Connect with us

Lajme

Mini Shengeni jep efektet e para / Lehtësime në lejet e punës

Published

on

Shkupi dhe Beogradi paralajmërojnë zgjidhje praktike nga marrëveshja e Novi Sadit dhe Ohrit

Pas hapjes së modeleve “one stop shop” në vendkalimin kufitar Tabanoc dhe nënshkrimit të marrëveshjeve për operatorë të autorizuar ekonomik, Qeveria e Republikës së Maqedonisë së Veriut tashmë punon në implementimin e marrëveshjes nga takimet për “Shengenin e vogël”, deklaroi sot kryeministri Zoran Zaev pas mbylljes së Forumit të katërt rajonal rinor në Novi Sad.

“Aktualisht punojmë në Ligjin për të huaj për marrjen e lejeve të punës dhe shpresoj se deri në dhjetor ai do të kalojë në Kuvend, me të cilin të gjithë qytetarët e mbarë rajonit në cilindo vend do të jenë të njëjtë si edhe qytetarët e vet vendit dhe nuk do të kenë nevojë gjashtë muaj të presin leje pune nga tërë procedura që ekziston”, deklaroi Zaev.

Ai shtoi se “punohet edhe në njohjen e dokumentacionit që i lëshojnë agjencitë përkatëse , ndërsa me njohje të ndërsjellë do t’i tejkalojmë apo nuk do të ketë aspak nevojë për kontrolle të shërbimeve fitosanitare, Agjencia për ushqim dhe veterinari dhe shërbimet tjera të cilat duhet ta integrojnë këtë sistem, dhe një leje e lëshuar prej cilitdo vend do të jetë e pranueshme për të gjitha shtetet.

“Punojmë edhe në lidhjen informatike dhe besojmë se do të arrijmë në këtë pjesë dhe në vijim janë edhe projekte të tjera”, deklaroi Zaev duke vlerësuar se me këtë dëshiron të tregojnë zgjidhje praktike nga deklaratat e nënshkruara, që do të jetë presion i mjaftueshëm i institucioneve më shpejtë të sjellin zgjidhje ligjore.

Siç njofton korrespondenti i MIA-s , kryeministrja serbe Ana Bërnabiq, nga ana e saj, ka theksuar se edhe Serbia ka ngritur disa nisma për implementimin e marrëveshjes në Novi Sad dhe Ohër.

Ajo si shembull të bashkëpunimit të suksesshëm e theksoi hapjen e “vendkalimit kufitar një sportel”, i cili siç tha mund të funksionojë më mirë sepse do të lidhet në mënyrë elektronike me doganat dhe inspeksionin fitosanitar.

Në margjinat e Forumit të katërt rinor në Novi Sad, Zaev dhe Bërnabiq realizuan takim dypalësh ku temë qendrore ishte angazhimi i përbashkët për vazhdimësi në ndërtimin e marrëdhënieve të mira fqinjësore dhe përmirësimin e tyre më tej si një kontribut për stabilitetin, sigurinë dhe prosperitetin e rajonit.

Siç informon shërbimi qeveritar për media në takim është vlerësuar se në këtë drejtim të realizimit të këtyre angazhimeve rëndësi të posaçme kanë takimet intensive në nivel presidencial dhe kryeministrave në tre-katër muajt e fundit në Maqedoninë Veriore dhe në Serbi, si dhe takimet në forumet rajonale. 

Continue Reading

Kosovë

Kapet duke kaluar ilegalisht kufirin Kosovë-Maqedoni, i gjinden në trup rreth dy kilogram drogë

Published

on

Policia e Kosovës njofton se pasditen e sotme në vendkalimin kufitar mes Kosovës dhe Maqedonisë së Veriut është kapur një person i cili ka tentuar të kalojë ilegalisht kufirin. Gjatë kontrolleve tek i njëjti person, policia ka gjetur substanca të cilat dyshohet se kanë përmbajtje narkotike.

“Me datë 25.01.2022 rreth orës 18:45, Policia Kufitare e Kosovës, drejtoria rajonale-Lindje, konkretisht Njësia patrulluese (Stacioni Policor për Mbikëqyrje të Kufirit-SPMK) Hani Elezit, gjatë realizimit të detyrave dhe vëzhgimit për menaxhim dhe kontroll efikas kufitar, në rrugën Ekzodi99 në Han të Elezit në zonën kufitare në mes të Maqedonisë Veriore dhe Republikës së Kosovës kanë ndaluar një person duke tentuar ta kaloj ilegalisht kufirin nga RKS në R. e Maqedonisë së Veriut”, thuhet në njoftimin e Policisë së Kosovës.

“Gjate legjitimimit dhe kontrollit trupor të personit në pallto iu janë gjet edhe katër (4) paketime të mbështjella me rreth dy (2) kilogram substancë të dyshuar narkotike (që sipas të dyshuarit është drogë e llojit Heroinë)”, thuhet në njoftim.

Continue Reading

Lajme

Identifikohet autori që vendosi eksploziv në shtëpinë e Armand Dukës (Emri)

Published

on

Një ngjarje e rëndë tronditi mbrëmjen e kaluar Durrësin, por jo vetëm.

Një person vendosi eksploziv në banesën e kreut të FSHF Armando Duka.

Kanë kaluar rreth 24 orë nga ngjarja dhe policia thotë se ka identifikuar autorin.

Bëhet me dije për NOa.al se ai është Arlen Hasanaj, banor i lagjes 4 të Durrësit.

Deri më tani konfirmohet se Hasanaj është person pa precedent penal. Sipas informacioneve të siguruara Arlen Hasanaj është një sipërmarrës në qytetin bregdetar, teksa ende nuk dihen marrëdhëniet dhe konfliktet e tij me Dukën. Priten detaje të reja rreth ngjarjes dhe personit të ndaluar.

Continue Reading

Lajme

Nikollovski: Maqedonia me korrupsion është në të njëjtin nivel si Kolumbia dhe Etiopia

Published

on

Nënkryetari i VMRO-DPMNE-së, Aleksandar Nikollovski u shpreh se sipas raportit të sotshëm për korrupsion, Maqedonia për nga korrupsioni është pas Kosovës, Kolumbisë, Etiopisë, Surinamit, Vietnamit dhe Markut.

“Me nivel të tillë të korrupsionit, cili person normal do t’u japë fillim të bisedimeve me BE-në, ku vendet anëtare janë në 30 vendet e para”, tha Nikollovski.

Sipas tij, problemi me mosnisjen e bisedimeve është pikërisht se shteti nuk është i rregulluar.

“nukka sistem funksional të sundimit të së drejtës, nuk ka luftim kundër korrupsionit, ekonomikisht nuk rritemi dhe nuk ka investime të huaja dhe as që stimulohen kompanitë vendore”, tha Nikollovski.

Ai theksoi se nëse vendet anëtare të BE-së janë të bindura se Maqedonia meriton të jetë pjesë e BE-së, menjëherë do të ndikojnë ndaj Sofjes, por për shkak të korrupsioni një gjë e tillë, sipas Nikollovskit, nuk ndodh.

Continue Reading

Aktuale