Connect with us

Bota

Si janë në të vërtetë pagat në Gjermani?!

Published

on

Në Gjermani rrogat janë të larta, kështu mendojnë shumë migrantë, që duan të vijnë e jetojnë në këtë vend. Por sa paguhen vërtet punonjësit dhe sa tatime të mban shteti?

Shifrat nuk të gënjejnë, por ato duhen “lexuar” siç duhet: Kështu për shembull duhet ditur, se po të pyesësh në Gjermani se sa e ke rrogën, përgjigja që të jepet është ajo për rrogën bruto, dhe jo neto, atë që merr vërtet në xhirollogari. Sigurisht, nëse të kthejnë përgjigje, sepse gjermanët e konsiderojnë shumë të papërshtatshme t’i pyesësh, se sa e kanë rrogën.

Sipas statistikave në vitin 2018, e ardhura mesatare mujore në Gjermani është 2.950 euro. E ardhura neto, pra ajo që merr vërtet punëmarrësi është më e vogël. 33% më e vogël, dhe shkon afërsisht 1.945 euro. Pas kësaj diference prej 1000 eurosh fshihen taksat dhe kontributet e sigurimeve shoqërore.

Sasia e tatimeve që duhen paguar varet në Gjermani nga klasifikimi tatimor i punëmarrësit. Në Gjermani ka nga 1-6 klasifikime. Se në cilën kategori klasifikohesh varet nga disa faktorë, nëse je i martuar apo beqar, nëse ke fëmijë apo jeton vetëm, nëse je prind që rrit vetëm fëmijët, nëse je ushqyesi kryesor i familjes, nëse ke disa punë me deklarime tatimore.

E ardhura bruto dhe neto – Çfarë do të thotë kjo konkretisht?

Rasti nr.1: Le të marrim rastin e një burri të martuar, baba i dy fëmijëve, e që është rrogëtari kryesor në familje. Ai fiton 2.948 euro bruto në muaj. Paga mujore e tij i përket kështu të ardhurave mesatare në Gjermani. Nga kjo pagë mbahen 167 euro tatim mbi rrogën, 215 euro (7,5%) për sigurimin shëndetësor, 274 euro (9,3%) për pensionin, 36 euro (1,25%) për sigurimin në rast papunësie, dhe 45 euro (1,5%) për sigurimin në rast paaftësie fizike. Në fund ai merr realisht një pagë mujore prej 2.209 euro.

Rasti nr. 2: Një person beqar, pa fëmijë merr të njëjtën pagë mujorë, pra 2.948 euro në muaj bruto. Por ky ka një shkallë më të lartë tatimi, dhe duhet të paguajë edhe 22 euro tatim solidariteti (nga kjo babai me fëmijë është i çliruar). Në fund ky person ka një pagë mujore më të ulët, pas heqjes së tatimeve e kontributeve, i mbeten 1.944 euro në muaj. Nëse ky person është edhe anëtar i kishës katolike apo protestante, kjo shumë pakësohet edhe me 40 euro të tjera.

Deutschland Symbolbild Steuer CD und Steuererklärung (Fotolia/Bobo)

Pamje simbolike e deklaratës tatimore

Profesione të paguara më mirë dhe më keq

E ardhura mesatare që përmendëm më lart është një vlerë statistikore, që nuk të thotë shumë për pagat në degë të caktuara. Në disa profesione, të punësuarit fitojnë shumë, në disa të tjera fitojnë aq pak, sa me zor arrijnë të përballojnë muajin. Vendin e parë mes profesioneve më të mirëpaguara  –  pa përgjegjësi personeli – e zenë kryemjekët. Këta paguhen mesatarisht 120.000 euro në vit. Edhe mjekët e specializuar paguhen shumë mirë, mesatarisht 90.000 euro në vit. Mes të shumëpaguarve në Gjermani renditen të punësuarit në sektorin financiar dhe ekonomik, menaxherë fondesh e menaxherë të ndryshëm në firma.

Më të keqpaguara janë punët e ndihmësve në gastronomi, rreth 2.000 euro bruto në muaj. Pak paguhen edhe parukieret, kamarierët, mes profesioneve më të keqpaguara renditen edhe punonjësit e Call Center, ndihmësit e dentistëve, dhe personeli i kujdestarisë për të moshuarit. Edhe infermieret kanë një pagë relativisht të ulët mujore (mes 2.000 dhe 2.400 euro bruto).

Symbolbild Operation (picture alliance/dpa/U. Anspach)

Kryemjekët kanë paga të larta

Paga minimale ligjore

Gjermania bën pjesë në vendet që e kanë të përcaktuar me ligj pagën minimale. Ajo është e përcaktuar me 9,19 euro ora (aktuale në nëntor 2019). Luksemburgu është vendi me pagën minimale më të lartë, 11,97 euro në orë. Belgjika, Irlanda, Holanda, dhe Franca janë vende në BE që e kanë pagën minimale më të lartë se Gjermania. Më të ulët pagën minimale e ka Bullgaria (1,72 euro), Letonia (2,54 euro), Rumania (2,68 euro), Hungaria (2,69 euro), dhe Kroacia (2,92 euro). Edhe këtu bëhet fjalë për pagë minimale bruto.

Nëse nuk je i punësuar me kontratë e detyrim tatimor page, por mbi bazën e honorarit, pra i vetëpunësuar, duhet të kujdesesh vetë për tatimet dhe kontributet e sigurimeve shoqërore. Këtu është e këshillueshme që të marrësh këshilla nga konsulenti tatimor, sepse deklarata tatimore është një nga gjërat më të vështira për t’u përgatitur në Gjermani.

Edhe diçka duhet ditur: Me autoritetet tatimore në Gjermani nuk bëhet shaka. E drejta ligjore tatimore në Gjermani është shumë e komplikuar, dhe vetëm një konsulent specialist mund t’iu ndihmojë për të ulur tatimet.

Symbolbild Leere Taschen, Leere Kassen (picture-alliance/dpa/U. Baumgarten)

Rrogat janë mesatarisht të larta në Gjermani, por për të kuptuar realitetin duhen parë edhe faktorë të tjerë.

Më e lartë se mesatarja, më të ulta se rrogat në Zvicër

Pra a janë të larta pagat në Gjermani? Parë nga perspektiva e shumë vendeve europiane, ato janë nganjëherë dy herë ose më shumë më të larta, se në disa vende Europë. Në Shqipëri për shembull paga mesatare bruto për një të punësuar me pagë është afërsisht 400 euro (Instat, 52.645 lekë, statistika për tremujorin e dytë 2019), ndërsa në Kosovë në vitin 2017 paga mesatare shënonte 527 euro (ASK). Në Kroaci paga mesatare shënon 870 euro, afër 6436 Kuna.

Pra nga statistikat del, se pagat në Gjermani janë më të larta se mesatarja europiane, por më të ulta se Zvicra, Luksemburgu apo Danimarka. Megjithatë numrat nuk të thonë gjithçka. Ato duhen parë në kontekst më të gjerë. Për shembull duhet ditur po ashtu, se në vitin 2017, shpenzimet mesatare mujore të një familjeje të zakonshme gjermane arrijnë 2.517 euro në muaj, ku mesatarisht 900 euro shpenzohen vetëm për qiranë e apartamentit dhe kostot anësore, dritat, uji, shërbimet bashkiake. Nëse ke edhe informacione të tilla shtesë, atëherë ndoshta mund ta kuptosh më mirë se si janë të ardhurat në Gjermani e çfarë të mbetet pas pagesës së tatimeve.

 

BURIMI DW

Continue Reading

Bota

Gjenden 100 tonë peshq të ngordhur në një lumë në Poloni, mbetet mister shkaku

Published

on

By

Gjenden 100 tonë peshq të ngordhur në një lumë në Poloni, mbetet mister shkaku

Pothuajse 100 tonë peshq të ngordhur janë mbledhur deri më tani nga brigjet e lumit Oder, i cili rrjedh nëpër Gjermani dhe Poloni.

“Asnjëherë më parë nuk kemi organizuar një operacion të kësaj shkalle në një lumë”, tha Monika Noëakoëska-Drida, zëdhënësja e Zyrës së Shtypit të shërbimit zjarrfikës. Zëdhënësja konfirmoi se nga e premtja e deri më sot peshqit e ngordhur arrijnë në 100 tonë.

Shkaku i vdekjes së peshkut është i paqartë, por autoritetet dyshojnë se është për shkak të ndotjes kimike të lumit.

“Sasi të mëdha mbetjesh kimike ndoshta janë hedhur në lumë, me njohuri të plotë të rrezikut dhe pasojave”, tha kryeministri Mateusz Morawiecki javën e kaluar.

Ministrja e Mjedisit Anna Moskva sqaroi sot se në asnjë nga mostrat e marra deri më tani nuk janë gjetur substanca toksike. Qeveria, shtoi ai, po shikon edhe shkaqe të tjera të ndryshme të mundshme, si përqendrimi i tepërt i ndotësve dhe kripës për shkak të nivelit të ulët të ujit të lumenjve ose temperaturës së lartë. Një mundësi tjetër është shkarkimi, nga industritë, i ujit që përmbante një sasi të lartë klori.

Mostrat e ujit testohen në Poloni dhe Gjermani. Varshava gjithashtu ka dërguar mostra në laboratorë në Republikën Çeke, Holandë dhe Britani.

Vitet e fundit Oder konsiderohej një lumë relativisht i pastër, shtëpia e rreth 40 llojeve të peshqve. Më shumë se 500 zjarrfikës janë përfshirë në operacionin për pastrimin e lumit, tha Novakoëska-Drida.

Continue Reading

Bota

Gjermania dhe Izraeli dënojnë deklaratat e Abbasit për Holokaustin

Published

on

By

Gjermania dhe Izraeli dënojnë deklaratat e Abbasit për Holokaustin

Kancelari gjerman, Olaf Scholz, tha se ishte i neveritur nga deklaratat e presidentit të Autoritetit palestinez, Mahmoud Abbas, që sipas liderit gjerman minimizuan rëndësinë e Holokaustit. Ndërkaq Izraeli tha se Abbasi deklaroi një “gënjeshtër të madhe”.

Abbas, gjatë një vizite të martën në Berlin, akuzoi Izraelin se ka kryer “50 holokauste” teksa u përgjigj në pyetjen lidhur me përvjetorin e 50-të të sulmit ndaj ekipit izraelit në Lojërat Olimpike të Mynihut, sulm i kryer nga militantët palestinezë.

“Për ne gjermanët në veçanti, çdo relativizim i singularitetit të Holokaustit është i patolerueshëm dhe i papranueshëm”, tha Scholz përmes një postimi në Twitter.

“Jam i neveritur dhe i zemëruar nga deklaratat e bëra nga presidenti palestinez, Mahmoud Abbas”, shtoi ai.

Ndërkaq, edhe kryeministri Izraelit, Yair Lapid, dënoi deklaratat, duke i cilësuar si “të turpshme”.

“Akuzat e bëra nga Mahmoud Abbas se Izraeli ka kryer ’50 holokauste’ teksa qëndroi në tokën gjermane, nuk janë vetëm turp moral, por gënjeshtër e madhe”, shkroi Lapid në Twitter.

Gjashtë milionë hebrenj u vranë në Holokaustin e Gjermanisë Naziste.

Duke qëndruar përkrah kancelarit Scholz, Abbas iu referua një serie të incidenteve në histori ku palestinezët janë vrarë nga izraelitët në luftën e vitit 1948, që u pasua me krijimin e shtetit të Izraelit, por edhe incidenteve në viteve pasuese.

“Nga viti 1947 deri në ditën e sotme, Izraeli ka kryer 50 masakra në fshatra dhe qytetet palestineze, në Deir Yasin, Tantura, Kafr Qasim e shumë të tjera, 50 masakra, 50 holokauste”, deklaroi Abbas.

Agjencia zyrtare e lajmeve palestineze, Wafa, nuk ka përfshirë në raportimin e saj për vizitën e Abbasit në Gjermani komentet për Holokausitin. Ndërkaq, Ministria e Jashtme palestineze tha se komentet e Lapidit ishin përpjekje për të shpërqendruar vëmendjen nga “krimet” e Izraelit.

Kjo ministri tha se “forca pushtuese nuk është e kënaqur me kryerjen e këtyre krimeve në baza ditore, por po ashtu nuk toleron dhe hedh poshtë çdo bisedim apo deklaratë që ua përkujton izraelitëve dhe komunitetit ndërkombëtar për shumë krime të kryera nga Izraeli”.

Ndryshe, deklaratat e Abbasit erdhën pas muajsh tensione dhe një konflikti të shkurtër gjatë këtij muaji, në të cilin u vranë 49 persona në Gaza pasi Izraeli kreu një sërë sulmesh në përgjigje të asaj që tha se ishte kërcënim i drejtpërdrejt nga grupi Xhihadi Islamik.

Dhjetëra palestinezë po ashtu janë vrarë gjatë përleshjeve me forcat e sigurisë së Izraelit në Bregun e okupuar Perëndimor, përderisa janë regjistruar edhe një numër i sulmeve ndaj izraelitëve, përfshirë atë të së dielës ku tetë persona u plagosën pas u sulmua një autobus që po bartte besimtarët hebrenj për në Jerusalem.

Palestinezët kërkojnë të krijojnë shtet në territoret e marra nga Izraeli në luftën e Lindjes së Mesme të vitit 1967. Negociatat për një zgjidhje të mosmarrëveshjeve kanë ngecur që nga viti 2014.

Continue Reading

Bota

Koreja e Veriut lëshon dy raketa

Published

on

By

Koreja e Veriut lëshon dy raketa

Koreja e Veriut mëngjesin e së mërkurës ka lëshuar dy raketa detare në perëndim të qytetit bregdetar Onçon, thanë zyrtarë nga ushtria e Koresë së Jugut.

“Mëngjesin e sotëm, ne kemi detektuar dy raketa lundruese të lëshuara nga Koreja e Veriut në Detin Perëndimor nga Onço, në provincën e Pionganit Jugor”, tha një zyrtar i Ministrisë së Mbrojtjes për AFP-në.

“Autoritetet ushtarake të Shteteve të Bashkuara dhe Koresë së Jugut po analizojnë specifikat, sikurse është distanca e fluturimit të këtyre raketave”, shtoi ky zyrtar.

Lëshimi i këtyre raketave vjen teksa Koreja e Jugut dhe Shtetet e Bashkuara nisën përgatitjet për stërvitjet e përbashkëta ushtarake që do të mbajnë nga 22 gushti deri më 1 shtator.

Koreja e Veriut ka pritur me zemërim njoftimin për këto stërvitje, pasi i konsideron si stërvitje për pushtim.

Koreja e Veriut nuk ka testuar raketa lundruese – që janë të ndaluara sipas sanksioneve që Kombet e Bashkuara kanë vendosur ndaj Phenjanit – që nga janari, raportoi agjencia e lajmeve Yonhap.

Herën e fundit që Koreja e Veriut kreu testime të armatimeve ishte më 10 korrik, kur testoi raketahedhës të shumëfishtë.
Koreja e Veriut ka kryer një seri testimesh që nga janari, përfshirë edhe lëshimin e një rakete balistike ndërkontinentale me rreze të gjatë veprimi. Kjo ishte hera e parë që nga viti 2017 që Veriu testoi një raketë të këtij lloji.

Zyrtarët në Uashington dhe Seul kanë paralajmëruar se Koreja e Veriut po përgatitet të kryejë atë që mund të jetë testi i shtatë bërthamor./REL

Continue Reading

Aktuale