Connect with us

Teknologji

Audi S8 e re arrin shpejtësinë 100 km/orë për 3,57 sekonda (VIDEO)

Published

on

Kanë kaluar gati 3 vjet që kur u promovua A8-ta i ri dhe ne kemi pritur kaq gjatë për S8-en.

Tani është këtu dhe është e mrekullueshme. Auditography shkuan në Barcelona të Spanjës për konferencën e shtypit dhe këtu janë pamjet dhe detajet e bishës së re luksoze me benzinë V8 TwinTurbo.

Continue Reading

Teknologji

Dalin detajet e reja rreth telefonit të ri nga Opp

Published

on

Detajet rreth telefonit inteligjent të ardhshëm të Opp po vijnë ngadalë dhe burimet pohojnë se do të quhet Find X5 Pro.

Telefoni i ri thuhet se do të ketë një dizajn të ngjashëm me Find X3 Pro të vitit të kaluar, dhe specifikimet përputhen kryesisht me ato të OnePlus 10 Pro të ri dhe i cili tashmë është i disponueshëm në Kinë.

Find X3 Pro ka mbërritur edhe në tregun evropian dhe është dëshmuar të jetë një nga telefonat celularë më të mirë në vitin 2021.

Në internet janë shfaqur lajme dhe foto që zbulojnë pamjen e pajisjes në të bardhë me etiketën Hasselblad, ashtu siç është rasti me telefonit inteligjent të fundit të OnePlus.

Janë zbuluar gjithashtu disa specifika, duke përfshirë procesorin Snapdragon 8 Gen 1 të Qualcomm, i cili gjithashtu është te OnePlus 10 Pro, si dhe çipin e ri MariSilicon X të Opp, i cili përdoret për përpunimin e fotografive.

Pajisja pritet të mundësohet nga një bateri 5000 mAh me mbështetje për karikim me tela 80W dhe 50W me valë.

Dy telefonat e mëparshëm Oppo Find X u prezantuan në mars, kështu që mund të ndodh që edhe ky të prezantohet në mars.

Continue Reading

Teknologji

Të ardhurat astronomike, ja sa para bëri Netflix në 2021

Published

on

Në dy vitet e fundit, pandemia e koronavirusit e kombinuar me shumë muaj karantinë ka bërë që miliona njerëz në mbarë botën të shikojnë seriale apo filma përmes një platforme transmetimi. Sigurisht, Netflix ishte ajo që mundi konkurrencën duke u kthyer në një gjigant global.

Në vitin 2021, abonentët e Netflix kaluan 214 milionë, ku Squid Game ishte “përgjegjës” për një përqindje të madhe të rritjes.

Në të njëjtën kohë, të ardhurat e platformës gjatë vitit të kaluar, sipas vlerësimeve, arritën afër 29 miliardë dollarë, një rritje prej të paktën katër miliardë dollarësh krahasuar me të ardhurat e vitit 2020 (24.9 miliardë dollarë). Kjo kthesë drejt platformave të transmetimit ka ndihmuar gjithashtu Netflix-in të krijojë prodhime cilësore, të cilat madje synojnë edhe Oscar.

Kompania sot investon shumë më tepër para në prodhimet e saj origjinale, krahasuar me vitet e mëparshme. Kagan Media vlerëson se deri në vitin 2021 Netflix shpenzoi 13.6 miliardë dollarë (pothuajse gjysma e të ardhurave të tij) për përmbajtjen e tij. Me fjalë të tjera, shihet një rritje prej 26% krahasuar me buxhetin e dhënë në vitin 2020, i cili arriti në 10.8 miliardë dollarë.

Sigurisht, e gjithë kjo vjen me një kosto shtesë për abonentët e Netflix. Kjo pasi siç njoftoi kompania në mes të janarit, së shpejti do të ketë rritje të abonimeve (aktualisht në SHBA dhe Kanada) me një deri në dy dollarë, në varësi të paketës.

Continue Reading

Teknologji

Shitet Golf 2-shi që ka të kaluara vetëm 30 mijë km për 30 vjet

Published

on

Golf 2-shi nuk është i popullarizuar vetëm në vendin tonë.Së fundmi, në Gjermani është shitur një Volkswagen Golf II shumë i ruajtur.Ai është prodhuar në vitin 1989 dhe që nga atëherë i ka të kaluara vetëm 30,874 kilometra.

Pronari i këtij Golfi nga qyteti Morlenbach, Gjermani, ka sqaruar se pronari i mëparshëm ka qenë një i moshuar i lindur më 1929 i cili veturën e ka servisuar rregullisht dhe nuk e ka vozitur asnjëherë gjatë dimrit.

Ky Golf 2-sh është shumë i ruajtur dhe ka goma origjinale, nuk ka ndonjë gërvishtje në eksterier e aspak ndryshk.

Po ashtu, edhe interieri është shumë i ruajtur, nuk ka asnjë dëmtimGjithashtu, këtë Golf 2-sh 30-vjeçar e bën më të vlefshëm paketa GL që e ka, ndërsa nën kofano ka motorin benzinë 1.8-litër me kapacitet prej 90 kuajfuqi në kombinim me marshin manual me 5 shpejtësi.

Continue Reading

Aktuale