Connect with us

Kosovë

LVV refuzon Nismën për koalicion

Published

on

Ani pse NISMA Socialdemokrate së bashku me AKR-në dhe PD-në momentalisht janë duke qëndruar mbi pragun zgjedhor, dy partitë e para të dala nga zgjedhjet e gjashtë tetorit nuk po i shohin si partner të mundshëm në koalicionin që do të përbëjë qeverinë.

Nga partia e Albin Kurtit kanë thënë se zgjedhjet e gjashtë tetorit ishin mesazh i qartë. Tutje, kanë bërë të ditur se momentalisht në parti janë duke diskutuar për bashkëpunim me pakicat jo serbe.

“Zgjedhjet e 6 tetorit kanë qenë mesazh i qartë: populli ka votuar për ndryshim dhe ata që deri dje ishin në qeverisje të kalojnë në opozitë. Tash për tash jemi të fokusuar që të ndërtojmë koalicionin qeverisës me LDK. Ekziston mundësia për bashkëpunim edhe me pakicat jo serbe. Mirëpo, fryma në Lëvizjen tonë është që të mos kemi koalicion me koalicionin Nisma-Akr. Por përtej kësaj ende s’janë certifikuar rezultatet dhe për ne rezultate zyrtare janë ende ato që i ka shpallur KQZ”, ka deklaruar për Express, Arlind Manxhuka nga sekretariati për media në Lëvizjen Vetëvendosje.

Tashmë, kanë kaluar më shumë se një javë prej kur kanë përfunduar takimet në mes të grupeve punuese për harmonizim të programit në mes të LDK-së, e Lëvizjes Vetëvendosje.

Që nga atëherë, nuk ka pasur ndonjë takim në nivel të liderëve, derisa, është bërë e ditur se dy partitë janë duke pritur takimin kur do të diskutohet për tema të mëdha si ndarja e qeverive, e dialogu pasi që të certifikohen rezultatet.

Ndryshe, ky proces si duket do të zgjasë edhe këtë javë, pasi që pas vendimit të PZAP-së, deri më tani janë numëruar vetëm 41% vendvotime.

Pas ankesës për votat e ardhura nga Serbia për të cilat vendosi PZAP që nuk do të hyjnë në rezultatin përfundimtar të zgjedhjeve, vendim ky që u konfirmua edhe nga Gjykata Supreme, pati disa përplasje në mes të zyrtarëve të Vetëvendosjes e Nismës Socialdemokrate, që eskaluan edhe në akuza në mes të dy partive.

Sa i përket asaj se a do të bashkohet në koalicionin VV-LDK, që me shumë gjasë do të përbëjë qeverinë e ardhshme edhe Nisma, ka folur ditë më parë edhe anëtari i kryesisë së Lidhjes Demokratike të Kosovës, Avdullah Hoti.

Sipas tij, është VV ajo që do të vendosë se kush e përbën qeverinë, pasi që ata kanë dalë si parti e parë nga zgjedhjet./GazetaExpress/

Continue Reading

Kosovë

Kosovë: Konfirmohen 3,206 raste me coronavirus në 24 orë

Published

on

By

Kosovë: Konfirmohen 3,206 raste me coronavirus në 24 orë

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se nga 11.883 testime, 3,206 qytetarë kanë rezultuar pozitiv me virusin COVID-19.

Gjatë 24 orëve të fundit, nuk është shënuar asnjë rast i vdekjes.

Sot janë shëruar 357 qytetarë, derisa numri i përgjithshëm i të shëruarve është 160.247.

Në total numri i rasteve aktive është 15.247.

MSH njofton se në 24 orët e fundit janë dhënë 4.620 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.742.039 doza të vaksinës.

Deri më sot 800.754 qytetarë janë vaksinuar me dozën e dytë.

Deri më sot janë dhënë 44.143 doza përforcuese dhe 7.866 doza të treta të vaksinës kundër COVID-19.

Continue Reading

Kosovë

Rrëfimi i Hamëz Jasharit pas sulmit të 22 janarit 1998: Edhe Europa t’i hap dyert për ne, ne nuk do ta lëshojmë

Published

on

By

Rrëfimi i Hamëz Jasharit pas sulmit të 22 janarit 1998: Edhe Europa t’i hap dyert për ne, ne nuk do ta lëshojmë

Sot janë bërë 24 vjet nga sulmi i dytë i forcave serbe ndaj Familjes Jashari në Prekaz të Skenderajt.

E në lidhje me këtë, disa ditë pas sulmit, Hamëz Jashari asokohe kishte bërë një rrëfim në dy mediume, njërin shqiptar dhe tjetrin gjerman në bashkëpunim me një tjetër kroat.

”…ata [serbët] filluan të qëllonin në drejtim tonin, kështu që edhe ne filluam të gjuanim mbi ta”, tha ai.

”Serbia nuk do paqe. Ata çdo ditë rrahin, vrasin dhe rrisin dhunën ndaj shqiptarëve”.

”Ata hynë nëpër shtëpitë tona dhe na poshtërojnë. Dekani i Universitetit Shqiptar poshtërohet nga një polic i thjeshtë serb”, ishte shprehur atëbotë, Hamëz Jashari.

Ndërkaq në rrëfimin e dytë të tij në muajin shkurt të 1998-ës, Hamzë Jashari qe i prerë se nuk do të largoheshin nga Kosova me asnjë kusht, edhe nëse Europa u hap dyert, përcjell Klankosova.tv.

”S’kemi ku me shku na, këtu do ta bëjmë vdekjen, këtu ku të parët tanë kanë jetuar me shekuj, prej ilirëve e pëllazgëve, këtu edhe ne do ta bëjmë vdekjen, kurrë nuk do ta lëshojmë këtu. Do t’i përgjigjemi me aq sa kemi mundësi. S’kemi ku shkojmë, i shihni sa fëmijët i kemi këtu. Edhe Europa t’i hap dyert për ne, ne nuk do ta lëshojmë”, ishte shprehur Hamëz Jashari.

Continue Reading

Kosovë

Videoja e Jahjagës me Dafinën bëhet virale

Published

on

By

Videoja e Jahjagës me Dafinën bëhet virale

Një video e ish-presidentes, Atifete Jahjaga, ku shihet bashke më këngëtaren Dafina Zeqiri, është bërë virale në rrjete sociale.

Në këtë video, dyshja Jahjaga-Zeqiri shihen duke ekzekutuar një “koreografi” me lëvizja karakteristike të duarve, teksa në prapavi shkon kënga e Dafina Zeqirit në bashkëpunim me Lumi B e titulluar “Nona”.

Video duket të jetë gjiruar më herët, meqë tashmë ish-presidentja ka ndryshuar edhe ngjyrën e flokëve.

Continue Reading

Aktuale