Connect with us

Rajon

Kosovarja në Novi Sad para Vuçiqit flet në gjuhën shqipe

Published

on

Në Novi Sad të Serbisë, të premten ka nisur konferenca vjetore Regional Youth Form, ngjarje kjo që do të zgjas deri më 24 të këtij muaji.

Ky forum vjetor që bashkon rreth 200 liderë të rinj, orientohet drejt veprimit dhe shoqërisë aktive nga rajoni i Ballkanit Perëndimor, të cilët do të angazhohen në diskutime me politikbërësit aktual dhe drejtuesit rajonal për tema dhe sfida të dukshme.

Kjo konferencë, organizohet nga Lëvizja Evropiane në Serbi – dega lokale Novi Sad dhe Fondi i Beogradit për Përsosmëri Politike, raporton EkonomiaOnline përcjellë Klan Kosova.

Në panelin kryesor me të ftuar presidentin serb Aleksander Vuçiq, presidentin e Sllovenisë Barut Pahor dhe Stevo Pendoravski president i Maqedonisë së Veriut, në një tryezë me ta ishte edhe Aulonë Mehmeti nga Kosova.

Ky diskutim ishte tejet i tensionuar, madje Mehmeti në shenjë protestë për shkak të mungesës së përkthimit stimultant në gjuhën shqipe, hapi fjalën duke iu drejtuar të pranishme në shqip.

Ajo foli për rëndësinë e ndryshimit të narrativës, pranimin e së vërtetës dhe kërkim faljen, si kusht themelor për të vazhduar tutje.

“Përshëndetje të gjithëve, veçanërisht pjesëmarrësve shqipfolës. Tek sa po hyja në sallë për të filluar diskutimin në këtë panel u njoftova që nuk ka përkthim në gjuhën shqipe dhe mu kërkua që (vetëm unë) të flas anglisht dhe jo shqip. Meqë e konsidideroj të rëndësishme që politikanët prezent të dëgjojnë çfarë kam/kemi për të thënë, nga ky moment do të vazhdoj diskutimin në anglisht”.

“Ne ende jetojmë në narrativën e para 30 vjetëve. Për me e ndryshu narrativën duhet me e ndryshu tregimin, e tregimi ndryshohet atëherë kur ndërmerrët diçka për të ndryshuar rrjedhën e ngjarjeve. Andaj, duhët të pyesim vetën: a kemi bërë diçka për të ndryshu rrjedhen e ngjarjeve??”, tha ndër të tjera Memeti.

Ndërsa, fjalimi i Aulonës nervozoi presidentin serb, i cili theksoi se “ne kemi atdhe këtu për me fol për të ardhmen, e nëse vet po dëshironi me fol për të kaluarën, një gjë ta keni të qartë, se kurrë nuk do të pajtohemi”.

Continue Reading

Lajme

Gjukanoviq mbështet nismën e Abazoviqit për ndryshimin e Qeverisë

Published

on

Kryesia e Partisë Demokratike të Socialistëve (DPS), të presidentit të Malit të Zi, Millo Gjukanoviq, ka njoftuar se do të mbështesë çdo nismë që do të çojë në largimin e Qeverisë aktuale të shtetit.

“DPS-ja mirëpret gatishmërinë e një pjese të shumicës parlamentare për të propozuar zgjidhje me përfaqësues të disa partive të pakicave, që do të çonin në zhbllokimin e institucioneve dhe përshpejtimin e procesit të bisedimeve me Bashkimin Evropian”, tha partia e presidentit të Malit të Zi.

Kështu u përgjigj DPS-ja ndaj nismës për të formuar një qeveri të pakicës, si një model për tejkalimin e krizës politike në Mal të Zi. Këtë propozim e ka prezantuar Lëvizja Qytetare Ura, që është në pushtet, dhe Lidhja e Qytetarëve CIVIS.

Këto dy subjekte, në zgjedhjet parlamentare të vitit 2020 kishin garuar në kuadër të listës “E zeza mbi të bardhë”. Në ato zgjedhje, DPS-ja u rrëzua nga pushteti pas tre dekadash.

Gjatë prezantimit të propozimit për qeveri të pakicës, Lëvizja Qytetare Ura dhe Lidhja e Qytetarëve CIVIS thanë më 17 janar se në një qeveri të tillë nuk do të kishte vend për partinë më të madhe opozitare, Partinë Demokratike të Socialistëve (DPS) dhe partinë më të fortë të koalicionit aktual, Frontit Demokratik (DF), parti pro-serbe.

Zëvendëskryeministri i Malit të Zi dhe lideri i Lëvizjes Ura, Dritan Abazoviq ka thënë se ky model është një zgjidhje e mundshme, por të cilën nuk do t’ia imponojnë askujt.

“Është koha që të zhbllokohet rruga për në Bashkimin Evropian. Nëse kjo situatë nuk mund të zgjidhet, zgjedhjet mbeten zgjidhje e qartë”, tha Abazoviq më 17 janar.

Për të iniciuar shkarkimin e Qeverisë në Kuvend nevojiten 27 vota, ndërsa për largimin e saj duhet një shumicë prej 41 deputetësh.

Me mbështetjen e DPS-së, e cila ka 30 deputetë në Parlamentin malazez, Lëvizja Ura siguron numrin e mjaftueshëm të votave për një mocion mosbesimi ndaj Qeverisë së kryeministrit Zdravko Krivokapiq.

Kryeministri i Malit të Zi, Zdravko Krivokapiq kundërshtoi ashpër paralajmërimin për formimin e një qeverie të pakicës, duke e cilësuar si “mashtrim” këtë nismë.

Qeveria e Krivokapiqit, e cila ka një votë më shumë se sa duhet në Parlament, ka humbur mbështetjen e shumicës qeverisëse, kryesisht të partisë pro-serbe, Frontit Demokratik.

Megjithatë, Fronti Demokratik nuk ka nisur asnjëherë një nismë formale për të shkarkuar Qeverinë, e cila nuk ka pasur mbështetjen e kësaj partie që nga mesi i vitit të kaluar.

Ndër të tjera, DF-ja nuk është pajtuar me miratimin e Rezolutës për Srebrenicën në Parlamentin e Malit të Zi, si dhe me shkarkimin e ministrit Vlladimir Lleposaviq për shkak të mohimit të gjenocidit në Srebrenicë.

Qeveria e Zdravko Krivokapiqit u zgjodh më 4 dhjetor 2020 me votat e Frontit Demokratik, Demokratëve dhe Lëvizjes Qytetare Ura si qeveria e ekspertëve, kurse i vetëm politikan në të është kreu i Lëvizjes Ura, Dritan Abazoviq, që mban postin e zëvendëskryeministrit.

Që nga formimi i kësaj qeverie, ajo ka qenë cak i kritikave dhe pengesave që vijnë nga strukturat e shumicës qeverisëse, në radhë të parë nga Fronti Demokratik, që vazhdimisht ka kërkuar, por asnjëherë nuk i ka zyrtarizuar kërkesën për zgjedhjen e një qeverie të re.

Fronti Demokratik është deklaruar për mundësinë e krijimit të qeverisë së pakicës, duke thënë se “nuk janë për rrëzimin e Qeverisë aktuale, por për zgjedhjen e një të reje”. Sipas kësaj partie, ata duan një ekzekutiv që do të pasqyronte vullnetin elektoral të qytetarëve, që e kanë shprehur në zgjedhjet e gushtit të vitit 2020.

Kurse partitë e komuniteteve e mbështesin propozimin e Lëvizjes Ura, duke e cilësuar si mundësi reale dhe optimale për të dalë nga kriza aktuale politike, u tha në një deklaratë të përbashkët të lëshuar nga liderët e Partisë Boshnjake, Listës Shqiptare dhe Koalicionit Shqiptar.

Continue Reading

Lajme

Turqia dhe Serbia ranë dakord të ndërmjetësojnë bisedimet për krizën në Bosnjë

Published

on

Presidenti turk, Recep Tayyip Erdogan tha të martën se ai dhe presidenti serb, Aleksandër Vuçiç, ranë dakord të ndërmjetësojnë bisedimet për zgjidhjen e krizës në Bosnjë, pas zgjedhjeve në Serbi, që pritet të mbahen në fillim të muajit prill.

Kriza u thellua pasi ligjvënësit nacionalistë në entitetin gjysmë autonom serb të Bosnjës së pasluftës, miratuan një mocion jodetyrues vitin e kaluar, për të filluar tërheqjen e rajonit nga forcat e armatosura, sistemi tatimor dhe gjyqësori i vendit, një veprim i mbështetur prej kohësh nga udhëheqësi serb i Bosnjës, Milorad Dodik.

Turqia, e cila ka lidhje të thella historike në Ballkan, e ka kritikuar veprimin si “të gabuar e të rrezikshëm” dhe është ofruar të ndërmjetësojë për zgjidhjen e krizës, e cila ka nxitur frikën e një rikthimi në konfliktin etnik në Bosnje.

Pas luftës shkatërruese etnike të viteve 1992-95, që la pas vetes 100 mijë të vrarë, Bosnja u nda në dy rajone gjerësisht autonome; Republikën Serbe (RS) dhe Federatë e dominuar nga boshnjakët dhe kroatët, të lidhur nga një qeveri e dobët qendrore.

Duke folur me gazetarë së bashku me presidentin serb, Vuçiç, pas bisedimeve në Ankara, presidenti Erdogan tha se serbët, kroatët dhe boshnjakët duhet të përmbahen nga hapat që rrezikojnë tërësinë tokësore të Bosnjës dhe se të gjithë duhet të veprojnë “me një ndjenjë përgjegjësie”.

“Pas zgjedhjeve (serbe), ne duam të mbledhim udhëheqësit e tre grupeve në një takim dhe me të, të ndërmarrim hapa për të siguruar tërësinë tokësore të Bosnjës,” tha ai.

“Ne duam të mbledhim tre udhëheqësit e boshnjakëve, kroatëve dhe serbëve dhe ta realizojmë këtë. Ne ramë dakord për këtë”, tha presidenti Erdogan, duke shtuar se bisedimet do të mund të mbaheshin në Stamboll ose në Beograd.

Turqia mbështeti udhëheqësin e ndjerë mysliman boshnjak të kohës së luftës, Alija Izebegoviç dhe ka krijuar marrëdhënie të mira me presidencën boshnjako-serbo-kroate të Bosnjës së pas luftës.

Më herët, presidenti Erdogan u citua nga mediat lokale të ketë thënë se kryeministri shqiptar, Edi Rama, Milorad Dodiku dhe zyrtarë të tjerë rajonalë, kishin shprehur mbështetjen për ofertën e tij të ndërmjetësimit dhe se Ankaraja do të intensifikonte diplomacinë e saj për të zgjidhur krizën.

Presidenti serb Vuçiç tha në konferencën me gazetarë se Serbia është e përkushtuar ndaj Bosnjës si një shtet i paprekshëm dhe se ruajtja e paqes dhe qëndrueshmërisë në Ballkan është parësore së bashku “me respektimin e dallimeve”.

Presidenti Vuçiç i bëri thirrje Dodikut javën e kaluar që të kthehet në institucionet shtetërore të cilat Republika Serbe i ka bojkotuar që nga mesi i vitit 2021, për shkak të një ligji që dënon mohimin e gjenocidit.

Vendimet e gjykatës ndërkombëtare për krimet e luftës e kanë cilësuar si gjenocid masakrën e vitit 1995, kur forcat serbe vranë 8,000 burra dhe djem boshnjakë në Srebrenicë, gjë që mohohet nga nacionalistët serbë.

Serbia ishte mbrojtësja e separatistëve serbë boshnjakë të kohës së luftës dhe mbetet e afërt me entitetin serb të Bosnjës së pasluftës.

Retorika secesioniste e Milorad Dodikut, nxiti tubime dhe incidente nacionaliste serbe në qytetet anembanë Republikës Serbe.

Më herët gjatë këtij muaji, Shtetet e Bashkuara vendosën sanksione të reja ndaj Milorad Dodikut për korrupsion dhe kërcënim ndaj qëndrueshmërisë dhe tërësisë tokësore të Bosnjës.

Bashkimi Evropian tha gjithashtu javën e kaluar se udhëheqja serbe e Bosnjës do të përballet me sanksione të BE-së dhe humbje të ndihmës, nëse vazhdon të nxisë tensione./VOA/

Continue Reading

Lajme

Prokuroria në Nish ngre aktakuzë ndaj kryetares së Preshevës, Ardita Sinani (Dokument)

Published

on

Prokuroria e Lartë Publike në Nish, Departamenti Special për Luftimin e Korrupsionit, ka ngritur aktakuzë kundër kryetares aktuale të Preshevës, Ardita Sinani, nën dyshimin se dy sipërmarrësve, I.G. dhe M.Sh nga Presheva, duke “duke mos bërë asgjë”, gjegjësisht duke mos kryer detyrën zyrtare “ka realizuar përfitim pasurie prej 360,000 dinarë në dëm të komunës” bazuar në ndarjen e subvencioneve për zhvillimin e ndërmarrjeve të vogla dhe të mesme, edhe pse dyshohet se kanë aplikuar jashtë afatit.

Siç shkruan portali VranjeNews, në aktakuzë thuhet se ajo si kryetare e Këshillit të Komunës “nuk është kujdesur për ligjshmërinë e punës dhe nuk ka ftuar apo urdhëruar personalisht Sekretarin e Këshillit apo Shefin e Kabinetit që të ftojë Kryetarin e Komisionit për Subvencione, nuk ka kërkuar, në përputhje me ligjin, që kryetari i komisionit ose anëtari që zëvendëson të arsyetojë propozimin e komisionit dhe renditjen në konkursin për dhënien e subvencioneve”.

Continue Reading

Aktuale