Connect with us

Bota

Gjenerali amerikan: SHBA-ja do ta vazhdojë luftën kundër Shtetit Islamik në Siri

Published

on

Gjenerali MekKenzi: Forcat amerikane në Siri do ta vazhdojnë luftën kundër SHI-së

Komandanti i komandës qendrore amerikane, gjenerali Kenet MekKenzi sot deklaroi se pritet që në ditët dhe javët në vijim rreth 500 ushtarë amerikanë në lindje të Sirisë t’i vazhdojnë operacionet kundër Shtetit islamik.

“Rreth 500 pjesëtarë të forcave amerikane për momentin janë stacionuar në lindje të lumit Eufrat dhe qëllimi i tyre është të mbeten në atë pozitë dhe së bashku me aleatët nga Forcat demokratike siriane të kryejnë operacione kundër Shtetit islamik”, tha MekKenzi në margjina të samitit të sigurisë në kryeqytetin e Bahrejnit, Manama, transmetuan mediumet britanike.

SHI i humbi pothuajse të gjitha territoret që i mbante në Siri, ndërsa forcat amerikane muajin e kaluar e vranë edhe liderin e tyre Abu Bakër al-Bagdadi, edhe pse kjo organizatë terroriste edhe mët ej konsiderohet si kërcënim i madh për sigurinë.

Administrata e presidentit amerikan, Donald Tramp i shokoi aleatët në dhjetor të vitit të shkuar kur kumtoi se Uashingtoni do t’i tërheqë trupat e veta nga Siria.

Më vonë u kumtua se SHBA-ja do të mbajë një pjesë të forcave në pjesën verilindore të vendit për të parandaluar ringjalljen e sërishme të SHI-së dhe sulmet ndaj fushave të naftës.

Continue Reading

Bota

Autori i masakrës në Norvegji kërkon të lirohet: Kam ndryshuar!

Published

on

Autori i masakrës së Utoya në Norvegji, Andres Behring Brevik ka kërkuar lirimin me kusht duke pretenduar se nuk është më një rrezik për shoqërinë.

Brevik nuk ka shfaqur asnjë shenjë pendese që nga vrasja e 77 personave nga sulmi i planifikuar në vitin 2011 dhe sipas ekspertëve është e pamundur që kërkesa e tij të pranohet. Randi Rosenqvist, psikiatrja që e ka ndjekur që nga burgosja në 2012 thotë se nuk ka vënë re ndryshime në sjellje .

“Në parim dhe praktikë, dikush që kërkon lirim me kusht duhet të tregojë pendesë dhe të tregojë se e kupton pse akte të tilla nuk mund të përsëriten,” tha ajo.

Familjarët e viktimave janë të shqetësuar se ai mund të përdor mundësinë e seancës gjyqësore për të tërhequr sërish vëmendjen mbi opinionet e tij ekstreme. Duke frymëzuar në këtë mënyrë njerëz që mendojnë si ai.

Në vitin 2012, Breivik iu dha dënimi maksimal prej 21 vitesh me një klauzolë të veçantë e përdorur rrallë në sistemin e drejtësisë norvegjeze – që ai mund të mbahet për një kohë të pacaktuar nëse konsiderohet një rrezik për shoqërinë.

Krimet e Breivik, të cilat ishin planifikuar me kujdes dhe të detajuara në ditarin e tij kanë ndikuar tek ekstremistët e tjerë të krahut të djathtë në mbarë botën.

Continue Reading

Bota

Bie borë në Sahara, “batanija e akullt” mbulon dunat , temperaturat bien nga 58 gradë në -2 (Foto)

Published

on

Bora mbuloi rërën në shkretëtirën e Saharës, pasi temperaturat ranë nën zero.

Një “batanije e akullt” mbuloi dunat, një fenomen i rrallë në shkretëtirën më të madhe në botë – ku temperaturat arrijnë shifra rekord në 58 gradë.

Fotografi Karim Bouchetata ka shkrepur fotografi mbresëlënëse të borës dhe akullit në Ain Sefra, në veriperëndim të Algjerisë.

Brenda natës, zhiva në termometër në qytetin algjerian ka regjistruar temperaturën prej minus dy gradë.

Në shikim të parë krijohej përshtypja sikur Sahara është mbuluar me “një batanije gjigante të akullt”.

Rëra e mbuluar me borë po ndodh për herën e pestë në 42 vitet e fundit në këtë qytet, ku në vitin 1979, 2016, 2018 dhe 2021 janë parë pamje të ngjashme

Ain Sefra është rreth 5 mijë metra në lartësi mbidetare dhe është e rrethuar me malet Atlas.

Shkretëtira e Saharës mbulon shumicën e territorit të Afrikës Veriore, e sipas ekspertëve Sahara që sot është shumë e thatë, pas 15 mijë viteve pritet të jetë e gjelbëruar. /Telegrafi/

Continue Reading

Bota

Kreu i OBSH: Pandemia larg përfundimit, ka gjasa të dalin variante të reja

Published

on

Drejtori i Organizatës Botërore të Shëndetësisë, Tedros Adhanom Ghebreyesus, tha se pandemia e koronavirusit është shumë larg përfundimit dhe paralajmëroi se variante të reja mund të hasen së shpejti.

“Duke thënë që Omicron është i butë, gabojmë dhe dëmtojmë kundërpërgjigjen që duhet të japim, duke shkaktuar edhe vdekje. Mos u gaboni, Omicron po shkakton shtrime në spital. Për shumë shtete, javët e ardhshme mbeten kritike për sistemet e tyre shëndetësore”, tha Ghebreyesus në një konferencë për mediat.

Ai theksoi se është më e rëndësishme se kurrë që të vaksinohen të gjithë. “Vaksinat mund të jenë më pak efektive ndaj Omicron, por përsëri bëjnë punë të jashtëzakonshme për të parandaluar vdekjet dhe shtrimet në spitale, duke shmangur mbipopullimin e spitaleve. Kjo pandemi është larg përfundimit, ka gjasa që të dalin variante të reja, prandaj gjurmimi mbetet kritik. Duhet të sigurohemi që t’i ndajmë në mënyrë të barabartë vaksinat. Mund ta mposhtim këtë virus nëse punojmë bashkë”, tha ai.

Continue Reading

Aktuale