Maqedonia e Veriut
Takim pune i ministrit të Kulturës, Ismaili, me ministrin e Kulturës të Federatës Ruse, Medinski
Ministri i Kulturës, Hysni Ismaili, mbrëmë në kuadër të Forumit Ndërkombëtar për Bashkëpunim Kulturor në Shën Petersburg, realizoi takim pune me kolegun e tij, ministrin e Kulturës të Federatës Ruse, Vlladimir Medinski.
Në takim, të dy ministrat biseduan mbi bashkëpunimin e deritanishëm të suksesshëm në fushën e kulturës ndërmjet të dyja vendeve, i cili deri më tani rezultoi me zbatimin e shumë përmbajtjeve cilësore, si për audiencën ruse, ashtu edhe për audiencën maqedonase. Në takim, Ismaili e njoftoi ministrin rus se kohëve të fundit një interes të madh në publikun maqedonas shkaktoi ekspozita “100 raritetet e sovranitetit rus”. Ai shtoi se ekspozita e cila u hap në Muzeun e Luftës Maqedonase është një konfirmim i lidhjeve të thella të Rusisë me vendet sllave, por gjithashtu e konfirmon edhe miqësinë ndërmjet të dyja vendeve tona. Njëherazi, u theksua edhe bashkëpunimi brenda UNESKO-s, si dhe në kuadër të Fondacionit Ndërkombëtar “Forumi i Kulturave Sllave”, përmes të cilit u zbatuan projektet dhe aktivitetet e përbashkëta për t’i ruajtur traditat kulturore të popujve sllavë.
“Ministrat Ismaili dhe Medinski u shprehën të bindur se marrëdhëniet miqësore ndërmjet vendit tonë dhe Federatës Ruse në të ardhmen do të kontribuojnë në thellimin e marrëdhënieve në fushën e kulturës me një dinamikë edhe më të theksuar”, citohet në komunikatën e Ministrisë së Kulturës.
Lajme
Andreeva: Rritja e pagës minimale nuk rrit produktivitetin e punëtorëve
Rritja ligjore e pagës minimale nuk e rrit produktivitetin e punës, ka thënë në emisionin “Magazina Ekonomike” në Alsat, nënkryetarja e Lidhjes së Odave Ekonomike, Aleksandra Andreeva.
Duke folur për këtë temë, ajo është shprehur:
“Të gjitha organizatat ndërkombëtare në Maqedoni në punimet e tyre bëjnë të ditur se produktiviteti ynë i punës është jashtëzakonisht i ulët. Ne jemi për përmirësimin e standardit të qytetarëve, por duhet të kemi parasysh të gjithë parametrat. Kjo rritje duhet të bazohet në një mekanizëm tregu – duke rritur produktivitetin, në mënyrë që të mos ulet motivimi i atyre punonjësve më produktivë,” ka thënë Andreeva./ Alsat.mk/
Lajme
Petliçkovski: S’është momenti të hiqen maskat
Drejtori i Institutit për Imunologji dhe Gjenetikë Humane, Aleksandar Petluçkovski në TV Sitel foli për rritjen e rasteve të reja në Maqedoni.
Ai theksoi se qytetarët duhet të jenë të kujdesshëm duke potencuar se jemi rreth pikut të llojit Omicron të coronavirusit.
“Lloji Omicron është virus më i lehtë, por nuk jemi të sigurt nëse do të jetë kështu përherë. Nuk e dimë nëse ky lloj i virusit do të ndryshojë dhe do të shndërrohet në virus më i rrezikshëm. Mendoj se nuk është momenti të hiqen maskat për arsye se pandemia ende nuk ka përfunduar”, tha Petliçkovski.
Kujtojmë se deri tani në Maqedoni me COVID-19 janë diagnostifikuar gjithsej 249.704 raste, ndërsa prej tyre 223.053 janë shëruar dhe 8.153 persona kanë humbur jetën. Numri i rasteve aktive është 18.498.
Lajme
Media bullgare: Familjarët e viktimave në autobusin në “Struma” kërkojnë hetim paralel
Siç raporton BNT, familjarë të afërt të viktimave janë deklaruar për televizionin se presin më shumë infromacione për arin dhe akcesorët me vlerë që viktimat e kanë mbajtur me vete.
Pas tragjedisë, të mbijetuarit dhe familjarët e viktimave kërkuan nga Gjykata e Rrethit në Pernik në mënyrë paralele t’i hetojë arsyet e aksidentit dhe presin më shumë infromacione për arin dhe akcesorët me vlerë që udhëtarët e kanë mbajtur me vete.
Edhe pse kanë kaluar dy muaj nga tragjedia e madhe, një pjesë e të mbijetuarve kthehen në Bullgari, ndërsa familjarët i presin sendet e ruajtura të familjarëve të tyre.
“Kam dëshmi se kunata ime ka akcersorë në vlerë prej 7.000 eurove gjatë udhëtimit. Ari nuk digjet”, shprehet Qamuran Pajazitovski.
Edhe të mbijetuarit edhe familjarët e viktimave kërkojnë hetim paralel për tragjedinë.
Kujtojmë se në aksidentin në Bullgari që ndodhi më 23 nëntor, humbën jetën 45 persona prej të cilëve 12 fëmijë dhe 7 mbijetuan.
-
Lajmet kryesore2 months agoMediat në Shqipëri: Kastriot Rexhepi është shantazhuar me video materiale nga grupi i Izet Mexhitit
-
Lajme12 months agoLidhjet e Trajko Veljanovskit me rastin M0nstга? – Avokati maqedonas flet për pazaret ndër tavolinë dhe fshehje provash
-
Kosovë4 weeks agoDalin detaje të reja për vrasjen e trefishtë në Gllogjan
-
Lajme3 months agoAnketa më re: Struga, Tetova dhe Çairi do të drejtohen nga Opozita Shqiptare
-
Komente11 months agoMos e bëfsh pikën e hajrit o Albin Kurti
-
Lajme11 months agoGazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?
-
Lajme11 months agoShek Hallaçi i Grupit të Kumanovës, nga Buгgu i Idгizovës publikon videon me një porosi
-
Lajme12 months agoFatime Fetai kërkoi burg të përjetshëm, por ja çka mendon Zaevi për këtë – Deklarata e fundit për “Monstrën”