Connect with us

Lajmet kryesore

Kontributi i shqiptarëve në ekonominë greke

Published

on

Pavlos Papadopulosekathimerini

Kontributi i shqiptarëve dhe grekëve etnikë nga Shqipëria në ekonominë greke është i padiskutueshëm. Vala e madhe e migracionit e viteve 1990 rigjallëroi pothuajse të gjitha profesionet dhe mbetet një faktor vendimtar në zhvillimin ekonomik të vendit. Greqia fitoi punëtorë të aftë krahu, por edhe zanatçinj, të cilët, me përkushtimin dhe punën e palodhur, vazhdojnë të kontribuojnë në vend dhe të krijojnë pasuri.

Sot, fëmijët e atyre emigrantëve jo vetëm që flasin shkëlqyeshëm greqisht, por janë të shkëlqyer në arsim, duke u rritur në një vend që ata tani e konsiderojnë të tyrin, dhe duke kontribuar në zhvillimin e arteve, shkencave dhe sipërmarrjes (edhe nëse shembuj të trajtimit të pabarabartë dhe vështirësitë e papranueshme në marrjen e shtetësisë ende vazhdojnë).

Frika, në vitet 1990, se përbërja kulturore e vendit do të ndryshonte ishte e pabazë. Le të kujtojmë se një numër i madh i popullit shqiptar dhe atij sllav kanë emigruar në tokat greke gjatë shekujve të fundit dhe pasardhësit e shumë prej tyre tani janë të padallueshëm nga pjesa tjetër e popullsisë. Në fund të fundit, cili grek apo anglez mund të thotë se cilët ishin paraardhësit e tij 1000 vjet më parë? Edhe Mbretëresha Elizabeth II e Mbretërisë së Bashkuar është me origjinë gjermane.

Greqia, me kulturën, gjeografinë, gjuhën, klimën, historinë dhe fenë e saj, ka krijuar grekë për mijëvjeçarë, cilido qoftë vendi i tyre i lindjes.

Si pasojë, emigrantët e rinj që arrijnë në Greqi bartin gjithashtu premtimin për një kontribut të rëndësishëm në Greqi. Kjo nuk do të thotë, sidoqoftë, se shoqëria ka mundësi të pakufizuara për të zhvilluar bashkëveprime shoqërore me (fjala “asimiloj” është pa shije dhe raciste) “të huajin”.

Njerëzit që vijnë në vendin tonë duhet të trajtohen mirë, por Greqia nuk mund të vazhdojë të pranojë kaq shumë të tjerë. Rritja e numrit të refugjatëve dhe emigrantëve që arrijnë në Greqi është e nxitur nga forcat anti-perëndimore që duan të destabilizojnë Europën.

Turqia lejon që anijet kontrabandë të lundrojnë nga brigjet e saj, të cilat ajo kontrollon plotësisht, si një mjet presioni. Kjo ka për qëllim ta bëjë emigracionin një çështje të negociatave dypalëshe me Athinën.

Me fjalë të tjera, emigracioni forcon Greqinë në mënyra të ndryshme, siç e kanë treguar qartë shqiptarët dhe grekët etnikë nga Shqipëria, por numri i madh i mbërritjeve të emigrantëve, i cili është rezultat i planeve sekrete për të destabilizuar Europën, duhet të kontrollohet nga mobilizimi i Bashkimit Evropian dhe NATO-s.

Përktheu dhe përshtati: A.Shaqiri in7.tv 

Continue Reading

Lajme

Nga mesnata çmime të reja të derivative të naftës

Published

on

By

Nga mesnata çmime të reja të derivative të naftës

Komisioni Rregullator i Energjetikës dhe i Shërbimeve të Ujit i Republikës së Maqedonisë së Veriut miratoi vendim, me të cilin bëhet rritja e çmimeve të shitjes me pakicë të derivateve të naftës mesatarisht 0,58% në raport me vendimin e datës 11.08.2022.

Çmimet referente të derivateve të naftës në tregun botëror, në krahasim me përllogaritjen e mëparshme shënojnë rritje mesatarisht te benzina për 2,140%, te nafta për 2,090%, te vaji ekstra i lehtë ka rritje për 2,044% dhe te mazuti ka rritje për 1,868%.
Çmimi i shitjes me pakicë të benzinës ЕUROSUPER BS-95 rritet për 0,50 den/litër.

Çmimet e shitjes me pakicë të benzinës ЕUROSUPER BS-98 dhe vajit për amvisëri EKSTRA I LEHTË (EL-1), rriten për 1,00 den/litër.
Çmimi i shitjes me pakicë i EURODIZELIT (D-E V) nuk ndryshon.
Nga data 16.08.2022, ora 00:01 çmimet maksimale të derivateve të naftës do të jenë:

Benzinë motori EUROSUPER BS – 95 88,50 (denarë/litër)
Benzinë motori EUROSUPER BS – 98 91,00 (denarë/litër)
Naftë motori EURODIZEL BS (D-E V) 90,00 (denarë/litër)
Vaj për Djegie Ekstra i Lehtë 1 (EL-1) 86,50 (denarë/litër)
Mazut М-1 SU 52,814 (denarë/kilogram)

Continue Reading

Lajme

Imeri nga ASH: Do të rrisim tatimet për reklama të kazinove dhe bastoreve në Tetovë

Published

on

By

Imeri nga ASH: Do të rrisim tatimet për reklama të kazinove dhe bastoreve në Tetovë

Blerian Imeri nga Aleanca për Shqiptarët, kandidat për këshilltar në komunën e Tetovës, në “Click 21” tha se do të inicojnë nismën që kompanitë e basteve dhe kazinove të kenë tatime më të larta për publicitet. Sipas tij, kjo do të ulte numrin e vizitave në këto lokale.

“Ne do të iniciojmë që reklama e tyre nëpër billborde të jetë dyfishi i një reklame të një sektori privat, do të rrisim tatimin për to dhe të ndalojmë publicitetin kaq të madh të kazinove. Kazinotë nuk janë vetëm problem komunal, por edhe shtetëror”, tha mes tjerash Imeri.

Continue Reading

Lajme

Ibraimi nga ASH: Do të sigurojmë çerdhe fëmijësh për fshatrat dhe malësinë e Tetovës

Published

on

By

Ibraimi nga ASH: Do të sigurojmë çerdhe fëmijësh për fshatrat dhe malësinë e Tetovës

Semira Ibraimi, kandidate e Aleancës për Shqiptarët për këshilltare në komunën e Tetovës në “Click 21” tha se si parti e kanë në plan që edhe fshatrave dhe malësisë së Tetovës t’u sigurojnë çerdhe për fëmijë.

“Dihet se Tetova ka problem me çerdhet, normal edhe me shkollat fillore. Një ndër ato probleme është që edhe malësia e Tetovës nuk ka çerdhe. Ne do ta realizojmë këtë plan që të kenë edhe malësia dhe fshatrat çerdhe, që të ua mundësojmë nënave që të lënë fëmijët e tyre në çerdhe dhe edhe ata të punësohen”, deklaroi mes tjerash Ibraimi.

Continue Reading

Aktuale