Connect with us

Lajmet kryesore

Letra e 6 vendeve drejtuar KE-së i shtohen edhe të tjera

Published

on

Letra e gjashtë vendeve e dërguar javën e kaluar në Komisionin evropian, në të cilën kërkohet fillim i negociatave me Shqipërinë dhe Maqedoninë e Veriut në mars të vitit 2020 u pasurua me nënshkrimet e nëntë shteteve të tjera anëtare të BE-së.

Austrisë, Italisë, Sllovenisë, Sllovakisë, Polonisë dhe Çekisë, prej të martës iu bashkangjitën edhe Bullgaria, Estonia, Greqia, Hungaria, Irlanda, Letonia, Lituania, Malta dhe Portugalia dhe e vendosën nënshkrimin e tyre në letrën drejtuar Komisionit evropian në të cilën jepet pajtueshmëria për reformë në metodologjinë e procesit negociues nëse ai mundëson hapje të negociatave inkuadruese për anëtarësim të Shkupit dhe Tiranës në mars të vitit 2020.

Letra vjen si përgjigje e llojit të vet ndaj iniciativës së Francës, propozuar javën e kaluar, për t’u ndryshuar procesi i negociimit për vendet kandidate para se të vazhdohet me politikën e zgjerimit.

Sa për përkujtim, letra, tani e nënshkruar nga pesëmbëdhjetë vende, përkujton rëndësinë e procesit të eurointegrimit për vendet nga Ballkani Perëndimor dhe thekson se konsolidimi i Bashkimit Evropian është i pamundur pa kyçjen e vendeve nga rajoni, si dhe se procesi i integrimit në BE më së miri mund të sigurojë proces të suksesshëm reformues të Ballkanit.

“Nuk ka alternativë të qëndrueshme për anëtarësimin e barabartë të vendeve nga Ballkani Perëndimor në BE nëse dëshirojmë në mënyrë efikase t’i ruajmë interesat e rajonit. Është e saktë se procesi i tanishëm inkuadrues i Ballkanit Perëndimor po përparon në mënyrë të ngadaltë dhe jo të barabartë. Për këtë shkak jemi të përgatitur të angazhohemi në mënyrë konstruktive në përpjekjet për përmirësim të atij procesi. Këtë do ta bëjmë nëse kjo detyrë zhvillohet në mënyrë efikase, e kthyer drejt marrjes së rezultateve dhe nëse kjo i mundëson BE-së t’i fillojë negociatat me Shqipërinë dhe Maqedoninë e Veriut në mars ë vitit 2020”, kërkojnë pesëmbëdhjetë vendet anëtare të Unionit.

Me rritjen e numrit të nënshkrueseve të kësaj letre, shumica e vendeve anëtare qëndrojnë prapa kësaj iniciative dhe kërkojnë që negociatat të fillojnë në mars të vitit të ardhshëm.

Vendet anëtare do t’i kthehen diskutimit gjatë takimeve të ardhshme ministrore për punë të përgjithshme të BE-së të cilat mbahen një herë në muaj, por nevojitet që përbërja e re e Komisionit evropian të fillojë me punë në mënyrë që të mund t’u parashtrojë propozim vendeve anëtare të BE-së, në të cilën bazë ato do të mund të ndërtonin kompromis rreth kësaj çështjeje./MIA

Continue Reading

Lajmet kryesore

ASH: Transparency International konfirmoi, Maqedonia e Veriut ndër vendet më të korruptuara

Published

on

Ndaj raporti të Transparency International ka reaguar Aleanca për Shqiptarët.

Thonë se ky raport konfirmoi se Maqedonia e Veriut është ndër vendet më të korruptuara.

Reagimi i plotë:

Sot, Transparency International ka konfirmuar edhe zyrtarisht atë që Aleanca për Shqiptarët ka paralajmëruar në vazhdimësi. Regjimi aktual është një nga më të korruptuarit në botë dhe në vlerësimin e këtij viti radhitet në grupin e vendeve si Tanzania, Suriname, Maroko, Guyana, Etiopia, Kolumbia dhe të tjera. Për të qenë ironia edhe më e madhe, vende të cilat deri dje janë llogaritur si më të korruptuara, sot janë në pozicione shumë më të mira se vendi jonë, ndërsa larg Maqedonisë së Veriut janë edhe vendet diktatoriale si Kuba.
Kjo situatë ka vetëm një fajtor, regjimin hibrid që ka kapur gjyqësorin dhe prokurorinë dhe ka instaluar korrupsionin në çdo sferë dhe institucion. Këtij rangimi, kujtojmë se i kanë kontribuar pasaportat për kriminelët botërorë, lirimi i kriminelëve vendor dhe mbajtja në burgje e qytetarëve të pafajshëm që nuk kanë para të blejnë lirinë edhe pse e njëjta u takon.

Continue Reading

Lajme

Lufta kundër korrupsionit, Maqedonia njëjtë si Tanzania, Vietnami e disa vende afrikane

Published

on

By

Lufta kundër korrupsionit, Maqedonia njëjtë si Tanzania, Vietnami e disa vende afrikane

Në Raportin e fundit të Transparency International rreth indeksit të korrupsionit dhe luftës kundër korrupsionit, Maqedonia e Veriut radhitet ende bashkë me vendet afrikane. Sipas këtij raporti, Maqedonia radhitet në vendin e 39 si vend më i korruptuar, bashkë me Tanzaninë Vietnamin, Surinamen, Guajanën, Marokon, Etiopinë, Kolumbinë dhe Kosovën, përcjell in7.tv

Lufta kundër korrupsionit vazhdon të jetë një nga shqetësimet kryesore të vendit. Korrupsioni i lartë ka ngulur rrënjët thellë në sistemin shtetëror në Maqedoni dhe assesi se mund të shqepet./in7

Continue Reading

Lajme

Artan Grubi jep lajmin: Arritëm marrëveshje me Bullgarinë, do të luajmë futboll mes veti

Published

on

By

Artan Grubi jep lajmin: Arritëm marrëveshje me Bullgarinë, do të luajmë futboll mes veti

Artan Grubi në faecbook:

Një nga grupet e punës në suaza të bashkëpunimit ndërqeveritar me Republikën e Bullgarisë që sot nisi me punë është edhe grupi i punës për arsim, kulturë, shkencë dhe të rinj, seancën e së cilës pata nderin ta bashkëkryesoj me kolegun tim bullgar.
Përcaktuam prioritetet e përbashkëta në këto sfera për të cilat do të punojmë në periudhën në vazhdim, në mesin e të cilave:
– shpalljen e konkursit për logo dhe sllogan të mbledhjeve të përbashkëta qeveritare
– përpilimi i një kalendari të përbashkët kulturor;
– nxitjen e bashkëpunimit mes universiteteve të vendeve tona për programe më atraktive studimore, shkëmbim të përvojave dhe mundësi për punë praktike;
– organizimin e një ndeshje futbolli mes dy kabineteve qeveritare;
– organizimi i konferencave të përbashkëta shkencore;
– intensifikim i bashkëpunimit mes Agjencisë për Rini dhe Sport të vendit tonë dhe Ministrisë për Rini dhe Sport të Republikës së Bullgarisë;
– promovimi i ndërsjelltë i destinacioneve atraktive turistike dhe thellimi i bashkëpunimit në sferën e turizmit si predispozitë e fuqishme e zhvillimit ekonomik dhe të tjera.

Continue Reading

Aktuale