Connect with us

Lajme

Pendarovski: Kemi garanca nga Makron

Published

on

Pendarovski: Makron garantoi për metodologjinë deri në mars, gjithçka tjetër është vendim politik

Presidenti i Maqedonisë së Veriut, Stevo Pendarovski nga kolegu i tij francez Emanuel Makron, ka marrë garanci se metodologjia e tij negociuese do të miratohet më së voni deri në mars. Sipas presidentit Pendarovski, kjo është një gjë në të cilën jemi të sigurtë, dhe gjithçka tjetër është vendim politik.

Ai këtë deklaratë e dha sot në përgjigje të pyetjeve të gazetarëve, se në çka mbështetet optimizmi se edhe para Samitit të Zagrebit mund të marrim përgjigje pozitive nga Bashkimi Evropian, dhe nëse ai personalisht beson në garancat e dhëna nga Makroni.

“Unë jam optimist i matur. Nuk jam optimist radikal. Dhe nga presidenti Makron nuk morëm garanci të njëqind për qind se në Samitin e Zagrebit do të kemi vendim pozitiv. Kemi garanci se metodologjia do të miratohen sa është e mundur më shpejtë, kjo nënkupton më së voni deri në mars. Pra, në këtë pjesë mund të jemi gati të sigurt se ashtu do të ndodhë. Gjithçka tjetër është vendim politik”, theksoi Pendarovski, sot me rastin e dhënies së betimit të klasës së 23 për kadetë dhe dëgjues të kursit për aftësim profesional dhe përkryerje të kolonelëve, si dhe promovimin e klasës së 19 të akademikëve me titull nënkolonel në Armatën tonë.

Ai theksoi se në organizim të Bashkimit Evropian, i cili ka më shumë anëtarë, mundet që çdonjëri prej tyre t’i jep kërkesat personale, posaçërisht duke marrë parasysh se ndërkohë, domethënë nga 18 tetori nga vendimet e fundit të Këshillit të Evropës, deri në zgjedhjet tona, prill-maj ka shumë kohë dhe mund të ndodh.

“Unë shpresoj se situata do të jetë si tash. E tash nuk ka kërkesa shtesë. Evropa, këtë e tha publikisht Markoni, kërkoi kohë për vete, që ata të mund më mirë ta harmonizojnë metodologjinë për pranim të anëtarëve të rinj, dhe nuk thotë se ju keni kushte shtesë të cilat duhet t’i plotësoni për të qenë shtet anëtar. Kështu që mbetet të presim. Tash të shohim se sa shpejtë Bashkimi Evropian do të harmonizohet brenda tij në raport me këtë çështje shumë të rëndësishme”, tha Pendarovski.

Presidenti Pendarovksi, po ashtu theksoi se ne si shtet tash jemi në rend të ditës, për shkak se kjo është çështje e rëndësishme dhe vetë për Evropën.

“Domethënë, nuk dëshirojnë më të pranojnë shtete anëtare të cilët nuk janë mjaftueshëm gati për anëtarësim. Dhe e dini, ka disa përvoja negative edhe nga shtetet më të vjetra anëtare, të cilët nuk janë në nivel të mesatares së Evropës, të them si në demokraci dhe në ekonomi”, shtoi presidenti Pendarovski.

Lidhur me atë nëse ka biseduar me Makronin, për ndarjen e pakos së Maqedonisë së Veriut dhe Shqipërisë, ai theksoi se si president i këtij shteti ka për detyrë të sqaroj për të arriturat tona dhe të interesohet për rastin tonë.

Makron disa herë gjatë bisedës e kishte pyetur se cilat do të ishin pasojat eventuale nga ndarja.

“Unë i thash se fakt i pakontestuar i njohur edhe për opinionin e Maqedonisë së Veriut është se të gjithë politikanët relevant shqiptar dhe subjektet politike shqiptare në Republikën e Maqedonisë së Veriut, përfshirë edhe ata që janë në pozita më të larta të Qeverisë, përfshirë edhe Bujar Osmanin, i cili është i angazhuar për eurointegrimet, kanë deklarata publike se nëse kjo ndodh nuk është dëshirë e jona, dhe nëse do të ishte vendim i Brukselit, atëherë nuk do ishte e duhur të jemi të dënuar apo të vendosur në një pozitë të njëjtë, për shkak se i gjithë procesi është i bazuar në plotësimin e kritereve”, tha Pendarovski.

Continue Reading

Bota

Shitja e dronëve Bayraktar, porositë janë mbyllur për 3 vjet

Published

on

By

Shitja e dronëve Bayraktar, porositë janë mbyllur për 3 vjet

Kërkesa për dronët turq Bayraktar TB2 është rritur ndjeshëm. Kompania turke Baykar Makina Sanayi ve Ticaret AS, e cila furnizon Ukrainën me drone, njoftoi se aktualisht ka një numër të madh të porosive për tre vjet. Sipas kompanisë, ajo ka kapacitetin për të prodhuar 20 dronë në muaj.

“Dronët TB2 dhe Akinci janë prodhuar në masë, ne kemi kërkesë për të dyja”, tha CEO i kompanisë private Haluk Bayraktar, në një intervistë me Fondacionin ukrainas Come Back Alive. “Për Bayraktar TB2 kemi kontrata eksporti me 22 vende të ndryshme”, tha ai, shkruan Bloomberg.

Baykar, i cili po punon gjithashtu në një projekt luftarak pa pilot të quajtur Bayraktar Kizilelma, dëshiron të rrisë më tej kapacitetin e tij prodhues dhe shpreson ta bëjë këtë duke ndërtuar një fabrikë në Ukrainë.

Kompania turke bleu tokë në Ukrainë dhe është regjistruar si person juridik, me qëllim ndërtimin e një fabrike për prodhimin e mjeteve ajrore pa pilot Bayraktar.

Bayraktar, i cili është vëllai i dhëndrit të presidentit turk Rexhep Tajip Erdogan, Selcuk Bayraktar, tha se kompania dëshiron të ndërtojë drone TB2 dhe Akinci, si dhe Kizilelma Fighters në Ukrainë. Ndërtimi i një objekti kërkimor dhe një qendre prodhimi të avancuar tashmë është duke u zhvilluar, tha ai, duke shtuar: “Ne e shohim Ukrainën si partnerin tonë strategjik. Ne gjithashtu duam ta bëjmë Ukrainën një bazë prodhuese”.

Turqia ka arritur të mbajë marrëdhënie të mira si me Ukrainën ashtu edhe me Rusinë. / abcnews

Continue Reading

Bota

Sa do të rriten pagat vitin e ardhshëm në Zvicër

Published

on

By

Sa do të rriten pagat vitin e ardhshëm në Zvicër

Referuar një sondazhi të KOF (Qendrës së Kërkimeve Ekonomike), thuhet se pagat në Zvicër pritet të rriten mesatarisht me 2.2% vitin e ardhshëm, përcjell albinfo.ch.

Ndërkohë që kjo shumë do të ishte rritja më e madhe në 22 vjet.

Ekspertët ekonomikë thonë se kjo rritje nuk do të kompensojë plotësisht inflacionin.

Ky sondazh u transmetua në “NZZ am Sonntag”, ku thuhet se pritet një rritje mesatare e pagave prej 2.2% në vitin 2023.

Nga ana tjetër, gazeta shkruan se UBS në parashikimet e saj tregon se inflacioni për gjithë vitin 2022 do të jetë në të vërtetë 3.1%./albinfo.ch

Continue Reading

Kosovë

Vuçiq: Zbatimi i vendimit të Kosovës për targa mund të bëhet vetëm me dhunë

Published

on

By

Vuçiq: Zbatimi i vendimit të Kosovës për targa mund të bëhet vetëm me dhunë

Presidenti i Serbisë, Aleksandar Vuçiq, ka thënë të hënën se do të shkojë në Bruksel për takim me kryeministrin e Kosovës, Albin Kurti, me një qëllim, “të ruajë paqen dhe stabilitetin”.

Ndërkohë pak sekonda më pas tha se Qeveria e Kosovës mund të zbatojë vendimin e saj për targat e automjeteve, kryesisht në veri, “vetëm me dhunë”.

“Kjo mund të bëhet vetëm me dhunë, por mos prisni që Serbia t’ju ndihmojë në rregullimin ligjor të problemit”, tha ai përcjellin mediat serbe.

Vuçiqi gjatë prezantimit të armëve të reja të prodhuara nga Serbia në Akademinë Ushtarake në Beograd, tha se Serbisë nuk duhet t’i interesojë Kushtetuta e Kosovës.

“Ne jemi të interesuar të diskutojmë gjithçka. Ne nuk kemi problem me temat. Ne duam të flasim për Asociacionin e komunave serbe. Nëse thonë se nuk është në përputhje me Kushtetutën, atëherë nuk na duhet një e tillë në përputhje me kushtetutën, sepse një komunitet të tillë mund ta formojë çdo qytetar. Pse duhet të na interesojë Kushtetuta e tyre”, tha Vuçiq.

Takimi Kurti – Vuçiq do të mbahet më 18 gusht dhe BE-ja të dielën u bëri thirrje liderëve të të dy vendeve që të ndalin “retorikën nxitëse”.

Kosova, me kërkesë të bashkësisë ndërkombëtare ka shtyrë për një muaj vënien në fuqi të masës së reciprocitetit për letërnjoftime, ndërkohë që u ka dhënë dy muaj kohë të gjithë atyre që kanë targa të lëshuara nga Serbia në emër të qyteteve të Kosovës, që t’i ndërrojnë ato.

Continue Reading

Aktuale