Connect with us

Maqedonia e Veriut

Në Tetovë shpërndahen 400 kavanozë me mjaltë

Published

on

Shoqata “Qyteti i bletarëve” dhe “Mjalti i Pollogut”, vendosën ta dhurojnë mjaltin e mbledhur nga pjesëmarrësit në Garat ndërkombëtare zgjedhje për cilësi të mjaltit “Tetovo honey awards 2019”, i cili javën e kaluar u zhvillua në Tetovë.

Mbi 400 kavanozë me mjaltë, të dy shoqatat vendosën t’ua dhurojnë nxënësve të Shkollës fillore “Liria” dhe “Bratsvo-Migjeni”, grupeve të fëmijëve me pengesa në zhvillim në kopshtin për fëmijë “Teteks”, si dhe grupeve të pionierëve të KF Shkendija.

“Këtë javë ia dedikojmë të gjithë bletarëve dhe bletareve të cilët ishin pjesë e garës dhe çdonjëri prej tyre ka pjesë për këtë aktivitet tonin shumë simpatik. Gjithsej do të ndahen 400 kavanoz, me nga 300 gramë mjaltë për fëmijët dhe nxënësit e këtyre institucioneve”, tha Driton Dikena, nga Shoqata “Qyteti i bletarëve”.

Vlladimir Petrovski, nga Shoqata “Mjalti i Pollogut”, shtoi se gjatë kohës së shpërndarjes së kavanozëve do të mbahet edhe një ligjëratë për dobitë e mjaltit, posaçërisht te fëmijët gjatë periudhës së dimrit.

Kavanozët me mjaltë dje u shpërndanë për nxënësit e SH.F “Liria”, sot për futbollistët e rinj, të mërkurën për SH.F “Bratsvo-Migjeni”, dhe të enjten për grupet me pengesa në zhvillim në kopshtin për fëmijë “Teteks”.

Continue Reading

Lajme

Nga mesnata çmime të reja të derivative të naftës

Published

on

By

Nga mesnata çmime të reja të derivative të naftës

Komisioni Rregullator i Energjetikës dhe i Shërbimeve të Ujit i Republikës së Maqedonisë së Veriut miratoi vendim, me të cilin bëhet rritja e çmimeve të shitjes me pakicë të derivateve të naftës mesatarisht 0,58% në raport me vendimin e datës 11.08.2022.

Çmimet referente të derivateve të naftës në tregun botëror, në krahasim me përllogaritjen e mëparshme shënojnë rritje mesatarisht te benzina për 2,140%, te nafta për 2,090%, te vaji ekstra i lehtë ka rritje për 2,044% dhe te mazuti ka rritje për 1,868%.
Çmimi i shitjes me pakicë të benzinës ЕUROSUPER BS-95 rritet për 0,50 den/litër.

Çmimet e shitjes me pakicë të benzinës ЕUROSUPER BS-98 dhe vajit për amvisëri EKSTRA I LEHTË (EL-1), rriten për 1,00 den/litër.
Çmimi i shitjes me pakicë i EURODIZELIT (D-E V) nuk ndryshon.
Nga data 16.08.2022, ora 00:01 çmimet maksimale të derivateve të naftës do të jenë:

Benzinë motori EUROSUPER BS – 95 88,50 (denarë/litër)
Benzinë motori EUROSUPER BS – 98 91,00 (denarë/litër)
Naftë motori EURODIZEL BS (D-E V) 90,00 (denarë/litër)
Vaj për Djegie Ekstra i Lehtë 1 (EL-1) 86,50 (denarë/litër)
Mazut М-1 SU 52,814 (denarë/kilogram)

Continue Reading

Lajme

Imeri nga ASH: Do të rrisim tatimet për reklama të kazinove dhe bastoreve në Tetovë

Published

on

By

Imeri nga ASH: Do të rrisim tatimet për reklama të kazinove dhe bastoreve në Tetovë

Blerian Imeri nga Aleanca për Shqiptarët, kandidat për këshilltar në komunën e Tetovës, në “Click 21” tha se do të inicojnë nismën që kompanitë e basteve dhe kazinove të kenë tatime më të larta për publicitet. Sipas tij, kjo do të ulte numrin e vizitave në këto lokale.

“Ne do të iniciojmë që reklama e tyre nëpër billborde të jetë dyfishi i një reklame të një sektori privat, do të rrisim tatimin për to dhe të ndalojmë publicitetin kaq të madh të kazinove. Kazinotë nuk janë vetëm problem komunal, por edhe shtetëror”, tha mes tjerash Imeri.

Continue Reading

Lajme

Ibraimi nga ASH: Do të sigurojmë çerdhe fëmijësh për fshatrat dhe malësinë e Tetovës

Published

on

By

Ibraimi nga ASH: Do të sigurojmë çerdhe fëmijësh për fshatrat dhe malësinë e Tetovës

Semira Ibraimi, kandidate e Aleancës për Shqiptarët për këshilltare në komunën e Tetovës në “Click 21” tha se si parti e kanë në plan që edhe fshatrave dhe malësisë së Tetovës t’u sigurojnë çerdhe për fëmijë.

“Dihet se Tetova ka problem me çerdhet, normal edhe me shkollat fillore. Një ndër ato probleme është që edhe malësia e Tetovës nuk ka çerdhe. Ne do ta realizojmë këtë plan që të kenë edhe malësia dhe fshatrat çerdhe, që të ua mundësojmë nënave që të lënë fëmijët e tyre në çerdhe dhe edhe ata të punësohen”, deklaroi mes tjerash Ibraimi.

Continue Reading

Aktuale