Connect with us

Bota

BE/ Procesi i zgjerimit në tavolinë në mbledhjen ministrore

Published

on

Ministra e punëve të jashtme dhe të çështjeve evropiane të BE-së, sot për herë të parë pas bllokadës franceze në tetor do t’i kthehen çështjes së zgjerimit drejt Ballkanit Perëndimor dhe negociatave me Maqedoninë e Veriut dhe Shqipërinë.

Këshilli për punë të përgjithshme që po mbahet sot nuk parashikon kurrfarë konkluzione të përgjithshme, por vetëm shkëmbim të opinioneve mes vendeve-anëtare dhe përpjekjes që të dilet nga qorr-sokaku pasi që Parisi i bllokoi bisedimet me Maqedoninë e Veriut me pretekst se nevojitet paraprakisht reformë në procesin negociues.

Diskutimi do t’i kyç edhe propozimet e fundit të Francës (“non pejper”) për proces politik, më të besueshëm dhe gradual të bisedimeve. Franca dëshiron nga Këshilli i BE-së deri në janar të vitit 2020 formalisht të kërkohet nga Komisioni Evropian të fillojë të punojë në “metodologji të re”. Është e pasigurt në këtë moment nëse ky propozim është tërësisht i pranueshëm për vendet mbështetëse të zgjerimit, që janë shumicë në BE, duke pasur parasysh se për hartimin e metodologjisë së re do të nevojitet mjaft kohë”, thonë diplomatët e disa vendeve-anëtare të BE-së.

Nga Komisioni Evropian tash për tash nuk i komentojnë propozimet franceze për shkak se nuk janë të autorizuar për atë, përkujtoi para disa ditëve zëdhënësi i këtij institucioni.

Nuk duhet sot të pritet se ministrat formalisht do të kërkojnë nga BE-ja të fillojë me metodologjinë e re, para se gjithash për shkak se në këtë moment ende nuk ha hyrë në funksion përbërja e re e KE-së, të cilin e kryeson Ursula fon der Lejn. Komisioni aktual teknik nuk ka kompetencë të inicojë politika dhe strategji të reja.

Nga debati i sotëm mund të pritet matje e pulsit të vendeve të ndryshme anëtare, por jo edhe konsensus përfundimtar rreth kësaj teme.

Këshilli Evropian i Tetorit përfundoi se BE-ja duhet t’i kthehet çështjes për bisedime me Shkupin dhe Tiranën deri në samitin e majit në Zagreb mes BE-së dhe vendeve nga Ballkani Perëndimor.

Ndërkohë, në Franca do të mbahen zgjedhjet lokale, ndërsa në Maqedoninë e Veriut parlamentare. BE-ja duhet gjatë kësaj periudhe ta zgjidh problemin për largimin e Mbretërisë së Bashkuar nga BE-ja.

Continue Reading

Bota

Në këtë qytet gjerman qiraja është vetëm 1 euro

Published

on

By

Fuggerei, është një qytezë e cila ndodhet në Gjermani dhe duket si idealja për çdo njeri i cili kërkon të nisë një jetë të re, larg zhurmës, smogut e po ashtu shpenzimeve.

Mediat vendase thonë se në këtë zonë qiratë e shtëpive nuk kanë ndryshuar që prej vitit 1521 dhe ato janë vetëm 0.88 euro.

Fuggerei është një qytezë në Augsburg në Bavari, e cila ka vetëm 67 shtëpi, 142 apartamente, një kishë dhe pallatin administrativ. Fuggerei arrin 15.000 metra katrorë dhe është afër qendrës së Augsburger.

Referuar historisë së kësaj qyteze thuhet se ajo u ndërtua në vitin 1521 nga Jakob Fugger dhe prej asaj kohe nisi të popullohej. Jakob asokohe u bë mjaft i pasur pasi merrej me tregtinë metaleve dhe përmes marrëveshjeve ekonomike. E më pas vendosi të krijonte komunitetin.

Deri më sot Fuggerei mbetet vendi me qiranë më të ulët dhe mund të përballohet nga çdo njeri.

Continue Reading

Bota

Raketa e Elon Musk që mbeti në hapësirë është rrugës për t’u përplasur në Hënë

Published

on

By

Një raketë e lëshuar nga kompania e eksplorimit të hapësirës së Elon Musk është rrugës për t’u përplasur në Hënë dhe për të shpërthyer.

Sipas BBC, përforcuesi Falcon 9 u lansua në vitin 2015, por pas përfundimit të misionit të tij, nuk kishte karburant të mjaftueshëm për t’u rikthyer drejt Tokës dhe kështu mbeti në hapësirë.

Astronomi Jonathan McDowell tha për BBC News se do të jetë përplasja e parë dhe e pakontrolluar – që dihet – e raketave me Hënën.

Por efektet do të jenë të vogla, thotë ai.

Raketa u braktisë në orbitë të lartë shtatë vjet më parë pasi përfundoi një mision për të dërguar një satelit të motit hapësinor në një udhëtim milion milje.

Pajisja ishte pjesë e programit të Musk për eksplorimin e hapësirës, SpaceX, një kompani tregtare që synon përfundimisht t’u ofrojë njerëzve mundësinë për të jetuar në planetë të tjera.

Continue Reading

Bota

Anglia lehtëson masat, heq detyrimin për të mbajtur maska

Published

on

By

Duke filluar nga dita e sotme Anglia do të heq të gjitha kufizimet e Planit B që u vendosën për shkak të Omicron. Masat përfshinin mbajtjen e detyrueshme të maskave në dyqane dhe në transportin publik, udhëzimin për të punuar nga shtëpia dhe mospërdorimin e certifikatave të vaksinave.

Më qytetarëve s’do t’u kërkohen maskat dhe pasaportat e vaksinave për të hyrë në ambiente të mbyllura.

Pasaportat e COVID-it nuk do të përdoren më për të hyrë as në klubet e natës, stadiume e ngjarje të mëdha, edhe pse në disa raste mund t’u kërkohet klientëve të dëshmojnë vaksinimi apo testi negativ.

Ndryshimet janë pjesë e vendimit të Qeverisë për të hequr masat dhe vjen pasi numri i rasteve me COVID-19 ka rënë ndjeshëm në dy javët e fundit edhe pse në shifra të larta, rastet kanë pësuar ulje javëve të fundit.

Javën e kaluar qeveria ndryshoi udhëzimin për të hequr detyrimin për mbajtjen e maskave në shkollat e mesme. Sekretari i Shëndetësisë Sajid Javid tha se suksesi i programit të vaksinimit, ka bërë të mundur rikthimin në planin A.

Ky vendim vjen pasi Mbretëria e Bashkuar regjistroi 102,292 raste të reja në 24 orë dhe vetëm 346 viktima.

Vendi ka regjistruar 16,149,319 raste dhe 154,702 viktima që nga fillimi i pandemisë./abcnews.al

Continue Reading

Aktuale