Connect with us

Lajme

Avokati nga Kumanova: Flamurin na e ka ndaluar Ali Ahmeti me ligj

Published

on

Avokati i njohur nga Kumanova, Besnik Sulejmani ka lëshuar në rrjetet sociale një sërë akuzash ndaj partise shqiptare në pushtet, ne lidhje me ngjarjet e fundit në Kumanove, ku u injorua flamuri shqiptar. Sipas Sulejmanit, duke u thirrur në ligjin e votuar në vitin 2011, ndalohet përdorimi i flamurit kombëtar shqiptar në Kumanovë dhe komunat tjera ku shqiptarët nuk janë shumicë, përcjell in7.

“Të ndaluar përdorimin e flamurit para institucioneve lokale në Kumanovë e kemi nga Ali Ahmeti, dhuratë e sjellur me ligj në vitin 2011 e shpallur në Gazetën Zyrtare numër 100/2011 të datës 25.07.2011, në kundërshtim me Marrëveshjen Kornizë të Ohrit” – shkruan avokati Sulejmani.

Ai sugjeron gazetarët që të pyesin krerët e BDI-së me në krye Ali Ahmetin, Nevzat Bejtën, Bujar Osmanin e Artan Grubin për këtë çeshtje, sepse sipas tij, këta të fundit duhet të përgjigjen dhe te japin llogari për këtë padrejtësi.

“Ata duhet të përgjigjen dhe të japin llogari, pse e tradhëtuan Kumanovën dhe e kanë mundësinë ta korrigjojnë këtë gabim të pafalshëm. Bazë kushtetuese ka, vetëm duhet të korrigjohet një padrejtësi” – ka shkruar avokati Sulejmani, përcjell in7.

Në Ligjin për përdorimin e flamujve të sjellë në vitin 2011, nuk u mor për bazë 20 përqindëshi siç përdoret për përdorimin e gjuhëve. Sipas këtij ligji, krahas flamurit shtetëror, në institucionet e pushtetit lokal mund te valojë edhe flamur i përkatësisë tjetër etnike e cila përbën shumicën prej 50 përqind + 1 person. Gjithashtu, flamuri i etnisë tjetër që përdoret krahë atij shtetëror, duhet te ketë përmasa më te vogla apo te paktën 30 përqind më i vogël se flamuri shtetëror. Më këtë ligj, në Kumanovë nuk mund të përdoret zyrtarisht flamuri kombëtar, ndërsa pak kilometra më tej, në Likovë mundet.

Përndryshe gjatë festës se përvjetorit të Komunës së Kumanovës, para objektit te kësaj komune valonin krahë flamurit shtetëror edhe flamujt e Sërbisë, Malit të Zi, Turqisë dhe Rumanisë, ndërsa ai shqiptar nuk ishte askund. Kjo qe shkak për reagim të opozitës në Kumanovë, ndërsa gjate ditës së djeshme, një grup qytetarësh shqiptarë nga ky qytet protestuan para objektit të komunës./in7.tv/

Continue Reading

Kosovë

Kapet duke kaluar ilegalisht kufirin Kosovë-Maqedoni, i gjinden në trup rreth dy kilogram drogë

Published

on

Policia e Kosovës njofton se pasditen e sotme në vendkalimin kufitar mes Kosovës dhe Maqedonisë së Veriut është kapur një person i cili ka tentuar të kalojë ilegalisht kufirin. Gjatë kontrolleve tek i njëjti person, policia ka gjetur substanca të cilat dyshohet se kanë përmbajtje narkotike.

“Me datë 25.01.2022 rreth orës 18:45, Policia Kufitare e Kosovës, drejtoria rajonale-Lindje, konkretisht Njësia patrulluese (Stacioni Policor për Mbikëqyrje të Kufirit-SPMK) Hani Elezit, gjatë realizimit të detyrave dhe vëzhgimit për menaxhim dhe kontroll efikas kufitar, në rrugën Ekzodi99 në Han të Elezit në zonën kufitare në mes të Maqedonisë Veriore dhe Republikës së Kosovës kanë ndaluar një person duke tentuar ta kaloj ilegalisht kufirin nga RKS në R. e Maqedonisë së Veriut”, thuhet në njoftimin e Policisë së Kosovës.

“Gjate legjitimimit dhe kontrollit trupor të personit në pallto iu janë gjet edhe katër (4) paketime të mbështjella me rreth dy (2) kilogram substancë të dyshuar narkotike (që sipas të dyshuarit është drogë e llojit Heroinë)”, thuhet në njoftim.

Continue Reading

Lajme

Identifikohet autori që vendosi eksploziv në shtëpinë e Armand Dukës (Emri)

Published

on

Një ngjarje e rëndë tronditi mbrëmjen e kaluar Durrësin, por jo vetëm.

Një person vendosi eksploziv në banesën e kreut të FSHF Armando Duka.

Kanë kaluar rreth 24 orë nga ngjarja dhe policia thotë se ka identifikuar autorin.

Bëhet me dije për NOa.al se ai është Arlen Hasanaj, banor i lagjes 4 të Durrësit.

Deri më tani konfirmohet se Hasanaj është person pa precedent penal. Sipas informacioneve të siguruara Arlen Hasanaj është një sipërmarrës në qytetin bregdetar, teksa ende nuk dihen marrëdhëniet dhe konfliktet e tij me Dukën. Priten detaje të reja rreth ngjarjes dhe personit të ndaluar.

Continue Reading

Lajme

Nikollovski: Maqedonia me korrupsion është në të njëjtin nivel si Kolumbia dhe Etiopia

Published

on

Nënkryetari i VMRO-DPMNE-së, Aleksandar Nikollovski u shpreh se sipas raportit të sotshëm për korrupsion, Maqedonia për nga korrupsioni është pas Kosovës, Kolumbisë, Etiopisë, Surinamit, Vietnamit dhe Markut.

“Me nivel të tillë të korrupsionit, cili person normal do t’u japë fillim të bisedimeve me BE-në, ku vendet anëtare janë në 30 vendet e para”, tha Nikollovski.

Sipas tij, problemi me mosnisjen e bisedimeve është pikërisht se shteti nuk është i rregulluar.

“nukka sistem funksional të sundimit të së drejtës, nuk ka luftim kundër korrupsionit, ekonomikisht nuk rritemi dhe nuk ka investime të huaja dhe as që stimulohen kompanitë vendore”, tha Nikollovski.

Ai theksoi se nëse vendet anëtare të BE-së janë të bindura se Maqedonia meriton të jetë pjesë e BE-së, menjëherë do të ndikojnë ndaj Sofjes, por për shkak të korrupsioni një gjë e tillë, sipas Nikollovskit, nuk ndodh.

Continue Reading

Aktuale