Connect with us

Rajon

Vuçiq: Moska i ka fajet për spiunazh, kam prova në lidhje me spiunë të tjerë rusë

Published

on

Agjencitë e inteligjencës serbe kanë zbuluar një operacion të gjerë që përfshin spiunë rusë dhe pjesëtarë të ushtrisë serbe.

Kështu, siç shkruan Reuters, përcjell Telegrafi, ka thënë presidenti i Serbisë, Aleksandar Vuçiq, gjatë një konference të enjten.

Po sipas këtij mediumi, deklaratat e Vuçiqit erdhën pas një takimi të Këshillit të Sigurisë Kombëtare të cilin ai e mblodhi pasi një video ku tregohej se një oficer i inteligjencës ruse po i jepte para një burri serb në Beograd u bë publike në YouTube gjatë fundjavës.

Videoja, e cila nuk ishte bërë nga agjentët serbë, tregonte një burrë të identifikuar si Georgy Kleban, ish-ndihmës atashe ushtarak në ambasadën e Rusisë në Beograd, duke takuar një oficer serb në pension, të cilin Vuçiq e identifikoi vetëm si Z.K.

Vuçiq më tej ka thënë se takimi u zhvillua dhjetorin e kaluar, por nuk tha se kush e kishte bërë videon.

Agjentët serbë që ndoqën Z.K. nuk mund të bënin mbikëqyrje të Kleban dhe burimit të tij serb “përveç nga larg” pasi oficeri rus kishte detajet e tij të mbrojtjes. Por ata ishin më të suksesshëm në raste të tjera, tha Vuçiq.

“Në disa raste, agjencitë serbe të sigurisë mblodhën prova audio dhe video të kontakteve midis Lt.Col. Kleban dhe pjesëtarëve të ushtrisë serbe”, citohet të ketë thënë Vuçiq në një konferencë për shtyp.

Dhe siç vlerëson Reuters, incidenti ka potencial për “thartim” të marrëdhënieve midis Serbisë dhe Rusisë, të cilët janë aleatë të vjetër.

“Dy vendet kanë lidhje të forta politike, ushtarake, kulturore dhe ekonomike. Moska e mbështet Beogradin në refuzimin e njohjes së pavarësisë së Kosovës”, vë në pah Reuters.

Mediumi në fjalë shkruan tutje se Vuçiq tha se agjentët serbë kishin gjithashtu prova në lidhje me spiunët e tjerë rusë. “Ka pasur 10 kontakte me tre burime”, ka thënë ai.

Ai akuzoi gjithashtu përfaqësuesit ushtarakë të disa vendeve perëndimore që sipas tij spiunonin Serbinë.

Por Vuçiq tha që skandali i spiunit nuk duhet të dëmtojë marrëdhëniet midis Serbisë dhe Rusisë, duke shtuar se ai ishte i sigurt se “presidenti (Vladimir) Putin nuk ishte i informuar për këtë”.

“Ne nuk do ta ndryshojmë politikën tonë ndaj Rusisë, të cilën ne e shohim si një vend vëllazëror dhe miqësor … por ne do të forcojmë mbrojtjet tona të inteligjencës. Kishte vetëm një gjë që e kam pyetur sot ambasadorin rus – e kam pyetur vetëm – Pse?”

Ndryshe, Vuçiq është planifikuar të udhëtojë në Moskë në 4 dhjetor për të takuar Putinin për takimin e tyre të tretë këtë vit.

Ndërkohë në Moskë, Maria Zakharova, një zëdhënëse e Ministrisë së Jashtme të Rusisë, tha në një konferencë se pamjet duhet të konsiderohen si “një provokim” i krijuar për të krijuar “një përshtypje të caktuar”.

Ndërsa zëdhënësi i Kremlinit, Dmitry Peskov tha se ishte i sigurt se asgjë nuk mund të dëmtonte marrëdhëniet midis Rusisë dhe Serbisë.

Reuters shkruan se Serbia varet nga nafta dhe gazi rus dhe dëshiron të bashkohet me tubacionin e gazit TurkStream që do të anashkalonte Ukrainën dhe do të transportonte gazin rus në tregjet evropiane.

Veç tjerash Vuçiq ka thënë gjithashtu se Serbia nuk do të ndryshojë doktrinën e saj për neutralitetin ushtarak dhe nuk do të bashkohet me NATO-n as Organizatën e Traktatit të Sigurisë Kolektive të kontrolluar nga Rusia.

Continue Reading

Lajme

Mocioni i mosbesimit, Abazoviç: Nuk tradhëtova, serbët kanë vend në qeverinë time

Published

on

Zëvendëskryeministri dhe kreu i Lëvizjes Qytetare URA Dritan Abazoviç ka deklaruar se qeveria aktuale e ka përfunduar misionin e saj dhe se ka ardhur koha që Mali i Zi të ec përpara. Vijesi shkruan se Abazoviç gjatë një intervistë, duke folur për nismën që ka ndërmarrë, tha se gjithçka duhet diskutuar fillimisht me Frontin Demokratik.

“Qeveria aktuale ka përfunduar misionin e saj dhe në periudhën e ardhshme do të duhet të zgjedhë mes dy koncepteve – qeveri e pakicës apo teknike, ose të shkurtojë mandatin e Kuvendit dhe të shkojë në zgjedhje parlamentare. Unë besoj se nga e hëna, ndoshta gjatë fundjavës, fillimisht do të flas me drejtuesit e DF,” tha Abazoviç.

Ai theksoi se qeveria e pakicës është njëra nga zgjidhjet, ndërsa tjetra është qeveria teknike që do të përgatiste zgjedhjet .Ai tha se kurrë nuk ka tradhtuar askënd dhe as do ta bëjë.

“Në asnjë version nuk përjashtohet shumica parlamentare… Nuk ka vullnet popullor pa koalicionin Bardh e Zi. Por mandatet tona nuk i takojnë as DPS-së, as DF-së dhe më së shumti demokratëve. Ne do ta marrim vendimin në mënyrë autonome, ashtu siç u ka hije partive që kanë qëndrim dhe nuk janë frikacakë në skenën politike. Mendoj se qytetarëve nuk u pëlqejnë shfaqjet frikacake dhe vetëpërmbajtja në të gjitha çështjet. Sa do të na kushtojë pozicioni ynë, a do të jetë më e mira për Malin e Zi apo jo?”, do të tregojë koha” theksoi ai.

I pyetur nëse ka vend për serbët në Qeveri, Abazovic tha sigurisht që ka.

“Unë kam dashur t’i kem në këtë qeveri, në të cilën janë dominues. Është pajtim. Por nëse dikush mendon se për shkak se është në një parti, ai është i vetmi përfaqësues i atij populli, unë nuk e ndaj atë mendim,” tha ai.

Continue Reading

Lajme

Erdogan: Turqia gati të ndërmjetësojë mes Rusisë dhe Ukrainës

Published

on

Presidenti i Turqisë, Rexhep Tajip Erdogan, ka deklaruar se vendi i tij është i gatshëm të veprojë si ndërmjetës midis Rusisë dhe Ukrainës, raporton Anadolu Agency (AA).

“Ne nuk do të pranojmë trazira në rajon. Ne duam që paqja të mbizotërojë dhe ne jemi të gatshëm ta bëjmë pjesën tonë”, u tha Erdogan gazetarëve pas namazit të xhumasë.

Presidenti turk paralajmëroi se çdo lloj pushtimi ose shpërthimi i luftës përbën një kërcënim të madh për paqen rajonale.

Duke theksuar se Turqia gëzon marrëdhënie të mira me Rusinë dhe Ukrainën, presidenti turk tha se në të ardhmen e afërt do të vizitojë Kievin dhe se një udhëtim në Moskë po ashtu mund të realizohet.

Përpjekjet diplomatike për të de-përshkallëzuar tensionet e rritura midis Rusisë dhe Perëndimit po vazhdojnë, me të gjithë vëmendjen e kthyer sërish drejt kufirit Rusi-Ukrainë dhe në territoret e vijës së parë.

Rusia akuzohet se ka grumbulluar më shumë se 100 mijë trupa pranë kufirit të Ukrainës, një lëvizje që ka shkaktuar shqetësime nga Perëndimi se Moska mund të planifikojë një tjetër ofensivë ushtarake kundër fqinjit të saj ish-sovjetik.

Kremlini ka mohuar akuzat e Perëndimit për një pushtim të afërt, duke theksuar se forcat ruse janë atje për stërvitje.

Continue Reading

Lajme

Dorëzohet Vuçiç, nuk përballon protestat/ Qeveria rrëzon planet e minierës së litiumit!

Published

on

Qeveria serbe ka vendosur të heqë dorë nga planet e saj për ndërtimin e një miniere masive litiumi dhe do të tërheqë licensën e dhënë kompanisë Rio Tinto.

“Leja anulohet, Rio Tinto nuk ka më punë në Serbi”, deklaroi kryeministrja Ana Bernabic.

Ekzekutivi në Beograd u përball me një presion të madh nga qytetarët të cilët dolën për javë të tëra në rrugë duke protestuar ndaj projektit me vlerë 2 miliardë dollarë. Shqetësimi kryesor i tyre ishte ndikimi mjedisor i minierës së litiumit. Gjiganti anglo-australian ishte duke zhvilluar këtë minierë në Serbinë perëndimore në një përpjekje për të tërhequr investime të huaja dhe për të nxitur rritjen ekonomike.

Miniera e litiumit, e cila parashikohej të ishte një nga më të mëdhatë në botë, u pa si një mënyrë për të kapitalizuar kërkesën globale në rritje për elementin që përdoret gjerësisht në bateritë që shfrytëzohen për pajisje elektronike dhe automjete elektrike. Por grupe ambientaliste argumentonin se miniera do të ishte shkatërruese për tokën bujqësore dhe furnizimet me ujë. Vendimi për anulimin e projektit vjen përpara zgjedhjeve që do të zhvillohen në Serbi në 3 prill, ndërsa presidenti Aleksander Vuçiç u kritikua se e vuri zhvillimin e këtij projekti përpara shqetësimeve mjedisore në një vend që vuan nga ndotja e lartë e ajrit, menaxhimi i dobët i mbeturinave dhe problemeve të tjera mjedisore që janë grumbulluar pas dekadash të tëra neglizhence.

Continue Reading

Aktuale