Connect with us

Lajme

Të rriten rrogat edhe për infermierët e jo veç për mjekët

Published

on

SHITMIS: Rritja e pagave të jetë lineare për të gjithë, në të kundërtën do të rritet hendeku mes mjekëve dhe infermiereve

Pesëmbëdhjetë për qind nga shuma e caktuar në buxhet, e paraparë për rritjen e pagave në sistemin shëndetësor të jetë linear për të gjithë ose të ketë rritje të koeficientit në kundërvlerë të denarit, që tani arrin 13.352 denarë, kërkojnë nga Unioni i shoqatës së infermiereve, teknikëve, mamive dhe infermiere të stomatologjisë (SHITMIS).

“Në vendin e dytë është kërkesa tre për qind t’u paguhen infermiereve dhe të gjejmë mënyrë për t’i mbrojtur infermieret tona në sektorin privat. Nëse nuk realizohet kërkesa paralajmërojmë se do të organizohemi me mosdëgjueshmëri zyrtare. Shpresojmë se nuk do të vijë deri në diçka të tillë dhe do ta shfrytëzojmë momentin deri në nënshkrimin e marrëveshjes të kemi sukses që sugjerimet tona të pranohen”, theksoi sot kryetarja e SHITMIS-së, Gordana Beshliovska lidhur me propozim marrëveshjen mes Sindikatës dhe Ministrisë së Shëndetësisë për rritjen e pagave të personelit mjekësor.

Ajo theksoi se rritja e përqindjes së papaguar, që është paralajmëruar paraprakisht, ndërsa infermieret në institucionet shëndetësore nuk e kanë marrë, është një prej arsyeve më të mëdha për pakënaqësinë për momentin.

Tani, theksoi ajo, jemi të zënë nga kjo marrëveshje në të cilin sërish jemi të trajtuar  sikur ne nuk kontribuojmë në radhët e para në punën në sistemin shëndetësor.

Ajo sqaroi se një infermiere me 37 vite përvojë pune në shëndetësinë parimore ka të ardhura personale prej 20.800 denarë.

Sipas saj, mënyra e tillë e rritjes së pagave është jolinear dhe paralajmërimet për paga më të larta prej 25 për qind të specialistëve dhe 10 për qind të infermiereve e rrit hendekun midis këtyre dy profesioneve.

Lidhur me infermieret në sektorin privat, ajo tha se kapacitetet e mjekëve në ambulancat amë janë rritur, ndërsa askush nuk është pyetur nëse infermiereve dikush ua ka rritur të ardhura personale.

Beshliovska paralajmëroi se pasdite do të kenë takim me Sindikatën e pavarur për shëndetësi, në të cilin do të kërkojnë të pranohen kërkesat e tyre.

Continue Reading

Lajme

Osmani: ASh do të jetë balancues mes inateve të BDI-së dhe Lëvizjes Besa, të cilët nuk e kanë dertin për qytetarët

Published

on

By

Osmani: ASh do të jetë balancues mes inateve të BDI-së dhe Lëvizjes Besa, të cilët nuk e kanë dertin për qytetarët

Abdulla Osmani nga Aleanca për Shqiptarë në debatin “Click21” tha se ASh do të jetë balancues mes inateve të BDI-së dhe Lëvizjes Besa.

“Unë besoj se populli e ka të qartë se pse njëra parti nuk duhet ti ketë 16 këshilltarë dhe pse tjetra nuk duhet të rikthehet në Këshillin komunal. Unë i garantoj qytetarët se ASh edhe këtë radhë do të jetë përkrah tyre dhe do të jetë balancuesi i këtyre dy inatave të mëdha për të cilën në fund të fundit e kanë vetëm për rejtingun e tyre partiak dhe nuk e kanë aspak për dertin e qytetarëve. Përndryshe ne nuk do të ishim në këtë situatë ku jemi sot, tha Osmani.

Debati i plotë:

Continue Reading

Lajme

Abdulla Osmani, Tetovarët kanë mundësi tu japin zë të rinjve

Published

on

By

Abdulla Osmani, Tetovarët kanë mundësi tu japin zë të rinjve

Bartësi i listës së ASH-së, Abdulla Osmani në emisionin ClickPlus ka treguar arsyet se pse Tetovarët duhet mbështetur lista e ASH-së. Sipas Osmanit në Tetovë nuk ka hapsira të gjelbërta, se në Tetovë nuk ka vende për të rinjë dhe nuk ke një vend ku mund të dalin të rinjtë apo të mëshuarit, për këtë arsye qytetarët kanë mundësi ti japin zë rinisë.Top24

Continue Reading

Bota

Përmbytje në Kinë, 16 të vdekur dhe 36 të zhdukur

Published

on

By

Përmbytje në Kinë, 16 të vdekur dhe 36 të zhdukur

Si pasojë e reshjeve të papritura, të cilat shkaktuan rrëshqitjen e dheut dhe ndryshimin e rrjedhës së një lumi, 16 njerëz kanë vdekur dhe dhjetëra të tjerë janë zhdukur nga përmbytjet në veriperëndim të Kinës.

Përmbytjet ndodhën në një rajon malor të qarkut Datong në provincën Qinghai, kanë prekur më shumë se 6.200 njerëz nga gjashtë fshatra, raportoi transmetuesi shtetëror CCTV.

“Që nga mesdita e datës 18 gusht, 16 persona janë vrarë dhe 36 janë të zhdukur”, shtoi CCTV.

Puna e shpëtimit është duke vazhduar.

Këto përmbytje vijnë gjatë një vere shumë të nxehtë në Kinë, ku qytete të shumta regjistrojnë temperaturat e tyre më të larta.

Sipas transmetuesit shtetëror, tashmë është ngritur edhe shtabi i emergjencës.

Reshjet e mëdha dhe të papritura të së mërkurës mbrëma kishin shkaktuar përmbytjet, thuhet në raportimin e CCTV.

Përmbytjet e mëdha në Kinën jugore në qershor zhvendosën më shumë se gjysmë milioni njerëz dhe shkaktuan rreth 250 milionë dollarë dëme.

Ndërkohë, miliona njerëz në Kinën jugperëndimore po përballen me ndërprerje të vazhdueshme të rrymës, pasi një valë dërrmuese e të nxehtit çoi në një krizë të furnizimit me energji elektrike që i ka detyruar fabrikat të ndalojnë punën.

Administrata Meteorologjike e Kinës tha se vendi po kalonte periudhën e tij më të gjatë të temperaturave të larta, që nga viti 1961./REL

Continue Reading

Aktuale