Connect with us

Lajme

Spasovski: Nga vendi largohen njerëz që mund të kenë të ardhme edhe këtu

Published

on

Spasovski: Beteja jonë është ta luftojmë krimin dhe korrupsionin

Beteja kyçe është si ta konsolidojmë këtë sistem tonin, reformat, para së gjithash luftën joselektive kundër krimit dhe korrupsionit. Maqedonia e Veriut duhet ta ndërtojë sistemin nën mbikëqyrje të BE-së, nevojitet t’i përforcojmë institucionet që qytetarët të kenë besim në to, në mënyrë që ato të funksionojnë, tha sot ministri i Punëve të Brendshme, Oliver Spasovski në tribunën e Lidhjes demokratike të titulluar “Maqedonia në udhëkryq”.

Sipas tij, për atë që po na ndodhë me të rinjtë sot, arsye kyçe nuk është situata ekonomike.

“Nga shteti më së shumti largohen njerëz të realizuar, njerëz të cilët mund të kenë perspektivë edhe këtu, edhe jashtë. Ata detektojnë se sistemi nuk i njeh interesat e qytetarëve. Betejë e jona është ta luftojmë krimin dhe korrupsionin. Të gjitha aktivitetet tona duhet të kahëzohen drejt këtij qëllimi në të ardhmen, që do të ketë impakt të fuqishëm në kuptimin e integrimeve të shtetit dhe drejt konsolidimit të fuqishëm të sistemit”, tha Spasovski.

Spasovski theksoi se anëtarësimi në NATO është gjithnjë e më i sigurt dhe kjo do t’i hapë perspektivat për zhvillim të mëtutjeshëm të shtetit.

“Një element tjetër që na zhgënjeu është mosmarrja e vendimit për fillim të negociatave me BE-në. Sado të jetë i madh zhgënjimi, një duhet të jetë e qartë dhe satisfakcion për të gjithë ne – ai fillim i negociatave do të ndodhë pa dallim të të gjitha turbulencave. Është fakt se vendin e mbështesin të gjitha anëtaret e BE-së, me përjashtim të Francës që ishte kundër lidhur me fillimin e negociatave dhe kjo jo për shkakun tonë, por edhe marrëdhëniet me BE-në edhe ajo e konfirmon tezën e debatit sot – ‘Maqedonia në udhëkryq’”

Siç tha Spasovski, “ky shtet i yni” asgjë nuk ka marrë si dhuratë që nga pavarësia e deri më sot, por për gjithçka është dashur të punojë shumë, por kjo nuk e dekurajon Qeverinë të vazhdojë rrugës e cila nuk ka alternativë.

“Për ne nuk ekziston alternativë. Është tjetër gjë të flisni para opinionit për fitim të pikëve politike, e tjetër të flisni jashtë. Këtij populli i nevojitet qasje e sinqertë. Për atë që është mirë, të thuhet se është bërë mirë, ndërkaq për atë që është keq, të thuhet se është keq”, tha Spasovski në tribunë, në të cilën foli edhe kryetari i Lidhjes demokratike, Pavle Trajanov.

Continue Reading

Lajme

Hapet thirrja për aplikim në konkursin për Abetaren e përbashkët Kosovë-Shqipëri

Published

on

Ministria e Arsimit e Kosovës dhe ajo e Shqipërisë sot kanë hapur thirrjen për aplikim në konkursin për tekstin e vetëm të përbashkët “Abetare”, të shoqëruar me fletoren e punës. Këtë e ka bërë të ditur ministrja e Arsimit, Shkencës, Teknologjisë dhe Inovacionit (MASHTI), Arbërie Nagavci, e cila ka ftuar shtëpitë botuese nga të dy shtetet që të aplikojnë në këtë konkurs.

Në një postim në Facebook, Nagavci ka thënë se ka filluar jetësimi i Marrëveshjes për Abetaren e re të përbashkët cilësore dhe unike, që do ta përdorin si tekst të parë të gjithë fëmijët shqiptarë në Kosovë, Shqipëri dhe kudo që ata mësojnë shqip.

Po ashtu, ministja Nagavci ka shprehur bindjen e saj të plotë se në vitin e ri shkollor, vogëlushët e të dyja shteteve do ta kenë në dorë Abetaren e re.

“Ky libër simbol, le të jetë një dhuratë për vogëlushët tanë në 110 vjetorin e Pavarësisë”, ka thënë Nagavci.

E krejt kjo, sipas saj, ka ardhur si rezultat i një pune të përbashkët të Komisionit për organizimin e konkursit për Abetaren e re.

“Një gjuhë, një Abetare… Pas një pune të përbashkët të Komisionit për organizimin e konkursit për Abetaren e re, Ministria e Arsimit e Kosovës dhe ajo e Shqipërisë sot kanë hapur thirrjen për aplikim në konkursin për tekstin e vetëm të përbashkët ‘Abetare’, të shoqëruar me fletoren e punës. Ftoj shtëpitë botuese nga të dy shtetet tona që të aplikojnë në këtë konkurs, rezultatet e të cilit do të bëhen publike në qershor të këtij viti”, ka thënë ajo.

Continue Reading

Kosovë

Ndërron jetë ish-ushtarja e UÇK-së, Vjosa Qerimaj

Published

on

Ka ndërruar jetë sot Vjosa Qerimaj, ish-ushtare e UÇK-së dhe infermiere aso kohe.
Lajmin për vdekjes e infermieres së luftës e kanë bërë të ditur familjarë të saj.

“Motra jone Vjosa na la sot. Ajo ka sherbyer si ushtare e Ushtrise Çlirimtare te Kosoves si infermiere ne kohet me te veshtira per ushtaret e plagosur, dhe me nevoje mjekesore. Kontributi i saj nuk do te harrohet kurre, dhe do te na mbaje krenar gjithe jeten.”, shkruhet në njoftimin e tyre.

Continue Reading

Lajme

Bumçi: Eurodeputetët i kanë dërguar një letër Bashës, ja për çfarë bëhet fjalë

Published

on

Anëtari i Komisionit të Rithemelimit Aldo Bumçi i ftuar në “Radarin Informativ” është pyetur nëse përfaqësues të Partisë Popullore Europiane janë ofruar që të negociojnë krizën e brendshme në Partinë Demokratike.

Bumçi tha se ka një letër të 3 eurodeputetëve për Bashën, në të cilën sipas tij i kërkojnë që të pranojë Kuvendin e 11 dhjetorit, të mbledhur nga ish-kryeministri Berisha.

“PPE ka si qëndrim që ne nuk përfshihemi në çështje te partive. Ka një letër të 3 eurodeputetëve gjermane, në PPE dhe një eurodeputeti një vendet e rajonit që i drejtohen Bashës që të pranojë 11 dhjetorin.

Kriza në PD është zgjidhur me 11 dhjetor nga demokratët. Ne do vazhdojmë betejën kundër Ramës”, tha Bumçi.

Continue Reading

Aktuale