Connect with us

Maqedonia e Veriut

Varhejli konsideron se Shkupi dhe Tirana duhet të fillojnë negociata para majit

Published

on

Kandidati për komisar për zgjerim dhe politikë fqinjësore, hungarezi Oliver Varhelji, dy orë e gjysmë u dëgjua dhe vlerësua nga eurodeputetët për aftësinë e tij për ta kryer këtë funksion në pesë vitet e ardhshme.

Në fjalën e tij hyrëse, Varhelji theksoi se ambicia e tij është të arrijë t’i bindë vendet anëtare se Maqedonia e Veriut dhe Shqipëria t’i fillojnë negociatat për anëtarësim me BE-në para Samitit BE-Ballkan perëndimor në Zagreb, të caktuar për në maj.

Varhelji theksoi se tre vende anëtare e frenojnë procesin, e ato janë Franca, Holanda dhe Danimarka. Ai qëndroi pas perspektivës evropiane të Maqedonisë së Veriut dhe Shqipërisë dhe shfaqi shpresë se, nëse konfirmohet nga Parlamenti evropian, deri në fund të mandatit të tij pesëvjeçar Shkupi dhe Tirana do të jenë të kyçura tashë thellë në negociatat me BE-në.

Specifike për Maqedoninë e Veriut, hungarezi përkujtoi se liderët evropianë masovikisht e vizitonin Shkupin para referendumit për Marrëveshjen me Greqinë dhe i premtuan vendit se nëse referendumi do të ketë sukses, negociatat do të hapen.

“Ajo që është në pyetje këtu është kredibiliteti i BE-së në rajon dhe më gjerë”, deklaroi Oliver Varhelji.

Kandidati për trashëgues të Johanes Hanit konfirmoi se për të, gjithashtu, zgjerimi dhe thellimi i Bashkimit Evropian janë procese të cilat mund të shkojnë paralelisht.

“Duhet t’i hapim negociatat me Maqedoninë e Veriut dhe Shqipërinë, kjo do të thotë se duhet të qëndrojmë qartë prapa parimit të anëtarësimit dhe prapa parimit të meritës individuale njëkohësisht”, tha Varhelji duke u përgjigjur në pyetjet e deputetëve.

I pyetur për mundësinë të ndahen dy vendet, ai nuk e përjashtoi këtë opsion.

“Asnjë proces inkuadrues nuk mund të jetë kredibil pa parimin e meritës vetanake. duhet t’i përmbahemi kësaj, ndoshta do të vijmë në pikën kritike ku, një, dy apo tre vende i përmbushin kriteret. Nuk kam paragjykime lidhur me atë, nëse është një, është një, nëse janë dy – dy, tre – tre, por nuk guxojmë ta pengojmë askë në sukses, nëse tregojnë angazhim, edhe ne duhet të tregohemi, kështu që është e mundur të braktiset parimi i pakos, por nuk e përjashtoj mundësinë për pako”, deklaroi Varhelji.

Kandidati insistoi në këtë pjesë dhe rëndësinë të kihet parasysh elementi gjeopolitik në raport me rajonin sepse “Ballkani është rajon mjaft i ndjeshëm dhe puna jonë është të krijojmë prosperitet afatgjatë”, shtoi hungarezi.

Ai shtoi se i merr parasysh edhe preokupimet e vendeve anëtare të cilat janë të rezervuara lidhur me zgjerimin.

“Duhet të punojmë lidhur me atë shqetësim kur kryesisht është i lidhur me kërkesat e rrejshme për azil, korrupsion dhe tema të tjera lidhur sundimin e së drejtës, do të punojmë së bashku me partnerët tanë në Maqedoninë e Veriut dhe Shqipëri që ta zbusim atë shqetësim dhe t’u ndihmojmë vendeve t’i përmbushin kriteret”, tha varhelji duke shtuar se Ky Komision evropian në mënyrë të qartë i përmbahet parimit se vendet nga rajoni kanë perspektivë evropiane.

Nuk munguan pyetjet për azilin e ish-kryeministrit të dënuar, Nikolla Gruevski, të miratuar nga Qeveria hungareze, por Varhelji në mënyrë shumë të shpejtë u distancua nga ai vendim, duke cekur se sipas rregullave në BE, vendimet për azil janë kryesisht nën kompetenca të vendeve anëtare, dhe se ai si komisar i ardhshëm nuk do të pranojë instruksione nga asnjë vend anëtar.

Megjithatë, Varhelji, me kërkesë të eurodeputetëve për garanca se do të jetë i pavarur nga Viktor Orbani, nuk arriti në mënyrë eksplicite t’i dënojë deklaratat e kryeministrit, i cili e nominoi.

I pyetur disa herë nga deputetët se grupit socialdemokratik dhe të gjelbërve nëse distancohet nga deklarata e Orbanit se Hungaria nëse e merr resorin e zgjerimit do ta ndihmojë Turqinë, Varhelji nuk formuloi dënim eksplicit këtë mëngjes.

Koordinuesit e grupeve parlamentare gjatë ditës së sotme do të duhet të arrijnë marrëveshje për kandidaturën e Oliver Varheljit, vendimi pritet gjatë ditës.

Continue Reading

Lajme

Detaje nga zjarri në Tetovë, është lënduar pronari i shtëpisë së djegur

Published

on

Është lënduar pronari i shtëpisë në të cilën ka shpërthyer zjarri rreth orës 19:00 në vendbanimin Koltuk të Tetovës, janë informacionet fillestare të njoftuara nga SPB-ja e Tetovës.

Zjarri ka përfshirë dy shtëpi dhe është vënë nën kontroll nga zjarrfikësit për rreth një orë, përcjell Telegrafi Maqedoni.

“Në SPB Tetovë në orën 19:20 është raportuar zjarri në një shtëpi në pronësi të I.S (50). Zjarri u përhap në shtëpinë fqinje ku nuk banonte askush. Pronari I.S ka marrë djegie dhe më pas është dërguar në Spitalin Klinik të Tetovës për ndihmë mjekësore”, njofton policia e Tetovës.

Fqinjët në lagjen Koltuk janë trembur nga forca e zjarrit për shkak të një flake të fortë. Po ashtu, të gjitha shtëpitë e këtij vendbanimi në një pjesë kodrinore janë të lidhura me njëra-tjetrën, gjë që ka qenë shkak për frikë shtesë tek ata nga zgjerimi i mundshëm i zjarrit.

“Rreth orës 19:00 dëgjova një sirenë, dola të shikoja si ishte dhe pashë një flakë. Pashë që këta ishin fqinjët sipër meje, vrapova, pashë tym dhe flakë 15 metra nga çatia lart. Me fqinjët u përpoqëm të ndihmonim me ujin nga cisternat, ju e dini që këtu është specifike për ujin. Zjarrfikësit kanë mbërritur në kohë, falë tyre, nëse do të vonoheshin pesë minuta, një shtëpi tjetër do të digjej. Nuk pati shpërthim, por u prishën kabllot e rrymës. E gjithë lagjja Koltuk dhe ‘Dva Bresta’ dhe Çarshia e Epërme nuk kanë rrymë”, tha Ivica Gjorgjeski.

Zjarri shpërtheu në një shtëpi në rrugën “Vukashin Simovski”. Nga Njësia Territoriale Zjarrfikëse e Tetovës kanë bërë të ditur se janë dërguar katër makina zjarrfikëse për të intervenuar në këtë zjarr./Telegrafi/

Continue Reading

Lajme

Kovaçevski: Kërkesa për shfuqizim të Qeverisë së Përzhinës, dëshmi se shoqëria është më demokratike

Published

on

Kërkesa për shfuqizim të Qeverisë teknike nga ana e opozitares VMRO-DPMNE, është dëshmia më e madhe se tani jetojmë në një shoqëri demokratike me media të lira, vlerëson kryeministri Dimitar Kovaçevski.

“Nuk ka dëshmi më të madhe nga kjo kërkesë e opozitës për shfuqizim të Qeverisë teknike se kemi shoqëri demokratike, kemi media të lira ku secili ka qasje. Ju, e dini, se më parë, lideri i opozitës nuk kishte mundësi të shfaqej në televizion, kurse tani lideri i opozitës mund që çdo mbrëmje të jetë i pranishëm në çdo televizion nacional”, tha Kovaçevski në intervistë për Radio Televizionin e Maqedonisë.

Ndërkaq, për më 10 shkurt është caktuar seanca ku në rend dite është ndryshimi i Ligjit për qeveri me të cilin parashihet shfuqizim i Qeverisë teknike që del nga Marrëveshja e Përzhinës./TV21/

Continue Reading

Lajme

Ambasadori i BE-së vizitë në Kumanovë, duhet përshpejtuar ndërtimi i deponisë në rajonin lindor

Published

on

Ndërtimi i deponisë rajonale në Shën Nikollë që do t’i shërbejë të rajonit lindor dhe veri-lindor si dhe problemi me ndotjen e ajrit ishin temat kryesore që sot u diskutuan në takimin në Kumanovë mes ambasadorit të BE-së Dejvid Gir dhe kryetarit të Komunës Maksim Dimitrievskit.

“Ky është projekt i realizuar nga një numër më i madh i komunave në rajonin lindor dhe verilindor dhe qëllimi kryesor është mbyllja e deponisë së qytetit “Krasta” dhe ndërtimi i një fabrike të re për përpunimin e mbetjeve në këto dy rajone në territorin e Komunës Shën Nikollë, ku Komuna e Kumanovës është një nga pjesëmarrëset më të mëdha në projekt dhe i gjithi projekti është grant i BE-së”, deklaroi Dimitrievski.

Sipas ambasadorit të BE-së Dejvid Gir, ky është një projekt kompleks, por realizimi i të njëjtit do të përmirësonte menaxhimit e mbetjeve në të gjithë rajonin.

“Është një projekt kompleks, i cili përfshinë shumë faktorë dhe duhet shumë punë, në këtë moment duhet të fillojmë të punojmë më shpejt dhe të përparojmë me realizimin e saj. Natyrisht folëm për aspekte të ndryshme si ta bëjmë qytetin ekologjikisht të pastër dhe përmirësojmë mjedisin. Ajri i pastër është thelbësor, ne jetojmë këtu çdo ditë, ne thithim atë ajër dhe jemi të lumtur që mund të flasim për të gjitha mënyrat për të cilat BE mund të ndihmojë”, deklaroi Gir.

Gir siguroi për mbështetjen e vazhdueshme ndaj Kumanovës, e në veçanti të të rinjve. E kryetari Dimitrievski sqaroi se deri më tani kanë realizuar disa projekte me ndihmën e BE të cilat kanë rezultuar të suksesshme, ndërsa ka kuadro dhe potencial për realizimin të edhe më shumë projekteve. Ndryshe Kumanovës shumë herë është radhitur ndër qytet më të ndotura në vend, ndërsa problem serioz mbeten deponitë.

Continue Reading

Aktuale