 18 shkurt trupi gjykues do të mbajë një konferencë mbi ecurinë e çështjes në prani të prokurorisë, mbrojtjes, avokatit të viktimave dhe zyrën administrative për të diskutuar për fazat e ardhshme të çështjes.

Sipas saj, më pas trupi gjykues do të vendosë për numrin dhe modalitetet e dëshmitarëve që do të dëgjohen, për datat dhe orarin e seancave.

Kurse tha se në rastin Gucati dhe Haradinaj, dëshmitari i tretë i thirrur nga mbrojtja e Haradinajt dëshmoi të premten, më 21 janar.
“Dëshmitari dëshmoi për fushën e përkufizimit dhe jurisprudencën e sinjalizimit. Dëshmitari i katërt i thirrur nga mbrojtja e Haradinajt e filloi dëshminë e tij të hënën me 24 janar përmes videolidhjes”, ka thënë ajo.

Sipas saj, dëshmitari i katërt ka dëshmuar për operacionet e kontrollit dhe sekuestrimit në Tribunalin Penal Ndërkombëtar për ish-Jugosllavinë.

“Dëshmia e tij do të vazhdoj të premten me 28 janar, në orën 8:00. Pas kësaj dëshmie trupi gjykues do t’i dëgjoj parashtresat e mbrojtjes dhe të prokurorisë për hapat e ardhshëm që do të ndërmerren në këtë rast”, bëri të ditur Griep.

Ndryshe, Dhomat e Specializuara të Kosovës në Hagë, çdo të enjte, në orën 14:30, përmes platformës online “Zoom” mbajnë informim javor ku ofrojnë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë.

Continue Reading

Kosovë

Ushtruan dhunë ndaj një femre, arrestohen tre persona

Published

on

By

Ushtruan dhunë ndaj një femre, arrestohen tre persona
Në raportin 24-orësh të Policisë së Kosovës bëhet e ditur se janë arrestuar tre të dyshuar në Obiliq, dy meshkuj dhe një femër, pasi që dyshohet se kanë ushtruar dhunë psikike ndaj viktimës femër kosovare.

Sipas raportit, viktima është dërguar në strehimore.

Të dyshuarit pas intervistimit me rekomandim të prokurorit janë liruar në procedurë të rregullt. Rasti vazhdon të hetohet.

Continue Reading

Kosovë

Kurti synon që brenda mandatit t’u sigurohet banim i përballueshëm 4 mijë familjeve

Published

on

By

Kryeministri i Kosovës, Albin Kurti, ka përsëritur premtimin e tij të fushatës për ndihmë për banim social. Ai ka thënë se brenda mandatit, Qeveria synon t’ua mundësojë banimin e përballueshëm katër mijë familjeve me programin për banim social.

Deklarata e Kurtit dhe prezantimi i koncept-propozimit për Programin e Banimit Adekuat Social për Kosovë u bënë në tryezën për Programin e banimit adekuat social.

Kurti ka thënë se janë dy skema që do t’ua mundësojnë familjeve përfituese të bëhen me banesa. Njëra është për familjet që mund të paguajnë këste nga 120 euro për 120 muaj dhe tjetra për 150 euro për maksimalisht 150 muaj.

Ai ka thënë se kostoja vjetore e këtij projekti është rreth 22 milionë euro. Ka thënë se shuma gradualisht do t’i kthehet institucionit që parashihet të themelohet dhe ngarkohet me zbatimin e projektit.

Në fjalimin e tij, Kurti është ankuar se shumë komplekse banesore të ndërtuara viteve të fundit kanë mbetur në përqindje të madhe të pashfrytëzueshme.

“Ne kemi shumë banesa të ndërtuara dhe njëkohësisht edhe shumë familje në nevojë për strehim. Banesat private janë të papërballueshme për një përqindje të lartë të popullsisë, ndërsa vetëm 0.3% e banesave ekzistuese janë banesa sociale. Sipas statistikave, kërkesat për banim social shkojnë në mbi 9.000 njësi banesore shtesë, të cilat aktualisht as niveli qendror e as niveli lokal nuk i ka në dispozicion. Ndërtesat dhe infrastruktura e ndërtuar ndër vite nuk kanë adresuar siç duhet nevojat e shoqërisë”, ka thënë Kurti teksa ka shtuar se tashmë ka ndarje në lagje të zhvilluara e të mbyllura, të ndara nga familjet me të ardhura të ulëta.

Ai ka thënë se programet komunale kanë kontribuar në promovimin e “segregimit social”.

“Në njësitë ekzistuese banesore duhet të intervenohet, që të përmirësohen kushtet e banimit, të revitalizohen dhe të kthehen në zona, jo vetëm të banueshme, por zona që ofrojnë zhvillim personal dhe profesional të banorëve, ashtu që të destigmatizohen dhe degetoizohen. Këto programe komunale të banimit nuk e kanë konsideruar as shkallën e as natyrën e krizës dhe madje as nevojën për veprim urgjent. Për këtë, nevojitet qasje e re ndaj banimit social dhe për zhvillimin e qëndrueshëm urban. Qeveria është duke punuar në këtë drejtim dhe programin e banimit social e kemi përfshirë në Programin e Qeverisë së Republikës së Kosovës për vitet 2021-2025. Brenda mandatit, ne synojmë të krijojmë programin për banim social, si dhe të mundësojmë banim të përballueshëm për 4 mijë familje. Kjo do të arrihet përmes skemës ‘120×120’ dhe ‘150×150’, ku familjet përfituese do të bëhen pronarë të banesave me këste mujore prej vetëm 120 respektivisht 150 eurove maksimumi dhe për një periudhë kohore prej jo më shumë se 120, përkatësisht 150 muajve. Kostoja vjetore e këtij projekti është rreth 22 milionë euro, mirëpo kjo shumë gradualisht i kthehet institucionit, i cili do të themelohet dhe ngarkohet me implementimin e projektit”, ka thënë ai.

Kurti ka thënë se tashmë ka pasur diskutime për studimin e fizibilitetit për këtë program.

“Është detyrë e jona që në një të ardhme të afërt të krijojmë mundësi për çdo qytetar që ka nevojë, të ketë qasje në shtëpi të sigurt e me cilësi të mirë, me kushtet për jetë të dinjitetshme, zhvillim personal e profesional. Përtej sigurimit të infrastrukturës fizike, programi i banimit do të përcaktojë edhe rrugën tonë të përbashkët drejt qëndrueshmërisë shoqërore, ekonomike dhe mjedisore”, ka deklaruar më tej ai.

Continue Reading

Aktuale