Connect with us

Shqipëri

VOA mbi betimin e Vorpsit tek noteri: Nuk dihet se çfarë vlere juridike ka ky akt

Published

on

Thellohet kaosi me emërimet në Gjykatën kushtetuese, e kthyer në një mollë sherri, mes Presidentit të Republikës Ilir Meta dhe shumicës së majtë qeverisëse. Arta Vorpsi, kandidatja e cila ishte e para në listën për vakancën e shpallur nga Kreu i Shtetit, e që sipas vendimit të botuar në Fletoren zyrtare, është shpallur automatikisht anëtare e Gjykatës Kushtetuese, ka bërë një lëvizje të papritur, duke u betuar te një notere.

Përpara noteres Miranda Xhemalçe, ajo ka lexuar formulën e betimit: “Betohem se gjatë kryerjes së detyrave të mia, do t’i qëndroj kurdoherë besnik Kushtetutës së Republikës së Shqipërisë”. Por me vetë aktin e betimit përpara një notereje, zonja Vorpsi, duket se ka bërë një shkelje të hapur, pikërisht të Kushtetutës e cila përcakton në mënyrë fare të qartë në nenin 129 se “Gjyqtari i Gjykatës Kushtetuese fillon detyrën pasi bën betimin para Presidentit të Republikës”. Një kopje të betimit të saj, ajo ja ka dërguar dhe Presidenti Meta, ashtu dhe vetë Gjykatës Kushtetuese, pavarësisht se nuk është e qartë se cfarë vlere juridike mund të ketë një akt i tillë.

Presidenti Meta deklaroi mbrëmë se botimi në Fletoren zyrtare sipas tij nuk ka vlerë. “Çdo botim kontrabandë në Fletoren zyrtare padyshim që nuk sjell asnjë detyrim për presidentin e Republikës”, u shpreh zoti Meta, i cili më parë, për të njejtën vakancë emëroi Marsida Xhaferllarin në tejkalim të afatit 30 ditor që i përcakton atij Ligji për Gjykatën Kushtetuese.

Përmes zëdhënësit të tij, zotit Meta reagoi me ironi pas lajmit të betimit të zonjës Vorpsi, duke deklaruar se “nuk pengoj askënd të betohet as te noterja, as te parukierja”.

Continue Reading

Lajme

E rëndë në Elbasan, humb jetën 32-vjeçari, ishte vaksinuar dje me “Pfizer”

Published

on

Një 32-vjeçar nga Elbasani ka humbur jetën ditën e sotme.

Sipas “FaxNews” Erind Shuteriqi ka ndërruar jetë, ndërkohë që ende nuk dihet shkaku.

32-vjeçari ditën e djeshme kishte marrë dozën e vaksinës “Pfizer”, për tú mbrojtur nga Covid.

Sipas informacioneve paraprake i riu mësohet se nuk vuante nga sëmundje të tjera.

Continue Reading

Lajme

Meta: Mora garancinë nga Balla, më tha se janë gati për zgjedhje në çdo kohë

Published

on

Presidenti i Republikës Ilir Meta të mërkurën u takua në Presidencë me kryetarin e grupit parlamentar të Partisë Socialiste, Taulant Balla për caktimin e një date për mbajtjen e zgjedhjeve të pjesshme lokale në gjashtë bashki të vendit.

Në një deklaratë për mediat, pas takimit me Ballën, Meta tha se mori garancinë se Partia Socialiste është gati për zgjedhjet e pjesshme vendore në çdo kohë.

Presidenti sqaroi se nuk ka pasur ftesë nga ana e tij për asnjë parti për tu konsultuar në lidhje me zgjedhjet e pjesshme vendore, por se takimi me zotin Balla u zhvillua pasi ai është përfaqësuesi i shumicës në Kuvend, dhe ai duhej të sigurohej se shumica nuk do i bojkotonte zgjedhjet.

Meta tha se dy janë mundësitë kur mund të mbahen zgjedhjet e pjesshme vendore,27 shkurti ose 6 marsi.

“Nuk ka patur ftesë zyrtare për asnjë parti për konsultime. Për të zgjidh këtë çështje ju i dini iniciativat e mia zyrtare si me KQZ , si me qeverinë dhe kuvendin dhe në të gjitha veprimet që kam bërë . Do ketë një komunikim zyrtar sot, nëse do të kisha ftese për partitë , nuk kishte ftesë të as për PS , se do ja kisha çuar kryetarit, por ka patur një kërkesë informale, për një konsult me kryetarin e shumicës në Kuvend, zoti Balla, meqë kemi pat disa dilema të interpretimit të datës së zgjedhjeve. Në gjykimin tim , besoj duhet të jepja një sqarim me Ballën si përfaqësues i shumicës në kuvend për një mendim të komisionerit shtetëror të zgjedhjeve, që çdo ditë më shumë për ta do të ishte ndihmuese”, tha ai.

Më tej, Presidenti theksoi se mori garanci nga Balla se socialistët janë gati në çdo kohë për zgjedhje dhe se e mirëkuptojnë këtë gjë.

“Nuk ka pasur konsultim me partitë , por me përfaqësuesin e shumicës në kuvend që të mos kishim polemika me shumicën. Tani ose 27 shkurti ose 6 marsi, janë si data, KQZ është e rëndësishme se ajo të merret me këtë proces“, tha Meta.

Dy ditë më parë, Meta i dërgoi një shkresë zyrtare Kryeministrisë, duke i kërkuar informacion mbi numrin e Bashkive të mbetura pa kryetar.

Kjo letër vjen pas përgjigjes së Komisionit Qendror të Zgjedhjeve në Shqipëri.

“Kush janë saktësisht ato njësi vendore në të cilat përgjatë kësaj periudhë 30 qershor 2019-janar 2022, sipas informacionit dhe vlerësimit tuaj Kryetarëve të Bashkisë u ka përfunduar mandati në mënyrë të parakohshme”, nënvizon Presidenca.

KQZ-ja, përmes një shkrese zyrtare, i ktheu më herët përgjigje presidentit Meta, sa i përket mbajtjes së zgjedhjeve lokale.

Meta kishte kërkuar informacion nga KQZ-ja në lidhje me vakancat në pozicionet e kryetarëve të Bashkive.

Në përgjigje, KQZ shkruan se, Bashkitë pa kryetar janë Vora, Dibra dhe Shkodra, ndërsa nënvizon se, nuk ka dijeni për Lushnjën, Rrogozhinën dhe Durrësin, pasi duheshin informuar nga Këshilli i Ministrave.

Bashkitë që kanë mbetur pa kryetar janë ato të Shkodrës, Vorës, Durrës, Rrogozhinës, Dibrës dhe Lushnjës.

Aktualisht, Vora, Durrësi, Rrogozhina dhe Dibra drejtohen nga kryetar të emëruar dhe jo të zgjedhur.

Ndërsa Voltana Ademi në Shkodër vijon të mbajë mandatin përtej afateve.

Continue Reading

Lajme

Prindërit e çuan me urgjencë në spital, zbulohet shkaku u vdekjes së 3-vjeçares në Elbasan

Published

on

By

Prindërit e çuan me urgjencë në spital, zbulohet shkaku u vdekjes së 3-vjeçares në Elbasan

Orët e para të mëngjesit të ditës së sotme, një vajzë rreth 3 vjeç është dërguar me urgjencë në spitalin e Elbasanit dhe për pasojë ka ndërruar jetë.

Pas ekspertizës mjeko-ligjore është konstatuar edhe shkaku i vdekjes së fëmijës, i cili është pneuomonia bilaterale dhe insuficenca kardiorespiratore.

Burime bëjnë me dije se ky është edhe shkaku se përse fëmija është paraqitur në spital me një nivel oksigjeni tepër të ulët.

Kujtojmë se në një prononcim për media, babai i të miturës, Agim Islami, tregoi se vajza kishte ditë që ishte sëmurë. Në një vizitë që i kishin bërë para disa ditësh mjeku i kishte thënë se ishte virozë dhe i kishte dhënë ilaçe. Sipas babait, mbrëmë 3-vjeçarja ishte bërë keq dhe e çuan me urgjencë në spital, por nuk ka arritur të mbijetojë./albeu.com

Continue Reading

Aktuale